لوحَ الظلام

Part 1

#لوحَ_الظلام

بقلمي: سجى حسين

- بارت 1 -

ﻼ‏ تنسون دعمونا القصه
بـ بنجمه وتعليق < ⭐️✍🏻>
ومشاركه لَـ اصدقـائكم

علقو هواي وشاركو القصه يمكم
حتى تاخذ حقها واكمل بيها 🫶🏻♥️.

الابطال موجودين بقناة التلگيرام

_________
2015
الظهر

- يوم هادئ كاعدين اني واختي نحجي ونشاقه
وامي لازمه اخويه بَس فجاة بابا دخل علينه ويا
بنيه يطلع عمرها بـ17، تفاجأة وكلنه وگفنه ؏ حيلنه؟
وتوجهت نظراتنة الـ امي يلي وجها صار اصفر كركم
؏ زراگ عيونها غرغرت بالدموع!

- نزلت دمعتها بنكسار فاضح! كسر صمتنه كلام بابا
:- هاي زوجتي

- بلعت ريگي من صدمات يلي گاعد صير
بنفس ثواني! باوعت ؏ ماما يلي تعصر بيدها
من قهر والغضب! شفتها تحركت من مكانها
وداخت لزمت القنفه قديمة منتهيه وبابا الضحكه
شاگه حلگه والفرح مبين عليَّ

- ظليت صافنه اني ابويه ابويه يزوج وحده
بگد بنته! وهوَ عمره بلـ 50 سنه قطع تفكيري
صياح ماما شفتها متهسترة

:- الله ياخذ حقي منك ساعة السوده قبلت بيك

- وهوَّ بكل برود اخذ مرته الثانيه للغرفه وماما تخبلت
اكثر حسيت نار وشتعلت بروحها ركضت جابت سجين
وحطت ؏ النار حمته صارت حمره وركضت بسرعه
؏ بابًا يلي ممنتبه ديغسل ايديناته !

- حطت السجين ؏ رگبته من وره وهوَّ عاط بكل
اوتار صوته من الوجع بحركه سريعه شال ماما
ورگعها بالكاع وسحلهه من شعرها للمطبخ .

- عافها وراح وره البيت جاب شيش جبير حطة ؏ نار
لحد ما صارت حمر جمر واحنه نباوع من بعيد ونبجي
نخاف نروح يم ماما بَس روحي مفرفحه عليها .

- عافها واجه علينه اني وطيبه سحب طيبه وهيَّ
فرفحت من البجي جوه ايده واني اعيط وماما ملخت
نفسها، اجت ماما عليها تبعدها من ايده بس ضربها
وشد ايدها بالمحجر واجه ؏ طيبه سحبها مره ثانيه شكد
صيحت وعيطت بَس ماكو مفر من العقاب بدون اي اسباب!

- راح للمطبخ جاب الشيش وحطه ؏ ضهر طيبه وهيَّ
فرفحت روحها ماتت من العياط واني ابجي واصيح
شفت مرت ابويه الجَديدة تبجي ؏ بجينه، باوعت ؏ بابا
شال الشيش من ضهر طيبه رجع حطا ؏ النار

- كمل واجه عليه سحبني من شعري ويعت واني
روحي راحت، ظليت ارجف وابجي منعته ضربته
ادفع بي برجلي ماكو حط الشيش ؏ صدري فرفحت
روحي متت من الوجع بلاخير دفعني وظليت الوب من الوجع