...
ﺃﺳﻴﺪ .. ﻣﻮﺍﻓﻖ !
ﺩﺍﻟﻴﺎ .. ﻧﻌﻢ؟ !!
ﺍﺳﻴﺪ .. ﻣﺜﻞ ﻣﺎ ﺳﻤﻌﺘﻲ .
ﺩﺍﻟﻴﺎ .. ﻉ ﺷﻨﻮ ﻣﻮﺍﻓﻖ؟ !
ﺍﺳﻴﺪ .. ﺳﻜﺖ ﺩﻗﻴﻘﻪ ﻭﻛﺄﻧﻪ ﻳﻠﻔﻆ ﺍﻟﻜﻠﻤﺎﺕ ﺑﺼﻌﻮﺑﻪ ، ﺑﺼﻮﺕ ﺟﺎﻣﺪ ﻭﺣﺎﺩ .. ﻟﺘﺴﺘﻐﺒﻴﻦ ﺗﻌﺮﻓﻴﻦ ﻉ ﺷﻨﻮ .
ﺩﺍﻟﻴﺎ .. ﻭﻟﻮﻳﺶ ﻣﺘﻜﻮﻝ ﺍﻟﻜﻼﻡ ﺑﻠﺴﺎﻧﻚ ﻟﻮ ﻣﻴﻬﻮﻥ ﻋﻠﻴﻚ ﺗﻠﻔﻆ ﻣﻮﺍﻓﻘﺘﻚ ﺍﻟﺰﻭﺍﺝ ﺑﺤﺜﺎﻟﻪ .
ﺃﺳﻴﺪ .. ﺍﺳﻤﻌﻲ ﻟﺞ ﻣﺎ ﺍﺟﻴﺖ ﺍﺟﺎﺩﻟﺞ ﻭﻻ ﺍﺗﻨﺎﻗﺶ ﻭﻳﺎﺝ ﺍﺗﺼﻮﺭ ﺩﺍﺍﺣﺎﻭﻝ ﺍﺳﺎﻋﺪﺝ ﻳﻌﻨﻲ ﺍﻟﻤﻔﺮﻭﺽ ﺗﻜﻮﻧﻴﻦ ﻣﻤﻨﻮﻧﻪ ﻭﺗﺸﻜﺮﻳﻨﻲ ﻉ ﺍﻟﻲ ﺩﺍﺍﺳﻮﻱ ﻣﻮ ﺗﺘﻮﺍﻗﺤﻴﻦ .
ﺩﺍﻟﻴﺎ .. ﻫﻪ ﺍﺗﺴﺎﻋﺪﻧﻲ؟؟؟
ﺍﺗﺼﻮﺭ ﻛﻠﺘﻠﻲ ﻗﺒﻞ ﻛﻢ ﺳﺎﻋﻪ ﺍﻧﻮ ﻣﺘﺮﻳﺪ ﺗﺸﻮﻑ ﺧﻠﻘﺘﻲ ﺷﻨﻮ ﺍﻟﻲ ﻏﻴﺮ ﺭﺃﻳﻚ ﻭﺍﺟﻴﺖ ﺑﺮﺟﻠﻚ ﺗﺸﻮﻓﻨﻲ؟ !!
ﻋﻤﻮﻣﺎً ﺍﺫﺍ ﺩﺗﺮﺩ ﺍﻟﺠﻤﻴﻞ ﺑﺴﺒﺐ ﺍﻟﻲ ﻛﻠﺘﻪ ﻟﻼﻣﺮ ﻓﺄﻧﻲ ﻣﺴﻮﻳﺖ ﺷﻲ ﻋﻠﻤﻮﺩﻙ ﻭﺍﻧﻤﺎ ﻋﻤﻠﺖ ﺑﺄﺻﻠﻲ ، ﻭﺑﺨﺼﻮﺹ ﺍﻟﻄﻠﺐ ﺍﻟﻲ ﻃﻠﺒﺘﻪ ﻣﻨﻚ ﻓـ ﻣﻜﺎﻧﺖ ﺭﻏﺒﺘﻲ ﻭﻻ ﺭﺩﺕ ﺍﺳﻮﻱ ﻫﻴﺞ ﺷﻲ ﻏﺒﻲ ﺑﺲ ﺍﻧﺠﺒﺮﺕ ﻭﻧﺪﻣﺎﻧﻪ ﺍﻛﺜﺮ ﻣﺘﺘﺼﻮﺭ ، ﻣﻊ ﺫﻟﻚ ﺍﻧﻲ ﺍﺷﻜﺮ ﺷﻬﺎﻣﺘﻚ ﻭﻣﺴﺎﻋﺪﻩ ﻣﻨﻚ ﻣﺎﺍﺭﻳﺪ .
ﺍﺳﻴﺪ .. ﺑﻼ ﻛﻼﻡ ﻭﻃﻮﻟﺔ ﺍﻟﻠﺴﺎﻥ ﻛﻠﺘﻠﺞ ﻣﻮﺍﻓﻖ ﻭﺧﻠﺺ ﻣﻮ ﺑﻜﻴﻔﺞ ﺍﻟﻤﻮﺿﻮﻉ ﻃﻠﻊ ﻣﻦ ﺍﻳﺪﺝ ﺑﻌﺪ .
ﺩﺍﻟﻴﺎ .. ﺷﻨﻮ ﻫﻮ ﺍﻟﻲ ﻣﻮ ﺑﻜﻴﻔﻲ ، ﺗﺮﻯ ﺍﻧﺖ ﻻ ﺍﺑﻮﻳﻪ ﻭﻻ ﻭﻟﻲ ﺍﻣﺮﻱ ، ﻓـ ﺍﺑﺘﻌﺪ ﻋﻨﻲ ﻭﻟﺘﺨﻠﻴﻨﻲ ﺍﺩﺧﻠﻚ ﺑﻘﻀﻴﺔ ﺗﺤﺮﺵ .. ﺩﻓﻌﺘﻪ ﻭﺭﺍﺣﺖ !!
ﺃﺳﻴﺪ .. ﺑﺤﻴﺎﺗﻲ ﻣﺎ ﺷﺎﻳﻒ ﻫﻴﺞ ﺑﻨﻴﻪ ﺟﺮﻳﺌﻪ ﻭﺻﻠﻔﻪ ، ﺍﻟﻐﺒﻴﻪ ﺭﺩﺕ ﺍﺳﺎﻋﺪﻫﺎ ﻋﺎﻓﺘﻨﻲ ﻭﻻ ﻛﺄﻧﻮ ﻭﺍﻛﻒ ﻛﺪﺍﻣﻬﺎ ﻭﺭﺍﺣﺖ ، ﻣﻊ ﺍﻧﻮ ﺗﺼﺮﻓﻬﺎ ﺍﺯﻋﺠﻨﻲ ﻭﻋﺼﺒﻨﻲ ﺑﻨﻔﺲ ﺍﻟﻮﻗﺖ ، ﻭﺍﺷﻜﺪ ﺍﺗﻤﻨﻴﺖ ﺍﻟﺰﻣﻬﺎ ﺍﻣﺴﺢ ﺑﻴﻬﺎ ﺍﻟﻤﻌﺴﻜﺮ ﻉ ﻫﺬﺍ ﺍﺳﻠﻮﺑﻬﺎ ، ﺑﺲ ﺟﺮﺋﺘﻬﺎ ﺻﺪﻙ ﺗﺠﺬﺏ ﺍﻻﻧﺘﺒﺎﻩ ..
ﺑﻘﻴﺖ ﻭﺍﻛﻒ ﺑﻤﻜﺎﻧﻲ ﺍﺑﺎﻭﻉ ﻋﻠﻴﻬﺎ ، ﻣﻦ ﺳﻨﻴﻦ ﻣﻤﺮﻛﺰ ﺑﻮﺣﺪﻩ ﻟﻬﺪﺭﺟﻪ ﺟﻨﺲ ﺣﻮﺍﺀ ﻛﺎﺭﻫﻢ ﻭﻻ ﻳﺠﺬﺑﻨﻲ ﺍﺑﺪ ﺑﺲ ﻫﺎﻱ ﺑﻴﻬﺎ ﺷﻲ ﻏﺮﻳﺐ !
ﺍﺳﻠﻮﺑﻬﺎ ﺍﻟﺠﺮﻱﺀ ﻣﺘﺨﺎﻑ ﻣﻦ ﺷﻲ ، ﻣﺘﻬﺎﺏ ﺍﺣﺪ ، ﻛﻼﻣﻬﺎ ﺣﺪﻱ ﻣﺘﺘﺮﺍﺟﻊ ﺑﻘﻴﺖ ﺻﺎﻓﻦ ﻋﻠﻴﻬﺎ ﺍﺷﻠﻮﻥ ﺗﻤﺸﻲ ﻉ ﺑﺎﻟﻚ ﻏﺰﺍﻝ .... ﺷﻌﺮﻫﺎ ﻉ ﻃﻮﻝ ﻇﻬﺮﻫﺎ ﻭﺍﺳﻮﺩ ﻣﺜﻞ ﺍﻟﻠﻴﻞ .. ﻫﺎﻟﻤﺨﻠﻮﻗﻪ ﻣﻦ ﺻﺪﻙ ﺗﺴﺤﺮ !
ﻟﺤﻈﺎﺕ ﺳﺮﺣﺖ ﺑﻴﻬﺎ .. ﻓﺠﺄﻩ ﻣﺮﺕ ﺍﺑﺎﻟﻲ ﺫﻛﺮﻳﺎﺕ ﻗﺪﻳﻤﻪ !
ﻫﺰﻳﺖ ﺭﺍﺳﻲ ﺑﻘﻮﻩ ﻭ ﻛﺄﻧﻲ ﺍﺣﺎﻭﻝ ﺍﺑﻌﺪﻫﺎ ﻋﻦ ﺗﻔﻜﻴﺮﻱ !
ﺍﺳﺘﻐﻔﺮ ﺍﻟﻠﻪ ﺍﺷﺒﻴﻪ ﺍﻧﻲ ﺍﺗﺨﺒﻠﺖ ، ﻫﺎﻱ ﺣﺎﻟﻬﺎ ﺣﺎﻝ .... ﺳﻜﺘﺖ ﺍﺣﺲ ﻧﻔﺴﻲ ﻛﺎﻣﺖ ﺗﻠﻌﺐ ، ﻛﺮﻫﺖ ﺭﻭﺣﻲ ﻻﻥ ﻓﻜﺮﺕ ﺑﻮﺣﺪﻩ ، ﻻﻥ ﺳﻤﺤﺖ ﺍﻟﻤﺸﺎﻋﺮﻱ ﺗﺤﺴﻬﺎ ، ﺍﺗﻤﻨﻴﺖ ﺑﻬﺬﻱ ﺍﻟﻠﺤﻈﻪ ﺍﺭﻭﺡ ﺍﺧﻨﻜﻬﺎ ﺑﺄﺩﻳﻪ ﻻﻥ ﺧﻠﺘﻨﻲ ﺍﺣﺲ ﺑﻬﻴﺞ ﺷﻲ ، ﺭﺟﻌﺘﻨﻲ
ﻻﺷﻴﺎﺀ ﺣﺎﻭﻟﺖ ﺑﻜﻞ ﻣﺎ ﺃﻣﻠﻚ ﺍﻣﺤﻴﻬﺎ ﻣﻦ ﺗﻜﻮﻳﻨﻲ .
