Part(25)
بعد الفطور رجعو الثلاثه كلهم ينامون وراح عبدالله لمحله وطلعت ندى لجمعة الحريم فبيت الجيران كالعاده كل صبح بس هالمره بدون ارجوان بس بالعاده تسحبها معها اذن الظهر ورجعت ندى عشان تصلي وتطبخ الغدا وهم باقي باحلامهم السعيده الا واحد جالس يلعب بجواله(طبعاً عيال الديره لقوه مرمي بالارض بما انه مافيه شي مهم وجوال دوامه تاركه بالبيت وماخذاه كان ناسيه اصلاً..نرجع) نزل تغريده وقال فيها:
الجمال اللي يقولون في وصف الجمال
زادها الله مع حلاها حلا منطوقها
فيك من عين النداوي و من عنق الغزال
وفيك من لون الخزامى و من زملوقها
.....................................
قفل جواله وابتسم ويجهل سبب ابتسامته وجا بباله امه وضاق صدره وقام يفكر بها وبخواته دخل عليه نايف وانصدم صح يشوف دموع زايد بس نادر هالشي زايد شخصيته قوية وكتوم اول ماشاف نايف ابتسم ولا مسح دموعه لانه اعز ناسه وراضي يبكي عنده صح مايحب بس لما تكون الدمعه تنزل بدون اذن هنا مايقدر يقول شي قرب لمه وحضنه وعرف انه يبكي عشان امه لانها تهتم فيه بشكل كبييير غير عن الكل هل عشانه الولد الكبير؟ طنش وما اهتم جلسوا يسولفون على مايجي ابو نايف ويتغدون وكان بباله كيف بيعيش هنا ولا يبي يضايقهم ولا يقدر يطلع او يسوق دخل ابو نايف وجابوا الغدا وتغدو...
Part(26)
صحت ارجوان وهي طفشانه دخلت قروب البنات وجلست تسولف معهم واتفقو يجتمعون العصريه عند ارجوان وقامت بدت تتجهز لانهم جايين ووقفت عند الباب تنادي اخوها يجيب لها اغراض من البقاله مارح تطلع وفيه زايد بالبيت حتى لو كانت ماتتغطى بس هي محجبه اخد نايف منها الي تبي وطلع مستعجل عشان مايخلي زايد لحاله ويطفش طلع يركض فتح الباب بسرعه وركض وخبط بوحده وطاحت الصينيه حقت الحلا وارتاع منها ومن وين جت..غزيل: ماتشوف انت!!! اعمى!! ارتبك مو من عوايده يكلم بنات: والله والله اسففف ما انتبهت .. شافت غزيل ارتباكه ورحمته عطته نظره ونزلت عالارض تجمع القزاز وقالها نايف: لا لا لاااا اتركيههه ادخلي انتِ جواا خلاص انا اجمعه لاتجرحين يدك ماهتمت وقالت : عادي مابيصير شي ..ونزل نايف عالارض وسحب الكومه وقال بحده خفيفه: ادخلي! سكتت غزيل وقامت دخلت البيت سلمت على زايد من بعيد وراحت للمجلس عند ارجوان اما نايف جلس يجمع وراح بعيد يذبهم (يكبهم) اجتمعو البنات وبدوا يسولفون وارجوان انتبهت ان نايف تأخر يعني شفيه وانتبهو لها انها مهب معهم سلطانه: شبلاتس يا ارجوان صاير لتس شي؟ انتبهت لهم ارجوان وقالت بنبرة حيره: لا لا مافي شي بس نايف اخوي تأخر مرسلته للبقاله ولا بعد جا لايكون صارله شي...؟
تذكرت غزيل ونطت: هذا اخوك؟؟؟ والتفتو كلهم عليها وكملت : اليوم خبطت به وطاحت صينية الحلا وانكسرت وخلاني ادخل وهو الي ضفهم من الخد(الارض) كلهم بدو يضحكون وقالت نوره شكلها البدايه بسس واضحة طارت عيونها ارجوان ماتوقعت عندهم هالسوالف وعصبت غزيل : خيررر بجلدتس انتِ اسكتي مافي بدايات ترا صينيه صينيه!...
