الذئب الاسود(الاصلية)

١٥

رواية في أرض الغرام انت دولتي ج1 الجزء الخامس عشر
....
ﺩﺍﻟﻴﺎ .. ﺳﻤﻌﺖ ﺻﻮﺕ ﺍﻟﻄﻠﻘﻪ ﻭﻣﻦ ﺍﻟﺒﻴﺖ .. ﻛﻠﺒﻲ ﻭﻛﻒ ﻣﻦ ﺍﻟﺨﻮﻑ .. ﻭﻛﻔﺖ ﻭﺟﻤﺪﺕ ﺑﻤﻜﺎﻧﻲ ﻣﺎﺍﺩﺭﻱ ﺷﺴﻮﻱ ، ﺷﻨﻮ ﻫﺬﺍ ﺍﻟﺼﻮﺕ ، ﻭﻳﻦ ﺍﺭﻭﺡ .. ﺍﺩﺧﻞ ﻟﻠﺒﻴﺖ ﺍﺧﺎﻑ ، ﺍﺑﻘﻰ ﺑﻤﻜﺎﻧﻲ ﺍﺷﻮﻭﻭﻥ ﻣﺎﺍﺩﺭﻱ ﺷﻨﻮ ﺻﺎﻳﺮ ﺟﻮﻩ؟ !!
ﺯﻳﻦ ﺍﻟﺤﺮﺱ ﺍﻟﻲ ﺑﺎﻟﺒﺎﺏ ﻟﻮﻳﺶ ﻣﺎ ﺍﺟﻮﻱ ﻣﻌﻘﻮﻟﻪ ﻣﺴﻤﻌﻮ ﺍﻟﺼﻮﺕ .. ﻣﻌﻘﻮﻟﻪ ﺍﻧﻲ ﺩﺍﺍﺗﻮﻫﻢ ﻭﻫﺬﺍ ﻣﻮ ﺻﻮﺕ ﻃﻠﻘﻪ؟ !!
ﺩﻗﺎﻳﻖ ﻣﺮﺕ ﻋﻠﻴﻪ ﻭﺍﻧﻲ ﻣﺤﺘﺎﺭﻩ ﻣﺎﺍﻋﺮﻑ ﺍﺷﻮﻥ ﺍﺗﺼﺮﻑ .. ﺑﻘﻴﺖ ﺍﻓﻜﺮ ﻭﺣﺎﻟﻲ ﻛﻮﻟﻪ ﺍﻧﻜﻠﺐ .. ﺭﺟﻠﻴﻪ ﺍﺣﺴﻬﻢ ﻳﻄﻜﻄﻜﻮﻥ ﻣﻦ ﺍﻟﺨﻮﻑ ﻣﺪﺭﻱ ﻣﻦ ﺍﻟﺒﺮﺩ .. ﻳﺎ ﺭﺑﻲ
ﺩﺧﻴﻠﻚ .. ﺑﻌﺪﻳﻦ ﻗﺮﺭﺕ ﺍﻃﻠﻊ ﻟﻠﺤﺮﺱ ﻣﺎﻛﻮ ﻏﻴﺮﻫﻢ ﻳﺠﻮﻥ ﻳﺸﻮﻓﻮﻥ ﺷﻨﻮ ﺍﻟﻲ ﺻﺎﺭ ﺑﺎﻟﺒﻴﺖ .. ﺭﻛﻀﺖ ﺑﺴﺮﻋﻪ ﺻﺤﺘﻬﻢ ..
ﻣﻦ ﻛﻠﺘﻠﻬﻢ ﺳﻤﻌﺖ ﺻﻮﺕ ﻃﻠﻖ ﺍﺳﺘﻐﺮﺑﻮ ﻭﺩﺧﻠﻮ ﺑﺴﺮﻋﻪ ﻟﻠﺒﻴﺖ .. ﺍﻧﻲ ﺩﺧﻠﺖ ﻭﺭﺍﻫﻢ ﺑﺲ ﺧﻄﻮﺍﺗﻲ ﺑﻄﻴﺌﻪ ﻭﻣﺘﺜﺎﻗﻠﻪ ﻣﻦ ﺍﻟﺨﻮﻑ ﻭﺍﻟﺮﻋﺒﻪ .. ﺩﺧﻠﺖ ﻟﻠﺒﻴﺖ ﺷﻔﺘﻬﻢ ﻳﺪﻭﺭﻭﻥ ﻣﺎﻛﻮ ﺷﻲ ﺍﻟﺒﻴﺖ ﻫﺪﻭﺀ .. ﻭﺍﺣﺪ ﻣﻨﻬﻢ ﺻﻌﺪ ﻟﻠﻄﺎﺑﻖ ﺍﻟﺜﺎﻧﻲ ﺩﻭﺭ ﻛﻮﻟﺸﻲ ﻣﺎﻛﻮ .. ﺣﺘﻰ ﺍﺳﻴﺪ ﻣﻤﻮﺟﻮﺩ !!
ﻣﺸﻴﺖ ﺍﻧﻲ ﺑﺴﺮﻋﻪ ﻟﻐﺮﻓﺔ ﺍﻟﻤﻜﺘﺐ ﻣﺎﺗﻠﻪ ﻃﺒﻌﺎً ﻫﻲ ﺑﺎﻟﻄﺎﺑﻖ ﺍﻻﺭﺿﻲ ﻭﻣﻌﺰﻭﻟﻪ ﺗﻘﺮﻳﺒﺎً ﻋﻦ ﺍﻟﺒﻴﺖ ﺍﻛﻮ ﺣﺪﻳﻘﻪ ﺧﻠﻔﻴﻪ ﻛﺒﻴﺮﻩ ﻭﺣﻠﻮﻩ ﺗﺠﻨﻦ ﺑﻨﻬﺎﻳﺔ ﺍﻟﺒﻴﺖ .. ﻭﻫﻮ ﻣﺴﻮﻱ ﺍﻟﻤﻜﺘﺐ ﻣﺎﻟﺘﻪ ﺑﻴﻬﺎ ..
ﺍﻟﻤﻬﻢ
ﻓﺘﺤﺖ ﺍﻟﺒﺎﺏ ﻣﺎﻟﺖ ﺍﻟﺤﺪﻳﻘﻪ ﺑﺴﺮﻋﻪ ﻭﻃﻠﻌﺖ ﻟﻠﻤﻜﺘﺐ ﻣﺎﻟﺘﻪ ﺍﻟﺠﻮ ﻛﺎﻥ ﺑﺎﺭﺩ ﺛﻠﺞ ﻭﺍﻟﺪﻧﻴﺎ ﻛﺎﻧﺖ ﺷﺒﻪ ﺩﺗﻤﻄﺮ ﻳﻌﻨﻲ ﺭﺫﺍﺫ ﺧﻔﻴﻒ .. ﺩﻛﻴﺖ ﺍﻟﺒﺎﺏ ﻋﻠﻴﻪ .. ﻣﺎﻛﻮ ﺭﺩ !!