ﺩﺭﺕ ﻭﺟﻬﻲ ﻭﺭﺟﻌﺖ ﻟﻐﺮﻓﺘﻲ ... ﺑﻌﺪ ﻫﺬﺍ ﺍﻟﻴﻮﻡ ﻣﺸﻔﺘﻬﺎ ﻧﻬﺎﺋﻴﺎً ﻭﻻ ﻋﺮﻓﺖ ﻋﻨﻬﺎ ﺍﻱ ﺷﻲ ، ﺑﺲ ﻣﺮﺍﺕ ﺍﺳﻤﻊ ﻋﻠﻲ ﻳﺴﺄﻝ ﺍﻻﻣﺮ ﻋﻨﻬﺎ ﻫﻲ ﻭﺍﺧﺘﻬﺎ !..
ﺍﻧﻲ ﺍﻭﻝ ﻣﻴﺠﻴﺐ ﺳﻴﺮﺗﻬﻦ ﺍﺗﺮﻙ ﺍﻟﻤﻜﺎﻥ ﻭﺍﻃﻠﻊ .
ﻣﺮﺕ ﺍﻳﺎﻡ ﻭﺍﺷﻬﺮ ... ﺍﻟﻰ ﺍﻥ ﻓﺪ ﻳﻮﻡ
...
ﺩﺍﻟﻴﺎ .. ﻛﻠﺘﻠﻪ ﻫﺬﺍ ﺍﻟﻜﻼﻡ ﻭﻋﻔﺘﻪ ﻭﺭﺣﺖ ﻻﻥ ﻣﺎﺍﺭﻳﺪ ﺍﺳﻤﻊ ﺍﻱ ﺷﻲ ﻣﻦ ﻛﻼﻣﻪ ﺍﻟﻲ ﻣﺜﻞ ﺍﻟﺴﻢ ، ﻣﺸﻴﺖ ﺑﺲ ﺍﺣﺲ ﻋﻴﻮﻧﻲ ﺗﺘﻮﺳﻠﻨﻲ ﺍﺭﺟﻊ ﺍﺷﻮﻓﻪ !
ﻣﺎ ﺍﺩﺭﻱ ﻟﻮﻳﺶ ﺭﻏﻢ ﻛﻞ ﺍﻟﻲ ﺳﻮﺍ ﺑﻴﻪ ﻭ ﺭﻏﻢ ﻛﻞ ﺍﻫﺎﻧﺎﺗﻪ ﺍﻟﻲ ﺑﺲ ﺍﻧﻲ ﻣﻦ ﺍﺷﻮﻓﻪ ﺍﻧﺴﻰ ﺭﻭﺣﻲ !
ﻭﺍﻟﻠﻪ ﻭﺍﻟﻠﻪ ﺍﺣﺲ ﻛﻞ ﺫﺭﻩ ﺑﻴﻪ ﺗﻜﻮﻝ ﺍﻧﺨﻠﻘﺖ ﻟﻬﺬﺍ ﺍﻟﺸﺨﺺ !!
ﺍﻋﺮﻑ ﺍﺣﺴﺎﺳﻲ ﻏﺒﻲ ﻭﺗﻔﻜﻴﺮﻱ ﺑﻌﺪ ﺍﻏﺒﻰ ، ﻭﻳﻦ ﺍﻛﻮ ﺷﺨﺺ ﻋﺎﻗﻞ ﻳﺤﺐ ﻣﻦ ﺍﻭﻝ ﻧﻈﺮﻩ؟ !
ﻭﺑﻤﺜﻞ ﻫﻴﺞ ﻇﺮﻭﻑ؟ !
ﻭ ﺷﺨﺺ ﻣﺜﻞ ﻫﺬﺍ ﺃﺳﻴﺪ؟ !
ﮔﻠﺒﻪ ﺍﻗﺴﻰ ﻣﻦ ﺣﺠﺮ ﺍﻟﺼﻮﺍﻥ ، ﻭ ﻣﺸﺎﻋﺮﻩ ﺃﺑﺮﺩ ﻣﻦ ﺍﻟﺠﻠﻴﺪ ، ﻫﺎﻱ ﺍﺫﺍ ﻋﻨﺪﻩ ﻣﺸﺎﻋﺮ ﺍﺻﻼً !!
ﻳﻌﻨﻲ ﺗﺼﻮﺭﻭ ﺍﺭﻭﺡ ﺍﺗﻮﺳﻠﻪ ﻳﻨﻘﺬﻧﻲ ... ﻳﻬﻴﻨﻲ ﻭﻳﻌﺎﻣﻠﻨﻲ ﻣﺜﻞ ﺍﻟﺤﺜﺎﻟﻪ !
ﻋﻤﻮﻣﺎً ﻣﻮ ﻣﻮﺿﻮﻋﻨﺎ ﻫﺬﺍ .
ﻋﻔﺘﻪ ﻭ ﺭﺣﺖ ﻟﻜﻴﺖ ﺳﻠﻤﻰ ﺗﻨﺘﻈﺮﻧﻲ ﺑﺎﻟﺒﺎﺏ ﺍﻟﺨﺎﺭﺟﻲ ﺷﺎﻓﺘﻨﻲ ﺍﻣﺸﻲ ﺑﺴﺮﻋﻪ ﻭ ﺟﺴﻤﻲ ﻭﻋﻴﻮﻧﻲ ﺣﻤﺮ !!
ﺳﻠﻤﻰ .. ﻫﺎ ﺩﺍﻟﻴﺎ ﺷﻨﻮ ﻛﺎﻟﺞ؟ !
ﺩﺍﻟﻴﺎ .. ﻣﻜﺎﻝ ﺷﻲ ﻭﺃﻣﺸﻲ ﺣﺘﺼﻴﺮ ﺍﻟﺪﻧﻴﺎ ﺍﻟﻠﻴﻞ .
ﺳﻠﻤﻰ .. ﻭﺝ ﺑﺲ ﻓﻬﻤﻴﻨﻲ ﺷﻨﻮ ﺭﺍﺩ ﻣﻦ ﻋﻨﺪﺝ؟ !!
ﺩﺍﻟﻴﺎ .. ﺑﺼﻮﺕ ﻋﺎﻟﻲ ﻭﺣﺎﺩ .. ﺳﻠﻤﻰ ﻛﻠﺘﻠﺞ ﻣﻴﺮﻳﺪ ﺷﻴﻴﻴﻴﻲ ﺍﻣﺸﻲ ﻟﺨﺎﻃﺮ ﺍﻟﺮﺏ ﻭﺳﺪﻱ ﻫﺬﺍ ﺍﻟﻤﻮﺿﻮﻉ ﻣﺎﺍﺭﻳﺪ ﺍﺳﻤﻊ ﺳﻴﺮﺗﻪ .
ﺳﻠﻤﻰ .. ﻣﺎﺷﻲ ﻣﺎﺷﻲ ﺑﺲ ﺍﻫﺪﻱ .
ﻣﺸﻴﻨﺎ ﺍﻧﻲ ﻭﺳﻠﻤﻰ ﺩﻧﻄﻠﻊ ﻣﻦ ﺍﻟﺒﺎﺏ ﻣﺎﻟﺖ ﺍﻟﻤﻌﺴﻜﺮ ﺍﻭ ( ﺍﻟﻤﺪﺭﺳﻪ ) ﺟﺎﻥ ﺍﺳﻤﻊ ﻭﺍﺣﺪ ﻳﺼﻴﺢ .. ﺩﺍﻟﻴﺎ .. ﺳﻠﻤﻰ .. ﺍﻧﺘﻈﺮﻭ؟ !!!
ﺩﺭﺕ ﻭﺟﻬﻲ ﻟﻜﻴﺘﻪ ﺩﻛﺘﻮﺭ ﻋﻠﻲ !!
ﻋﻠﻲ .. ﺑﺄﻧﻔﺎﺱ ﻣﻘﻄﻮﻋﻪ ﺍﻟﻈﺎﻫﺮ ﻛﺎﻥ ﺩﻳﺮﻛﺾ .. ﻳﻤﻌﻮﺩﻩ ﺷﻨﻮ ﻣﺘﺴﻤﻌﻴﻦ ﺩﺍﻟﻴﺎ ﺻﺎﺭ ﺳﺎﻋﻪ ﺍﺻﻴﺢ ﻋﻠﻴﺞ؟ !
ﺑﻌﺪﻳﻦ ﺷﻨﻮ ﻫﺎﻱ ﺭﺟﻠﻴﺞ ﻟﻮ ﺗﺎﻳﺮﺍﺕ ﺍﺭﻳﺪ ﺍﻟﺤﻚ ﺑﻴﺞ ﻣﺎﻛﻮﻭ ﺍﻧﻜﻄﻊ ﻧﻔﺴﻲ !
ﺩﺍﻟﻴﺎ .. ﺍﺳﻔﻪ ﻣﺴﻤﻌﺘﻚ ، ﺍﺗﻔﻀﻞ ﺭﺍﻳﺪ ﺷﻲ؟ !!
ﻋﻠﻲ .. ﻳﺒﺎﻭﻉ ﻟـ ﺳﻠﻤﻰ ﻭﻳﺤﺠﻲ .. ﻻ ﻣﺮﺍﻳﺪ ﺷﻲ ﺑﺲ ﺣﺒﻴﺖ ﺍﻭﺩﻋﻜﻢ ﻗﺒﻞ ﻟﺘﺮﺣﻮﻥ ﻭﺍﺷﻮﻑ ﺧﺎﻑ ﻣﺤﺘﺎﺟﻴﻦ ﺷﻲ؟ !
ﺩﺍﻟﻴﺎ .. ﺷﻜﺮﺍً ﻣﻤﺤﺘﺎﺟﻴﻦ ﺑﺲ ﺳﻼﻣﺘﻚ ، ﻭﻣﻦ ﺭﺧﺼﺘﻚ ﻻﺯﻡ ﺍﻧﺮﻭﺡ ﻻﻥ ﺍﻟﺪﻧﻴﺎ ﺣﺘﻈﻠﻢ ﻭﺍﺣﻨﺎ ﻭﺣﺪﻧﺎ .
ﻋﻠﻲ .. ﻭﻳﻦ ﺭﺍﺡ ﺗﺮﺣﻮﻥ ﻫﺴﻪ؟ !!
