أنساب طاهرة

بارت ٩

مساء الخير
حبيباتي الغاليات
اليوم اختكم مريضة وانطيت البارت للادمن يرتبة. في حال اكو خطأ بعد انتوا غلسوا الحد ما استعيد صحتي
وهسا اگلكم قراءة ممتعة ولا تنسون التصويت والتعليقات

#أنساب_طاهرة ٩
#بقلم_ام_مختار
#دنيا_غانم
نمارق _ يمه وگفته الگلبي اصيل
اصيل _ اسم الله على گلبج قزوم زعلانه موو
نمارق _تذكرت الزعله وگمت دفعته بخفه وخر عني لا تحجي ويايه
اصيل _ والله ردت اروح اشوف الشركة شلونها ونروح روحه نيروزيه كرديه بحتيه
_مااا
جاوبني: يابه اني الزعلان اروحله فدوه رايح احجزلنه ثنينه ونضرب اخوتج واخوي بوري
_اي يلا روح احجز
_ههههههههه ماشي شعندي غير بت عزيز احبل اجيب
نمارق _حضنته احبك لا تزعلني بعدد
_يابه امس لو لازمج الا اسحلج بالمنطقه على هذا اللسان الطويل
نمارق _بعدت من الفراش واني ضايجة من كلامة
اصيل _ زعل سعدون
نمارق _انيييي سعدون
_اي
_وديني بيت ابوي اذا هيج ضايج مني
لزمني من شعري ونزلني يوووم تعاي اخذي جنتج شلعته الگلبي
نمارق _ دخل علي من الطرمة وشافه لازمني من شعري الحد هاي اللحظه اذكرها سوه المسافه شبختين وحده ع درج والثانيه على ايد اصيل وخرها من شعري
علي _ لا تمددددد ايدددك عليهااا اصيل
اصيل _ شبيك يا خوي ما ضربته جاي امزح وياها
علي _استغفر الله والله عبالي رجعتوا تعاركتوا شنو نگول العمي ضربنه بنتك
اصيل _لا اني اخاف عليها ما اضربها موو نمارق
نمارق _ عيني على علي النزل دخل الغرفته لحظات وطلع
ام اصيل _وين يوم تعال تريگ
_لا يوم خليني اروح للشغل
_طلع من البيت وما رجع
ظلت عمتي تنتظره  وهو ماكو نتصل عليه ما يرد
عمي اتصل على ولد يشتغل بالصناعية گله من المغرب اني تركته بالصناعية وبعد عزلت ورجعت البيتي
اصيل _رايح اني للصناعية لا يظل بالكم
الام _اخذني وياك يوم
اصيل _لا خليج اني بس اوصل اطمنج لا يظل  بالج
نمارق _المنطقه مناك تخوف يگولون ما مهتمين بيها وخفت على اصيل ديطلع بسيارته ونفتح الباب هياته اجه
علي _شكوو
_ظل بالنه عليك و وعمتي خافت
اصيل : يمته تبطل من هاي سوالفك
علي _ يابه تليفوني خلص شحن وظليت افتر شوي واجيت
الام _صدگ جذب يوم وگعت الگلبي يا عيني
علي _ اسم الله على عينج يا نظر عيني وانت فوت يلاا
اصيل _ما بيه انزل من سياره بسببك
نمارق _فتحله الباب وطلعه من السياره وشاله
علي_ اني اصير رجليك
نمارق _ دخل  بي يهرول وذبه ع القنفه عمي ظل يحجي عليه هو ما رد واصيل گله: يابه انت تعاملنه مثل الجهال تزوجنه و انت بعدك تخاف نتأخر
امير _يابه اخاف عليكم من ولد الحرام
اصيل _ لا يظل بالك بغداد امان و كلشي ماكو
نمارق _بوسه منا وبوسه منا سكتوا عمي
............