ﺭﺟﻌﺖ ﺩﻛﻴﺖ ﺍﻟﺒﺎﺏ ﺑﻘﻮﻩ .. ﻭﺻﺤﺖ ﻣﻦ ﻭﺭﺍ ﺍﻟﺒﺎﺏ .. ﺩﻛﺘﻮﺭ ﺍﺳﻴﺪ .. ﺩﻛﺘﻮﺭ .. !!
ﻫﻢ ﻣﺎﻛﻮ ﺍﻱ ﺭﺩ ﻣﻨﻪ !!
ﺯﻳﻦ ﻫﻮ ﻣﻄﻠﻊ ﻣﻦ ﺍﻟﺒﻴﺖ ﻭﺍﻧﻲ ﻛﻨﺖ ﺑﺎﻟﺤﺪﻳﻘﻪ ﺍﻟﻨﻬﺎﺭ ﻛﻮﻟﻪ ﻣﺴﺘﺤﻴﻞ ﻳﻄﻠﻊ ﻭﻣﺎ ﺍﺷﻮﻓﻪ .. ﻭﺍﻟﺒﻴﺖ ﺩﻭﺭﻧﺎ ﻛﻮﻟﻪ ﻣﻤﻮﺟﻮﺩ ﺑﻲ ﻭﻳﻦ ﺭﺍﺡ .. ﻭﻫﺬﺍ ﺻﻮﺕ ﺍﻟﻄﻠﻘﻪ ﺍﻟﻲ ﺳﻤﻌﺘﻪ ﻣﺘﺄﻛﺪﻩ ﻛﻮﻟﺶ ﺯﻳﻦ ﻣﻦ ﺍﻟﺒﻴﺖ ﻃﻠﻊ ... ﺍﻛﻴﺪ ﻫﺬﺍ ﺳﻮﻩ ﺑﺮﻭﺣﻪ ﺷﻲ ... ﺍﻭﻝ ﻣﺎ ﺧﻄﺮﺕ ﺍﻟﻔﻜﺮﻩ ﺍﺑﺎﻟﻲ .. ﻓﺘﺤﺖ ﺍﻟﺒﺎﺏ ﺑﺴﺮﻋﻪ ﻭﺩﺧﻠﺖ .. ﺍﻟﻐﺮﻓﻪ ﻛﺎﻧﺖ ﺷﺒﻪ ﻇﻠﻤﻪ ﻭﺑﺲ ﺍﻟﻀﻮﻩ ﻣﺎﻟﺖ ﺍﻟﺘﻴﺒﻼﻡ ﻣﺸﻌﻮﻝ !!
ﻛﻮﻟﺸﻲ ﻣﺪﺍﺍﺷﻮﻑ .. ﻣﺸﻴﺖ ﻛﻢ ﺧﻄﻮﻩ ﻋﺜﺮﺕ ﺑﺸﻲ ﺑﺎﻟﻜﺎﻉ ﻣﺎﺍﻋﺮﻑ ﺷﻨﻮ ﻭﻣﺎ ﺍﻛﺪﺭ ﺍﻣﻴﺰﻩ ﻣﻦ ﺍﻟﻈﻼﻡ !..
ﻃﺒﻌﺎً ﻏﺮﻓﺔ ﺍﻟﻤﻜﺘﺐ ﻣﺎﻟﺘﻪ ﻣﺪﺍﺧﻠﺘﻬﺎ ﺍﻧﻲ ﺍﺑﺪ .. ﻻﻥ ﻫﻮ ﻣﺎﻧﻊ ﺍﻱ ﺷﺨﺺ ﻳﺪﺧﻠﻠﻬﺎ ﺑﺪﻭﻥ ﻋﻠﻤﻪ .. ﻭﻛﻮﻧﻲ ﻣﺎﻋﻨﺪﻱ ﺷﻐﻞ ﺑﻴﻬﺎ ﻓﻤﺎ ﺍﺩﺧﻠﻠﻬﺎ ﻧﻬﺎﺋﻴﺎً .. ﻟﺬﻟﻚ ﻣﺎ ﺍﻧﺪﻝ ﻭﻳﻦ ﻣﻜﺎﻥ ﺍﻟﻀﻮﻩ ﺣﺘﻰ ﺍﻓﺘﺤﻪ ﻭﺍﺷﻮﻑ ﺷﻲ ﺑﻬﺬﺍ ﺍﻟﻈﻼﻡ .. ﺩﺍﺍﻣﺸﻲ ﻭﺍﺩﻭﺭ ﻉ ﺍﻟﻀﻮﻩ .. ﻭﺟﺎﻥ ﻳﻨﻔﺘﺢ ﺍﻟﻀﻮﻩ ... !!
ﺑﺎﻭﻋﺖ ﺟﺎﻥ ﺍﺷﻮﻓﻪ ﻛﺎﻋﺪ ﻉ ﺍﻟﻜﺮﺳﻲ ﻭﺭﺍ ﺍﻟﻤﻜﺘﺐ ﻭ .. ﻭﻳﺪﺧﻦ ﺟﻜﺎﺭﻩ ﺑﻜﻞ ﻫﺪﻭﺀ .. ﻣﻼﻣﺤﻪ ﺑﺎﺭﺩﻩ ، ﻋﻴﻮﻧﻪ ﺧﺎﻟﻴﻪ ﻣﻦ ﺍﻱ ﻣﺸﺎﻋﺮ ﺑﺲ ﺑﺤﺮ ﻣﻦ ﺍﻟﻈﻼﻡ .. ﺑﻘﻴﺖ ﺍﻧﻲ ﺟﺎﻣﺪﻩ ﺑﻤﻜﺎﻧﻲ ﺧﻔﺖ ﻣﻦ ﺭﺩﺓ ﻓﻌﻠﻪ ﻻﻥ ﺩﺧﻠﺖ ﺍﻟﻤﻜﺘﺐ ﻣﺎﻟﺘﻪ .. ﺭﺩﺕ ﺍﺣﺠﻲ ﺍﺳﺄﻟﻪ ﻋﻦ ﺍﻟﺼﻮﺕ ﺍﻟﻲ ﺳﻤﻌﺘﻪ .. ﺑﺲ ﺩﺧﻮﻝ ﺍﻟﺤﺎﺭﺱ ﻭﺳﺆﺍﻟﻪ ﺳﺒﻘﻨﻲ ..
ﺍﻟﺤﺎﺭﺱ .. ﺩﻛﺘﻮﺭ ﺍﺳﻴﺪ ﺍﻧﺖ ﻫﻨﺎ .. ﺻﺎﺭ ﺳﺎﻋﻪ ﺍﻧﺪﻭﺭ ﻋﻠﻴﻚ ﻛﻠﺒﻨﺎ ﺍﻟﺒﻴﺖ ﻭﺍﻧﺖ ﻣﺎﻛﻮ .