ﺩﺍﻟﻴﺎ .. ﺣﻀﺮﺕ ﺍﻵﻣﺮ ﻛﺜﺮ ﺧﻴﺮﻩ ﻣﻘﺼﺮ ﻭﻳﺎﻧﻪ ﻭﺍﻧﻄﺎﻧﻲ ﻋﻨﻮﺍﻥ ﺩﻳﺮ ﺣﻨﺮﻭﺡ ﺑﻲ ﻓﺘﺮﻩ ﺍﻟﻰ ﺍﻥ ﻧﺮﺗﺐ ﺍﻭﺿﺎﻋﻨﺎ ﻭ ﺍﻧﺸﻮﻑ ﺷﻨﻮ ﺣﻴﺼﻴﺮ .
ﻋﻠﻲ .. ﺍﻫﺎﺍ ﺍﻥ ﺷﺎﺀ ﺍﻟﻠﻪ ﺧﻴﺮ ، ﻭ ﻭﻳﻦ ﺻﺎﻳﺮ ﻫﺬﺍ ﺍﻟﺪﻳﺮ؟ !!
ﺩﺍﻟﻴﺎ .. ﻟﻮﻳﺶ ﺍﻟﺴﺆﺍﻝ؟ !!
ﻋﻠﻲ .. ﻻﺍ ﻣﻮ ﻗﺼﺪﻱ ﺷﻲ ﺑﺲ ﺍﻧﻲ ﻧﺎﺯﻝ ﺍﻻﻫﻠﻲ ﻓﻜﻠﺖ ﺍﺫﺍ ﻧﻔﺲ ﺍﻟﻄﺮﻳﻖ ﺍﻧﻲ ﻭﻳﺎﻛﻢ ﺍﻭﺻﻠﻜﻢ ﺑﻄﺮﻳﻘﻲ .
ﺩﺍﻟﻴﺎ .. ﻫﺎﺍ ﻻ ﺷﻜﺮﺍً ﺍﻟﻚ ﺍﺣﻨﺎ ﻧﺪﺑﺮ ﺣﺎﻟﻨﻪ .
ﺳﻠﻤﻰ .. ﺑﻐﺪﺍﺩ ... ﻃﺮﻳﻘﻨﺎ ... ﻟـ ... ﺑﻐﺪﺍ .. ﺩ
....
ﻋﻠﻲ .. ﺍﻻﺑﺘﺴﺎﻣﻪ ﻣﻠﺖ ﻭﺟﻬﻪ ﻉ ﺑﺎﻟﻚ ﺳﻠﻤﻰ ﻛﺎﻧﺖ ﺧﺮﺳﻪ ﻭﻫﺴﻪ ﻧﻄﻘﺖ !
ﻣﻤﺼﺪﻙ ﺳﻠﻤﻰ ﺣﺠﺖ !
ﺍﻧﻲ ﻫﻢ ﺭﺍﻳﺢ ﻟﺒﻐﺪﺍﺩ .. ﻟﻌﺪ ﺍﺫﺍ ﻫﻴﺞ ﻻﺯﻡ ﺍﻭﺻﻠﻜﻢ ﺑﻨﻔﺴﻲ .
ﺩﺍﻟﻴﺎ .. ﺑﻘﺖ ﺻﺎﻓﻨﻪ ﺑﻮﺟﻪ ﺳﻠﻤﻰ ﻣﺘﻌﺮﻑ ﻟﻮﻳﺶ ﺗﺼﺮﻓﺖ ﻫﺸﻜﻞ ، ﻭﻟﻮﻳﺶ ﻛﺎﻟﺘﻠﻪ ﻋﻦ ﻣﻜﺎﻥ ﺍﻟﺪﻳﺮ؟ !!
ﻣﻊ ﺫﻟﻚ ﻛﺎﻥ ﻻﺯﻡ ﺍﺗﺮﺩ ﻋﻠﻰ ﻋﻠﻲ ﺍﻟﻲ ﻛﺎﻥ ﻳﻨﺘﻈﺮ ﻳﺴﻤﻊ ﺟﻮﺍﺏ ﻣﻨﻬﺎ !...
_ ﻻ ﻣﻨﺮﻳﺪ ﺍﻧﻜﻠﻒ ﻋﻠﻴﻚ ﺍﺣﻨﺎ ﻧﺮﻭﺡ ، ﺷﻜﺮﺍً ﺍﻟﻚ .
ﻋﻠﻲ .. ﻻﺍﺍ ﻣﻴﺼﻴﺮ ، ﻭﻏﻼﺕ ﺍﻟﻮﺍﻟﺪﻩ ﺍﻻ ﺍﻭﺻﻠﻜﻢ ﻭﻳﺎﻱ ، ﻣﻬﻤﺎ ﻳﻜﻦ ﺍﻧﻲ ﺭﺟﺎﻝ ﻭﻏﻴﺮﺗﻲ ﻣﺘﺴﻤﺤﻠﻲ ﺍﻋﻮﻓﻜﻢ ﻟﺤﺎﻟﻜﻢ ﺗﺮﺣﻦ ﻛﻞ ﻫﺬﺍ ﺍﻟﻄﺮﻳﻖ ﻭ ﺧﺼﻮﺻﺎً ﺑﻬﺬﻱ ﺍﻻﻭﺿﺎﻉ ، ﺍﻧﻲ ﻣﺼﺮ ﻭﻻﺯﻡ ﺗﻘﺒﻠﻦ ﻃﻠﺒﻲ .
ﺩﺍﻟﻴﺎ .. ﺑﺲ ..
ﺳﻠﻤﻰ .. ﻣﺎﺷﻲ ﻣﻮﺍﻓﻘﻴﻦ .
ﺩﺍﻟﻴﺎ .. ﺭﺟﻌﺖ ﺻﻔﻨﺖ ﺑﻮﺟﻪ ﺳﻠﻤﻰ ﺑﺲ ﻫﺎﻟﻤﺮﻩ ﺧﺰﺭﺗﻬﺎ ﺣﻴﻞ ، ﺍﻛﻴﺪ ﻫﺎﻱ ﺗﺨﺒﻠﺖ ﺍﺷﻮﻥ ﺗﺨﻠﻴﻨﻲ ﺑﻬﺬﺍ ﺍﻟﻤﻮﻗﻒ؟ !!
ﻣﻌﺮﻓﺖ ﺗﺤﺠﻲ ﺷﻲ ﺑﻌﺪ ﻭﻣﺎ ﻛﺎﻥ ﻛﺪﺍﻣﻬﺎ ﻏﻴﺮ ﺍﻧﻮ ﺗﻮﺍﻓﻖ ﻭﺑﺲ !
ﺭﺍﺡ ﻋﻠﻲ ﺟﺎﺏ ﺍﻟﺴﻴﺎﺭﻩ .. ﺻﻌﺪﻥ ﺍﻟﺒﻨﺎﺕ ﺍﺧﺬﻫﻢ ﻭﻃﻠﻊ !
ﻃﻮﻝ ﺍﻟﻄﺮﻳﻖ ﺍﻟﺴﻜﻮﺕ ﻛﺎﻥ ﺳﻴﺪ ﺍﻟﻮﻗﻒ ﻣﺤﺠﻦ ﺍﻱ ﻛﻠﻤﻪ ﻭﻳﺎ ﻋﻠﻲ ﺍﻟﻲ ﺣﺎﻭﻝ ﺑﻜﻞ ﺍﻟﻄﺮﻕ ﻳﻠﻄﻒ ﺍﻟﺠﻮ ﻭﻳﺼﻴﺮ ﻭﺩﻭﺩ ﻭﻳﺎﻫﻦ .. ﺑﺲ ﻛﺎﻧﻦ ﺣﺪﻳﺎﺕ ﻉ ﻛﺪ ﺍﻟﺠﻮﺍﺏ ﻣﻴﺘﻨﺎﻗﺸﻦ ﻭﻳﺎ ﻭﻻ ﻳﺤﺠﻦ ﺷﻲ ﺧﺎﺭﺟﻲ .
ﺻﺎﺭﺕ ﺍﻟﺪﻧﻴﺎ ﺍﻟﻠﻴﻞ ﻭ ﻫﻢ ﺑﺎﻟﻄﺮﻳﻖ .. ﻧﺰﻝ ﻋﻠﻲ ﻳﺠﻴﺐ ﺷﻲ ﺣﺘﻰ ﻳﺎﻛﻠﻮ ﻻﻥ ﺍﻟﻄﺮﻳﻖ ﻃﻮﻳﻞ ﻭﺻﺎﺭ ﻫﻮﺍﻱ ﻣﺖ ﻃﻠﻌﻮ ﺍﻛﻴﺪ ﺟﺎﻋﻮ !...
ﺩﺍﻟﻴﺎ ﺍﺳﺘﻐﻠﺖ ﺍﻟﻮﻗﺖ ﻭﺣﺠﺖ ﻭﻳﺎ ﺳﻠﻤﻰ ﺑﺴﺮﻋﻪ ﻗﺒﻞ ﻟﻴﺠﻲ ﻋﻠﻲ ...
ﺩﺍﻟﻴﺎ .. ﻟﺞ ﺳﻠﻤﻰ ﺍﻧﺘﻲ ﻏﺒﻴﻪ ﻟﻮ ﺷﻨﻮﻭ ، ﺍﺷﻮﻥ ﺗﺨﻠﻴﻨﻲ ﺑﻬﺬﺍ ﺍﻟﻮﻗﻒ ﻛﺪﺍﻡ ﺍﻟﻮﻟﺪ ﻭﺗﺤﺮﺟﻴﻨﻲ ﻫﺸﻜﻞ؟ !!
ﺳﻠﻤﻰ .. ﻭ ﺷﺴﻮﻳﺖ ﺍﻧﻲ ﻳﻌﻨﻲ ﺍﻟﻐﺒﻴﻪ ﻣﻮ ﺍﻧﻲ ، ﻣﻔﻜﺮﺗﻲ ﻣﻦ ﻭﻳﻦ ﺍﻟﻨﺎ ﻓﻠﻮﺱ ﻧﺮﻭﺡ ﺑﻴﻬﻢ ﻟﺒﻐﺪﺍﺩ؟ !
ﺯﻳﻦ ﺍﺷﻮﻥ ﺗﺮﺩﻳﻦ ﻧﺠﻲ ﻟﺤﺎﻟﻨﺎ ﺑﺲ ﺍﻧﻲ ﻭﻳﺎﺝ ﻛﻞ ﻫﺬﻱ ﺍﻟﻤﺴﺎﻓﻪ ﻭﺑﻬﺬﺍ ﺍﻟﻠﻴﻞ؟ !!
ﻣﻨﻮ ﺍﻟﻲ ﺭﺍﺡ ﻳﺮﺣﻢ ﺑﻴﻨﺎ ﺍﺫﺍ ﺷﺎﻓﻮﻧﺎ ﻭﺣﺪﻧﺎ ﻭﻣﺤﺪ ﺍﻟﻨﺎ؟ !
ﻋﺎﺩﻱ ﻫﺬﺍ ﻧﻌﺮﻓﻪ ﻭﺻﺎﺭﻟﻨﺎ ﺍﺷﻬﺮ ﻭﻳﺎ ﺑﺎﻟﻤﻌﺴﻜﺮ ﻣﻄﻠﻌﺖ ﻣﻨﻪ ﺍﻟﻤﻮ ﺯﻳﻨﻪ .
