الطالبة والاسمر

البارت الحادي عشر

مساء الخير حبايبي
حبايبي غيرت اسم الحساب مو تضيعونه

اصبحت اتخيله في كل يوم وفي كل حديث واغنيه

♡♡♡♡♡♡♡♡

رند: رحنه للعمارة تكسرت بالطريق لما وصلنه ابد ممتعودة على هيج طريق طويل المهم وصلنه نزلنه المكان يجنن طبعا بيوت عمامي وعمام بابا فرع كامل تقريبا بس الهم صاير بيت بصف بيت  جبير بيت جدي بالوسط صاير  حرفيا البيوت يجنن تصميمهن جنت ماخذة فكرة غير عن العمارة لان مرايحه ابد بس هسة لا تغيرت كلش نزلنه من السيارة تلكونه شباب  . ولد عمي وعمامي  محمد وساجر

محمد: يا هلا ومية هلا بالجاينه توهة نور الدار بيكم
محمود: منو بأهلة ابو غيث الغالي
تسالمو صار سنين محد شايف الثاني سلمنه عليهم اني وماما واحمد
حارث: هلا خوية هلا بيك
احمد: تسلم خيي
ياس: ايعع كافي رسميات  مدااعرفك يول حارث
حارث: وجعع كون فشلتنه كبال الرجال
احمد: ههههههههه لا يول اني هم مااحب هل رسميات
فضل: انضم لشلتنه التعبانه لعد هههههه
احمد: هاهية وياكم
حارث: هاي الحليوة منو
احمد ( ضربته بشقة): ولك بدينهه هاي رند اختي
حارث: نشاقة يول.  هلا ببنيت عمنه شلونج
رند: هلا بيك تمام الحمدلله
سلمت عليهم كلهم ودخلنه جوة اول شي   سلمنه على جدو غياث
غياث: يا هلا بوليدي
محمود: مشتاقتلك حييل يبويه
غياث: اخخ يبوية ريتني ما بعدتك عن ديرتك وهلك اخخ
محمود: كافي يابة مو زين على صحتك الصار صار بعد
غياث: وينهم وليداتك
محمود: هياتهم يابة احمد ورند
احمد: هلا جدي شلونك صحتك
غياث: يا هلا بأبن الغالي   شلونك حمودي
ياس: جدي فدوة لعينك يا حمودي تحسسني عمرة  سنتين ههههههههه دشوفة جنه حصان
غياث: نجب نجب ابو لسان
ياس: سكتنه عينييي سكتنه اجه حميدان اخذ معزتنه
غياث: كلكم احبكم وماافرق بيكم
فضل: صدك
غياث بشقة: وداعت احمد
الكل: ههههههههه
رند: شلونك جدو
غياث: يا هلا ببنيتي حبيبتي شلونج
رند: تمام الحمدلله جدو انته شلونك
غياث: الحمدلله على الله
سلمنه على الباقين نسوان عمامي وعمتي وبناتهم
رند: اخخ يابة تعبت هلكد ماسلمت كعدنه اجن يمي البنات
بنين: اخخ بويااا خرب بالشغل متت تعب
حوراء: انتي فاهية عيونيي
بنين: دنجبي نجبي  صدك رنود يا صف
رند: رحت ثالث متوسط انتو
بنين: خلي احجيلج اني نور وحوراء راحن لخامس علمي لان اجن بنفس السنه للدنيا وتسجلن سوة واني رحت للرابع وليان اول متوسط يعني بس انتي وليان حاليا عدنه بالمتوسطه
رند: مادري بنات احس شايلة هم للثالث اشوف  يكولون صعب
حوراء: وداعتج سهل بس اقري يومي وماعليج شي بعد
رند: الله كريم
بنين: صدك يول ليش ما تعيشون هنا جدي مخلي الكم بيت كامل حتى اثاث مأثث كعدو بي
رند ( اجه ابالي هيثم  ): والله مادري خلي نشوف بابا ماما شيكولون
نور:  رنود شكد عمرة احمد
حوراء: هاا هااا زحفتي عالرجالل توة اجهه
نور: كبرر يي والله غير ابن عمي ونعرف
حوراء: يي صدكتج
رند: عمرة 22
بنين: اللله شكد حلوو وتعيشون يمنه
نور: حبيناكم والله
رند: يروحي واني اكثر والله جنت دوم وحدي بالبيت لو اروح لبيت خالتي يم بنات خالتي
ليان: يووو شكد تحجنن خلن البنية تكوم تبدل ترتاح
بنين: ووجع كون دهرر ام لسانين اخذته السوالف عود
حوراء: عدنه هل ليان ولا عبالك دتكبر كلما تكبر لسانهة يطول بزر الكعدة مالتنه.