ﺍﺳﻴﺪ .. ﺑﻨﺒﺮﻩ ﻫﺎﺩﺋﻪ ﻭﺟﺎﻣﺪﻩ .. ﻟﻴﺶ ﺷﻜﻮ؟ !!
ﺍﻟﺤﺎﺭﺱ .. ﻻ ﻣﺎﻛﻮ ﺷﻲ ﺑﺲ ﺍﻻﻧﺴﻪ ﺩﺍﻟﻴﺎ ﻛﺎﻟﺖ ﺍﻧﻮ ﺳﺎﻣﻌﻪ ﺻﻮﺕ ﻃﻠﻖ ﻭﺧﻔﻨﺎ ﻻ ﺍﺣﺪ ﺩﺧﻞ ﻟﻠﺒﻴﺖ ﻳﻌﻨﻲ ﺣﺮﺍﻣﻲ ﺍﻭ ﺷﻲ ، ﻓﺄﺟﻴﻨﺎ ﺣﺘﻰ ﻧﺘﺄﻛﺪ ﺍﺫﺍ ﺻﺎﻳﺮ ﺷﻲ
....
ﺍﺳﻴﺪ .. ﺑﻨﻔﺲ ﺍﻟﻨﺒﺮﻩ .. ﻣﺎﻛﻮ ﻫﻴﺞ ﺷﻲ ﺍﻧﺴﺘﻜﻢ ﻣﺘﻮﻫﻤﻪ .. ﺗﻜﺪﺭﻭﻥ ﺗﺮﺣﻮﻥ .
ﺍﻟﺤﺎﺭﺱ .. ﺍﻟﺤﻤﺪﻟﻠﻪ .. ﻳﻼ ﻣﻦ ﺭﺧﺼﺘﻚ ﺩﻛﺘﻮﺭ .
ﻃﻠﻊ ﺍﻟﺤﺎﺭﺱ ﻭﺑﻘﻴﺖ ﺍﻧﻲ ﺑﻤﻜﺎﻧﻲ ﻣﺎﺍﻛﺪﺭ ﺍﺗﺤﺮﻙ ﻣﻦ ﺍﻟﺮﻋﺒﻪ ﺍﻟﻲ ﻋﺸﺘﻬﺎ .. ﺩﺭﺕ ﻭﺟﻬﻲ ﺩﺍﺍﺭﻳﺪ ﺍﻃﻠﻊ ﻭﺟﺎﻥ ﺻﻮﺗﻪ ﺍﻟﻤﺨﻴﻒ ﻳﻔﺰﺯﻧﻲ ...
ﺍﺳﻴﺪ .. ﺑﺼﻮﺕ ﺟﺎﻣﺪ .. ﺍﻟﺤﺠﻴﻪ ﺍﺟﺖ؟ !
ﺩﺍﻟﻴﺎ .. ﻟـ .. ﻻ .
ﺍﺳﻴﺪ .. ﻣﻦ ﺍﺣﺠﻲ ﺑﺎﻭﻋﻲ ﺑﻮﺟﻬﻲ ﻭﺟﺎﻭﺑﻲ؟ !
ﺩﺍﻟﻴﺎ .. ﺍﻧﻲ ﻋﻈﺎﻣﻲ ﺗﺮﺟﻒ ﻣﻦ ﺍﻟﺨﻮﻑ ﻭﺍﻟﺮﻋﺐ ﺍﻟﻲ ﻋﺸﺘﻪ ﻭﻫﺬﺍ ﻳﺘﻤﻌﻠﺲ ﻋﻠﻴﻪ .. ﻣﻦ ﺻﺪﻭﻙ ﺣﺴﻴﺖ ﻧﻔﺴﻲ ﺣﻨﻔﺠﺮ ﺑﻲ ﺑﻌﺪ ﻣﺎﺍﺗﺤﻤﻞ ﺑﺎﻟﻤﻮﺕ ﻭﺍﻛﻔﻪ ﻋﻠﻰ ﺭﺟﻠﻴﻪ ﻭﺍﻋﺼﺎﺑﻲ ﺗﻠﻔﺎﻧﻪ .. ﺩﺭﺕ ﻭﺟﻬﻲ ﺑﺴﺮﻋﻪ ﺭﺩﺕ ﺍﻃﻠﻊ ﻛﻞ ﺍﻟﺮﻋﺐ ﻭﺍﻟﺨﻮﻑ ﺍﻟﻲ ﻋﺸﺘﻪ ﺑﻲ .. ﺑﺲ ﺍﻟﻲ ﺷﻔﺘﻪ ﺟﻤﺪﻧﻲ ﺑﻤﻜﺎﻧﻲ '...
ﺟﺎﻥ ﻭﺍﻛﻒ ﻳﻢ ﺍﻟﺸﺒﺎﻙ ﻳﺪﺧﻦ ﺑﻜﻞ ﺑﺮﻭﺩ ﻭﻋﺪﻡ ﺍﻫﺘﻤﺎﻡ .. ﻭﺍﻳﺪﻩ ﺗﻨﺰﻑ ﺩﻡ !!!!!
ﻣﻦ ﺷﻔﺖ ﺍﻟﺪﻡ ﻣﺎﺍﻋﺮﻑ ﺷﺼﺎﺭﻟﻲ ﻛﻠﺒﻲ ﻭﺟﻌﻨﻲ .. ﺍﺗﺬﻛﺮﺕ ﺍﻟﻤﻮﺕ .. ﺍﻱ ﺍﻟﺪﻡ ﺑﺎﻟﻨﺴﺒﻪ ﺍﻟﻲ ﻋﺒﺎﺭﻩ ﻋﻦ ﻣﻮﺕ .. ﻭﻛﻞ ﺍﻟﻲ ﺍﺣﺒﻬﻢ ﺍﺧﺬﻫﻢ ﺍﻟﻤﻮﺕ .. ﻣﺎﺍﺩﺭﻱ ﺷﺼﺎﺭﻟﻲ
ﻛﻤﺖ ﺍﺭﺟﻒ .. ﺑﺴﺮﻋﻪ ﻭﺑﺪﻭﻥ ﻭﻋﻲ ﻣﻨﻲ ﺭﻛﻀﺖ ﻋﻠﻴﻪ ﻟﺰﻣﺖ ﺍﻳﺪﻩ .. ﻛﺎﻥ ﺑﻴﻬﺎ ﺟﺮﺡ ﻛﻮﻟﺶ ﻛﺒﻴﺮ ﻭﻳﻨﺰﻑ ﺑﻘﻮﻩ !!