ﺩﺍﻟﻴﺎ .. ﻣﻴﺨﺎﻟﻒ ﺍﻟﻤﻔﺮﻭﺽ ﺗﻜﻮﻟﻴﻠﻲ ﻗﺒﻞ ﻟﺘﺤﻄﻴﻨﻲ ﺑﻬﺬﺍ ﺍﻟﻤﻮﻗﻒ ﺍﻟﻤﺤﺮﺝ ، ﻭﺑﻌﺪﻳﻦ ﺷﻜﻮ ﺗﻜﻮﻟﻴﻠﻪ ﻉ ﻣﻜﺎﻥ ﺍﻟﺪﻳﺮ ﻭﻳﻦ؟ !
ﻣﺎ ﻛﺎﻥ ﻧﺎﻗﺺ ﻏﻴﺮ ﺗﻨﻄﻲ ﺭﻗﻢ ﺍﻟﻤﻮﺑﺎﻳﻞ .
ﺳﻠﻤﻰ .. ﻭﺍﻟﺮﺏ ﺍﻧﺘﻲ ﺻﺪﻭﻙ ﻏﺒﻴﻪ ، ﻭﺝ ﻳﺎ ﺛﻮﻟﻪ ﺍﺫﺍ ﻣﺎ ﺍﻛﻮﻟﻪ ﻭﻳﻦ ﺣﻨﺮﻭﺡ ﺍﺷﻮﻥ ﻳﻌﺮﻑ ﺍﺣﻨﺎ ﺭﺍﻳﺤﻴﻦ ﻟﺒﻐﺪﺍﺩ ﻭﻳﻮﺻﻠﻨﺎ ﻟﻠﺪﻳﺮ ﺷﻨﻮ ﻳﻀﻞ ﻳﻔﺘﺮ ﺑﻴﻨﺎ ، ﻭﺑﻌﺪﻳﻦ ﺍﻧﻲ ﺍﺻﻼً ﻣﺎ ﻋﻨﺪﻱ ﻣﻮﺑﺎﻳﻞ ﻣﻦ ﻭﻳﻦ ﺍﻧﻄﻲ ﺭﻗﻤﻲ؟ !
ﺩﺍﻟﻴﺎ .. ﺍﻭﻭﻭﻭﻑ ﻣﻨﺞ ﻭﻣﻦ ﻏﺒﺎﺋﺞ ﺍﺣﻨﺎ ﺑﻴﺎ ﺣﺎﻝ ﻭﺍﻧﺘﻲ ﺗﺘﻐﺎﺑﻴﻦ ، ﺧﻠﻲ ﺍﺳﻜﺖ ﺍﺣﺴﻨﻠﻲ .
ﺑﻬﺬﻱ ﺍﻻﺛﻨﺎﺀ ﺍﺟﻪ ﻋﻠﻲ .. ﺟﺎﻳﺐ ﻋﺸﺎ ﺍﺷﻜﺎﻝ ﻭﺍﻟﻠﻮﺍﻥ ﺍﻟﻮﻟﺪ ﺻﺎﺭﻑ ﻛﻮﻣﻪ ﻉ ﺍﻻﻛﻞ ﻣﻤﻘﺼﺮ ﺍﻟﻠﻪ ﻳﺒﺎﺭﻙ ﺑﻲ .
ﺍﺗﻌﺸﻮ ﺑﻘﻰ ﻋﻠﻲ ﻳﺴﻮﻕ ... ﻭﻫﻲ ﻭﺳﻠﻤﻰ ﻧﺎﻣﻦ
....
ﻣﺎ ﻓﺘﺤﻦ ﻋﻴﻮﻧﻬﻦ ﻏﻴﺮ ﻳﻢ ﺑﺎﺏ ﺍﻟﺪﻳﺮ !
ﺍﻟﻤﻨﻄﻘﻪ ﻛﺎﻧﺖ ﻓﻘﻴﺮﻩ ﻧﻮﻋﺎً ﻣﺎﺍ ﻣﻦ ﺧﻼﻝ ﺍﻟﺒﻨﺎﻳﺎﺕ ﺍﻟﻘﺪﻳﻤﻪ ﺍﻟﻲ ﺑﻴﻬﺎ ﻭﺍﻟﻈﻼﻡ ﺍﻟﻲ ﻳﻌﻢ ﺍﻟﻤﻜﺎﻥ !
ﻧﺰﻟﻦ ﻭﻋﻠﻲ ﻫﻢ ﻧﺰﻝ ﻭﻳﺎﻫﻦ !
ﺩﺍﻟﻴﺎ .. ﻣﻨﻌﺮﻑ ﺍﺷﻮﻥ ﻧﺸﻜﺮﻙ ﺩﻛﺘﻮﺭ ﻋﻠﻲ ﺗﻌﺒﻨﺎﻙ ﻭﻳﺎﻧﻪ !
ﻋﻠﻲ .. ﻻ ﻣﺎﻛﻮ ﺍﻱ ﺗﻌﺐ ﻭﻻ ﺍﻛﻮ ﺩﺍﻋﻲ ﻟﻠﺸﻜﺮ ﺍﻧﺘﻮ ﺣﺴﺒﺖ ﺍﺧﻮﺍﺗﻲ ، ﻭﻳﺒﺎﻭﻉ ﻟﺴﻠﻤﻰ ﻭﻳﺒﺘﺴﻢ .
ﺩﺍﻟﻴﺎ .. ﻣﻘﺼﺮﺕ ﺗﺴﻠﻢ .
ﻋﻠﻲ .. ﻭﻟﻮﻭ ﺗﺪﻟﻠﻮﻥ ، ﻭﻫﺬﺍ ﺭﻗﻤﻲ ﺍﺫﺍ ﺍﺣﺘﺎﺟﻴﺘﻮ ﺍﻱ ﺷﻲ ﺍﻧﻲ ﻣﻮﺟﻮﺩ ﺑﺄﻱ ﻭﻗﺖ ، ﺍﻋﺘﺒﺮﻧﻲ ﻣﺜﻞ ﺩﺍﻧﻲ ﺍﺥ ﻭﺻﺪﻳﻖ ﺍﻟﻠﻪ ﺷﺎﻫﺪ .
ﺳﻠﻤﻰ .. ﻣﻦ ﺳﻤﻌﺖ ﺍﺳﻢ ﺩﺍﻧﻲ ﺍﻟﺪﻣﻮﻉ ﺍﺗﺤﻤﻌﺖ ﺑﻌﻴﻨﻬﺎ ﻣﻜﺪﺭﺕ ﺗﻜﺘﻢ ﻋﺒﺮﺗﻬﺎ .. ﻋﺎﻓﺘﻬﻢ ﻭﺭﺍﺣﺖ ﺣﺘﻰ ﻣﺴﻠﻤﺖ ﻋﻠﻰ ﻋﻠﻲ !
ﻭﻋﻠﻲ ﺣﻴﻞ ﺍﻧﻘﻬﺮ ﻣﻦ ﺭﺍﺣﺖ ﺭﺍﺩ ﻳﺴﻠﻢ ﻋﻠﻴﻬﺎ ﺑﺲ ﻣﻨﻄﺘﻪ ﻣﺠﺎﻝ !..
ﺍﺧﺬﺕ ﺩﺍﻟﻴﺎ ﺍﻟﺮﻗﻢ ﺍﺗﺸﻜﺮﺗﻪ ﻣﺮﻩ ﺛﺎﻧﻴﻪ ، ﻭﺩﻋﺘﻪ ﻭﺭﺍﺣﺖ ﻭﺭﺍ ﺳﻠﻤﻰ !
ﻟﻜﺘﻬﺎ ﻛﺎﻋﺪﻩ ﺑﺎﻟﻈﻠﻤﻪ ﻛﺪﺍﻡ ﺍﻟﺒﺎﺏ ﻣﺎﻟﺖ ﺍﻟﺪﻳﺮ ﻭﺗﺒﺠﻲ !!
ﻓﺠﺄﻩ ﺍﺗﺬﻛﺮﺕ ﺍﻟﻴﻮﻡ ﺍﻟﻲ ﻛﻌﺪﺕ ﺑﻲ ﻛﺪﺍﻡ ﺍﻟﻤﻴﺘﻢ ﻭﻫﻲ ﺻﻐﻴﺮﻩ ﻭﺗﺒﺠﻲ .. ﺧﻨﻜﺘﻬﺎ ﺍﻟﻌﺒﺮﻩ ﻭﺗﺬﻛﺮﺕ ﺍﺧﺘﻬﺎ ، ﻣﺴﺤﺖ ﺍﺩﻣﻮﻋﻬﺎ ﻗﺒﻞ ﻟﺘﻨﺰﻝ ﻭ ﺭﺍﺣﺖ ﻟﺴﻠﻤﻰ ﺣﻈﻨﺘﻬﺎ ﻭﺳﻜﺘﺘﻬﺎ .. ﻛﺎﻣﻦ ﺩﻛﻦ ﺍﻟﺒﺎﺏ ..
ﻃﻠﻌﺘﻠﻬﻢ ﻣﺮﻩ ﻛﺒﻴﺮﻩ ﺑﺎﻟﻌﻤﺮ !..
ﺩﺍﻟﻴﺎ .. ﻣﺮﺣﺒﺎ ، ﺍﺣﻨﺎ ﻣﻦ ﻃﺮﻑ ﺍﻻﺳﺘﺎﺫ ﺃﻳﺎﺩ !
ﺍﻟﻤﺮﺃﻩ .. ﺍﻫﺎﺍ .. ﺍﻫﻼً ﻭﺳﻬﻼً ﺍﺗﻔﻀﻠﻮ ...
ﺩﺧﻠﺖ ﺩﺍﻟﻴﺎ ﻭﺳﻠﻤﻰ ، ﺍﻟﺪﻳﺮ ﻛﺎﻥ ﺍﺷﺒﻪ ﺑﺎﻟﺒﻴﺖ ﺻﻐﻴﺮ ﻣﻮ ﺣﻴﻞ ﻛﺒﻴﺮ ﺑﺲ ﻣﺮﺗﺐ ﻭﻧﻈﻴﻒ ، ﻣﻦ ﺷﻜﻠﻪ ﻭﺗﺮﺗﻴﺒﻪ ﺗﺤﺲ ﺑﺎﻟﺪﻓﻮ ﻭﺍﻟﻬﺪﻭﺀ !
ﻛﻌﺪﻥ ﻭﻳﺎ ﺍﻟﻤﺮﻳﻪ ﻭﺗﺒﺎﺩﻟﻦ ﺍﻃﺮﺍﻑ ﺍﻟﻜﻼﻡ .. ﻋﺮﻓﺖ ﺍﻧﻮ ﻫﺬﻱ ﺍﻟﻤﺴﺆﻭﻟﻪ ﻫﻨﺎ ﻭﺍﺳﻤﻬﺎ ﺍﻻﺧﺖ ﻣﺎﺭﻳﺎﻥ !