آسيا _لبست فستان رصاصي طويل ضيگ و حزام ع الخصر دخلتله للغرفه وشافني رفع  حاجبه
شكوووو
_ يعني هيج تطلعين
_اييي
_روحي بدلي آسيا وما اريد اسمع كلمة والا تروح عليج   العزومة يلااااا
آسيا _ع سريع طلعت فستان اخضر طويل مرتب وناعم رتبت روحي على اساسه ونزلتله هااا
هيثم _ايي هذا اهون يلا
عزيز _دير بالكم عليها يابه ونسها ونسها
_بعيني
آسيا _صعدت السياره گتله بخشمك مو بعينك
هيثم _ابوي يريد بس نونسجن انتِ وانوار شلون ما اعرف
آسيا _ونسني لا انزل واگله عليك
هيثم _ راح اونسج امري لله
آسيا _ ربطت السياره بتليفوني و خليتله اغنيه
فدوه فدوه يا بنيه شتتريگين يوميا عسل وي گيمر وكاهي على خدودج الورديه
باوعلي وهز ايده ضحكت رفع صوته وگال
هيثم _ يعني ما شفت بشر مثلج مغرور
آسيا _تنكر اني جميله
هيثم _لا يابه اگدر انتِ من يوم يومج حلوه
آسيا  _ههههههه عفيه
وصلنه للمطعم جان حلو وراقي وهادئ
هيثم _يلا طلبي اكل خلي ناكل ونروح للبيت
_هااي خيانه
_والله تعبان
آسيا _ مشكلتك اليوم نظل النص الليل
هيثم _ هههههههه نظل شعدنه
آسيا _ تقرب العندي وگلي والله لو ما الناس الا اكرص هاي الوجنات
امس الوجنه هاي خوش كلت كف منك لووو نسيت :جاوبته
_ والله مو بالقصد لج اسو لا توكفين هنا ولا تذكريني اتوجع عسا ايدي كسر قبل لا تنمد عليج
_اسم الله لا تگول هيج
بس اذا عدتها ان شاء الله كسرين مو كسر واحد
_هههههههههه رشاش ما يخلص السانج
آسيا _ اريد اسألك سؤال
_اي يابه سألي
_تذكر عمه فاتن يعني تذكر شكلها
هيثم _اي ليش لا
_تشبهني يعني بيها شي مني؟؟
_بس الوجنات
_هيه احلى بهواي موو
هيثم _ عمتي تخبل ما شايف مره بجمالها انا بس مو تگولين الامي تزعل
_ماما ماكو بحلاتها
_اي عمه فاتن جانت مو بس جميله وانيقه ومثقفه بشكل
آسيا _اقصد ماما حنان اني مو عمه فاتن
هيثم _ اميي ماخذه الگلب كله امي افضل ام شفتها بحياتي
آسيا _
اي والله ماما حنان اسم على مسمى
سكت وتحسر نطلب؟؟
هيثم _اي لان الويتر اذا اجه هس ايدوس ببطنه ويگول خلو سوالفكم بعدين
_ههههه
طلبنه اكل اباوعله شلون ياكل بنزاكة و ترتيب وهدوء كل الهدوء بكلشي
هيثم _ ليش مدتاكلين
_لا داكل هيثم عندي بعد سؤال
سألي
آسيا _ شنو مواصفات شريكة حياتك
تغيرت نظراته
هيثم _ عادي مثل اي بنيه
_يعني ما تريدها حلوه وصاحبة مواصفات
_لا
_ليش؟
_يعني ما خال شي ببالي بس تكون حلوه هذا هوو
_يعني ما تريدها بيضه دبدوبه شعرها طويل قصير صاحبة وجنات يعني احجيلي
هيثم _ مو مهم آسيا كلشي قبول المهم خوش انسانه وهذا الموضوع حالياََ مو ببالي هسا انتِ عندي امانه نرجعج العزيز وبعدين نهتم الحياتنة
