عاشقة الثراء💸مكتملة💸

💸الجزء 75💸

عاشقة الثراء
"البارت 75"
...ليالي نسيم...
                   -أهرب منك إليك-
#طنجة ..
هاد اليومين فاتو على المى بمشقة الأنفس .. طاحت بالسخاانة و كيف كنعرفو الشهوور الحمل عند المراا كتكوون حسااسة بزااف .. و خصووصا الشهور الاولى..فاش عرفات المى انها حاملة .. بدات تتحاول تحافض على صحتها و الحمل ديالها ما امكن .. لكن حتى الصحة النفسية تتلعب دور كبير و هي نفسيتها كانت في الحضيض .. من بدات تتحس بالسخوونة فداتها و حرارتها  عاد ما كاتزيد ترتاافع و تحس براسها ماشي هي هاديك.. حسات براسها وحدانية و ماقاادة تقول احد شنو بيها .. حتى ختهاا ماكاشوفش تا جهتها .. لي اكتشفات الرعشة ديالها هي ثورية .. و فاش قربات ليها و حطات يدها على راسها لقااتها شااعلة بالسخاانة .. كان لازمها تشوف طبيب .. و فاش خبرات مرتضى .. ما اهتمش و لا داها فيها و رفض رفض قاااطع تنو يجيب ليها الطبيب .. و قال لها بالمعنى .."تحمد الله اني كنوكلها و نشربها'' .. هادشي لي خلا ثورية تزييد تنقم علييه و تكرهو .. من ديييما علاقتهم كانت مهزوزة .. خوت ااه لكن ماذي اشقااء .. هي من ام و هوما من ام .. بالحق كيبقاو ولاد راجل واحد ..
فهاد المدة ثورية هي لي تكلفات بالمى تتحاول تخفف عليها .. تدير ليها الكمادات بالخل .. و الثلج لعل و عسى تنزل الحرارة ديها .. و بما انها ماعندهاش دراية بالحوامل بدات تتبحث فالانترنيتو لي زاد خلعها هو داكشي لي قراات على الخطورة ديال السخانة على الحوامل خصوصا فالشهور الاولى اذا ماتلقاوش العلاج المناسب كيقدر الجنين يتصاب بتشوهات  و خصوصا انها وااخة كدير لها الكمادات فالجبين دياالها و مؤخرة الرأس و تعطيها السوائيل و الليمون وااخة كانت تترفضهم لكن تتبززهم عليها بااش تنزل الحرارة .. لي كانت غا مكاتزيد نهار على نهار ..
عزاات على توورية و حساات برااسها كاتغلط اكبر غلط اذا خلاتهم فديك لاكاف محبوسين ..  خصوصا ان توليب تا هي حالتها النفسية بدات تتغير كاتنعس بالبكاا ووتفييق بالبكا و ما على لساانها غير ماي هيرو .. اما خولة خلاص شاادة قنت و جالسة فيه مكادوي مكاتكلم غير تتبكي وقت و تشوف فحالة المى لي بقات فيها و تتخليها تال تغفى عاد تمشي تقس جبهتها واش تزلات منها الحرارة و لا لا ..حالة كل وحدة فيهم كانت كااارثية .. و ثوورية شدااتها الغمة و فينما تطلع تريني تتبدا تفكر ليهم فالحل .. لي يقدر يبعدهم على مرتضى و سمير بأقل أضرار .. عارفة راسها اذا هرباتهم  هي لي غاتمشي فيها و ماغاديش يرحمها خوها .. و اذا اتصلات بشي واحد كيعرفووه غاتنووض الحرب و غايكونو اص
ضرار كثييرة .. و هادشي لي ماقدااتش عليه هي خصوصا ان الاب ديالها مريض و ماشي حمل بهدلة .. لكن كي نزلتت عندهم بعد ما سالات السبور ديالها .. و شافت خولة تدير لبها فالكمادات و تبكي .. و عبيير كاتهترف باسم جلال .. ماقدرووش يعطيوها حتى دوااء بسبب الحمل خايفة لا يضرها ولا توقع ليها شي حااجة ..
     - ثورية... واش مزلة طالعة ليها السخانة .. !!
     - خولة .." مسحات وجهها ".. اذااا بقات هكذا .. غاتمووت .. السخاانة عاد ما كاتزيد عليها .. قبيلة بالسيف مشات لطواليط .. و شوية بدات تتهترف و تهضر من السخاانه. .
     - ثورية .." جلسات حداها و حطات ديها على راسها جمعات بيهم شعرها" .. الله يا ربي .. ااش غانديير .. ميمكنش نشووفها تتموت حدايا ..
      - خولة .." بترجي" .. اوا عاونينااا نهربو .. الله يخليك ..
