💖خالي 😎 عزوتي😍

حفل الحنه

جبل.. فديت النادر اني نفسها بلاكل يموت كلش طيب ونوب هم مسويه الكهوه و الجاي فديت ايديها اني صعدت للغرفة طلعت الدشداشه الختارتها زهراء ولبست الساعة والمحابس وخليت عطر ولفيت الغتره ونزلت وطلعت بره صار حسين كدامي

حسين.. جبل اريد ابدل اخذلي طريق خليني اصعد لغرفتك

جبل.. يله نروح سوا لن اني هم نسيت السبحه مالتي

حسين.. يله بس اجيب الدشداشه واجي ماشي

جبل.. ماشي.. راح واجه دخلنه اثنينه وطلعت من المطبخ ملاك ورب الكعبه انوب جمدت بمكانها ونوب ركضت ودخلت لغرفت اهلي صعدنه وبدل ونزلنه دورت عليها اريد اشوفها قبل لا اطلع بس ماكو مابينت بين البنات الي طلعن يباوعن علينه عفتهم وطلعت ظلو الولد يركصون ويلعبون جوبي جان الشيخ

الشيخ.. يله بويه بلغو الاهل حتى نروح نحني العروس يله بوية

حسين.. دخلت للمطبخ حتى ابلغهم يتجهزون صارت كدامي زهراء تشرب مي حمحم دارت عليه وياريتها مادارت صح قبل شويه شفتها بس هسه ركزت بيها عبالك حورية من الجنه تقربت عليها .. بس كولي للموجودين انو شيخ يكول خل يتحضرون لن راح نروح نحني العروسه .. هزت راسها وراحت ركض انتظرتها ترجع بس مارجعت اووف يابت بغداد اووف شسويتي بحالي طلعت لكيتهم محضرين السيارات ونتظرت تطلع حتى تصعد وياي بسيارة بس ماكو خررب لك شنو هاي جاي يسوي

زهراء.. من شفت سناء كدامي مو تنمر بس الفستان مو حلو عليها ابد المهم دخلت ويا البنات نركص ماكو وكعت رجلينه عطشت ورحت اشرب مي سمعت واحد يحمحم درت وجهي حسين انوب اني تصنمت ماكدرت اتحرك كال راح تطلع السيارات على مود الحنه رحت ركض كلت وكلت للشيخه زهرة وهي بلغت البنات واني حتاريت شنو البس فوك الفستان باوعت البنات كلهن لبسن عبي بس يارا ولارا لبسن بشت هاي وينها .. لميس شفتي ريم

لميس.. لا والله ماشفتها

زهراء.. عفتها ورحت دورت على ريم .. لك وين راحت هاي البنيه .. صعدت فوك ادور دخلت للغرفة مالتنه ماكو دورت رحت لغرفت حسام كلت يمكن الكاها هناك صدك رحت ولكيتها هي وحسام بس مبين معصب ريم لابسه عبايه ردت اطلع وياها جان حسام عاط كلت ريم تتطلع مو انتي يمه شبيه معصب هيج اباوع على ريم اكوللها بعيوني لا تعوفيني لن صدك شكله حيل معصب وخفت ابقى يمه لوحدي كلت معقوله جبل كاله طلعت كدامنه بل فستان يمه كمت ارجف من التفكير😲😧 ..هاا حبيبي صاير شي ليش معصب ☺

حسام.. من كال الشيخ خلي النسوان يتجهزن لن راح نروح ردت ادخل للمطبخ حتى اكول لريم بس شفت حسين يحجي ويا زهراء وهي مخاله شي على الفستان جسمها مبين حسيت راسي راح ينفجر من العصبيه شفتها ماحجت ويا وراحت تركض رجعت ليورا شويه وطلع واني دخلت شفت ريم تريد تصعد سحبتها وصعدت راح جابت عباتها وجتي وكفت سمعت صوت زهراء تصيح باسم ريم واسمعت صوت الباب ينفتح دخلت باوعت .. ريم تكدرين تروحين .. ريم هزت راسها وطلعت من الغرفه باوعت على زهراء شكلها خايفة بس من شنو خايفة يمكن شافتني من جان حسين يحجي وياها  يمكن سحبتها من ايدها ونضربت بصدري لويت ايديها وخليتها ورا ظهرها هي عقجت وجها من الوجع قربت خشمي من خدها وشميته تقربت من اذانها وهمست .. انتي شلون تكوفين كدام حسين هيج 😠