آسيا _ تمام خلي ناكل
احس اللگمة بالگوه نزلت ببلعومي
من الفشله ومن كلامه جنت متأملة بأجابه حلوه
قاطع شرودي صوته وهو يگلي تعرفين؟؟
شنو ؟؟
_ تعرفين ابوي ليش يريد يسافر و قرر هناك يعيش
_ليش؟
_لأن ابوي راح راح يخضع للكمياوي وهيه المرحلة النهائية اذا بأذن الله خلص الجرعات وسوله فحص ويكون السرطان انتهى فـ ابوي يرجع بس يطلع شعره يرجع اني متأكد وساعتها اسلمج اله اسوو
ونرحع الحياتنة ترجعين الغرفتج مرتاحة تنتظرين انسان يسعدج و يحافظ على هاي الجوهره الي گدامي
آسيا _ اي ان شاء الله
هيثم _ كل كلمة مني لا تسمعيها منا وطلعيها منا بالعكس فكري بيها وشوفيها هيه الصح
_ايي اييي خلاص عرفنه
لزم ايدي بقوه وگلي اعرفج من تگولين هيج معناها ضايجة لا تضوجين اسوو صدگي وثقي بالله كل حرف يطلع مني هو المصلحتج
آسيا _ ما جاي افهمك هيثم خلاص خلينه ناكل
هيثم _يلا ناكل
آسيا _ خلصنه الاكل وظلينه تقريباََ ساعة بعد الاكل نسولف ونضحك  يلا نروح؟ گلي
_اي نروح
طلعنه حاسب ونزلنه للسياره فرفرني وهو خالي الاغاني الاحبها
من وصلنه يم الباب وگف السيارة
هميت داريد انزل لزم ايدي باوعتله
هيثم _ سمعيني ومن تنزلين من سياره انسي كل الي راح احجي الج متفقين
آسيا _ تلقصت معدتي وحسيت حرارة ببلعومي
حسيت روحي كاشفه نفسي و فاضحتها وهو راح يرزلني
هيثم_ اني لو شما اسوي وياج اني الربحان
لأن كلشي هسا بأطار علاقتنه حلال لو أي شي اسوي حلال بس اني الخاطر هاي الوجنات ما اريد اسوي شي يذبلهن ولا اريد اجاوز الي بينه و ابجي هاي العيون ممكن اسعدج لحضات بس راح ابجيج عمر
ممكن انجرف وياج بس غريزه لا اكثر
وانتِ تستاهلين الي يغوص بحبج موو يكسرج  بداعي غريزه
ولا عبالج من عرفت انتِ مو من صلب  ابويه رفضتج الشخصج لااا اني رفضت العلاقه الي راح يدخلونه بيها ما ردت اخسر الخوه الي بيناتنه الي عشتها سنين طويله واني اعشقها وممتن الربي للرزقني بيها
آسيا _ مدافهم كلامك لويش هيج تحجي  ومن گلت مواصفات زوجتك ووجنات جنت اضحك لا عبالك اقصد شي
_ادري ما تقصدين شي واني داحجي بس لأن ضميري يأنبني
آسيا _ما يحتاج تأنب ضميرك احنه متفقين فتره وتعدي
هيثم _ ان شاء الله تعدي
آسيا _ نزلت من السياره بالگوه لزمت دموعي
ما اعرف شديصيرلي و ليش هيج اني ضعفت وليش هيج سمحت الروحي احس هو من اول يوم الهاي اللحضه ما اختلف بمعاملته الي ابدد بس اني فاضحة روحي بروحي
اني مثل عمه فاتن حبيت وراح ابهذل روحي
من دخلت امي شافتني اشرتلي شكو
گتلها ماكو شي صعدت للغرفه قبل لا يدخل طلعتلي ملابس بدلت ونزلت للصاله نزلت انوار