ﻫﻮ ﻣﻦ ﺷﺎﻓﻨﻲ ﺍﺷﻮﻥ ﻣﺮﻋﻮﺑﻪ ﻭﺍﺷﻮﻥ ﻟﺰﻣﺖ ﺍﻳﺪﻩ ﻧﻈﺮﺍﺗﻪ ﺍﺗﻐﻴﺮﺕ ﻣﺜﻞ ﺍﻟﻲ ﺍﺗﻔﺎﺟﺄ ﺑﺘﺼﺮﻓﻲ .. ﺑﺼﻮﺕ ﻣﺮﻋﻮﺏ ﻭﻗﻠﻖ ﻛﻠﺘﻠﻪ ...
_ ﺍﻳﺪﻙ ﺩﺗﻨﺰﻑ .. ﺩﻡ .. ﺍﻳﺪﻙ .. !
ﺍﺳﻴﺪ .. ﺑﻌﺪ ﺍﻟﻜﻼﻡ ﺍﻟﻲ ﻛﺎﻟﺘﻪ ﺍﻟﻌﺎﺭ ﺳﺎﺭﻩ ﻓﻘﺪﺕ ﺍﻋﺼﺎﺑﻲ .. ﻛﻞ ﻫﺎﻱ ﺍﻟﺴﻨﻴﻦ ﺩﺳﺖ ﻋﻠﻰ ﺟﺮﻭﺡ ﮔﻠﺒﻲ ﻭﺣﺎﻭﻟﺖ ﺑﻜﻞ ﺍﻟﻄﺮﻕ ﺍﻧﺴﻰ ﺍﻟﻲ ﺻﺎﺭ .. ﺍﺣﺬﻓﻪ ﻣﻦ ﺣﻴﺎﺗﻲ ﻧﻬﺎﺋﻴﺎً .. ﺍﺗﺤﻤﻠﺖ ﻋﺬﺍﺏ ﻧﻔﺴﻲ ﻣﺤﺪ ﻳﺘﺤﻤﻠﻪ ﺑﺤﻴﺚ ﺩﻣﺮﺕ ﻋﻤﺮﻱ ﻭﺷﺨﺼﻴﺘﻲ .. ﺿﻴﻌﺖ ﺳﻨﻴﻦ ﻣﻦ ﺷﺒﺎﺑﻲ ﻓﻲ ﺳﺒﻴﻞ ﺍﺧﻠﻖ ﺷﺨﺺ ﻗﺎﺳﻲ ﻣﻴﻬﻤﻪ ﺍﻱ ﺷﻲ ﻭﻻ ﻳﺘﺄﺛﺮ ﺑﺄﺣﺪ .. ﻛﻞ ﺍﻟﻲ ﺻﺎﺭ ﺗﺮﻛﺘﻪ ﻭﺭﺍﻳﻪ ﻭﻣﺎ ﺣﺠﻴﺖ ﺑﻲ ﺍﺑﺪ .. ﺣﺘﻰ ﺑﻴﻨﻲ ﻭﺑﻴﻦ ﻧﻔﺴﻲ ﻣﺎﺍﺫﻛﺮﻩ ، ﻭﻛﻞ ﺷﺨﺺ ﻳﺤﺠﻲ ﺑﺎﻟﻤﺎﺿﻲ ﺍﻭ ﻳﺤﺎﻭﻝ ﺑﻜﻠﻤﻪ ﻳﺬﻛﺮﻧﻲ ﺑﺄﻟﻲ ﺻﺎﺭ ﺍﻧﻬﻲ ﻣﻦ ﺣﻴﺎﺗﻲ ﺗﻤﺎﻣﺎً ﻟﺪﺭﺟﺔ ﺧﺴﺮﺕ ﻫﻮﺍﻱ ﺍﺷﺨﺎﺹ ﺍﺣﺒﻬﻢ ﻭﺍﻋﺰﻫﻢ ﻟﻬﺬﺍ ﺍﻟﺴﺒﺐ .. ﺍﺑﺘﻌﺪﺕ ﻋﻦ ﺍﻟﻨﺎﺱ ﻛﻠﻬﻢ ﻭﻋﺰﻟﺖ ﻧﻔﺴﻲ .. ﺩﻓﻨﺖ ﺭﻭﺣﻲ ﺑﺎﻟﻌﺴﻜﺮﻳﻪ ﻭﺑﻨﺺ ﺍﻟﻤﻮﺕ ﻓﻲ ﺳﺒﻴﻞ ﻣﺎ ﺍﻟﺘﻘﻲ ﺑﺄﺣﺪ ﻭﻣﺎ ﺍﺣﺠﻲ ﺑﻬﺬﺍ ﺍﻟﻤﻮﺿﻮﻉ ﻭﻻ ﺍﺫﻛﺮﻩ ..
ﻭﺑﻠﺤﻈﻪ ﻭﺣﺪﻩ ﺍﺟﺘﻲ ﻫﺎﻱ ﺍﻟﺤﻘﻴﺮﻩ ﺩﻣﺮﺕ ﻛﻠﺸﻲ .. ﺑﻠﺤﻈﺘﻬﺎ ﺭﺩﺕ ﺍﻗﺘﻠﻬﺎ ﺧﻼﺹ ﻭﻣﻴﻬﻤﻨﻲ ﺍﻛﺒﺮ ﻭﺍﺣﺪ ﻳﻄﻠﻊ ﻭﺭﺍﻫﺎ .. ﺑﺲ ﺟﻬﺎﻟﻬﺎ ﻭﻧﻈﺮﺍﺗﻬﻢ ﺍﻟﻲ ﻭﺍﻟﺪﻣﻮﻉ ﺍﻟﻲ ﺑﻌﻴﻮﻧﻬﻢ ﻫﻲ ﺍﻟﻲ ﻭﻛﻔﺘﻨﻲ !
