الامام علي(ع)

2

وكان عمرها 9 سنوات،فَـ مرة من المرات الرسول(ص)ديصلي وجان ينزل عليه الوحي جبرائيل(ع)فَـ قال لهُ" يامُحمد أن الله يأمرك ان تزوج فاطمة من عَلي(ع)فَـ الرسول(ص)جَمع كُل الصحابه وكللهم ان الله أمرني ان ازوج كريمتي وابنتي فاطمه بأخي وابن عمي عَلي بن ابي طالب(ع)واللهُ قبل هذا الزواج قد زوجهُ بها في السماء بشهادة الملائكة وأمرني ان ازوجهم في الارض واشهدكم على ذلك.،واتزوج الامام علي(ع)من فاطمة الزهراء(ع) ("زواج النورين ").الامام علي(ع) بَـ فَترة الرسول شارك بكل المعارك،وكان اشجع انسان في التاريخ الاسلامي،ومن اهم معارك الامام علي(ع)هي،"مَعركة الخَندق"،معركة الحرب ضد اليهود*غزوة خيبر"،قبل جانو اكو يهود يَسموهم،يهود خيبر،هذولي جانو يحرضوا القبائل العربيه ضد الرسول (ص) والامام علي(ع)والمُسلمين،فَـ الرسول(ص) قرر يطلع يحاربهم،راح الرسول(ص) والمسلمين على مدينة خيبر،جانت عباره عن سياج وباب عَملاق،فَـ كان باب واحد عَملاق هو الي يدخلهم الى اليهود كان الرسول(ص)يدز ناس يقاتلوهم بس محد كدر،اغلبيتهم يخافون،فَـ الرسول(ص) قال غداً سَأبعث رجلاً يحب الله ورسوله،"كرار غير فرار"،اختار رسول الله(ص) الامام علي(ع)يروح لخيبر ويقاتلهم، فَـ الامام علي(ع)صعد على الحصان وراح توجه الهم،فَـ من وصل جان اكو يهودي صاعد فوك قال لهُ مَن انت؟فقال الامام علي(ع) ان علي بن ابي طالب(ع)فَـ انفتح الباب،وطلع واحد اسمه مرحب،هذا مرحب يهودي،وكان معروف انهُ مقاتل قوي كُلش وضخم كُلش بحيث اضخم من الامام علي(ع)، بمرتين،قبل الناس جانت اكثريتهم شُعَراء،فَـ الناس قبل متتقاتل تكول شَعر،قال مَرحب،قد علمت خيبر أني مَرحب شاك مُجربُ،فَـ الامام علي(ع) قال"انا الذي اسمتني امي حيدره اكيلكم بَـ سيف كَيل السندره*حيدره اسم من اسماء الاسد، فَـ رفع الامام علي(ع)سيفَ ذو الفقار فَـ ضربه بالسيف عَلى راسه الروايه تكول من كثر ما الضربه قويه انقسم رأسه بالنص بَحيث السيف نزل على اسنانه (عَلي چتال مَرحب).فَـ اليهود من شافوا الامام علي(ع)شلون قوي خافوا سدو باب القلعه فَـ الامام علي(ع) الى الباب فَـ لزمة بَثنين اديه وقلعه من الكاع قلع!(قَالع بَاب خَيبر).الباب الي قلعه الامام علي(ع) حاولو 40 شخص يشيلو ومكدر لحد ماصاروا 70 شخص يلا كدرو!، فَـ ورا ماخلصت المعركه الرسول(ص) قال للامام علي(ع)("ياعلي انتَ مني بمنزلة هارون من موسى ألا ان لا نبي بَعدي حربكَ حربي وسلمكَ سَلمي وسركَ سَري وعلى نيتك على نيتي وان الله عزَ وجل أمرني ان اخبركَ انكَ اول من داخل في الجنة").كلنا نعرف عند الامام علي(ع) سيف اسمه "ذو الفقار"،شَنو سالفة هالسيف ومنين اجا وعند منو هسه؟هذا السيف نزل فيه جبرائيل(ع)للنبي محمد(ص)والنبي محمد(ص) انطا للامام علي(ع)،وهذا السيف تورث الى كُل الائمة وسُميهَ بَـ سيف "ذو الفقار"لان الامام الصادق(ع)قال ما ضُربه بهِ احدً من خُلق الله ألا وافقرهُ الله في الدنيا والاخره،وحالياً السيف موجود عند الامام المهدي (عجل الله فرجه)،الامام علي(ع) قاتل الجن،في يوم من الايام الرسول(ص) جان ديمشي يم وادي هذا الوادي جان بين الجبال فَـ نزل عليه الوحي،فقال جبرائيل(ع) اكو كفار من الجن يريدون يأذوك،وموجودين بهذا الوادي! فَـ فعلاً راح الامام علي (ع) ويا 100 شخص الى الوادي،أول منزلوا بهذا الوادي حسوا برياح كُلش قويه! فَـ الامام علي(ع) صاح وقال انا علي بن ابي طالب وصي رسول الله (ص) وابن عمه،اثبتوا أن شئتم، فَـ ظهروا على اشكال غَريبه،اديهم مشتعله نار وانهزموا ودخلو بأسفل الوادي! الامام علي(ع)لحكهم ودخل بالوادي، وصار يردد ايات من القران الكريم، فَـ الناس الي ويا يكولون نسمع السيف مالته يضرب وكام يطلع دخان اسود من بطن الوادي" فقاتلهم الامام علي(ع)("قاتل الجن")، "الامام علي(ع) اسطوره لو اشكد متقرون عنه مَتكدرون تَخلصون"،