من غرفتها وگالت: ها شلونه العشا
_حلو كلش حلو تونسنه
انوار _اني هم گلت الرائد باجر ياخذنه للمطعم نتونس
_لج روحي النفس المطعم غير رهيب يموت وهدوء
_لا عيني شرط  احنه نروح الارقى من المطعم الرحتيله
آسيا_من تحجي اكو شي غريب عدها منافسه يعني  انا بالنسبة الي اذا رحت كشك فلافل والا مطعم نفس الشي المهم اطلع واكل هاي ونستي بينما هيه لا تريد تروح التحسن من مطعمنا شرط ابتسمتلها هواي اكو مطاعم ارقى اختاري ورائد ينفذ
هيثم_ آسياااا
عزيز _ اسمها حبيبتي عمرري مووو آسيا
آسيا_نزل بابا لازم هيثم من رگبته وهو يحجي ويا
هيثم._وين جنت عزيز تطلعلي من كل مكان
عزيز _اني ظلك هههههه جنت يم رائد
ها اميرتي طمنيني شلون جان العشا هيثم ما ضوجج
آسيا_كلش حلو لا ما ضوجني
عزيز _الحمد لله هيثم اني باجر راح احجز التركيا بعد ما اكدر اتأخر يابه حجيت وي اخوك اصعدله وافهم منه
هيثم_اي يابه هسا اصعدله آسيا تعاي وراي
آسيا ‌_صعدتله خفت عبالي بي شي
هيثم_ملابسي الداخليه وين اني هنا خالهن
_مو اليوم غسلتهن و خليتهن بسله بالكنتور مالتك يصير ارتب
هيثم _ هاا مره لخ لا تغسليهن ولا تغيرين مكانهن
آسيا_ليش
هيثم_ هيج اني مرتاح فهمتيني
_اي فهمتك نزع سواره المفضل طلع ملابسه الداخليه وتراكه يتحذر يخليني المحهن دائماََ
ما اعرف السبب بابا حجز وامي توصي بينه اجتي نمارق جايبتلي ملابس طن هاي شنو
نمارق _ اشتريت الي والج
وانتِ منيلج وليش تشترين هيثم وابوي ما مقصرين
گلتلي_لا ما اكدر ما اكدر حتى انوار جبتلها نزلت بخفه ع درج حامل نيموو
جاوبتني_شاكة
_يارب حامل وتخلصيني من البجي كل شهر
نمارق _يارب
آسيا_ من انطت الملابس الانوار گلتلها اكيد جبتي الآسيا اكثر مني
نمارق _ بس جبتلج هسا اني عمتي تجيب البناتها اكثر بس تجيبلي واشكرها وابوس راسها لان تذكرتني هاي اختي وانتِ زوجة اخوي طبيعي هيه الي اقرب بس ما نسيتج بكل طلعه اشتريلج الشي الي تحبي
حنان _عفيه ماماتي بالعافيه ماما انوار اي شي ينقصج كليلي اني طالعه اشتريلي واجيبلج وهم اجيبلكم من تركيا اي واحد يجي للعراق ادزلكم بأيده
آسيا_امي ع سريع لفت السالفة
ابويه طلع من مكتبه باوعلي هيثم اجه؟؟
_لا هسا راح يجي يابه
عزيز_من يجي تعالوا ثنينكم للمكتب
_ان شاء الله التفت الامي صاير شي
_لا يريد يوصيكم ويطمن عليكم
آسيا_من اجه هيثم دخلنه يمه بالاول اطمن على وضعنه وبعدين گله:لويش يابه ما تسوي عقد محكمة وتريحني
هيثم: يابه هاي الفتره اسوي لا يظل بالك
عزيز _بأقرب وقت سوي هيثم صارلكم شكم شهر مزوجين على اي ساعة يرزقكم طفل و تحتاج العقد
