__________
بصلها بخنقه و برود
" انتي ايه الجابك هنا مش كل حاجه انتهت ؟"
قربت عليه بدلع
" ايه يا بيبي موحشتكش ولا ايه"
" انتي ايه الفكر بيا تاني ها؟....بعد ما خونتيني و اكتشفت انك واحده رخيصه "
بصتله و مثلت الندم و الحزن
" يعني انا جايه عشان اصلح البوظته و ارجعلك خدامه تحت رجليك يا حبيبي تقوم تقول عليا رخيصه يا كريم انا لسه بحبك"
مؤمن كان بيبصلها ببرود و مستني كريم يرد عليها
" لو مطلعتيش من هنا انا حنده الأمن ياخدوكس يرموكي بره يا بسنت"
بسنت طلعت بغيظ و سابتهم و مشيت
" ايه هتعمل ايه؟"
" ف ايه؟"
" ف بسنت انت عارف لو عرفت عن ليلي أو ليلي عرفت حيحصل بينكوا مشاكل"
كريم بصله بهدوء
" متحكيلي ليلي حكايتها ايه و ازاي اتعرفنا عليهم هما الاربعه"
" بص يا سيدي......."
_________
عند ليلي اتصلت علي طه
" ايه يا حب جي امتي ؟"
" ف طريقي يختي و بعدين كريم عامل ايه صح"
" روحنا عندهم المستشفي و كلمنا باباه و اطمنا عليهم و رجعنا "
" طب الحمد لله انا فاضلي شويه و جي حتسهري؟"
" كلنا سهرانين مع بعض مستنين الحلويات الحتجبها يا اخويا"
"من عنيا "
ليلي قفلت معاه و مي دخلت الأوضاع
" كنتي بتكلمي مين"
" ده طه قرب يجي بالسلامه "
"اه اوك"
" مالك يا بت؟"
مي عنيها دمعت و اتكلت بصوت هادى
"طه مش بيحبني يا ليلي"
" نعم ؟ و جبتي الكلام ده منين ان شاء الله "
" هو لو كان بيحبني مش كان سألك عليا مثلا ولا كان قلق علي الاقل ؟ انا مش باخد منك غير معلومات وهميه يا ليلي"
" يخربيت ليلي يا شيخه مش قولتلك لما يجي حكلمه ف موضوعك الحاجات دي مش بتتحكي ف الموبايل و بعدين والله لمحلي كتير عليكي بس مش حقولك يعني"
" ليه يا مستفزة ليه"
" هو كده وقومي ظبطي نفسك فاضل ربع ساعه و يوصل يختي"
____________
" يعني كل ده حصل....و كمان حبتها؟"
YOU ARE READING
الاسود يليق بك
Action"ما أجمل أن احبك و انت تحب غيري و غيري لا يحبك ف تعذب كما عذبتني🖤🥀"