ﻛﺎﻟﺘﻠﻬﻢ ﻛﻞ ﺍﻻﺧﻮﺍﺕ ﺍﻟﻲ ﺑﺎﻟﺪﻳﺮ ﻧﺎﻳﻤﺎﺕ ﺣﺎﻟﻴﺎً ﻭﺑﺄﺫﻥ ﺍﻟﺮﺏ ﺍﻟﺼﺒﺢ ﺣﺘﺘﻌﺮﻓﻮﻥ ﻋﻠﻴﻬﻢ !
ﻫﻨﻪ ﻫﻢ ﻋﺮﻓﻨﻬﺎ ﻉ ﻧﻔﺴﻬﻦ .. ﺑﻌﺪ ﺣﺪﻳﺚ ﻣﻄﻮﻝ ﺍﺳﺘﻤﺮ ﺑﺎﻟﺴﺎﻋﺎﺕ ﺩﻟﺘﻬﻦ ﻉ ﻣﻜﺎﻥ ﻣﻨﺎﻣﻬﻦ .. ﻭﺍﻧﻄﺘﻬﻦ ﻣﻼﺑﺲ ﺧﻔﻴﻔﻪ ﺣﺘﻰ ﻳﺮﺗﺎﺣﻦ ﺑﻴﻬﺎ ﻭﻳﻨﺎﻣﻦ ﻻﻥ ﺍﻛﻴﺪ ﺍﻟﻄﺮﻳﻖ ﻃﻮﻳﻞ ﻭﺗﻌﺒﺎﻧﺎﺕ !
ﻧﺎﻣﻦ ﺩﺍﻟﻴﺎ ﻭﺳﻠﻤﻰ ﺑﻬﺬﻳﺞ ﺍﻟﻠﻴﻠﻪ ﻣﺜﻞ ﺍﻻﻣﻮﺍﺕ ﻣﻦ ﺍﻟﺘﻌﺐ ﻭﺍﻻﺭﻫﺎﻕ .. ﻛﻞ ﻣﺮﻩ ﺗﻨﺎﻡ ﺳﻠﻤﻰ ﻛﺎﻧﺖ ﺩﺍﻟﻴﺎ ﺗﺴﻤﻊ ﺻﻮﺕ ﺑﺠﻴﻬﺎ ﻭﺷﻬﻜﺎﺗﻬﺎ ﺍﻟﻲ ﻛﺎﺗﻤﺘﻬﺎ ﺑﺎﻟﻤﺨﺪﻩ !!
ﺑﺲ ﻫﺬﻱ ﺍﻟﻤﺮﻩ ﻣﺴﻤﻌﺖ ﻏﻴﺮ ﺻﻮﺕ ﺍﻧﻔﺎﺱ ﺳﻠﻤﻰ ﻭﻫﻲ ﻏﺮﻛﺎﻧﻪ ﺑﺎﻟﻨﻮﻡ .. ﺻﺢ ﻛﺎﻧﺖ ﺩﻟﻴﻞ ﻉ ﺗﻌﺒﻬﺎ ﺑﺲ ﺩﺍﻟﻴﺎ ﻓﺮﺣﺖ ﻻﻥ ﺳﻠﻤﻰ ﻣﺒﺠﺖ ﻫﺬﻱ ﺍﻟﻠﻴﻠﻪ !..
ﺛﺎﻧﻲ ﻳﻮﻡ ﺍﻟﺼﺒﺢ ﻛﻌﺪﻥ ﺩﺍﻟﻴﺎ ﻭﺳﻠﻤﻰ ﻭﺗﻌﺮﻓﻦ ﻉ ﺑﻨﺎﺕ ﺍﻟﺪﻳﺮ ، ﻃﺒﻌﺎً ﻛﻞ ﺍﻟﻲ ﺑﺎﻟﺪﻳﺮ ﻛﺎﻧﻦ ﺭﺍﻫﺒﺎﺕ !
ﻫﻲ ﻫﺬﻱ ﻗﻮﺍﻧﻴﻦ ﺍﻟﺪﻳﺮ ﻣﺘﺘﻮﺍﺟﺪ ﺑﻲ ﻏﻴﺮ ﺍﻟﺮﺍﻫﺒﺎﺕ ﺍﻟﻲ ﻧﺬﺭﻥ ﺭﻭﺣﻬﻦ ﻭﻧﻔﺴﻬﻦ
ﻟﺨﺪﻣﻪ ﺍﻟﺮﺏ ﻭﺣﺪﻩ !
ﻻ ﺯﻭﺍﺝ ﻻ ﻣﺘﻌﻪ ، ﻻ ﻋﺎﺋﻠﻪ ، ﻻ ﺍﻃﻔﺎﻝ ، ﻻ ﺷﻬﻮﺍﺕ ، ﻻ ﻋﻼﻗﺎﺕ ، ﻭﻻ ﺍﻱ ﺷﻲ ﺛﺎﻧﻲ !
ﻓﻘﻂ ﻋﺒﺎﺩﻩ ﺍﻟﻠﻪ ﻭﺧﺪﻣﻪ ﺍﻟﻜﻨﻴﺴﻪ ﻻ ﻏﻴﺮ .
ﻟﻠﺘﻮﺿﻴﺢ * ( ﻳﻤﻜﻦ ﺑﻌﺾ ﺍﻻﺩﻳﺮﻩ ﺗﺨﺘﻠﻒ ﺣﻴﺎﺓ ﺍﻟﺮﺍﻫﺒﺎﺕ ﻭﻃﺒﻴﻌﺔ ﻋﻼﻗﺘﻬﻢ ﻭﺍﻻﺷﻴﺎﺀ ﺍﻟﻤﺴﻤﻮﺣﻪ ﻭﺍﻟﻤﺮﻓﻮﺿﻪ ﺑﺎﻟﻨﺴﺒﻪ ﻟﻠﺮﺍﻫﺒﻪ ﻣﺜﻞ ﺍﻟﺰﻭﺍﺝ ﻭﺍﻻﺭﺗﺒﺎﻁ ﻭﻏﻴﺮﻩ ، ﺑﺲ ﺑﻬﺬﺍ ﺍﻟﺪﻳﺮ ﻛﺎﻧﺖ ﻫﺬﻱ ﺍﻟﻘﻮﺍﻧﻴﻦ ﺍﻟﻲ ﺳﺎﺋﺪﻩ ، ﺣﺘﻰ ﻟﺘﺠﻲ ﻭﺣﺪﻩ ﻭﺗﻜﻮﻝ ﻣﻦ ﻭﻳﻦ ﺟﺒﺘﻲ ﻫﺎﻻﻓﻜﺎﺭ ﻭﻣﺎﻛﻮ ﻫﻴﺞ ﺷﻲ !
ﻫﺬﺍ ﺗﻮﺿﻴﺢ ﻻﻥ ﺍﻋﺮﻑ ﺑﻌﺾ ﺍﻟﻨﻔﻮﺱ ﺍﻟﺘﻌﺒﺎﻧﻪ ﺣﺘﻜﻮﻝ ﻫﺸﻜﻞ
....
ﺍﻟﻤﻬﻢ .. ﻣﺮﺕ ﺍﻻﻳﺎﻡ ﻭﺳﻠﻤﻰ ﺑﺪﺕ ﺗﺘﺄﻗﻠﻢ ﻭﻳﺎ ﺍﻟﻮﺿﻊ ، ﺣﺒﺖ ﺍﻟﺤﻴﺎﺓ ﻫﻨﺎ ﻻﻥ ﻧﺎﺳﺒﺘﻬﺎ ﺗﻤﺎﻣﺎً ﺧﺼﻮﺻﺎً ﺑﻌﺪ ﺍﻟﻲ ﺻﺎﺭ ﺍﻟﺪﺍﻧﻲ ﺣﻴﺎﺗﻬﺎ ﺍﻧﻘﻠﺒﺖ ﺭﺃﺳﺎً ﻋﻠﻰ ﻋﻘﺐ ﺻﺎﺭﺕ ﻣﻨﻌﺰﻟﻪ ﻋﻠﻰ ﻧﻔﺴﻬﺎ ﻭﺍﻧﻄﻮﺍﺋﻴﻪ ، ﺍﻏﻠﺐ ﻭﻗﺘﻬﺎ ﻟﻮ ﺻﺎﻓﻨﻪ ﻟﻮ ﺗﺒﺠﻲ !!
ﻓﺎﻟﺤﻴﺎﺓ ﺑﺎﻟﺪﻳﺮ ﻻﺋﻤﺘﻬﺎ
ﺍﻣﺎ ﺩﺍﻟﻴﺎ .. ﻓﻜﺎﻧﺖ ﺍﻟﻌﻜﺲ ﺗﻤﺎﻣﺎً !..
ﻣﺤﺒﺖ ﺍﻟﺤﻴﺎﻩ ﺑﺎﻟﺪﻳﺮ ﺍﻟﻘﻮﺍﻧﻴﻦ ﺍﻟﻲ ﺍﻋﺘﺒﺮﺗﻬﺎ ﺗﻌﺴﻔﻴﻪ ﺗﻌﺰﻝ ﺍﻟﺮﺍﻫﺒﻪ ﻋﻦ ﺍﻻﺭﺗﺒﺎﻁ ﻭﺗﻜﻮﻳﻦ ﻋﻼﻗﺎﺕ ﺍﻟﺰﻭﺍﺝ ﻭﺍﻟﻌﺎﺋﻠﻪ !
ﻛﺮﻫﺖ ﺍﻟﻌﻴﺸﻪ ﺑﺎﻟﺪﻳﺮ ﻛﻮﻟﺶ ، ﺑﺲ ﺍﻟﺸﻲ ﺍﻟﻮﺣﻴﺪ ﺍﻟﻲ ﻛﺎﻥ ﻣﺼﺒﺮﻫﺎ ﻫﻮ ﺳﻠﻤﻰ !
ﻛﺎﻧﺖ ﺗﺤﺴﻬﺎ ﻣﺜﻞ ﺍﺧﺘﻬﺎ ﻭﻫﻲ ﻣﺴﺆﻭﻟﻪ ﻋﻨﻬﺎ ﺭﻏﻢ ﺍﻧﻮ ﺳﻠﻤﻰ ﺍﻛﺒﺮ ﻣﻨﻬﺎ ﺣﺎﻭﻟﺖ ﺑﻜﻞ ﺍﻟﻄﺮﻕ ﺗﺘﺤﻤﻞ ﺿﻐﻂ ﻣﺪﻳﺮﺓ ﺍﻟﺪﻳﺮ ﻋﻠﻴﻬﺎ ﺍﻧﻮ ﺗﺼﻴﺮ ﻫﻲ ﻭﺳﻠﻤﻰ ﺭﺍﻫﺒﺎﺕ ﺍﻭ ﻳﺘﺮﻛﻦ ﺍﻟﺪﻳﺮ ، ﺑﻘﺖ ﺗﻤﺎﻃﻞ ﺍﻟﻤﺪﻳﺮﻩ ﻭﺗﺄﻣﻠﻬﺎ ﺍﻟﻰ ﺍﻥ ﺗﺸﻮﻑ ﺣﻞ ﻭﺗﺎﺧﺬ ﺳﻠﻤﻰ ﻭﺗﺮﻭﺡ !
