احببت مجنونة 😉😜

Part 21

هيلو افكركو بالبارت اللى فات
قرينا الفاتحه بتاعت يمنى و يوسف
و اتفقنا ع الخطوبه اللى هتبقى كمان 3 ايام
و يوسف مشى و البنات هيباتو عند يمنى النهارده
اول ما دخلنا الاوضه
يمنى: انا مش مصدقه نفسى انا خطوبتى ع يوسف كمان 3 ايام
نانو: مش قولتلك نصيبك هيجيلك و لو كان فى اخر الدنيا
يمنى: فعلاً بجد انا مبسوطه اوى عقبالكو يا بنات يارب♥️
مريم: حيث كده بقا يلا نشغل اغانى و نرقص بس نهيص للعروسه
ميرو: كرنبه بتتكلم 😂😂
مريم: بس يا حيوانه
هنا: يلا يلا و شغلت اغانى
و قعدنا نرقص و نهيص لحد ما نمنا و محسناش بنفسنا
# تانى يوم
Manar #
صحيت ع صوت الموبيل بتاعى فتحت من غير ما ابص
انا: الو
...: الجميل لسه نايم ولا اى
انا: ما تحترم نفسك مين معايا
ايمن: اى يا بنتى انا ايمن
انا: سورى يا ايمن اصلى فتحت من غير ما ابص
ايمن: ولا يهمك يا قمر اى مش هشوفك انهارده مجتيش امبارح
انا: اه علشان كانت قرايه فاتحه يمنى و كده و كنا بنشتري ليها حاجات و كده بس اكيد هنيجي يعنى
ايمن: اشطا طب يلا قومى البسى و ظبطى نفسك ع ما اجيلك
انا: اى ده انت جاى ليه
ايمن: هنفطر مع بعض ممكن ولا مش ممكن !
انا: لا عادى ممكن
ايمن: طب يلا البسى بسرعه
انا: اشطا
قومت بنط من الفرحه و دخلت اخدت شاور و اتوضيت و صليت و لبست و صحيت البنات
انا: يلا يا زفته منك ليها كده فوقو يلا
هنا: انتى كمان لبستى !
انا: اه اصل انا هسبقكو ع هناك ايمن هيجي ياخدنى و نفطر مع بعض
ميرو: الله يسهلو
رؤى : والعه يا عم
موبيلى رن كان هو
انا: الو انت فين
ايمن: انا قدام الباب اهو
انا بتفكير: ثانيه واحده انت قدام ڤيلتنا !
ايمن : اه امال قدام اى
انا: ما هو انا مش ف الڤيلا
ايمن: نعم يختى امال فين
انا: احنا كلنا. بيتنا عند يمنى ف البيت
ايمن: يا حلاوتك و بيتها ده فين بقا
انا:فى .....
