مجموعــة قصــص قصـيـــرة
بقلم✍️: نـسـريـن أبـدونـي📝
اليوم بالضبط قررت بعدمت ثلاث أعوام لي دازو على قصصي القصار
ثلاث سنوات باش نشرتهم وشاركتهم معاكم فغروب مملكة السنفوراات
واليوم ايضااا كتاب نحطهم فالواتباد
كنتمنى من قلبي المزيد من العطاء وكنت...
أول رمضان غيجمعنا معاكم ونتمنى يكون من وراه عدة رمضانات ونبقاو على رفقة وحسن ضن الجميع القصة تتحمل فطياتها كل من #الخداع #الخيانة #الإنتقام #الزواج #شريحة_من_الحياة
هاد القصة غتكون مختالفة على باقي قصصي حيت غتبين واحد الجانب تاع المرأة للي تتصبر وتكافح في الأخير أمر بسيط تينهيها ويضعف أنوتتها وتتبين أن الحب ماشي هو كلشي وأنا بعض المرة كثرة الضغط تتولد الإنفجار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مصير رجل خائن😈 بارت1 بقلم__نسرين أبدوني
فدار العبدي كانت متواجدة في المطبخ مرت العبدي سميتها جويرية عمرها 30 عام مزوجة هادي عشر سنين بتاجر أثواب اسمو أيوب عمرو 39 عام دخل الدار كعادتو تيشم فعطرها دخل الكوزينة وعنقها من اللور وباسها جويرية:أزݣا خنكمل ههه أيوب:حبيبتي اليوم أيجيو دارنا لهنا ضارت عندو وملامحها حزينين حط يدو على خدها بحنية أيوب:مال حبيبتي جورية:نتا عارف ماماك أتبقى تسولني ايمتا أنولد وهادشي ماشي بيدي ربي معطانيش شنو ذنبي أيوب(خطف قبلة من فمها):هاديك حياتنا وماما مديش عليها أنا وياك تاحد ميدخل فينا باتسمات ليه وباستو فعنقو وكأنها علنا استسلامها جرها البيت ومارسو الحب(راكم زعما صيمين هههه 🤣😂 مكيناش السفالة) جويرية حب طفولة أيوب تعرف عليها فاش كانت عندها خمس سنين كانو جرانهم كبرو وكبر حبهم وتزوجو هي تزوجات على عشرين عام وهو تسعود وعشرين طول فترة زواجهم مكتابش ليهم يولدو وأم أيوب تضغط على جويرية وهادشي مخللي جويرية محاملاش هاد السيناريو وصلات العشية وجات عائلتو دخلات مو وختو وصاحبت ختو دخلو الصالة جلسة ضايفاتهم وحطات ليهم كل ما لذ وجا تاهو جلس جنبهم وديك صحيبت ختو مريا أباركة وتحنزز فيه وهادشي لاحضاتو جويرية وتاهو منزلش عينو كانت مريا عاطية العين زوينة وتا فورمتها قطع تأملهم لبعض جويرية للي حطات الصينية بالجهد تا قفزو الأم (رحمة):يشويني فيك بشوية عمالا تشري فيهم درك تهرسيهم جلسات جويرية بلاما تجاوبها تياكلو فصمت تا نطقات برحمة بخبر صعق الجميع من غير ختو جميلة وصحيبتها بالمناسبة جميلة مزوجة هذا عام رحمة:أوليدي شفتي صاحبت ختك مريا راه خطبتها من عند باها ليك أوليدي مرتك مجابتش لك الولاد وقلت أنجيب هادي وتجيبلك الولاد عند أيوب كنت فبيتي تاجات مي جيت عندهم وأنا نشم عطر فشكل لا ماشي تاع مرتي هذا عطر من نوع آخر دخلت سلمت تا تنلمح حورية على شكل انسان ناري حسيت بقلبي اعتاصر كأني فتى مراهق لأول مرة يعشق معرفتش آش هاد الشعور لربما فتنت نسيت راسي وبقيت متبع حركاتها حتى قفزاتني هاد المرا عندي تا نسيتها ولكن الخبر الصادم هو للي فاش عرفت أن ملاكي أتزوج بيا منكرش فرحت معرفتش علاش ومعرفتش ردت فعل جويرية بقيت ساكت تا قالت ماما كلمتها وناضت هي تتبكي البيت نضت تبعتها محاملش نتبعها ولكن ضروري موافقتها لبغيت ملاكي داكشي علاش أنمثل شويا جويرية: كيفاش تزوجيه راه راجلي جميلة(بتشفي):ايوا نتي مجبتيلوش الولاد ومريا تجيبهم ليه رحمة:مكين لاش نتناقشو عطيت كلمتي وولدي أينفدها..... يتبع
