💗 နှလုံးသားမှာ အချစ်ရှိသည် 💗
Part - 9 ( 9/jan)ဒီနေ့ အရီးနော်မွှေး နဲ့ ရွှေသားတို့ တစ်ဖက်ရွာမှာ အလှူသွားကူကြတာမို့ စောကလယ်တစ်ယောက် လွတ်လပ်ရေးကို အပြည့်အဝ ရနေသည်။ အိမ်မှာ ကာလသားတွေနဲ့ ထန်းရည်ဝိုင်းသောက်နေကြရင်း တခြားလူတွေက ထန်းရည်စိုက် ၊ အမြည်းစိုက်နဲ့ စောကလယ်က ကပ်စေးလေ.....အဲ့တော့ သူက ဖန်ခွက်နဲ့ ကွပ်ပျစ်စိုက်သည်တဲ့လေ။
စောကလယ်က ရွာမှာ လက်ဝှေ့လက်ရည်အကောင်းဆုံးဆိုတော့ တော်ရုံက ယှဥ်မပြောရဲကြဘူး။ အညာမှာလဲ သူတို့မိသားစုရောက်လာတာ ဆရာတော်ကြောင့်။ ဒကာရင်းလဲဖြစ် အမိုးက သိမ်ထပ်ပေးခဲ့တော့ မယ်တော်ဆိုပြီး အနားခေါ်ထားတာ။
အလှူမှာလဲ ရွှေသားနဲ့ အရီးနော်မွှေးက ကူလုပ်ပေးနေပေမယ့် အဲ့ရွာက မခင်သက်နဲ့အရီးက မတည့်ဘူး။ မျက်စောင်းတထိုးထိုး စောင်းတချိတ်ချိတ်နဲ့ ဖြစ်နေကြတာ။
" အလှူလာလုပ်ပေးတာက နည်းနည်း.... ယူပြန်မှာကများများပါအေ။ "
" မြို့သူကို ချွေးမတော်ရတယ်ဆိုပြီး ဘဝင်ကမြင့်ချင်သေး..... ကိုယ့်သား မယားကြောက်ဖြစ်တော့ အရှက်ကိုကွဲရော။ "
ဒီတစ်ခါတော့ ရွှေသားက ဆတ်ခနဲ လှည့်ကြည့်လာသည်။ ဒါ ကျိန်းသေကိုယ့်ကိုပြောနေတာ အသိသာကြီးလေ။
" ဟဲ့ ပါးစပ်မပိတ်တဲ့ ကောင်ညှင်းငါးချိတ်မ.....နင်က ဘာကောင်မလဲ.....ညည်းလာခဲ့စမ်း။ "
အရီးနော်မွှေးက စိတ်ဆတ်တယ်လေ။ ထကြမ်းတော့တာ။ တစ်ဖက်ကနေ မခင်သက်ကလဲ ထလာတာပဲ.....အနားရောက်လာပြီး ပါးစပ်ဟမလို့ပဲ ပြင်သေး အရီးနော်မွှေးက ပါးကိုဖြောင်းခနဲ ရိုက်ချပစ်သည်။
" ဟယ်.....အဖွားကြီး....ငါ့ရွာလာပြီး ငါ့ရိုက်တယ်ပေါ့လေ......။ "
" ငါ့အစ်မကိုများ စောက်အဖွားကြီးက....."
ဘေးကနေ ရှေ့တိုးထွက်လာတဲ့ မခင်သက်ညီမ မခင်မြတ်။ ရွှေသားပုဝါတို့က ထရပ်ပြီး ပါးကိုတီးထုတ်ပစ်တာ ဖြောင်းခနဲကို သွားပါကျွတ်မတတ်။ သူများရွာသွားပြီး တက်ညီလက်ညီ ပွဲသွားကြမ်းနေတဲ့ ယောက္ခမနဲ့ချွေးမပါအေ....။
YOU ARE READING
နှလုံးသားမှာ အချစ်ရှိသည် ( Complete)
Romanceအင်မတန်မှ ကပ်စေးနှဲသည့် ကရင်လေး စောကလယ် နဲ့ မြို့သူစွာတေးလေး ရွှေသားပုဝါ တို့ရဲ့ ဘုဘောက် Funny Romance