ﺑﻌﺪ ﻣﺎ ﺍﺧﺬﺗﻬﺎ ﺍﻣﻲ ﻭﺭﺍﺣﺖ .. ﺩﺧﻠﺖ ﻟﻤﻜﺘﺒﻲ ﻭﺍﺣﺲ ﺷﻲ ﺑﺪﺍﺧﻠﻲ ﻳﻐﻠﻲ .. ﺷﻲ ﺑﺪﺍﺧﻠﻲ ﻳﺮﻳﺪ ﻳﻨﻔﺠﺮ .. ﺻﺢ ﻣﻮ ﻣﻦ ﻃﺒﻌﻲ ﺍﻋﺼﺐ ﺑﺴﺮﻋﻪ ﺑﺲ ﻫﺬﻱ ﺍﻟﻤﺮﻩ ﻛﻠﺸﻲ ﺍﺧﺘﻠﻒ ﺭﺩﺕ ﺍﺣﺮﻙ ﺍﻟﻜﻮﻥ ﻛﻠﻪ ﻣﻦ ﻛﺪ ﺍﻟﻐﻀﺐ ﺍﻟﻲ ﺳﻴﻄﺮ ﻋﻠﻴﻪ .. ﺍﻟﻨﺎﺭ ﺍﻟﻲ ﺩﺗﺴﺘﻌﺮ ﺑﮕﻠﺒﻲ .. ﻏﺼﺐ ﻋﻨﻲ ﻟﻜﻴﺖ ﺭﻭﺣﻲ ﺩﺍﺍﺳﺘﺮﺟﻊ ﻛﻞ ﺍﻟﺬﻛﺮﻳﺎﺕ .. ﻛﻞ ﺍﻟﻤﺎﺿﻲ ﺑﺪﺍ ﻳﺪﻭﺭ ﺑﺮﺍﺳﻲ ﻣﺜﻞ ﺍﻟﺸﺮﻳﻂ .. ﺍﺗﺬﻛﺮﺕ ﻛﻞ ﺍﻟﻲ ﺻﺎﺭ .. ﻭﺍﺗﻤﻨﻴﺖ ﺍﻟﻠﻪ ﻳﺎﺧﺬ ﺭﻭﺣﻲ ﺑﻬﺎﻱ ﺍﻟﻠﺤﻈﻪ ﻭﻳﺨﻠﺼﻨﻲ .. ﺍﻟﻠﻪ ﻳﻠﻌﻨﺞ ﺳﺎﺭﻩ ﻉ ﺍﻟﻲ ﺳﻮﻳﺘﻲ ﺍﻭﻭﻭﻭﻑ ﻟﻮ ﻣﺎ ﺟﻬﺎﻟﺞ ﻣﺤﺪ ﻳﺨﻠﺼﺞ ﻣﻨﻲ ﻏﻴﺮ ﻋﺰﺭﺍﺋﻴﻞ ..
ﻟﺤﻈﻪ ﺑﻌﺪ ﻟﺤﻈﻪ ﺑﺪﺕ ﺍﻟﺬﻛﺮﻳﺎﺕ ﺗﻬﺎﺟﻤﻨﻲ .. ﻛﻠﻤﺎ ﺗﻤﺮ ﺍﺑﺎﻟﻲ ﺻﻮﺭﻩ ﻣﻦ ﺍﻟﻤﺎﺿﻲ ﺍﺗﺪﻣﺮ ﺍﻛﺜﺮ .. ﮔﻠﺒﻲ ﺩﻳﺤﺘﺮﻙ !
ﺍﺑﺎﻭﻉ ﻻﺩﻳﻪ ﺑﺪﺕ ﺗﺮﺟﻒ ﺑﻘﻮﻩ .. ﺟﺴﻤﻲ ﺍﺣﺴﻪ ﺑﺮﺩ .. ﺍﻟﺪﻧﻴﺎ ﺍﻇﻠﻤﺖ ﺑﻌﻴﻨﻲ ، ﺑﻘﻴﺖ ﻫﺎﺩﺉ ﺑﺲ ﺩﺍﺧﻠﻲ ﻳﻐﻠﻲ ﻣﺜﻞ ﺍﻟﺒﺮﻛﺎﻥ ﺍﻟﻲ ﻳﺮﻳﺪ ﻳﻨﻔﺠﺮ .. ﻻﺯﻡ ﺍﻃﺮﺩﻫﺎ ﻣﻦ ﺑﺎﻟﻲ ﻻﺯﻡ .. ﻻﺯﻡ ﺍﺑﻌﺪ ﺍﻻﻓﻜﺎﺭ ﻫﺬﻱ ﻋﻨﻲ .. !
ﺑﺲ ﻣﺮﺍﺕ ﻧﻮﺻﻞ ﻟﺪﺭﺟﻪ ﻣﺎ ﻣﻨﻬﺎ ﺭﺟﻮﻉ .. ﻣﻬﻤﺎ ﺣﺎﻭﻟﻨﺎ ﻧﺘﻨﺎﺳﻰ ﺍﻟﺤﻘﻴﻘﻪ ﻻﺯﻡ ﻳﺠﻲ ﻳﻮﻡ ﻭﺍﻧﻮﺍﺟﻬﺎ !
ﺑﻠﺤﻈﻪ ﻗﺮﺭﺕ ﺍﻧﻬﻲ ﻛﻠﺸﻲ .. ﻫﺬﺍ ﺍﻻﻓﻜﺎﺭ ﻻﺯﻡ ﺍﻗﺘﻠﻬﺎ .. ﻻﺯﻡ ﺍﺗﺨﻠﺺ ﻣﻨﻬﺎ .. ﺳﺤﺒﺖ ﺍﻟﻤﺴﺪﺱ ﻭﻗﺮﺭﺕ ﺍﻧﻬﻴﻨﻬﺎ ﺑﺄﻳﺪﻱ ﺍﺫﺍ ﻋﻘﻠﻲ ﻣﻴﻜﺪﺭﻋﻠﻴﻬﺎ !!
... 
ﺧﻠﻴﺖ ﺍﻟﻤﺴﺪﺱ ﻋﻠﻰ ﺭﺍﺳﻲ ﻭﺍﺗﺨﺬﺕ ﺍﻟﻘﺮﺍﺭ .. ﺑﺲ ﺷﻲ ﻭﺍﺣﺪ ﺍﻟﻲ ﻭﻛﻔﻨﻲ ... ﺍﺑﻮﻳﻪ !!!
ﺍﺑﻮﻳﻪ ﺍﻟﻲ ﺗﻌﺐ ﻋﻠﻴﻪ ﻭﺻﻠﻨﻲ ﻟﻠﻲ ﺍﻧﻲ ﻋﻠﻴﻪ ﺍﻟﻴﻮﻡ ﻳﺴﺘﺎﻫﻞ ﻫﻴﺞ ﺍﺧﺬﻟﻪ !!
ﺍﻣﻲ ﺍﻟﻲ ﺿﻴﻌﺖ ﺷﺒﺎﺑﻬﺎ ﻓﻲ ﺳﺒﻴﻞ ﺗﻜﻤﻞ ﺍﻟﻲ ﺑﺪﺍ ﺍﺑﻮﻳﻪ ، ﻛﺒﺮﺗﻨﻲ ﻭ ﺳﻮﺗﻨﻲ ﺭﺟﺎﻝ ﻋﻠﻴﻪ ﺍﻻﻋﺘﻤﺎﺩ .. ﺗﺴﺘﺎﻫﻞ ﻫﻴﺞ ﺍﻛﺴﺮ ﮔﻠﺒﻬﺎ ﻭﺍﻓﺠﻌﻬﺎ ﺑﻴﻪ؟ !
