السلام عليكم
...............................
باوعتله ورديت...احسن اولا هاي الحقيقه وثانيا الاثرات بعدها موجوده بوجهي ومبينه جديده اكيد راح يسألوني فخليت الجواب هم عذر الك وهم حتى لا يحرجوني بعدين واحتار شجاوبهم ونرجع نجذب مره ثانيه ماتسوى!
سئلته بهاء امك وين؟
جان يجمد بمكانه وارتعب من السؤال
كتله ...لا تجاوبني براحتك
مسح وجهه واحس انعقد السانه ورجع راسه ليوره ويتنفس بصعوبه
ضليت اباوعله بترقب مسح وجهه مره ثانيه وعدل كعدته وكال ....رواسن امي ميته وهذا الموضوع ماريد تفتحينه هناك
هزيت راسي وهوه سكت شويه ورفع مبايله وحجه وي محمد كاله باجر طالع الاربيل
وحجه ويا بخصوص شغله
واخر شي ابتسم وكال ....جييبه هسه اي لا شويه وتاخذه
-ماعرف شنو الي يجيبه ولا انا حجيت
شويه ودك موبايله كام قتح باب المطبخ جان اسمع صوت كلب فزيت وكفت باوعت من الصاله جان اشوف كلب صغير ومدنك بهاء حاضنه والكلب ينبح عبالك ديعبر عن شوكه وكلساع طفر ع بهاء عبالي دا يأذي بس لا طلع من كد ما مشتاقله ديسوي هيج
ضليت واكفه باب الصاله اباوعلهم مبتسمه نوب بهاء وكف ومشه بأتجاه الصاله والكلب يمشي وراه ماخذ راحته
جان يباوعلي الكلب وصاح بوجهي عطت ورجعت ليوره
ضحك بهاء وكال ...لا تخافين ما يأذي بس ما متعود احد وياي بالبيت
حطيت ايدي ع گليي بخوف.وكتله ... عزااا شوف شلون يباوعلي عبالك يريد يثرمني بأسنانه
ضحك وصاحله .....داكوتا هاي رواسن تعود عليها
جان ينبح بصوت ماعاجبه الوضع دنك شاله كتله ..اسمه داكتو
ابتسم ورد ...لا داكوتا
عكدت حواجبي وكتله ...صعب شنو معنى
كعد ع تخم والكلب بصفه كال ...الصاحب المخلص او الوفي
ابتسمت ورفعت ايدي اشرت للكلب وكتله ...هلاووو داكتو
جان يرد بهاء....ولج داكوتا
-صعب خلص اني سميته داكتو شلونك داكتو جان ينبح بوجهي طفرت من مكاني وكتلهه ....هاي شبيك والقران حبيتك
جان يرفع حاجبه بهاء وكال ....ذكرني بواحد يحب وحده وهيه كلساع تنبح بوجهه
-فتحت عيوني ع وسعهن عرفته يقصدني
وهو يباوعلي بنضرات استفزازيه المشكله ماكدر احجي هسه يكول انتِ ماخذته ع نفسج نرفزني بنضراتهه كمت شلت المخده وكفخته ع كيف بالشقه ماحس غير داكتو فلت من ايده وطفر عليه عطت وركضت وهو كمش بقميصي شكه وخرمش رگبتي
ESTÁS LEYENDO
قسر الرواسن
Mystery / Thrillerبهاء الدين يقول، ،ابن حزم الحُب اعمى ف الانسان عندما يحب يغلق عينيه ويصم اذنيه عن "مساوئ" حبيبه فلا يرى فِيَھ الا الحسنات اما السيئات فيغفرها الحب وان رأتيها. العين ف الحب يحول الحبيب في عين حبيبه م̷ـــِْن انسان الى ملاك ټمـٱمـ كما يفعل الحقد الحقد...
