انت الذي ما يشبهك بالملا حي...

10

عامر: هيي و هاي لها اسم و اسمها عزة... و عن اذنكم حرمتي تعبانه بسير غرفتي... يلا حبي

شل شنطتها و سارو فوق ... دخلو الغرفة و قعدت عزة عالسرير... و زفرت بضيق: اخخخخ ولله يخوف الوضع...

قرب منها عامر و ابتسم...: ما عليج منهم... اما الحين فنحن بنعيش اول ليله فحياتنا كعروس و عريس... ما لازم نخلي شي يضايقنا.... شغل المسجل على اغنيه هاديه... و على عليه لان يعرف امه بتي تدق الباب...

بعيد عنهم... نور كانت منهارة ... عليا وايد سوت لها مشاكل ...و هي تمت ساكته لدرجة انها من الظهر ما طلعت من الغرفة.... لا هي ولا علي.... 

نرجع لقبل ساعات... قبل لا يصير فنور كلشي... بعد ما دخلو كلهم يقيللون... نش بطي و طلع... و اول ما ركب السيارة تنهد تنهيدة طويلة تعبر عن غصته... شغل سيارته... و فتح فونه... و ياله اشعار سناب من ربيعه... ما تفيج يرد عليه.. كل همه الحين يكلم نبضات قلبه... و يسمع صوتها.... و رن فونه مكالمه سناب.... :اففف مب وقتك مولل مب وقتك اففف.... 

سكر عنها و رد دخل محادثتها.... و اتصل له بس هالمره برقمه...رد عليه بغيض: خييير شو تبا 

و رد عليه الصوت الرخيم: الخير بويهك.... بطوي فيك شي؟

بطي: بس جي متصل عسب هالسؤال؟

رد عليه: شو فيك بطوي ...شي صاير 

تنهد بطي: اخخخ يا منصور اخخخ 

منصور: هاااا شو بلاك بعد 

بطي: ماشي ساير المستشفى فيه شي؟

منصور: سلاماتتت شسالفة ؟

بطي: الله يسلمك ماشي ولله بس حد من الاهل هناك وانا ساير ازوره 

منصور: هييييه عيل بكلمك عقب انتبه على عمرك 

بطي: يلاا مع السلامة 

سكر عنه و على طول حرك للمستشفى... اول ما وصل سال عن الغرفة... و بعد ما خبروه سار و كانت توه الدكتورة طالعة... فسالها عن حالتها و قالت له انها بخير و بس باقي يطلعونها.... فوقع عالاوراق و رجع عند الغرفة... و كان بيدق الباب لكن جذبه الحوار اللي بين طيبه و لميا

طيبة: نزين شو فيج انتي جي معصبة؟

لميا بحزن: لانج حطيتي كعبج قريبي... و بعد لانه عصب علي وهو ماله داعي... انا ما سويت شي