ﻃﺒﻌﺎً ﺧﻼﻝ ﺳﻜﻨﻬﻦ ﺑﺎﻟﺪﻳﺮ ﺻﺎﺭ ﻋﺪﻫﻦ ﺻﺪﻳﻘﺎﺕ ( ﺍﺧﻮﺍﺕ ) ﺩﺍﺧﻞ ﺍﻟﺪﻳﺮ ، ﻭﻛﺎﻧﻮ ﻳﻨﻄﻮﻫﻦ ﺭﺍﺗﺐ ﺭﻣﺰﻱ ﺗﺪﻓﻌﻪ ﻣﺆﺳﺴﺎﺕ ﺍﻧﺴﺎﻧﻴﻪ ﻟﻠﺪﻳﺮ ﻛﻤﺴﺎﻋﺪﻩ ﻟﻠﺮﺍﻫﺒﺎﺕ ﺍﻟﻴﺘﻴﻤﺎﺕ ﻓﻘﻂ !
ﺍﺷﺘﺮﻥ ﻣﻼﺑﺲ ﻭﺍﻏﺮﺍﺽ ﺧﺎﺻﻪ ﺑﻴﻬﻦ ﻳﻌﻨﻲ ﺣﺎﻟﺘﻬﻦ ﺍﺷﻮﻳﻪ ﺗﺤﺴﻨﺖ
ﺑﺲ ﺍﻟﻲ ﺻﺎﺭ ﺑﻴﻮﻡ ﻣﻦ ﺍﻻﻳﺎﻡ ﻏﻴﺮ ﻛﻮﻟﺸﻲ ﺑﻴﻦ ﺳﻠﻤﻰ ﻭﺩﺍﻟﻴﺎ ﻟﻼﺑﺪ !!
ﺳﻠﻤﻰ .. ﺩﺍﻟﻴﺎ ﺍﺭﻳﺪ ﺍﺣﺠﻲ ﻭﻳﺎﺝ .
ﺩﺍﻟﻴﺎ .. ﺍﻱ ﺣﺒﻴﺒﺘﻲ ﺗﻌﺎﻟﻲ ﺍﻧﻲ ﻫﻢ ﺿﺎﻳﺠﻪ ﺍﺭﻳﺪ ﺍﻓﻀﻔﺾ ﺍﺷﻮﻳﻪ .
ﺳﻠﻤﻰ .. ﻣﺎﺷﻲ ﺍﺣﺠﻲ ﺍﻧﺘﻲ ﺑﺎﻻﻭﻝ !
ﺩﺍﻟﻴﺎ .. ﻳﻤﻌﻮﺩﻩ ﻣﻮ ﺷﻲ ﻣﻬﻢ ، ﺑﺲ ﻃﺎﻟﻌﻪ ﺭﻭﺣﻲ ﻣﻦ ﺍﻻﺧﺖ ﻣﺎﺭﻳﺎﻥ ﻭﻣﻮﺿﻮﻉ ﺍﻟﺮﺍﻫﺒﻪ ﺍﺣﺴﻬﺎ ﺩﺗﺨﻨﻜﻨﻲ .
ﺳﻠﻤﻰ .. ﻫﺎﺍﺍ .. ﺑﺼﺮﺍﺣﻪ ﺍﻧﻲ ﺍﺭﻳﺪ ﺍﺣﺠﻲ ﻭﻳﺎﺝ ﺑﻨﻔﺲ ﺍﻟﻤﻮﺿﻮﻉ .
ﺩﺍﻟﻴﺎ .. ﻣﺎﺷﻲ ﺍﺣﺠﻲ ﺍﺳﻤﻌﺞ .
ﺳﻠﻤﻰ .. ﻫﺎﺍ .. ﺃ .. ﺃﻧــ .. ﻱ .. ﺍﻧﻲ ﻗﺮﺭﺕ ﺍﺻﻴﺮ ﺭﺍﻫﺒﻪ .
ﺩﺍﻟﻴﺎ .. ﺷﻨﻮﻭﻭﻭﻭﻭﻭ؟ !
ﺷﺪﺗﺤﺠﻴﻦ ﺳﻠﻤﻰ ﻛﻞ ﻋﻘﻠﺞ؟ !!
ﺳﻠﻤﻰ .. ﻣﻦ ﻛﻞ ﻋﻘﻠﻲ ﻭﻣﺪﺍﺍﺗﺸﺎﻗﻪ .
ﺩﺍﻟﻴﺎ .. ﻻ ﺳﻠﻤﻰ ﺍﻧﺘﻲ ﺍﻛﻴﺪ ﺍﻧﺠﻨﻴﺘﻲ ﺗﻌﺮﻓﻴﻦ ﺷﻨﻮﻭ ﻳﻌﻨﻲ ﺗﺼﻴﺮﻳﻦ ﺭﺍﻫﺒﻪ؟ !
ﻳﻌﻨﻲ ﺣﻴﺎﺗﺞ ﺣﺘﻨﺘﻬﻲ ، ﺑﻌﻤﺮﺝ ﻣﺮﺍﺡ ﺗﺤﺒﻴﻦ ، ﻣﺮﺍﺡ ﺗﺘﺰﻭﺟﻴﻦ ، ﻭﻻ ﺣﺘﻰ ﺗﺼﻴﺮﻳﻦ ﺍﻡ ، ﺣﺘﻨﻬﻴﻦ ﺣﻴﺎﺗﺞ ﻫﺸﻜﻞ .
ﺳﻠﻤﻰ .. ﺍﻧﻲ ﺍﺻﻼً ﺣﻴﺎﺗﻲ ﺍﻧﺘﻬﺖ ﻣﻦ ﻣﺎﺕ ﺩﺍﻧﻲ ، ﻭﻟﺤﺪ ﻣﺎ ﺍﻣﻮﺕ ﻣﺎﺍﻓﻜﺮ ﺍﺭﺗﺒﻂ ﺑﺄﻱ ﺷﺨﺺ ﺑﻌﺪﻩ ، ﻓﻬﺬﺍ ﺍﺣﺴﻦ ﺣﻞ ، ﻫﻢ ﺍﺣﻔﻆ ﻧﻔﺴﻲ ﻭﻫﻢ ﺍﺧﺪﻡ ﺍﻟﺮﺏ .
ﺩﺍﻟﻴﺎ .. ﻟﺞ ﺳﻠﻤﻰ ﺍﻟﻠﻪ ﻳﺨﻠﻴﺞ ﻟﺘﺨﺒﻠﻴﻨﻲ ، ﺍﺧﺪﻣﻲ ﺍﻟﺮﺏ ﺑﺲ ﻣﻮ ﺑﻬﺎﻟﻄﺮﻳﻘﻪ ﺍﺻﻼ ﺍﻟﻲ ﺩﺗﺴﻮﻱ ﺣﻴﺪﻣﺮﺝ ﻭﺍﻟﻠﻪ ﻣﻴﺮﺿﻰ ﻫﺸﻜﻞ .
ﺳﻠﻤﻰ .. ﺩﺍﻟﻴﺎ ﺍﺭﺟﻮﺝ ﺍﻧﻲ ﺍﺧﺬﺕ ﻗﺮﺍﺭﻱ ﻭﺧﻠﺺ ، ﻣﺄﺟﻴﺖ ﺣﺘﻰ ﺍﻃﻠﺐ ﻣﻮﺍﻓﻘﺘﺞ ﻭﺍﻧﻤﺎ ﺍﺟﻴﺖ ﺍﺑﻠﻐﺞ ﺑﻘﺮﺍﺭﻱ ﻭﺑﺲ ، ﻓﻜﻞ ﺍﻟﻲ ﺍﺗﻤﻨﻰ ﻣﻨﺞ ﺗﺴﺎﻧﺪﻳﻨﻲ ﻣﻮ ﺍﻛﺜﺮ .
ﺩﺍﻟﻴﺎ .. ﺍﺳﺎﻧﺪﺝ؟ !!
ﺍﺳﺎﻧﺪﺝ ﻭﺍﻧﻲ ﺍﺷﻮﻓﺞ ﺩﺗﺪﻣﺮﻳﻦ ﺣﻴﺎﺗﺞ؟ !
ﻋﻤﻮﻣﺎً ﻫﺬﺍ ﺍﻟﻜﻼﻡ ﻣﻴﻔﻴﺪ ﺑﻌﺪ ﺍﻧﺘﻲ ﺍﺧﺬﺗﻲ ﻗﺮﺍﺭﺝ ﻭﺍﻧﺘﻬﻰ ، ﻳﻌﻨﻲ ﻣﻤﺤﺘﺎﺟﻪ ﻻ ﻣﺴﺎﻧﺪﺗﻲ ﻭﻻ ﺭﺃﻱ ﺍﺻﻼ !
ﻓﺒﺮﺍﺣﺘﺞ ﻭﺍﺗﻤﻨﻰ ﻣﻦ ﺍﻟﺮﺏ ﻣﻴﺠﻲ ﻳﻮﻡ ﻭﺗﻨﺪﻣﻴﻦ ﻋﻠﻰ ﻫﺬﺍ ﻗﺮﺍﺭﺝ .
ﻫﺬﺍ ﻛﺎﻥ ﺍﺧﺮ ﻛﻼﻡ ﺑﻴﻦ ﺳﻠﻤﻰ ﻭﺩﺍﻟﻴﺎ
ﺛﺎﻧﻲ ﻳﻮﻡ ﺩﺍﻟﻴﺎ ﻟﺒﺴﺖ ﻭﻃﻠﻌﺖ ﻣﻦ ﺍﻟﺼﺒﺢ ﺣﺘﻰ ﺗﺸﻮﻓﻠﻬﺎ ﺷﻐﻞ ﺗﺸﺘﻐﻠﻪ ﻭﺗﻄﻠﻊ ﻣﻦ ﺍﻟﺪﻳﺮ ﻷﻥ ﺑﻌﺪ ﻣﺎ ﺳﻠﻤﻰ ﻗﺮﺭﺕ ﺗﺼﻴﺮ ﺭﺍﻫﺒﻪ ﺍﻛﻴﺪ ﺍﻟﻤﺪﻳﺮﻩ ﻣﺮﺍﺡ ﺗﻨﻄﻴﻬﺎ ﻓﺮﺻﻪ ﺍﻧﻮ ﺗﺒﻘﻰ ﺑﺎﻟﺪﻳﺮ ﺍﺫﺍ ﻣﺎ ﺻﺎﺭﺕ ﺭﺍﻫﺒﻪ !
ﻃﻠﻌﺖ ﺗﻔﺘﺮ ﻉ ﺍﻟﻤﺤﻼﺕ ﺍﻟﻨﺴﺎﺋﻴﻪ ، ﺣﺘﻰ ﺑﺎﻟﻤﻄﺎﻋﻢ ﺭﺍﺣﺖ ﺳﺄﻟﺖ ﻋﻦ ﺷﻐﻞ ﻛـ ﻣﻨﻈﻔﻪ !