هيثم _ان شاء الله
عزيز _على طاري الطفل ماكو شي بالطريق بابا آسيا
آسيا _ لا يابه
هيثم _ما مستعجلين لا تستعجل يابه
_ان شاء الله خير اي بابا آسيا خلصت مهمتج الله وياج عوفيلي زلمتي
آسيا _ابتسمت وطلعت
عزيز _شلونك وي مرتك يابه احجيلي مرتاح لااا
اكو فد شي عائق  بين علاقتكم اكو شي بعدك ضايج منه
هيثم_لا يظل بالك كلشي تمام
عزيز _ حبيتها لبنيتي لو لا
هيثم_اني من شلتها اول مره بأيدي حبيتها حبي الها ازلي
عزيز _اقصد كزوجة
_لا الحمد لله حاليا افضل
_خو ما تقصر بحقوقها
_احم لا يابه الحمد لله
عزيز _ الزوجة مو بس تغسل وتطبخ و تنظف وتحضرلك الي تريده يابه ضحكة سالفة كلمة تطيب خاطرها بعد يوم شاق
هيثم _ان شاء الله
عزيز _اذا تقصر بحقوق بنتي تشوف مني الما يعجبك هيثم
هيثم _يابه بنتك داخله حياتي  طول بعرض شلون مقصر وياها اني مقصر وي نفسي وما مقصر وياها
عزيز._قصر وي نفسك يابه الزلمه قوووي والمرأه اقوه وتتحمل اكثر بس كلمة وحده يتلاشى هذا التعب كله بس گلها الله يساعدج كلها احبج كلها ايي شي تشوفها رجعت جمعت. طاقه واسعدها
هيثم _ تدلل يابه ما اقصر وياها واگلها الي تريده
عزيز _گلها الي گلبك يريده مو الي اني اريده هو مو قضاء واجب
_ ان شاء الله
عزيز _يلا الله وياك تگدر تروح
آسيا_واگفه ماما تطبخ واحنه على ميز الطعام َانوار گالت : امس عمي رايح الرائد وگايله اذا تقصر بحقوق انوار تشوف مني الما يعجبك
حنان _عمج يقدس المرأه
آسيا _احجيلي يوم شلون بابا يعاملج بالغرفه
نمارق _اي عليج الله
حنان _ يوم الي بغرفتي اني وابوج هذا النه احنه مو من حق اي انسان يعرفه وعيب نحجي بي شي خاص بيناتنه سرنه الجميل لويش تدخلون بحياتنه اني قابل مدخله بحياتكم
رائد _يمه فضووول فضووول السلام عليكم
آسيا_ گامت انوار اله حضنته وباسته الله يساعدك حبيبي
انوار _ اني بالنسبة الي ما اريد اعرف احنه هم عدنه غرفه وكلشي نسوي بيها
نمارق _ الله يهنيكم لعد
آسيا _تباوعلي وتگلي بااي اني رايح الغرفتي اذا ردتوا شي خابريني ولو هسا اني خارج نطاق الخدمة من طلعت غميت روحي
حنان _ انوار تغار منج
آسيا _مني  اني؟؟
:ايي لأن الكل مهتم و رائد يحجي بيجن بالله نمارق مو بالبيت بس هيه تغار منج اني انتبهت
آسيا _ خليها تغار تحسرت العدها مثل رائد كون ما تغار اصلاََ ما تشوف مرأه گدام عيونها گد ما حنين رائد نسخة من بابا حتى هيثم بحنيته علينه مثل بابا بس رائد يداري انوار مثل المي بالصينيه
اخوانه الكويتين يگولون يادهينه لا تنكتين
بالضبط بعد على شنو الغيره ما اعرف....