     - ثورية ..اذااا عاونتكم تهربوو غايقتلني ..
     - خولة .." حركات راسها بنفي" .. غايقتلللنا حنااا لا بقيينا .. اما نتي راااك ختوو ميقدرىرش ..
      - ثورية .." ابتسمات بسخرية مريييرة" .. ختوو .. ههه ختو غا بالفم .. خليني سااكتة ..
     - خولة .." ناضت وقفات و شدات فجبهتها" .. و شنو دابا غانخليوها هكذا ..؛! تمووت هناا ..
كيقوول لك لي تلف يشد الأرض .. و داكشي لي دارت تورية .. جلسات تتفكر تا عياات و لقاات لا تهربهم ينفع و لا تبلغ البووليس ينفع حيت مرتضى يعطي الفلووس و يردهم منين جاو .. مالقاات قداامها غير تتصل بجلال و هو يتكلف بييهم و اااذاا بغاااو يقربلووعا مع مرتضى و ينوضوو الحرب مرحباا ..
     -ثورية .." تنهدات و شافت فألمى لي بدات تتحل عويناتها" .. المى .. ختي عندك نمرة تيليفون داك لي سميتو ..اه .. الهيلالي !!
      - المى .." تتشوووف فيها تا رجع عقلها خدم و استوعباات لي هوما فييه" .. جلال .. ها ..
     - ثورية .. اه هذاك .. بغيت نتصل بيه اكيد غايكون باغي يعرف فينكم .. انا نعطيه المكان و هو يتكلف ..
      - المى .. " ناضت تعدلات فالجلسة .." ااه .. اه حافضااها
خذات تورية النمرة من المى و اتصلت بجلال .. لكن لاا مجيييب .. كيبقى يررن .. يرررن حتى يطفى بووحدو ..
خذات تورية النمرة من المى و اتصلت بجلال .. لكن لاا مجيييب .. كيبقى يررن .. يرررن حتى يطفى بووحدو.. فديك الوقييتة جلاال كان تيبدل حواايجو بجهاالة لبس سروال جينز غليض زرق و تيشرت كحلة .. لبس معاهم السبادري لي جات قدامو و هز سلاحو دارو فالضهرو ورااا السمطة و غطاه بالتيشرت كان غايخرج و تفكر بلي نسا تيليفونو يالله هزووو و هو يعااود يصووني مكرهش يضربو مع الحيط .. كان على بالو ساندي لي تتصل من نمرة اخرى حيت هي لي برزطاتو باتصالاتها هاد اليومين كاملين .. خشا التيليفون فجيبو و خرج كيجري للاوطو ديالو ..ركب و اتجه ديريكت للطياارة لقى محسن و علي جمعو الكارد و كلهم ركبو تيتسناوه غير هو يوصل .. لاح السوارت تااالاوطو لمحسن و مد ليه التيليفون جاوب هاد خيتي قول ليها ممساليش .. خذا منو محسن اليتيلفون و جااوب .. كان فبالو سااندي لكن الصدمة خلاتو يبرق عينيه فجلاا ..
     - محسن .. مدام ساندي .. ج..
     - تورية .." قاطعاتو" .. خوويا انا مااشي ساندي .. انا ثورية .. ختو ديال مرتضى .. الله يخليك سمعني تال الأخير ..
    - جلال .. ااش تم ..!!؟ مالك مبلوكي ..
     - محسن .." مد ليه التيليفون .." .. ثال لك ختو ديال مرتضى ..
     - جلال .." طير منو تيليفون بالخف ..و جاوبها" .. الووو ..
     - ثورية .. شكون معاايا وااش جلال الهيلالي ..
     - جلال ..هووو جلال الزززمر .. شكون نتي !!
       - ثورية .. شوف اخويا .. سمعني للأخير عافاك بلا ماتعصب .. انا اخت مرتضى .. فالحقيقة من الصبااح و انا تنحااول نتصل بييك .. بغيت نقوول ليك المكان ديال البنات .. و ماكاتجاوبنيش ..
     - جلال .. فيييين الز"**** فييين داااهم فيييين .. بربيييي مانعقل على القوااااويييد ..
      -ثورية..."قاطعاتو" .. داباا بلااا ماتكثر من هاد الهضرة دابا .. انا تصلت بييك بااش نعااونكم .. غانعطييك العنواان ديالناا فين كينين دابا و يااريت تجي بزربة .. لكن عندي شرط ..
     - جلال .." عض على شفتوو حتى سال منها الدم " .. دويي .. ..
