♡♡♡~~ နှင်းလေ သုန်ကြူးလာ အို မမေ့ကွယ် လွမ်းရသည်အခါ အဘယ်သို့များ ဆွေးလေရော့အုန်းသလား တပင်မြနန််း ဝေးခဲ့ပြီးသကာ ~~
ဆွေးဆွေးငြိမ့်ငြိမ့် လွမ်းစရာတေးသီချင်းကလေးက ရေဒီယိုမှတဆင့် လွင့်ပျံ့လာခဲ့သည်။စာရွက်ကိုတဖျက်ဖျက်လှမ်းနေသော်ငြှားလည်း သည်စာအုပ်ပေါ်တွင် စိတ်သိပ်မရောက်ပေ။အတွေး ဟုတ်သည်။အတွေး အတွေးတွေက လွင်ကိုစိတ်ဒုက္ခတော်တော်ပေးသည်ပဲ။ ဘာမျှမတွေးခြင်းဘူးကွယ်။ သို့ပေမယ့် ခေါင်းထဲရောက်ရောက်လာသည့်အတွက် လွင်မတွေးဘဲ မနေနိုင်ပြန်ဘူးရယ်။
"မောင်တေဇနောင် လာတယ် လွင် "
ခြံစောင့် ဦးလေးကြီးကအပြေးတစ်ပိုင်းလာ၍ပြောလေသည်။မတွေ့ချင်ဘူး လွင် နောင်ကိုအခုချိန်မတွေ့ချင်ဆုံးပဲ။
" တံခါးမဖွင့်ပေးပါနဲ့ ဦးလေး "
" ဘယ်လိုလုပ်မလဲလွင် မောင်က အထဲတောင်ရောက်နေပြီ "
ကျူးကျူးကျော်ကျော် အိမ်ရှင်တောင်ခွင့်မပြုဘဲ ဝင်လာရဲသည့် နောင် တကယ်ကို ကြောက်စရာပါကလား။
"မောင်တို့ စကားပြောရမှကိုဖြစ်မယ် "
"ဟင်း ဦးလေးသွားလို့ရပါပြီနော် "
" အေးပါကွယ် အေးပါ "
" စာကြည့်ခန်းထဲကို လိုက်ခဲ့ "
စာအုပ်ကို ဧည်ခန်းထဲတွင်ထားခဲ့ပြီ အပေါ်ထပ်ရှိ စာကြည့်ခန်းသို့ တက်လာခဲ့သည်။ အောက်ထပ်တွင်ပြောလို့ရပင့်မယ့် အိမ်ဖော်တွေကြောင့် စကားကို လွှတ်လွှတ်လပ်လပ်ပြော၍ရမည်မထင်သောကြောင့် အပေါ်ထပ်သို့ ခေါ်ရခြင်းဖြစ်သည်။
ကြီးမေအိမ်မှာမရှိသောကြောင့် လွင်တစ်မျိုးစိတ်သက်သာရာရသည်။နို့မို့ဆိုလျှင် ကြီးမေ နောင်ကိုဘာလုပ်မလဲ လွင်မစဥ်းစားတက်ပါ။
စာကြည့်ခန်းထဲရောက်သည်နှင့် တံခါးကို ဂျက်ထိုးလိုက်သည်။
" လွင်ကို တစ်ယောက်တည်းလွှတ်ထားလို့မရဘူးလား ဘာလို့ လွင်ကိုပဲစိတ်ဒုက္ခတွေဝိုင်းပေးနေကြတာလဲ လွင်ပင်ပန်းနေပြီ သိရဲ့လား "
YOU ARE READING
~ကြွေပန်းကိုသာကောက်ပါ...မောင် ~(bl)(complete)
Romance၁၉၇၀ ခုနှစ်က မိန်းမလျာတစ်ယောက်အကြောင်း " လွင်က နှင်းဆီတွေကို မုန်းတယ်တဲ့ ဘာဖြစ်လို့လဲဆိုတော့ နှင်းဆီတွေက လှလို့ မနာလိုဘူးတဲ့လေ " "လွင် မုန်းရင်မောင်ကလည်း သေချာပေါက်နှင်းဆီတွေကိုမုန်းမှာပဲ" ~~ သျှပ်ပန်း ~~