قررت تبات يمنه نمارق لأن باجر بابا يسافر التركيا
الصبح
ندگ الباب بابا طلع رحب والضحكة واصله  للجيران سد باب المطبخ ودخلهم للصاله
شوي واجه يمنه
حنان _منو؟؟
عزيز _ضيو
حنان _يا هلا بي وكل الهلا خلي احضر صينيه العصير والبس حجابي واجي اسلم عليه
نمارق _بابا طلع وهيه نخبصت يوم ضيو من العماره هو الي جانت عمه فاتن يمهم
حنان _اي امج جانت يمهم داروها حطوها بعينهم َ امهم مره معدله وهمه ما نسو وكفات ابوج الحلوه دتشوفين كل ما يجون البغداد يجون
آسيا_خليني اروح وياج اسلم
حنان_لويش
_اريد اشوفهم شلونهم يعني ما اعرف شگلج
حنان_ تعاي
آسيا_ع سريع بدلت ورحت سلمت الولد جايب فواكه صناديگ و المخضر والسمج الريحة سطرتني فلينه دخلت گام الامي بس ابد ما يباوع
گتله_السلام عليكم
_وعليكم السلام خويه يا اهلاََ وسهلاََ
عزيز _هاي اميرتي بنت فاتن
_يا اهلاََ وسهلاََ ربي يرحم الوالده برحمة الواسعه
آسيا_ الولد يجدح مو ولد وشلون اخلاق شايل ولا باوع اني هم طلعت شي بداخلي راد يشوف الناس الي عمه فاتن جانت يمهم ذبيت القميص  وظليت بالتشيرت
نمارق _ مو اول مره يجي ضيو بس اول مره اشوف اختي بهاي الحاله باوعتلي واستسلمن دموعها نزلن بكل هدوء
آسيا_ عبالي اشوف عمه فاتن بعيونهم عبالي اشوف ولو صوره لقطه مشهد
نمارق _ گمتلها حضنتها الله يسامح جدي
آسيا_ اني جنت دائماََ الومها واحجي عليها لأن بابا بسببها تعذب فد مره بدل ما اترحملها دعيت عليها وهسا هذني بگلبي يوجعن
نمارق_ صليلها وترتاح روحج
آسيا_ان شاء الله فزعني صوته من دخل
هيثم _شبيج شصايرر شنو ديأذيج
نمارق _لا تخاف تذكرت شغله وبجت گنبص الها ولزم ايدها فركها بخفه وگلها:لا تبجين طفيليات
آسيا_ لا ما ابجي خلاص
هيثم: مو اطلعن ضياء بره
نمارق_ يا ما نطلع غير مرتك راحت سلمت عليه ههههههههههه....... باوعتله الوجهه انطعن بس ما حجة وهذيج تمسح بدموعها ما انتبهت طلع هو وباوعتلها عزززا آسيا جبت مصيبه على راسج
_شكوو
_ گتلها آسيا طلعت للولد وسلمت ومبين ضاج
_ لا تخافين ما يضوج
_ لا والله ضاج
آسيا:تتوهمين جبت كاسة المرگ وغسلتها وحركت جدر التمن الولد ما قبل يظل ع الغدا تشكر من ابوي و طلع
عزيز _ فوت المسواگ بابا هيثم
حنان _ماما آسيا ساعدي اخوج.....
آسيا _الكل انتبه الامي شنو گالت الا هيه ما انتبهت
عزيز _اشتغفر الله ربي
آسيا _ داشيل صندوگ الطماطة و هو تقرب يمي شال صندوگ لخ ويگول حتى السانهم ما راضي يصدگ المصيبه الخلوني بيها....
