حوريتي//my nymph

part 2

#حور

مرت الايام من لقائي بهذا الشاب ومرات من اصفن اتذكره واتذكر كلامه ومن اطلع من الامتحان وتجيني البجية اروح اشرب عصير لان من ذيج اللحظة من نطانياه صرت احب اشربه ورة الامتحان احسه يريحني المهم تعرفت على بنت اخوه وطلعت بنية كلشششش حبابة اسمها سمر ويعني هيج تشاركني نفس الاهتمامات تقريبا يعني ترسم وهيج اي ونسيت اكول اني رسامة وهاي هوايتي من الصغر من جنت اضوج اطلع كل ضوجتي بالرسم بحيث تطلع الرسمة حلوة وتروح كل ضوجتي المهم خلي اكوم ابدل كبل ميضيع علية الوقت اليوم محظرة قميص بيجي وبنطرون جوزي وايد ليك وسترة جوزية وبوت بيجي طبعا بابا موجود فاليوم هو اللي راح يودينا نزلت لكيت ماما دتسوي ريوك وبابا كاعد عالكرسي مال ميز الطعام ولابس نظارة وديقرة كتاب طالع صاك فديته

حور:صباح الخير ماما

حنان:صباح النور شعجب اليوم من وكت

حور:انة يومية من وكت بس انت ظالمتني

حنان:ايباخخخ وصوتي اللي ينبح كل يومية بسببج انتِ واخوج

حور:اياببة حنونة اليوم محظرة كل الحاجات

حنان:شوفهم ياسر شلون تفرعنوا علية من انت ماكو

ياسر:عيب بابا هيج تحجين وية امج

حور:حبيب كلبي مو تدلل

حنان:اي اي ظلي تتلوكين الابوج

رحت على بابا حظنته من ورة وبسته على خده وقربت خدي على حلكه وخليته يبوسني
نزل حمودي وشاف هذا المنظر وكال

احمد:ها ها شنو هاي الخيانة

انة عيبت الحمودي وبابا كام يضحك فهو حمودي راح على ماما وحظنها وكال

احمد:لا عيني عبالكم اضوج اني اميرتي موجودة هياتها

وظل يبوس بماما وماما تعيط عليه تريدها يفكها واني وبابا نضحك على منظرهم
بعدين اكلنا وبابا كام طلع السيارة و ودة حمودي للمدرسة و رد وداني للكلية
نزلت من السيارة وانة ضايجة كل بداية دوام اعنفص ومافكها بحد منطلع واليوم عدنا محاظرات بالمستشفى يعني انسحلت هو شنو الجديد اني كل يوم انسحل انة واصلة كلش من وكت فكعدت شوية وحدي بعدين جتي علية سمر بت اخو هذا الشاب اللي ماعرف اسمه واستحي اسئلها عليه

سمر:هلوووو صباح الخير

حور:صباح النور شلونج

سمر:الحمدلله وانت

ومن هاي السوالف جان تكول

سمر:اليوم سحلت عمي وياية لان اريد اطلع صارلي كومة مطالعة وبابا ابد ميطلعنا

هنا اني كلبي كام يدك سريععع احس متلهفة بس ماعرف على شنو كلتلها

حور:هاا يعني جاي وياج للكلية