ﺑﺲ ﻣﺎﻛﻮﻭ ﻟﻼﺳﻒ ﺍﻟﻮﺿﻊ ﺑﺎﻟﺒﻼﺩ ﺟﺪﺍً ﺗﻌﺒﺎﻥ ﻭﻣﺎﻛﻮﻭ ﻭﻇﺎﺋﻒ ﺍﻭ ﺷﻐﻞ !
ﺍﻓﺘﺮﺕ ﻭﺳﺄﻟﺖ ﺍﻟﻰ ﺍﻥ ﻭﻛﻌﺖ ﺭﺟﻠﻴﻬﺎ .. ﺑﺲ ﻣﺎﻛﻮﻭ ﻧﺘﻴﺠﻪ ﻭﺑﻌﺾ ﺍﻟﻮﻇﺎﺋﻒ ﺍﻟﻲ ﺭﺍﺣﺖ ﻗﺪﻣﺘﻠﻬﻦ ﻳﻜﻮﻥ ﻣﻦ ﺷﺮﻭﻁ ﺍﻟﻌﻤﻞ ﺍﻻﺳﺎﺳﻴﻪ ﻳﻜﻮﻥ ﺍﻟﻤﺘﻘﺪﻡ ﻟﻠﻮﻇﻴﻔﺔ ﻋﻨﺪﻩ ﺷﻬﺎﺩﻩ ؟ !!
ﺗﻌﺒﺖ ﻭ ﻗﺮﺭﺕ ﺗﺮﺟﻊ ﻟﻠﺪﻳﺮ ﻣﺎ ﻋﺪﻫﺎ ﻏﻴﺮ ﺣﻞ ، ﺑﺲ ﻣﻬﻤﺎ ﻳﻜﻮﻥ ﻟﻮ ﺗﻌﺮﻑ ﺍﺗﻨﺎﻡ ﺑﺎﻟﺸﺎﺭﻉ ﻣﺘﺼﻴﺮ ﺭﺍﻫﺒﻪ !
ﻣﻮ ﻛﺮﻫﺎً ﺑﺎﻟﺮﺍﻫﺒﺎﺕ ﺑﺲ ﻻﻥ ﺣﺴﺖ ﺍﻟﺸﺮﻭﻁ ﺍﻟﻲ ﺩﻳﻔﺮﺿﻮﻫﺎ ﻋﻠﻰ ﺍﻟﺮﺍﻫﺒﻪ ﻗﺎﺳﻴﻪ ﻭﻣﻮ ﺍﻧﺴﺎﻧﻴﻪ !
ﻭﺭﺍﺩﺕ ﺗﻌﻴﺶ ﺣﻴﺎﺗﻬﺎ ﻣﺜﻞ ﻣﺎ ﻫﻲ ﺗﺮﻳﺪ ، ﺗﻜﻤﻞ ﺩﺭﺍﺳﺘﻬﺎ ، ﻭﺗﺼﻴﺮ ﻓﺪ ﺷﻲ ﻣﻬﻢ ، ﺗﺒﻨﻲ ﻋﺎﺋﻠﻪ ﻭﺗﻌﻴﺶ ﺍﻃﻔﺎﻟﻬﺎ ﺍﻟﻲ ﺍﻧﺤﺮﻣﺖ ﻫﻲ ﻣﻨﻪ !
ﺍﺣﻼﻣﻬﺎ ﻭﺍﻓﻜﺎﺭﻫﺎ ﻛﺎﻧﺖ ﺍﻛﺒﺮ ﻣﻦ ﺩﻳﺮ ﻭﺭﺍﻫﺒﻪ .
ﺍﻟﻤﻬﻢ ﺭﺍﺣﺖ ﺍﺷﺘﺮﺕ ﻟﻔﻪ ﻻﻥ ﻛﺎﻧﺖ ﺣﻴﻞ ﺟﻮﻋﺎﻧﻪ ﻭﺗﻌﺒﺎﻧﻪ ﺭﺍﺩﺕ ﺗﺎﻛﻞ ﻟﻜﻤﻪ ﺣﺘﻰ ﺗﻜﺪﺭ ﺗﻤﺸﻲ ﺑﻌﺪ ﻣﺎ ﺑﻴﻬﺎ ﺣﻴﻞ .
ﺍﺷﺘﺮﺕ ﻟﻔﻪ ﻭﻛﺎﻧﺖ ﻣﻠﻔﻮﻓﻪ ﺑﺠﺮﻳﺪﻩ !!
ﻭﻫﻲ ﺩﺗﻔﺘﺢ ﺍﻟﺠﺮﻳﺪﻩ ﺣﺘﻰ ﺗﺎﻛﻞ ﺍﻟﻠﻔﻪ ﺷﺎﻓﺖ ﺍﻋﻼﻥ ﺑﺎﻟﺠﺮﻳﺪﻩ ... ( ﻣﻄﻠﻮﺏ ﻣﻤﺮﺿﻪ ﻟﻠﻌﻨﺎﻳﻪ ﺑﺸﺨﺺ ﻛﺒﻴﺮ ﺑﺎﻟﺴﻦ )
ﮔﻠﺒﻬﺎ ﻃﺎﺭ ﻣﻦ ﺍﻟﻔﺮﺣﻪ ﺭﻏﻢ ﺍﻧﻮ ﻓﺮﺻﻪ ﺣﺼﻮﻟﻬﺎ ﻉ ﺍﻟﻮﻇﻴﻔﻪ ﻣﻤﻜﻦ ﺗﻜﻮﻥ ﻣﺴﺘﺤﻴﻠﻪ ﻻﻥ ﺍﻭﻻً ﻣﻜﺘﻮﺏ ﻣﻤﺮﺿﻪ !!
ﻭﺛﺎﻧﻴﺎً ﺍﺣﺘﻤﺎﻝ ﻫﺬﺍ ﺍﻻﻋﻼﻥ ﻗﺪﻳﻢ ﻭﺍﻟﻮﻇﻴﻔﻪ ﺭﺍﺣﺖ ﺍﺻﻼً !!
ﺑﺲ ﻣﻊ ﺫﻟﻚ ﻗﺮﺭﺕ ﺗﺤﺎﻭﻝ ﻋﺴﻰ ﻭﻟﻌﻞ
.....
ﺍﺧﺬﺕ ﺭﻗﻢ ﺍﻟﻤﻮﺑﺎﻳﻞ ﻭ ﺭﺍﺣﺖ ﻻﺑﻮ ﺍﻟﻤﺤﻞ ﺍﻟﻲ ﺍﺷﺘﺮﺕ ﻣﻨﻪ ﺍﻟﻠﻔﻪ !!
ﻛﺎﻟﺘﻠﻪ ﻣﻤﻜﻦ ﺗﻨﻄﻴﻨﻲ ﻣﻮﺑﺎﻳﻠﻚ ﺑﺲ ﺍﺣﺠﻲ ﺑﻲ ﻣﻜﺎﻟﻤﻪ ﻭﺍﻧﻄﻴﻚ ﺑﻤﻜﺎﻧﻪ ﻓﻠﻮﺱ .
ﺍﻟﺮﺟﺎﻝ ﻛﺎﻥ ﺧﻮﺵ ﺍﻧﺴﺎﻥ ﻭﻃﻴﺐ ﺍﻧﻄﺎﻫﺎ ﺍﻟﻤﻮﺑﺎﻳﻞ ﺑﺪﻭﻥ ﻣﻘﺎﺑﻞ !
ﺍﺧﺬﺕ ﺍﻟﻤﻮﺑﺎﻳﻞ ﻭﺍﺗﺼﻠﺖ !!
ﺩﺍﻟﻴﺎ .. ﻣﺮﺣﺒﺎ .. ﺍﻧﻲ ﺷﻔﺖ ﺍﻋﻼﻥ ﺑﺎﻟﺠﺮﻳﺪﻩ ﻣﺤﺘﺎﺟﻴﻦ ﻣﻤﺮﺿﻪ ﻟﺮﻋﺎﻳﺔ ﺷﺨﺺ ﻛﺒﻴﺮ ﺑﺎﻟﺴﻦ ، ﻓﺄﺧﺬﺕ ﺍﻟﺮﻗﻢ ﻭﺍﺗﺼﻠﺖ ﻓﻲ ﺣﺎﻝ ﺍﻟﻮﻇﻴﻔﻪ ﻣﺎ ﺯﺍﻟﺖ ﺷﺎﻏﺮﻩ !!
ﺍﻟﺸﺨﺺ ﺍﻟﻲ ﻉ ﺍﻟﺨﻂ .. ﺍﻫﻼً ، ﻧﻌﻢ ﻣﺤﺘﺎﺟﻴﻦ ﻣﻤﺮﺿﻪ ﻭﺍﻟﻮﻇﻴﻔﻪ ﺑﻌﺪﻫﺎ ﺷﺎﻏﺮﻩ ﺣﻈﺮﺗﺞ ﺍﻭﻝ ﻭﺣﺪﻩ ﺗﺘﺼﻞ .
ﺩﺍﻟﻴﺎ .. ﺣﺴﺖ ﻧﻔﺴﻬﺎ ﻃﺎﻳﺮﻩ ﺑﺎﻟﻬﻮﺍ ﻣﻦ ﺍﻟﻔﺮﺣﻪ ، ﺍﺧﺬﺕ ﺍﻟﻌﻨﻮﺍﻥ ﻣﻨﻪ ﻭﺍﺗﻔﻘﺖ ﺍﻧﻮ ﺑﺎﺟﺮ ﺍﻟﻤﻘﺎﺑﻠﻪ !
ﺍﻧﻬﺖ ﺍﻟﻤﻜﺎﻟﻤﻪ ﻭﺭﺟﻌﺖ ﺍﻟﻔﻮﻥ ﻟﻠﺮﺟﺎﻝ ﺍﺗﺸﻜﺮﺗﻪ ، ﻭﻃﺎﺭﺕ ﺭﻛﺾ ﻟﻠﺪﻳﺮ .. ﻛﺎﻥ ﻛﻞ ﺍﻟﻲ ﺍﺑﺎﻟﻬﺎ ﺍﻧﻮ ﺗﺒﺸﺮ ﺳﻠﻤﻰ ﺑﺄﻟﻲ ﺻﺎﺭ ﻭﺗﻔﺮﺣﻬﺎ .. ﺑﺲ ﺍﻭﻝ ﻣﺎ ﻭﺻﻠﺖ ﻭﺷﺎﻓﺖ ﺳﻠﻤﻰ ﺑﻤﻼﺑﺲ ﺍﻟﺮﺍﻫﺒﻪ ﻭﺷﻜﻠﻬﺎ ﺍﻟﻲ ﺗﻐﻴﺮ ﺗﻤﺎﻣﺎً ﺣﺴﺖ ﺑﻐﺼﻪ ﺑﮕﻠﺒﻬﺎ .. ﻛﻞ ﻓﺮﺣﺘﻬﺎ ﺗﺒﺪﺩﺕ !
