متاهة رماد

الَـمتاهـة (26)

" مَتاهة رَماد "

البارت الـ 26
مهم :- لا تنسون التصويت وتعلقون بين الفقرات🔴"

مُتابعة للحُساب عُـمري 🤍.

-
رَمـاد
-
كعدت صَباح يوم الاحد بكَسل بعد ما مر اسبوع كامل أداوم حيل مليت من الدوام ضَليت فترة صافنة بعدين كُمزت من مكاني من استوعبت اليوم راح أنطبق !! وعلى حضي بِـالمستشفى الي يداوم بيها هُمام

كُمت غسلت ورفعت شعري ولبست جينز وتشيرت وردي فاتح وحذاء رياضي بِـلون ابيض رحت على غرفة روز اكعدهة ..

رَمـاد :- اليوم محداومين حيصير الج يومين جثة صايرلج شي مستحيل توكعين هاي الوكعة هيج

روز :- اوي رَمـاد فتحتي تحقيق ما صاير شي

رَمـاد :- ضلي ضلي لا دكولين تاليتي اعرف

طلعت من غرفتهة واني اسد الباب وراي ما مطمنه صارلهة يومين اجتي من الجامعة تبجي ودخلت لغُرفتهة بعدهة وكعت فد مرة

نفضت الافكار من راسي ورحت للمطبخ سويت جاي شربت على السريع وطلعت للمستشفى الي حطبق بيهة ..

اول ما وصلت طبكت السيارة بِـ الكراج ونزلت متأخرة كُلش ركضت على الدرج بسرعة اول ما دخلت للغرفة لكيتهم متسطرين واني متأخره ولِـسوء حضي هُمام جان واكف ينطيهم ارشادات

اول مشافني ملامح الغضب بينت على وجهة وقبل لا يحجي رأسا كتله

رَمـاد :- اعتذر استاذ صار لي ظرف ومكدرت اجي من وكت

كال بحدة :- ادخلي واول واخر مرة

رَمـاد :- ان شاء الله ..

هُمام :- يلا اكو عَملية تَعالوا

دَخلنة للعملية واكو كم بنية معهد تخدير اباوع الهم شلون يحضرون الأبر بدقة علمود يخدرون المريض ، بعد ما بنجوا بدة همام يسوي العملية وكلشي يسوي يحجي النه واحنه نراقب الاجهزة الحد ما وصل عنده يخيط الجرح

كال :- يلا شغلتكم

ضلينة واحد يباوع للثاني فجأة رفعت ايدي ابتسم وهز راسه وهوه يكول :- الحمدالله طلع اكو واحد بدفعتكم يشارك يله تعالي

بديت اخيط واني مبتسمة بس بداخلي خوف مو طبيعي بس حاولت ما اضهره واخلي تجربتي الاولى تمام ، خلصتهة رفعت راسي وشمرت شعري ليورة بأنجاز

ابتسم وهوه يكول :- عفيه عمي لبوة والله لبوة