     - ثورية ..انا غلنعاونكم حيت ماراضياااش على فعايل مرتضى .. ولكن فالمقاابل نتا هاتوااعندي و تعطيني كلمة ماتقربش ليا لا انا و لا بابا و ماتقوولش لمرتضى بلي انااا لي دليتك على طريييقهم ..
     - جلال .." بصوووت خشن .." .. كلمه الرجال .. و جلال اذاا عطااك كلمتووو ماعندك مناش تخافي ..
     - ثورية .." تنفسات بارتياح" .. واخة انا غانصيفط ليك اللوكيشن دابا ..
قطع معاها و تسنى حتى صيفطات لو اللوكيشن ديال المكان فين كينين و نقز ركب فالطيارة تبعوووهةالدراري تا هوما و كااانت الوجهة ديالهم طنجة .............~~
   في اقل من ساعة وصلو لطنجة .. كي وقفات الطيارة طار جلال و معاه على و محسن .. لقاو الاوطو موجدة ليهم و الثانية للي كارد لي معاهم .. و الباقي مع لي كارد الثانيين لي لقاوهم تيتسناو .. برمج GPS  في اتجاه الفيلا ديال مرتضى .. هادشي كاامل و مرتضى ناايم فالعسل .. عن عند بالو تغلب على جلال و قدر ينتقم منو .. مافخباروش ان ختو ثورية غدرات بيه .. كيقوول ليك كما تدين تدان .. كيف ما خلى المى تخوون جلال .. جات ختو و غدرات بيه .. وقفو السيارات بعيد على الفيلا و ترجل منها جلال بلا ميسد الباب و لا يتسنا تا حد فيهم .. جبد سلاحو و تم غادي قاصد الفيلا .. عرفووه كيزرب و تعودو على رد فعلو المتهور مؤخرا و الخطوة لي كان تيحسب ليها الف حساب من قبل دابا ولا دبا غير لي قال ليه مخو يديرها بلا ميفكر .. ..
    تقدمو لي كارد من الفيلا رافعين سلاحهم .. واحد فيهم دار راسو غايسول و وقف على السيكيريتي من البيت ديالو ..غفلو عطاه للراس بضهر المسدس و عطا الاشاارة للبقية .. كي دخلو هجمو عليهم زوج من لي كارد تاع مرتضى .. تكلفو بيهم لي كارد كل واحد شدوه عطوه قتلة تالعصااا حتى خلاوهمملبووحين فالأرض و خواو الطريق لجلال و العلي اما مرتضى مشى هاز سلاحو تيتسحب لجوانب الفيلا ياك ما فيهم شي حد .. و فهاد اللحضة دخل جلال صاااعر للفيلا كيقلب ولي جات قداااامو كيدگدگها .. ديك الفيلا رووونها سفااها على على علاااها ..رووونها ..بمعنى الكلمة و صووتو تيتسمع كيف زئييير الأسد ....لكن فالوقيته لي كانو لي كاارد تيضااربو مع السيكيريتي ديال اليفلا نزل مرتضى و سمير لاكااف هوما و لي كارد ديالهم  و كان مصعوووق و مصدووم حيت ماتوقعش من جلال انو غايوصل ليه بديك السرعة ...
      - جلال .." وقف تينهج و حاط يديه على خصرو" .. فيييين دييييلموووو فييييينو .. فييين ولد القحلة .. كاااتفلاااا عليييا ..بنت الكااااالب ..
      - علي .. منضنش تكون تتفلا .. راك شفتي باهم الفوق مع الممرضة .. منضنش. .
     - جلال .."ضار حمر فبه" .. و فييينهم ..تاااا دوي معاياااا جاااوبني فيييين القلااااوييييييي ..
     - محسن .." كان غادي و كيفتش على شي بابا ثاني .. حتى حس بشي حاجة تحت رجليه .. ضرب عليها .. نزل عبنيه تحت و هو يشوف مكعب خشبي مغاير على الارضية بشوية .. و فيه حديدة من الفوق .. " ..اش هادشي ..
مشات عندو جلال دفتو بيديه و هز الحديدة لي كانت عبارة عن قفل على شكل حديدة كبيرة .. خرجها و نزلات ديك الخشبة للتحت و ضهرو ليه الدروج قدامو .. مزل فيساه من الدروووج ..لي ماكانووش هوما الباب لي تيدخل منو مرتضى .. حيت كان باب سري تا هو و ماقاوش ليه الطريف بالحق كيبقول المثل .. لي عندو باب واحد الله يسدو علييه .. شعل علي البيل ديال التيليفون حتى وصلو للباب ديال لا كاف التحتاني لي كان خشبي .. يالله كان مرتضى غايدخل للبيت لي حابس فيه البنات و هو يتسمع صوت رصاصة لي هرسات القفل ديال اباب ..