ﺍﻧﻲ ﻣﻮ ﺟﺒﺎﻥ ﺣﺘﻰ ﺍﻧﻬﻲ ﺣﻴﺎﺗﻲ ﺑﻬﺬﻱ ﺍﻟﻄﺮﻳﻘﻪ ﺍﻟﺴﺨﻴﻔﻪ .. ﻣﻮ ﺍﺳﻴﺪ ﺍﻟﻲ ﻳﻨﻬﻲ ﺣﻴﺎﺗﻪ ﺑﺴﺒﺐ ﺷﻲ ﺍﻧﺘﻬﻰ !..
ﺍﻟﻲ ﺻﺎﺭ ﻏﻠﻄﻪ ﻭﺟﻞ ﻣﻦ ﻻ ﻳﻐﻠﻂ .. ﺍﻟﺤﻞ ﺍﻟﻮﺣﻴﺪ ﻫﻮ ﺍﻭﺍﺟﻪ ﺍﻏﻼﻃﻲ ﻭﺍﺗﻌﺪﺍﻫﺎ .. ﺑﺲ ﺍﻭﻝ ﺷﻲ ﺍﺳﻮﻱ ﻻﺯﻡ ﺍﻭﻗﻒ ﺍﻻﻓﻜﺎﺭ ﺍﻟﻲ ﺩﺗﻨﺨﺮ ﻋﻘﻠﻲ ﻭﺗﺤﺮﻙ ﺭﻭﺣﻲ .. ﻻﺯﻡ ﺍﺷﻐﻞ ﻋﻘﻠﻲ ﺑﺄﻟﻢ ﺍﻗﻮﻯ ﺣﺘﻰ ﻳﻨﺴﻰ ﻛﻞ ﺷﻲ ﺛﺎﻧﻲ .. ﻣﺎ ﺍﺧﺬﺕ ﻭﻗﺖ ﻫﻮﺍﻱ ﺣﺘﻰ ﺍﻧﻔﺬ ﺍﻟﻲ ﺍﺟﻪ ﺍﺑﺎﻟﻲ !..
ﺳﺤﺒﺖ ﺍﻟﻤﺴﺪﺱ ﺑﺴﺮﻋﻪ ﻭﺿﺮﺑﺖ ﺍﻳﺪﻱ ﻃﻠﻘﻪ !!!
ﺻﺢ ﺍﻟﻮﺟﻊ ﻛﺎﻥ ﻗﻮﻱ ﺑﺲ ﻣﻮ ﺍﻗﻮﻯ ﻣﻦ ﻭﺟﻊ ﮔﻠﺒﻲ .. ﺑﻘﻴﺖ ﺻﺎﻓﻦ ﻋﻠﻰ ﺍﻳﺪﻱ ﺍﺷﻠﻮﻥ ﺗﻨﺰﻑ ﻭﻛﻞ ﺫﺭﻩ ﺑﺠﺴﻤﻲ ﺗﺮﺟﻒ ﺗﺮﺟﻒ .. ﺃﻟﻢ ﻓﻀﻴﻴﻴﻊ ﺑﺲ ﺍﻛﺪﺭ ﺍﺗﺤﻤﻠﻪ .. ﻣﺎﺍﻋﺮﻑ ﺍﺷﻜﺪ ﻣﺮ ﻣﻦ ﺍﻟﻮﻗﺖ ﻭﺍﻧﻲ ﻋﻠﻰ ﻫﺬﺍ ﺍﻟﺤﺎﻝ ﺻﺎﻓﻦ ﻋﻠﻰ ﺍﻟﺠﺮﺡ ﺍﻟﻲ ﺑﺄﻳﺪﻱ ... ﻣﺎﺍﺣﺲ ﺑﺄﻱ ﺷﻲ ﻳﺤﻴﻄﻨﻲ ﻋﻘﻠﻲ ﻛﺎﻥ ﺑﻐﻴﺮ ﻣﻜﺎﻥ .. ﺩﻳﺤﺎﺭﺏ ﺍﻟﻮﺟﻊ ﺍﻟﻲ ﺑﺄﻳﺪﻱ .. ﻧﺠﺤﺖ ﺍﻟﺨﻄﻪ ﺑﺪﺕ ﺍﻻﻓﻜﺎﺭ ﺍﻟﺴﻮﺩﻩ ﺗﺘﺮﻛﻨﻲ ! !ﻣﺎ ﺣﺴﻴﺖ ﻏﻴﺮ ﺷﺨﺺ ﻓﺘﺢ ﺍﻟﺒﺎﺏ ﻭﺩﺧﻞ !!
ﺑﺪﻭﻥ ﻣﺎﺍﺷﻮﻓﻪ ﻣﻨﻮ ﻋﺮﻓﺘﻪ .. ﻻﻧﻮ ﻫﺎﻱ ﺍﻻﻧﻔﺎﺱ ﺍﻟﺴﺮﻳﻌﻪ ﺣﻔﻀﺘﻬﺎ .. ﻭﺍﻟﺨﻄﻮﺍﺕ ﺍﻟﻐﺒﻴﻪ ﻣﺴﺘﺤﻴﻞ ﻣﺎ ﺍﻣﻴﺰﻫﺎ .. ﺍﻭﻝ ﺧﻄﻮﺗﻴﻦ ﺍﻟﻬﺎ ﻋﺜﺮﺕ ﺑﺎﻟﻄﺎﻭﻟﻪ ﺍﻟﻲ ﻛﺪﺍﻣﻬﺎ .. !
ﻳﻼ ﻋﺎﺩﻱ ﻣﺘﻌﺮﻑ ﺗﺮﺗﻴﺐ ﺍﻟﻐﺮﻓﻪ ﻭﻻ ﺩﺍﺧﻠﻪ ﻟﻠﻤﻜﺘﺐ .. ﺑﻘﺖ ﺗﺪﻭﺭ ﻋﻠﻰ ﺷﻲ ﺑﺎﻟﻐﺮﻓﻪ .. ﺍﻛﻴﺪ ﺗﺮﻳﺪ ﺗﻔﺘﺢ ﺍﻟﻀﻮﻩ .. ﺑﻘﻴﺖ ﺻﺎﻓﻦ ﻋﻠﻴﻬﺎ ﺍﻟﻀﻮﻩ ﺧﺎﻓﺖ ﺣﻴﻞ ﻣﺎﺍﺷﻮﻑ ﺑﺲ ﺧﻴﺎﻟﻬﺎ ﻳﺘﺤﺮﻙ .. ﺭﻏﻢ ﺍﻟﻮﺟﻊ ﺍﻟﻲ ﺑﮕﻠﺒﻲ ﻭﺃﻟﻢ ﺍﻳﺪﻱ .. ﺑﻘﻴﺖ ﻫﺎﺩﺉ ﻣﺤﺠﻴﺖ ﺷﻲ ﺑﺲ ﺍﺭﺍﻗﺒﻬﺎ !..
