البــارت 39
بعد ما رجعو البنات من احلا يوم كل وحده اتجهت لغرفتها ونامو
في صباح يوم جديد
الجدة نوف : يا بنات قومو يلا عاد وراكم اشياء كثيره بتسوونها
ام الواليد : يلاا انتم مو بتساعدون هيا وتشترون لكم اغراض بعد؟
مها : معليكم انتم روحو كملو اشغالكم وانا بقومهم
هيا : تكفين قوميهم لاننا بنروح للسوق الحين
مها بصراخ : بناتتتت يلاااا ورانا اشغال
وراحت قفلت المكيف وشغلت النور
هناي : تكفين صوتكك خلاص بنقوم
ابرار : يا الله صباح خير وش هالازعاج
مها : بنروح بنقضي الاغراض يلا
رودين : طيب ترا بدري الحين
مها : ماراح نخلص ترا ورانا لستى اطول منك
رودين : يلا يلا قمنا
وكل وحده فيهم بدت تتجهز عشان بيروحون للسوق وبعد ما خلصو
هيا : والله البلشه محد بيودينا
رودين فتحت جوالها وارسلت لهتان
رودين : هتان ورع وينك ؟
هتان : في المجلس وش تبغين
رودين : معاك سياره ؟
هتان : يب سياره سلطان ليش
رودين : اجل خذها وودنا للسوق
هتان : طيب
عند هتان وسلطان
هتان : يا ولد ابي سيارتك بودي البنات للسوق
سلطان : ومين بيروح معاهم ان شاء الله
هتان : ترا محد بياكلهم
سلطان : خلاص انا باخذ سياره مشعل وينقسمون نص معك ونص معي تمام؟
هتان : تم
وراح وكلم رودين
عند البنات بديره
لينا : ياربي وش هالطفش روتينا ينعاد ينعاد كل يوم ياربي متى بنفتك
اسيل : يوهه تلقين رودين وإلين يتجهزون لعرس ولد خالهم اصلا عادي مين زعلان
رنيم بتلطيف جو : شرايكم نكشت بكره ورا البيت ونسوي كوكيز وحركات ؟
لين : تم انا معك
رنيم : وربي محزم كفو وش قلتو انتو ؟
اسيل ولينا : معكم
رنيم : جويي واجوائي
عند الجدة لطيفه والجد حمد
صالح : دقيت عليه وقال انه وصل
الجد حمد قام وهو فل عصبيه بس يحاول يمسك نفسه
فيصل نزل من السياره ودخل للمجلس
فيصل : السلام عليكم
الجد حمد : ليتني ما اعرفك يا ملعون الوالدين
وهنا مسك فيصل ويضرب فيه ضرب مو صاحي وكلهم كانو مصنمين ولا واحد فيهم قدر ينطق حرف
البنات بالغرفه الثانيه
العنود وهي خايفه : تكفون يا بنات جدي حمد مدري وش جاه وصار يضرب في فيصل ضرب قوييي
اسيل : هدي هدي اكيد هو مسوي غلط ماراح يضربه كذا
مزنه من وراء الباب : ايي مسوي غلط يكذب على رودين خله يستاهل
العنود لفت وبأستغراب : مفروض تكونين مع اخوك مو مع الحيوانه ذيك
قامت رنيم وهي تبغاها من الله عشان تتهاوش معاها: هيهه حدك محد حيوان الا انتي واخوك انطمي ولا حرف لا اذلفك من الباب ذا فاهمه
لين : ورب المصحف لو انا بدال جدي حمد كان هبدتك معاه
مزنه وهي ماسكه نفسها : ترا فيصل من تحت لتحت وانا اخته واعرف كل شي
نرجع عند البنات وتجهيزاتهم للعرس
هتان : بدري كان جبت لكم مخده وبطانيه
رودين : حلوه بس لا تعيدها
هتان بضحك : عاد ترا حتى احنا مشغولين استعجلو
رودين : يلا اصبر بيجون الحين
طبعاً رودين وإلين ومها وابرار وهيا وام الواليد مع هتان
وهناي وريف والجدة نوف مع سلطان
وهنا تحركو لاول وجهتهم عشان يختارون الكوشه وطاوله الاستقبال ونزلو وبدو كل وحده تشوف يلي تبغاه هيا
رودين : هيا تبغين شي بسيط صح
هيا : ايي واهم شي يكون الورد ابيض وموف
رودين : خذي المرايه واكتبو اساميكم بالانجليزي وربي بيطلع فخم
هيا : اصلا ذي فكرتي من زمان يلا نروح نشوف
رودين : لو سمحت
الكاشير : هلا
رودين : الحين طاوله الاستقبال تجي مع الصحون ولا لا
الكاشير : انتم تبغون اي وحده
بشرح لكم شكلها
هي طاوله مو مره واو كلهه محاطه بمرايات ومعاها صحون للحلا الصحون بعد فيها مرايات
رودين : طيب لو سمحت نبي معاها ورد ابيض وموف
وهيا ورته الورد يلي هي تبيه ولونه عشان يكون متناسق مع الكوشه
إلين: والله ان ذوق هيونه يفتح النفسسس
ابرار : هيهه الكوشه عاد علي
هيا : اقول طيري بس الكوشه اخترتها من زمان بس بروح اشوفها
رودين : وي كيف اخترتيها من زمان
هيا : عندي حسابهم بالانستا عشان كذا شفتها وعجبتني
إلين بضحك : وربي خطيره
وهنا تم حجز طاولات الاستقبال والكنب والطاولات حق الضيوف
رودين : الحمدالله خلصنا من ذا باقي لنا الكوشه وتوزيعات والحلا
هيا : توزيعات انا طلبتها امس وخلصت وساعدتني مها
ومها بعالمم ثانييي
رودين : مهاوي
مها وهي مو مركزه : هلا وشو
رودين : هيهه وش تسوين انتي
مها : طلبت فستان و جحفلتني
وهنا البنات فطسو ضحك
ابرار : معليك هناي عندها محل بتلقين احلا من هالفستان واكثر بعد
مها بحلطمه : بس انا حبيت الفستان ذا
ام الواليد : انتم بتخلونا نخلص ولا ؟
رودين : يلا يلا
إلين : التوزيعات متى بتجي
هيا : قبل العرس بيوم
رودين : حلووووو
انتهى البارتتت ..
YOU ARE READING
حب دار من حب اهلها ويازين ديار لو جمعتنا
Randomروايه سعوديه تدور احداثه مع عائله سعوديه تعيش بالخارج وبعد ٨ سنوات يرجعون للسعوديه وتحديداً ديرتهم ويشوفون ان عاداتهم وتقاليدهم متغيره وللاسف ان العايله يلي هم فيها متشددين لابعد درجه الا ابوهم وتصير معاهم احداث بسبب اختلاف الثقافات..