ﺳﻜﺘﺖ ﻣﺤﺠﺖ ﺷﻲ ، ﺭﺍﺣﺖ ﺍﻟﻐﺮﻓﺘﻬﺎ ﻭﺑﻘﺖ ﺗﺒﺠﻲ ﺑﻔﺮﺍﺷﻬﺎ !..
ﺳﻠﻤﻰ ﻫﻢ ﺍﺗﺠﺎﻫﻠﺘﻬﺎ ﻭ ﻛﺄﻧﻬﺎ ﻣﻤﻮﺟﻮﺩﻩ ﻭﻻ ﺣﺎﻭﻟﺖ ﺗﺤﺠﻲ ﻭﻳﺎﻫﺎ ﺍﺻﻼً !
ﺑﺎﻟﻠﻴﻞ ﻣﺪﻳﺮﻩ ﺍﻟﺪﻳﺮ ﺻﺎﺣﺘﻬﺎ .. ﻭﺣﺠﺖ ﻭﻳﺎﻫﺎ ﻟﻠﻤﺮﻩ ﺍﻻﺧﻴﺮﻩ !..
ﺩﺍﻟﻴﺎ ﻓﻬﻤﺘﻬﺎ ﺍﻧﻮ ﺗﻨﻄﻴﻬﺎ ﻓﺮﺻﻪ ﺑﺲ ﻳﻮﻣﻴﻦ ﻭﺑﻌﺪﻫﺎ ﺗﺘﺮﻙ ﺍﻟﺪﻳﺮ ، ﺑﺲ ﺍﻟﻤﺪﻳﺮﻩ ﻛﺎﻟﺘﻠﻬﺎ ﻛﺪﺍﻣﺞ ﻳﻮﻡ ﻭﺍﺣﺪ ﻭﺑﻌﺪﻫﺎ ﺍﺷﻤﺮﺝ ﺑﺎﻟﺸﺎﺭﻉ !!!
ﺧﻠﺼﺖ ﺩﺍﻟﻴﺎ ﻟﻴﻠﻬﺎ ﺑﺲ ﺗﺒﺠﻲ .. ﺣﺘﻰ ﺍﻻﺧﺖ ﺍﻟﻲ ﻛﺎﻧﺖ ﻣﻌﺘﺒﺮﺗﻬﺎ ﻋﺎﺋﻠﺘﻬﺎ ﻋﺎﻓﺘﻬﺎ ﺑﻜﻞ ﺳﻬﻮﻟﻪ ﻭﺗﺨﻠﺖ ﻋﻨﻬﺎ ﻭﻻ ﻛﺄﻧﻮ ﺑﻴﻮﻡ ﺗﻌﺮﻓﻬﺎ !..
ﺷﻨﻮ ﺍﻟﻲ ﻏﻴﺮ ﺳﻠﻤﻰ ﻭﺧﻼﻫﺎ ﺗﺼﻴﺮ ﺑﻬﺎﻟﻘﺴﺎﻭﻩ ﻣﻜﺪﺭﺕ ﺗﻌﺮﻑ ﺍﺑﺪ .
ﺛﺎﻧﻲ ﻳﻮﻡ ﺍﻟﺼﺒﺢ ﺑﺪﻟﺖ ﻭﻟﺒﺴﺖ ﻣﻼﺑﺲ ﻣﺮﺗﺒﻪ ، ﺗﻨﻮﺭﻩ ﺳﻮﺩﻩ ﻃﻮﻳﻠﻪ ﻭﻣﺨﺼﺮﻩ ، ﻭﻗﻤﻴﺺ ﺳﻤﺎﺋﻲ ﻓﺎﺗﺢ ﻛﻮﻟﺶ ﻣﺮﺗﺐ ﻭﺭﻓﻌﺖ ﺷﻌﺮﻫﺎ ﻟﻴﻔﻮﻙ .. ﻭﻃﻠﻌﺖ !
ﻃﻮﻝ ﺍﻟﻄﺮﻳﻖ ﻣﺎ ﺑﻘﻰ ﺩﻋﺎﺀ ﻣﺎ ﺩﻋﺘﻰ ﺗﺮﺟﺖ ﺍﻟﺮﺏ ﻭﺗﻮﺳﻠﺘﻪ ﺍﻧﻮ ﻳﻨﺘﺸﻠﻬﺎ ﻣﻦ ﺍﻟﻀﻴﺎﻉ ﺍﻟﻲ ﻋﺎﻳﺸﺘﻪ ، ﻭﻳﺴﺎﻋﺪﻫﺎ ﻗﺒﻞ ﻟﺘﻨﺸﻤﺮ ﺑﺎﻟﺸﺎﺭﻉ !
ﻣﺎ ﺣﺴﺖ ﻏﻴﺮ ﺍﻟﺴﺎﻳﻖ ﻳﻜﻮﻟﻠﻬﺎ ﻭﺻﻠﻨﺎ !...
ﻧﺰﻟﺖ ﻛﺪﺍﻡ ﺑﻴﺖ ﻛﺒﻴﺮ ﻭﺑﻤﻨﻄﻘﻪ ﺭﺍﻗﻴﻪ ﻭﺍﺿﺢ ﻣﻦ ﺷﻜﻠﻪ ﺍﻟﺨﺎﺭﺟﻲ ﺍﻧﻮ ﺍﻟﻲ ﻋﺎﻳﺸﻴﻦ ﺑﻲ ﺣﺎﻟﺘﻬﻢ ﻛﻮﻟﺶ ﺯﻳﻨﻪ !
ﺣﺮﺱ ﻭﺑﺎﺏ ﺿﺨﻢ !!
ﻧﺰﻟﺖ ﻭﺑﺨﻄﻮﺍﺕ ﺧﺎﻳﻔﻪ ﻭﻣﺘﺮﺩﺩﻩ .. ﻭﺻﻠﺖ ﻟﻠﺒﺎﺏ ﺳﺄﻟﻬﺎ ﺍﻟﺤﺮﺱ ﻋﻦ ﻫﻮﻳﺘﻬﺎ ؟ !
ﻛﺎﻟﺘﻠﻪ ﺍﻧﻮ ﻫﻲ ﺟﺎﻳﻪ ﻋﻠﻤﻮﺩ ﺍﻟﻮﻇﻴﻔﻪ ﺍﻟﻲ ﻧﺎﺷﺮﻳﻬﺎ ﺑﺎﻻﻋﻼﻥ !
ﺩﺧﻠﻬﺎ ﺍﻟﺤﺎﺭﺱ ﻟﻠﺒﻴﺖ .. ﺣﺪﻳﻘﻪ ﻛﺒﻴﺮﻩ ﻭﻣﻠﻴﺎﻧﻪ ﻭﺭﻭﺩ ﻣﺰﺭﻭﻋﻪ ﺑﺸﻜﻞ ﻣﺮﺗﺐ ، ﻭﺻﻠﺖ ﻟﻠﺒﻴﺖ ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ !
ﺍﺧﺬﺗﻬﺎ ﺍﻟﺨﺪﺍﻣﻪ ﻣﺎﺍﻋﺮﻑ ﺑﻨﺘﻬﻢ ﺑﺲ ﺷﻜﻠﻬﺎ ﺗﺸﺘﻐﻞ ﻫﻨﺎ ﻣﻮ ﻣﻦ ﺍﻟﻌﺎﺋﻠﻪ !
ﺍﺧﺬﺗﻬﺎ ﻛﻌﺪﺗﻬﺎ ﺑﺎﻟﺼﺎﻟﻪ ﺍﺷﻮﻳﻪ ﻭﺍﺟﺘﻬﺎ ﺑﻨﻴﻪ ﻣﺘﻮﺳﻄﻪ ﺑﺎﻟﻌﻤﺮ !!
ﻣﺮﺣﺒﺎ .. ﺍﻧﻲ ﻧﻮﺭ ﺍﻧﺘﻲ ﺍﻟﻤﻤﺮﺿﻪ ﺍﻟﺠﺪﻳﺪﻩ؟ !
ﺩﺍﻟﻴﺎ .. ﻣﺮﺣﺒﺎ .. ﺍﺳﻤﻲ ﺩﺍﻟﻴﺎ ، ﺑﺼﺮﺍﺣﺎ ﻗﺮﻳﺖ ﺍﻻﻋﻼﻥ ﻭﺍﺟﻴﺖ ﺑﻌﺪﻧﻲ ﻣﻤﺘﻮﻇﻔﻪ .
ﻧﻮﺭ .. ﻫﻬﻬﻪ ﻟﺘﺨﺎﻓﻴﻦ ﻣﺪﺍﻡ ﻭﺻﻠﺘﻲ ﻟﻬﻨﺎ ﺍﻥ ﺷﺎﺀ ﺍﻟﻠﻪ ﺍﻟﻮﻇﻴﻔﻪ ﺍﻟﺞ ، ﺷﻮﻓﻲ ﻋﺰﻳﺰﺗﻲ ﻭﺍﻟﺪﺗﻲ ﻣﺮﻩ ﻛﺒﻴﺮﻩ ﺑﺎﻟﻌﻤﺮ ﻭﺍﺣﻨﺎ ﻛﻮﻟﻨﺎ ﻣﺘﺰﻭﺟﻴﻦ ﻭﻃﺎﻟﻌﻴﻦ ﻋﻨﻬﺎ ، ﻭﺑﺲ ﺍﺧﻮﻳﻪ ﺍﻟﻜﺒﻴﺮ ﺑﺎﻗﻲ ﻭﻳﺎﻫﺎ ، ﻭﻫﺬﺍ ﺍﺧﻮﻳﻪ ﻛﻞ ﻭﻗﺘﻪ ﺑﺎﻟﺪﻭﺍﻡ ﻳﻌﻨﻲ ﻣﻮ ﻉ ﻃﻮﻝ ﻣﺘﻮﺍﺟﺪ ﻭﻳﺎﻫﺎ ، ﻟﺬﻟﻚ ﻗﺮﺭﻧﺎ ﻧﺠﻴﺐ ﺷﺨﺺ ﻳﻌﺘﻨﻲ ﺑﻴﻬﺎ ﻭﻳﺸﻮﻑ ﺷﻨﻮ ﺗﺤﺘﺎﺝ ﺍﺣﺴﻦ ﻣﺘﺒﻘﻰ ﻭﺣﺪﻫﺎ
YOU ARE READING
الذئب الاسود(الاصلية)
Actionقصة الذئب الأسود تبدأ في ليلة مظلمة حيث يجلس ضابط مفرزة طبية في خيمته، يستمع إلى الصمت المحيط به. فجأة، يقطع هذا الصمت صوت أنفاس متسارعة وثقيلة، مما يثير قلق الضابط ويدفعه للتحرك. بحذر، يأخذ سلاحه ويتجه نحو مصدر الصوت، مستعدًا لأي خطر محتمل. وعندما...