ﺑﻌﺪﻳﻦ ﻓﺘﺤﺖ ﺍﻟﻀﻮﻩ ﻣﻦ ﻳﻤﻲ ﻣﻼﻣﺤﻬﺎ ﻛﺎﻧﺖ ﻣﺮﻋﻮﺑﻪ ﻭﻗﻠﻘﻪ ﺑﺸﻜﻞ ... ﺍﺟﻪ ﺍﻟﺤﺮﺱ ﻭﻛﻠﺘﻠﻬﻢ ﻣﺎﻛﻮﻭ ﺷﻲ ﺭﺍﺣﻮ .. ﻫﻲ ﻫﻢ ﺭﺍﺩﺕ ﺗﻄﻠﻊ .. ﺑﺲ ﺍﻧﻲ ﺭﺩﺕ ﺃﺗﺄﻛﺪ ﺍﺫﺍ ﻋﺪﻫﺎ ﻓﻀﻮﻝ ﻋﻦ ﺍﻟﻜﻼﻡ ﺍﻟﻲ ﻛﺎﻟﺘﻪ ﺍﻟﺤﻘﻴﺮﻩ ﻫﺬﻳﺞ .. ﺍﻛﻴﺪ ﺭﺍﺡ ﺗﺤﺠﻲ ﻻﻥ ﻟﺴﺎﻧﻬﺎ ﻣﺘﺒﺮﻱ ﻣﻨﻬﺎ .. ﺳﺄﻟﺘﻬﺎ ﻋﻦ ﺍﻣﻲ ﺟﺎﻭﺑﺘﻨﻲ ﻭﻫﻲ ﺩﺍﻳﺮﻩ ﻭﺟﻬﺎ .. ﺑﻌﺪﻳﻦ ﺣﺎﻭﻟﺖ ﺍﺳﺘﻔﺰﻫﺎ ﺍﻛﺜﺮ ﺣﺘﻰ ﺗﺤﺠﻲ ﻻﻥ ﻫﻲ ﻣﻦ ﺗﻌﺼﺐ ﺗﻨﻔﺠﺮ ﺍﻋﺮﻓﻬﺎ ﻣﺜﻞ ﻣﺎ ﺻﺎﺭ ﻭﻗﺖ ﻭﻛﻌﺖ ﻣﻨﻬﺎ ﺍﻟﻤﻨﺸﻔﻪ ﺍﻧﻔﺠﺮﺕ ﺑﻮﺟﻬﻲ !
ﻭﻓﻌﻼً ﻣﺜﻞ ﻣﺎ ﺍﺗﻮﻗﻌﺖ ﺍﻟﺘﻔﺘﺖ ﻭ ﺍﻟﻐﻀﺐ ﻭﺍﺿﺢ ﻋﻠﻰ ﻣﻼﻣﺢ ﻭ ﻭﺟﻬﺎ .. ﺑﺲ ﻣﻦ ﺷﺎﻓﺖ ﺍﻳﺪﻱ ﺩﺗﻨﺰﻑ ﺣﺴﻴﺖ ﻭﺟﻬﺎ ﺍﺭﺗﺨﻰ ﻭﻧﻈﺮﺓ ﺧﻮﻑ ﻋﻠﻰ ﻭﺟﻬﺎ .. ﺍﻛﻴﺪ ﺑﺴﺒﺐ ﺍﻟﺪﻡ !
ﻣﻦ ﺭﻛﻀﺖ ﻭﻟﺰﻣﺖ ﺍﻳﺪﻱ ﺍﺳﺘﻐﺮﺑﺖ ﻣﻦ ﺗﺼﺮﻓﻬﺎ ﻭﺟﺮﺋﺘﻬﺎ .. ﻛﻠﻤﺎ ﺍﻋﺮﻑ ﻋﻨﻬﺎ ﺷﻲ ﺗﺼﺪﻣﻨﻲ ﺍﻛﺜﺮ .. ﻛﻨﺖ ﺍﻋﺮﻑ ﺑﻴﻬﺎ ﻣﺘﺨﺎﻑ ﻭﺗﺘﺠﺮﺃ ﻉ ﺍﺷﻴﺎﺀ ﻣﻮ ﻛﺪﻫﺎ ﻣﺮﺍﺕ .. ﺑﺲ ﻣﺘﻮﻗﻌﺘﻬﺎ ﺍﺑﺪ ﺗﻠﺰﻣﻨﻲ !!
ﻛﺎﻟﺘﻠﻲ ﺍﻳﺪﻙ ﺗﻨﺰﻑ ﻭﺍﻟﺮﻋﺐ ﻋﻠﻰ ﻣﻼﻣﺤﻬﺎ ﻳﻘﺮﺍ ﺍﻟﻒ ... ﺳﺤﺒﺖ ﺍﻳﺪ ﻣﻨﻬﺎ ﺑﻘﻮﻩ ﻭﺑﺼﻮﺕ ﺟﺎﻣﺪ ﻛﻠﺘﻠﻬﺎ ..
_ ﺍﻣﺸﻲ ﺍﻃﻠﻌﻲ ﺑﺮﻩ .
ﺩﺍﻟﻴﺎ .. ﻭﻳﻦ ﺍﻃﻠﻊ ﺷﺪﺗﺤﺠﻲ ﺍﻧﺖ ﺷﻮﻑ ﺍﻳﺪﻙ ﺷﺼﺎﻳﺮ ﺑﻴﻬﺎ !!
ﺍﺳﻴﺪ .. ﻛﻠﺘﻠﺞ ﺍﻃﻠﻌﻲ ﺑﺮﻩ ﻣﺎﺍﺭﻳﺪ ﺍﺷﻮﻑ ﺍﺣﺪ .
ﺩﺍﻟﻴﺎ .. ﺑﺼﻮﺕ ﺣﺎﺩ .. ﻣﻮ ﺑﻜﻴﻔﻚ ﺍﻃﻠﻊ ﻭﺍﺫﺍ ﺟﺒﺮﺗﻨﻲ ﺭﺍﺡ ﺍﺗﺼﻞ ﺑﺎﻟﺤﺠﻴﻪ ﻭﺍﺧﻠﻴﻬﺎ ﺗﺠﻲ ﺑﻨﻔﺴﻬﺎ .. ﻋﺎﺩ ﺍﻧﺖ ﺗﺨﻴﻞ ﺍﻟﻤﺴﻜﻴﻨﻪ ﺷﺮﺍﺡ ﻳﺼﻴﺮ ﺑﻴﻬﺎ ﻣﻦ ﺗﺴﻤﻊ ﺑﻬﺬﺍ ﺍﻟﺨﺒﺮ ﻧﺺ ﺍﻟﻠﻴﻞ
.....
