فصليه ذياب

بارت 1

انه ذاڪ الـفارش چفـوفه شبـچ
و الدنيــا ريــح...!
ايـدور الليـل بتـراتيل الـتراب

انه ذاك الضـاعن سـنينه
ســــؤال بـــلا جـواب

هلو اني شام بطلتكم ☺️ راح اعرفكم شويه عل نفسي اكثر
اسمي عرفتو ما حاجه بعد اكوله مره ثانيه عمري 17 سنه واني طويله يعني طولي 170 سم واني قمحيه يعني مو حنطاويه افتح منها وعيوني عسليه وشعري اشقر متوسط وطويل كلش يوصل لحجل رجلي تقريباً صلو عل نبي لا تحسدو تره اني احبو لشعر هوااي

واني جسمي ساعه رمليه يعني مخصر ومليان وحلو كلش
وزني 65كيلو

وهاا نسيت اني من الغربيه انباريه الاصل بس اني عايشه ببغداد بسبب شغل ابوي تحولنه لبغداد قبل خمس سنوات

وصارلي خمس سنوات ما داخله الانبار وكلش مشتاقه الها
اني عندي اخ واحد بس  ذيب عمره 13 سنه واني وبابا يشتغل تاجر بالشورجه وماما ربة بيت يعني مو موضفه

واني هم ربه بيت ما ادرس هسه تكولون ليش ما تدرسين وانتي ببغداد ومدري شنو بس اني من عمري 12 سنه بلغت واتممت مرحله البلوغ الجسدي

وبابا يخاف عليه وما خلاني اكمل دراسه بس درست مرحله الابتدائية وتركت الدراسه وراها والصراحه حلمي ارجع الها واكمل دراستي واتخرج بس ... 💔بابا ما يقبل لان طوليه كلش اني

الصراحة ما احب طولي لان حرمني من دراستي ومن صديقاتي ومن مستقبلي بس وش اسوي بديت اتقبل وضعي

وهاا نسيت اكلكم اني مخطوبه 😒
لابن خالي العود لان ما عندي عمام ولا ولد عم فـ ابن خالي شرهان لازمني بس بالكلام يعني مو رسمي كلش

بس مرت خالي ما خلت واحد ما كالتله اني خاطبه شام لابني اني خاطبه شام وبناتها ميتات من عندي لان اني احلى منهن هنه زرك اني شدخلني 

يله هسه عشتو عوفونه منهم شعلينا بيهم هسه روحو اعرفو البطل منو وشنو اسمه بس ادعولي يطلع حلو اقلها احلى من شرهان ابو خشم الاعوج

نروح لبطلنا 👇

*******^_^*******

السلام عليكم عيوني شلونكم اخباركم خلصتو من شام الخبله اوف منها خبله بس احبها كلبي يرف رف عليها هل بنيه شكد احبها ❤️‍🔥

هسه يله نبدي اني اسمي ذياب ابن شيخ ساهر
واني ضابط بالشرطه طويل كلش طولي 195 سم
يعني بعد خمس سانتيمات اصير مترين  واني احب طولي يعني مو مثل شام ما تحب طولها والصراحه ما الومها لان اخذ منها هواي شغلات