ايمن: طب يختى انا جايلك اهو
انا: انا مستنياك اهو
و قفلت و بصيت للبنات بطرق عيني كده قركو ده هو اللى جايبنا لورا 🙂😂😂
كلهم : احسن احسن
هنا: بما انك لابسه خلى عندك دم و كلمى بقيت العرر صحيهم ع ما نجهز
انا: حد قالك انى خدامه ابوكى
يمنى: معلش انتى الكبيره و بعدين دخ فى عاركه هتقوم دلوقتى 🙂😂
قامو اخدو شاور و قاعدو يتخانقو مين تدخل الاول و قلبوها مجزره 😂😂و انا كلمت البنات و صحيتهم
و كان ايمن وصل نزلتله و سيبتهم يكملو خناق ع الحمام 😂😂
انا: باى باى يا بنات اتخانقو كويس 😂😂
نانو: باى يا ست زفته
#Yomna
بعد ما الحمد لله خلصنا خناق ع الحمام و كلنا اخدنا شاور و لبسنا
ماما كانت عملت لينا الفطار فطرنا معاها و ظبطنا الدنيا معاها و بعدين نزلنا
و نزلنا اتقسمنا ف العربيتين
نانو معاها ميرو و رؤى
و انا معايا سلمى و هنا
و وصلنا النادى و اول ما دخلنا
نانو: بنات انا هروح بقا اشوف التدريب بتاعى اى نظامه
يمنى: بس انتى هتقدرى تتمرنى
نانو :اه اه دونت ورى
ميرو : اهو بعد دونت ورى دى انا بقيت ورى بجد🙂
نانو بضحك: لا لا متخافيش 😂😂
هنا: طب يلا روحى و احنا هنروح للشباب نشوفهم و نجيلك تانى
نانو: اشطا
روحنا لمدرجات الشباب
اول ما شافونا جم سلمو علينا و باركولى
غالى : الف مبروك يا يمنى
انا: الله يبارك فيك يا غالى
كلهم : الف مبروك
انا: الله يبارك فيكم
احمد اول ما شافنا و هو بيدور بعينه ع نانو بس مش هقوله غير لما يسأل اشوفه اى نظامه فعلاً بيحبها ولا اى
غالى: امال فين اللمضه ام نص لسان
هانى: اكيد قصده ع نانو لان طالما ايمن لسه مجاش و منار مجتش يبقو اكيد مع بعض 😂😂
هنا: العيال هيفطسو ده كلنا بصين ليهم ف الخروجه 😂😂😂
انا: عندك حق 😂😂
احمد: ايوا يعنى نانو مجتش معاكو ليه
انا: لا هى جت معانا
احمد: امال راحت فين
انا: راحت تشوف التمرين بتاعها
احمد: ازاى و لو حصلها حاجه ليه سبتوها لوحدها
هنا: احنا اصلاً هنروحلها دلوقتى نشوفها
احمد: طب يلا روحو علشان متسبوهاش لوحدها
البنات: حاضر
و احنا قايمين لقينا بقيت البنات جت
حبيبه: اى رايحين فين
ميرو: هنروح نشوف نانو
بوسى: ليه هى راحت فين
هنا: التمرين
لميس: مفيش فايده فيها .. طب خليكو كلنا هنروح جزء عندها و جزء هنا
يمنى و حبيبه و بوسى : انا هروح لنانو
لميس : و انا هاجى معاكو
و احنا رايحين قابنا داليا ف جت معانا و روحنا المدرجات عند نانو
وصلنا و كانت بتدرب و الحمد لله بلا اصابات بس لاحظت ان فى بنتين كده بيحاولو يوقعوها و كانت فعلاً هتقع بس ربنا ستر و لحقت نفسها
الكابتن زعق مع البنت و قالها تلعب براحه و من غير عنف
التمرين خلص و نانو راحت تغير هدومها
انا: بنات لاحظتو حاجه ف التمرين
داليا: انا اخدت بالى ان فى بنت مركزه مع نانو اكتر من الكوره
انا: دول اتنين مش واحده ربنا يستر عليها
لميس: طب احنا لازم نقول لحد يحذر البنات دى لحسن نانو واقعه كمان و هتموت فيها
حبيبه: احنا لازم نقولها تبطل اللعبه دى و تلعب اى حاجه تانيه
انا: الدراسه خلاص اهى كمان كام يوم يمكن تتلهى ف الكليه و تفكها من اللعب
لميس: يارب مع انى اشك دى دماغها جزمه قديمه
