🔥قصة قصيرة: متاهة القلوب🔥
♊لبارت 13♊من جزء المكتاب مامنو هروب♊
يكون غريب استولى على المجلس و توتر مفجع حتل على مشاعر صدام خاف على رجولتو خاف يترفض قدام مو و ختو ....حنى راسو بخذلان وشك رفضها بدا يتحول ليقين
«قــــــابــــــلـــــة ابـــــــابـــــــا»
كلمة ريحات مسامع الحضور و لاكين بنسبة للي ناطقة بيها فكانت كلمة خرجات بدون وعي منها ..قصدات فقد انها تزيح الجو لي توتر و كتائب لي حتل على المكان ...ماستوعباتش الامر حتى سمعات قهقهات باها ...حطات يديها على شفايفها الخلعة لعباات عليها هزات عيونها تاتناضر ضحكاتهم العالية وفرحتهم بموافقتها و سؤال لوحيد اي تطرح فبالها فديك لحضة هو ....
٭فـيــــن غــــايـــوصـــل هـــادشـــي٭
كلام يجي و كلام يمشي ومر الوقت ضيافة و تغداو وبقاو هكاك گالسين حاولو ينساجمو مع بعض ودواو فمصاريف لعرس و تركاب لخواتم و لخدامي ولعيالات تافقو على شحال يعرضو و فين يكون العرس وعلامن الحلوة و علامن طيافر منين يجيبو لكيسان و منين يجيبو طباسلوطوس لموهيم تناقشو على كلشي باش مايوليوش فالمشاكيل لبارح
#تــــســــريــــــــــــع لـــلا حــــــــــــــدات🔥
بعد ايام قليلة تجمعو العائلات على لي قسم الله و ركبو لخواتكم و تافقو بلي لعرس من هنا 15 يوم و قبلو بنهار يديرو لحمام و لحنا و بداو تجهيزات
صدام و سلوى من يوم تعارف لي تقدمو ليها فيه ما تخلوات بصدام قصد انهم يتافقو كانت علاقتها غا ببنتو صافية و لا رجعو لدار كايبقا يستجوب بنتو شنو دارت لك شنو قالت هنا رجال كانو خدامين و صدام فيما كان مخبي شي حصيصة جمعها و ولا تايميزي قرعة العطاشا كل نهار جوج مرات بحالا فصباح يعاون رجال فزرع و فلعشية يعاون لبناية و فليل سباغة بحالا كان تايدخل 200/300 درهم فنهار دابا ولا يصور 500 باغيها وتايحاول تعيش معاه بحال دار باها و فطيمة تسلفات كلشي من طباسل طوس و الكيسان اتاي و كيسان العاصير حتال لگوامل تاع تجاح و برامي تاع سفة و مشات فينما تاتعرف شي حلاوية دفعات ليها و كدالك لنگافات واخا اغربية لقاو مشكيل فتكاشط تايكونو موجدين تكاشط فوزن 60/70 زيادة على دالك ماتلقايش ووزن سلوى مان شاد مشاء الله و دارت كيف لعادة و ناس زمان كل طبسيل طوس دارت فيه جبل تاع احلوة ووجدات شلا نواع تنعس 4 تاع سوايع وتنوض تفيق خواتاتها يععجنو ماخلاو فقاص ماخلاو غريبة ما خلاو صابلي بشكال و نواع ما خلاو طعب غزال و لي تحرقات يفطرو بيها و داكشي لي بقياسو تايديروه ف طباسل تقريلا 9 تاع نواع تاع لحلاوي عاد ليكوموند و عرضو على ناس دار عمرات ب لحباب و لصحاب و طبيعي كيما تانعرفو لعرس تايكون على عئيلة لعروس هوما لي كايتكلسو و داكشي لي كان فطيمة باعت دهم اي حلفاتها ختها عليه و جمعاتو مع گاع لي جمعاتو ليها من صغر و كدالك مع داكشي لي جامع سي بن موسى و ماخلاو سلوى ناقصة من تاحاجة لبنت غاتمشي معززة مكرمة دهازها مقدي من لكيلوطات ل لباليزات للماكياج ماناقصة حبة و حدة دازت الحناء و لحمام حسات فيهم سلوى راسه املكة و معاملة لحباب ليها ماخلاوها تدير والو حمامها كان حمام سكت فام لبرگاگات و لبنات لي تاتعرف و صحابات فرحو ليها واحد اميمة كانت تاتدور و تزغرت وتحير و تشطح كيف لهبلة ونهار لحنة جتبو لعدول و عقدات و هي ماعارفاش علاش عقدات و تصرفات سعاد و فتيحة لي لي داتها مها تسايرها ماخفاوش عليها غا ماعاجبهم حال كلشي نتاقدوه شتي لا دفرات غا شعرها يقولولها لاش دفرتيه وهي غا تاتصبر و دوز حتاراما لباها و داك ليعقدات معاه وولفات صافية علاقتهم كانت بحال صحابات
جا ليوم لمعلوم دار لفرح مطرطقة فيها نگافات وفيها طيابات و لعائلة تايوجدو
يتبع ...
YOU ARE READING
قلوب هائمة 🍁 (قصة بالدارجة المغربية)
Historical Fictionقصة جميلة شاركت بيها لمسابقة فمجموعة مختلف اللهجات Written by : Mim OuNa قصة قصيرة فحدود 30 بارت 🇲🇦🍁 قصة عن زواج ومعانات مع عائلة زوج القصة ماجبتهاش من راسي حيت كان عليا ضغط فالمسابقة داكشي علاش كتبت قصة رواتها لي جداتي *وقرائة ممتعة لجميع قارئات...
