بقلمي#اسراء_السعدي
حسابي انستگرام: aass_736
باس ايدي واني كتفيت بالابتسامه ودخلت خدروني وهمه يحجون فوك راسي واني ما افهم شويه شويه كامت تثكل عيوني ورحت بعالم ثاني اني بحديقه بس ثيل بالكاع مابيه ورد ولا اشجار وشفت امي من بعيد رحت ركض عليه وكل ما اكول وصلت الطريق يصير طويل اكثر بعدين وصلت يمه وحضنته قوييي وهيه بعدتني عنه وتلمست خدي
همس: ماما اخاف لا تعوفيني
ام همس: لا تخافين ماما اني ادعيلج واهل البيت واگفين وياج لا تخافين
فجأه اجه بابا يمشي وسحبني من أيدي ومشاني ويا
زيد
دخلو همس للعمليه واني بقيت ويه علي انتضر بره وهاي اول مره اخاف اخسر شخص بقيت انتضره بس طولت العمليه
بقيت اردد ايات بگلبي وادعيله
بعد مده طلع الدكتور بقه يحجي ويه علي
علي: Wie geht es dem Patienten, Doktor?
الدكتور: Die Operation war einigermaßen erfolgreich, wir warten auf die Genesung der Patientin, um Tests durchführen zu können, die ihre Gesundheit und Genesung von der Krankheit sicherstellen.
علي: Können wir sie sehen?
دكتور: Sie wird in ihr eigenes Zimmer gebracht und dort können Sie sie sehen
علي: danke Doktor
راح الدكتور واني ما كدرت افهم علي شنو يحجي لان الماني مو انكليزي
زيد: هاا شنو گال
علي: يگوال العمليه شبه نجحت
زيد: شنو شبه نجحت يعني شنو
علي: يعني بعد ينتضروه تصحه ويجرون فحوصات ويشوفون
حطيت ايدي ع راسي وكعدت
زيد: شوكت تصحه
علي: شويه وتصحه
زيد: يصير اشوفه
علي: سألته بس يطلعوه من غرفه العمليات تكدر تشوفه
سكتت ما حجيت شي شويه وطلعوه من غرفه العمليات الغرفه خاصه
همس
سحبني بابا من ايدي ومشاني ويا فجأه صار جاسر بوجهي ختلت بظهر بابا وحطيت راسي بجتفه واصيح
همس: راح يگتلني لا تخلي يگتلني
زيد
صحت وهيه تهلوس وتهذي بكلمات وتحاول صيح بصوت عالي
همس: لااا تخلي يگتلنييي
لزمت ايديه وهمست يم اذنه
زيد: لا تخافين حبيبتي اني يمج
شويه وكامت تهمس بأسمي واني لازم ايده وفرحان كاعده تلفض اسمي وهيه مو بوعيه
مرت 10 دقايق وستعادت وعيه الكامل
همس
من شفت جاسر بقيت اصرخ بالحلم بس احس صوتي ما يطلع ومخنوك ستمريت اصرخ سمعت صوت زيد بس بعيد بقيت اصيح علي وفجأه فتحت عيوني وشفت زيد فوك راسي واكف حسيت بألم بس شويه خفيف وعطشانه بس مو هواي
زيد: الحمد الله ع سلامه همستي
همس: الله يسلمك
زيد: يابه خوفتيني عليج
بتسمت لان بديت احس بألم يضاعف
زيد: اخخ بويه اريد احضنج بس ما اكدر الاجهزه بس يله صيري زينه واشبع حضونه
همس: حضونه هاي شنو منين جبته
زيد: شبيج جمع حضن ما تعرفين باللغه العربيه المهم شتحسين
همس: راسي يوجعني
زيد: هسه اصيح الدكتور