ما جاوبت امي صبت الغدا نمارق اكلت صحنين تمن وهو يفر الخاشوگه بالصحن ما ياكل اني  بس اباوعلهم كارهه نفسي
اني منو سمحلي احس بهذا الاحساس  تجاهه هذا الغضب اني منووو خولني احب اخوي حتى لوو هو هسا زوجي بس هوو ما يعاملني كزوجج هو اخوي وخلاصص منو سمح الروحي تجاوز حدها
عزيز _لويش هاي الحسره بابا آسيا
آسيا _ماكو شي يابه
هيثم _ يابه ما شفت آسيا من دخلت يم الزلمه وتسلم بمناسبة شنوو تسلم
عزيز _وشنو بيها سلمت اختك و طلعت
هيثم _يابه انت دائماََ تخالفني كلشي بيها الولد مو ابن عمنه او ابن عمتنه غريب ومن نروحلهم نسوانهم ما نلمح  ظلهن شنوو يعني تصرفج هذااا
عزيز _خلص اكل وبعد  واحجي
هيثم _ انييي تسممت ما يحتاج بعد اتسمم جاوبيني بالله منو الي سمحلج ادخلين يمه ترخصتي مني اجيتي حجيتي وياي
آسيا _ وين ادري عبالي تقبل
هيثم _ شووفي آسيا مدام انتِ هسا امانه يمي سوالف ابوي ما تطبق ابوي يحبجن ومنطيجن كل الحرية انييي ما عندي هاي الحرية سمعتي لوو اعيدها وهاي گدام ابوج
عزيز ‌‌_ مو شكال يابه مره لخ سمعي كلام زوجج
هيثم _ سمعي كلام صخامج سمعتييييي
آسيا _ عاف السفره وصعدت
عزيز _ طيح الله حظك
آسيا _ تعذرت من ابوي وصعدت جان قافل الغرفه دخلت غرفتي نمارق نايمه بفراشها وايدها على بطنها
نمارق_ قافل الباب؟؟
_ايي
_هسا شوي ويفك حتى اصيل قبل فتره  راد حتى يضربني لو ما علي
آسيا_خلي براحته قابل شسويله
آسيا_ هيثم متحفظ اني مستغربه الحد هسا ما محجبج گمتلها صدگ اسوو شلون علاقتكم ببعض
آسيا_ زينه الحمد لله
نمارق _ يعني صرتي زوجة لو لا
آسيا_ بشرفج هسا وكتها
نمارق _جاوبني
آسيا_هيثم يحبني بس مو زوجة يحب اخته الصغيرونه الي تطالبه بحلويات لو تگله حطلي اغنيه محمد السالم
اكثر من هيج ماكو
نمارق _ ولويش هسا عصب
آسيا _ وين ادري هو بي حاله
نمارق _ما اصدگ هو بطبعه هادئ نادراََ ما يتنرفز
آسيا _ يمعوده لا تشغلين نفسج بهيثم
نمارق_اسو
_ها نيمو
_ تحبي الهيثم؟؟
_ليش قابل اكرهه
_لا اقصد تحبي مثل ما اني احب اصيل
تحسرت وگلتلي:لااا يابه وين احبه تخبلتي انتِ....
آسيا_اجوي عماتي وعمامي يودعون بابا وماما
وهم بابا اخذ فلوس من عمي امير علمود الشقه الي يريد يشتريها بتركيا بس ما حجو كدامنه بالمكتب دخلوا
اصيل _ ما اطلعون نواقيص
علي _ياريت
هيثم _يلا
رائد _اني عندي شغله بأطراف بغداد اخلصها واجيلكم هيثم انطيني المفتاح وروح وي اصيل بسيارته
آسيا_ شمرله المفتاح وهو طلع
الولد هم طلعوا وأصيل من بعيد يدز بوسات النمارق وهيه تضحك باوعت العلي خال عينه بتليفونه ويگلب
طلعوا واحنه دخلنه عمتي كوثر گالت : الابوي كل يوميا من اطلع للوظيفة اني اجيبلهم لو رحت ا لا يظل بالك عزيز
ردت ماما عليها_ لا خيه شبيهن كبار و سباعيات اريده يعتمدون على نفسهن يتعلمن يسون لرياجيلهن لگمة
طيبه
عمتي كوثر:ما قبلت وگلتلها يوميا توصلهن الگدورة الحد باب البيت گاعدين بالحولي امي بنصنه وحاطه جنطتها ترتبها لأن عماتي جابولها غراض وهيه تحب كدامهن تهتم بالغرض الي يجيبون الها ابوي وعماتي على القنفة يتحاورون ببعض الأمور و البنات على صفحة واني هم يمي بنات عمتي دگ تليفون بابا
طبيعي من يدگ التليفون الانظار تصير عليه بابت جاوب_الوو
ما سمعنا شنو گلوله بس بابا رأساََ هيه گحة وهيه الخشم والحلگ و الذانات صبن دم
يتبع.......