نانو: مين دى اللى دماغها جزمه
حبيبه: دى واحده صاحبتنا كده دماغها عايزه الكسر
نانو: اكيد مش انا😂😂
انا: لا و طلعتى بتفهميها و هى طايره😂😂
نانو: طب يلا بلاش رغى انا هموت من الجوع يلا نروح ناكل
داليا: طب يلا نروح نجيب بقيت البنات و نروح ناكل و نشوف الشباب خلصت تمرين ولا لسه
كلنا : يلا
روحنا عند الشباب كانو خلصو تمرين
لميس: كويس انكو خلصتو يلا نروح نفطر علشان نانو هتاكلنا
ميرو: مش نانو لوحدها🌝😂😂
عادل: طب يلا نروح نفطر
...: هتروحو تفطرو من غيرى
كلنا بصينا كان شاب صغير كده تقريباً قدنا ف السن
عادل: عمر ..اى اللى جابك
عمر: حد يقول لحد كده
هانى: واحشنى يا ولا عامل اى
عمر: زى الفل انت عامل اى
ميرو: خلصتو سلام مش تعرفونا بالاخ
عادل: ده و للاسف اخويا الصغير اكبر منكو بسنه و مع نانو ف الكليه
عمر: ازيكو يا بنات ... اخيراً عرفت حد نظيف
هانى:قصدك اى يلا
عمر: مقصدش حاجه ياعم .. و انتى بقا يا نانو هتدخلى قسم اى
نانو: مش عارفه بما انك اكبر منى بقا ف هتفدنى ف الموضوع ده
عمر: اه طبعاً كده كده الدراسه خلاص كمان كام يوم نبقى نقعد و اعرفك الدنيا
نانو: شكراً معلش هتعبك معايا
عادل: ده عيل فاشل لو عايزه اى حاجه ابقى كلمينى انا و انا هساعدك
عمر: مين ده اللى فاشل انا جايب تقدير السنه اللى فاتت
عادل: بقول فاشل تبقى فاشل
نانو بضحك : خلاص يجماعه انا اللى فاشله 😂
انا: طب اى مش يلا نروح ناكل بقا ولا اى
نانو: اه يلا يلا
عمر بغيظ لعادل: تعالى يا نانو نتمشى و احكيلك ع الكليه 🌝
اخدها و طلع لسانه ل عادل و احنا هنموت من الضحك ع منظر عادل
وصلنا للعربيات و ركبنا و روحنا الكافيه
و نانو و عمر عمالين يتكلمو و كل ما حد يقرب منهم يسكتو
لا الموضوع غريب و يثير الشك
داليا: هو انتو عاملين تتكلمو من ساعه الصبح ف اى و كل ما حد يجي تسكتو
عمر: اسرار بينى و بين صاحبتى مش كده ولا اى
نانو: اه طبعاً كده
عمر رفع ايده بمعنى هاى فايف 🖐🏻
عادل بدء يضايق و بان عليه اوى و بصراحه حقه و راح قام وقف و طلع برا
انا بعت مسدج لنانو انها تطلع تشوفه و كده
نانو: طب انا هقوم ثوانى و جايه
كلهم: اشطا
#Adel
اتعصبت بجد و اضايقت من قرب عُمر من نانو ده لسه متعرف عليها لحق يبقو صحاب و فى بينهم اسرار ده انا اللى اعرفها بقالى شويه موصلناش للدرجه دى ... قومت علشان متعصبش عليهم و طلعت برا اشم شويه هوا شويه و حسيت بحد ورايا
نانو: اى طلعت برا ليه
انا: عادى قولت اشم شويه هوا
نانو: شكلك مضايق او متعصب فى حاجه !
انا: لا مفيش حاجه
نانو: طب يلا ندخل ده اخوك طلع لذيذ اوى😂♥️
انا: ممكن اعرف اى الاسرار اللى بينكو ده انتو لسه عارفين بعض
لحقتو
نانو بضحك : هنبهركو اصبر و هنقولكو ع مفاجاه جامده
انا: مفاجاه اى
نانو: و لو قولت كده مش هتبقى مفاجاه بس ممكن المح ليك
فى حاجه هتحصل قريب اتفركو اوى و هنلبس كُلنا فساتين و بدل
... ضربت دماغى غبيه انا كده قولتلك
انا: لا ثانيه كده قصدك ان فى خطوبه هتحصل قريب
نانو : اها بس متقولش لحد
انا بنكسار: بس ازاى انتى لحقتى تحبيه ده انتى لسه عرفاه
نانو:.....