ﺍﺳﻴﺪ .. ﺍﻻﻟﻢ ﺍﻟﻲ ﺑﺄﻳﺪﻱ ﺻﺎﺭ ﻗﻮﻱ .. ﻭﺑﺪﻳﺖ ﺍﺣﺲ ﺑﺪﻭﺧﻪ ﺑﺮﺍﺳﻲ ﻭﻫﺎﻱ ﻭﺍﻛﻔﻪ ﺗﺘﻌﺎﻧﺪ ﻭﻳﺎﻱ .. ﺑﺼﻮﺕ ﻏﺎﺿﺐ ﺻﺤﺖ ﺑﻴﻬﺎ ..
_ ﻟﺞ ﺷﻨﻮﻭ ﺗﻬﺪﺩﻳﻨﻲ ﺍﻧﺘﻲ؟ !
ﺩﺍﻟﻴﺎ .. ﺑﻠﻲ ﺩﺍﺍﻫﺪﺩﻙ ، ﻭﻛﺎﻓﻲ ﺍﺭﻭﺡ ﺍﺻﻴﺢ ﺍﻟﺤﺮﺱ ﻳﺠﻮﻥ ﻳﺎﺧﺬﻭﻙ ﻟﻠﻤﺴﺘﺸﻔﻰ ﻳﺸﻮﻓﻮﻥ ﺷﻤﺴﻮﻱ ﺑﺮﻭﺣﻚ .
ﺍﺳﻴﺪ .. ﺧﻔﺖ ﻻ ﺗﺮﻭﺡ ﺗﺼﻴﺤﻠﻬﻢ ﺻﺪﻙ ﻫﺎﻱ ﺍﻟﺨﺒﻠﻪ .. ﻭﻫﺬﻭﻟﻲ ﻳﺨﺎﺑﺮﻭﻥ ﺍﻣﻲ ﮔﺒﻞ ، ﻭﺗﺮﺗﻌﺐ ﺍﻣﻲ ﺑﻬﺎﻟﻴﻞ ﺣﺎﻭﻟﺖ ﺍﺳﻴﻄﺮ ﻋﻠﻰ ﺍﻻﻟﻢ ﺍﻟﻲ ﺑﺄﻳﺪﻱ ﺑﺲ ﻣﺪﺍﺍﻛﺪﺭ ﺍﺗﺤﻤﻞ ﺑﻌﺪ ..
_ ﺍﻣﺸﻲ ﺟﻴﺒﻲ ﻋﻠﺒﺔ ﺍﻻﺳﻌﺎﻓﺎﺕ ﺑﺴﺮﻋﻪ ، ﻭﺩﻳﺮﻱ ﺑﺎﻟﺞ ﺗﺼﻴﺤﻴﻦ ﺍﻟﺤﺮﺱ ﻣﺘﻠﻮﻣﻴﻦ ﺍﻻ ﻧﻔﺴﺞ .
ﺩﺍﻟﻴﺎ .. ﺍﺷﻮﻥ ﻣﺎﺍﺻﻴﺤﻬﻢ ﺩﺷﻮﻑ ﻭﺟﻬﻚ ﺻﺎﺭ ﻟﻴﻤﻮﻧﻪ .. ﻳﻤﻜﻦ ﺣﺘﻤﻮﺕ !!
ﺍﺳﻴﺪ .. ﺑﺼﻮﺕ ﻋﺎﻟﻲ ﻭﻏﺎﺿﺐ .. ﻟﺞ ﺍﻣﺸﻲ ﺟﻴﺒﻲ ﺍﻟﻌﻠﺒﻪ ﻟﺘﻠﻐﻴﻴﻴﻴﻴﻦ ﺧﻠﺼﻴﻨﻲ .
ﺩﺍﻟﻴﺎ .. ﻳﺎ ﺭﺑﻲ ﺷﻜﻠﻪ ﻳﺎﺧﺬ ﺍﻟﺮﻭﺡ ﻳﺨﻮﻑ ﻭﻓﻮﻛﺎﻫﺎ ﻛﺎﻡ ﻳﺼﻴﺢ .. ﺭﺟﻠﻴﻪ ﺭﺟﻌﺖ ﺗﺮﺟﻒ .. ﺑﺪﻭﻥ ﺍﻱ ﻛﻼﻡ ﺭﺣﺖ ﺟﺒﺖ ﺍﻟﻌﻠﺒﻪ ﺭﻛﺾ ﺳﻮﻳﺖ ﺍﻟﻄﺮﻳﻖ ﺧﻄﻮﺗﻴﻦ .. ﺍﺗﺬﻛﺮﺕ ﻧﻔﺴﻲ ﻣﻦ ﺭﻛﺾ ﻭﺭﺍﻱ ﺍﻟﭽﻠﺐ .. ﻧﻔﺲ ﻫﺎﻱ ﺍﻟﺮﻛﻀﻪ ﺭﻛﻀﺖ .. ﺑﺲ ﻗﺒﻞ ﻛﻨﺖ ﺧﺎﻳﻔﻪ ﻣﻦ ﺍﻟﭽﻠﺐ ﻭﺧﺎﻳﻔﻪ .. ﻫﺴﻪ ﻟﻮﻳﺶ ﺩﺍﺍﺭﻛﺾ ﻫﺸﻜﻞ ﻣﻦ ﺷﻨﻮ ﺧﺎﻳﻔﻪ؟
ﺭﺣﺖ ﺟﺒﺖ ﺍﻟﻌﻠﺒﻪ ﻭﺍﻧﻄﻴﺘﻬﻴﺎ .. ﻃﻠﻊ ﻣﻌﻘﻢ ﻭﻣﺎﺍﻋﺮﻑ ﺷﻨﻮ ﺑﺪﻯ ﻳﻤﺴﺢ ﺑﺎﻟﺠﺮﺡ ﻭﻣﺪﺭﻱ ﺷﻴﺴﻮﻱ ..
ﺍﺳﻴﺪ .. ﺗﻌﺎﻟﻲ ﺳﺎﻋﺪﻳﻨﻲ .
ﺩﺍﻟﻴﺎ .. ﺍﻧﻲ؟ !!!!!!
ﺍﺳﻴﺪ .. ﻻ ﺍﻣﻲ !
ﺩﺍﻟﻴﺎ .. ﺑﺼﻮﺕ ﻧﺎﺻﻲ ﻭﺍﻟﻚ ﺧﻠﻚ ﺗﺘﺸﺎﻗﻰ ﻫﻮ ﺍﻧﺖ ﺑﺎﻻﻳﺎﻡ ﺍﻟﻌﺎﺩﻳﻪ ﻣﺸﺎﻳﻔﺘﻚ ﻣﺒﺘﺴﻢ ﻫﺴﻪ ﺗﺘﺸﺎﻗﻰ .. ﻣﺨﺒﻞ ﻣﻮ ﺻﺎﺣﻲ !
ﺍﺳﻴﺪ .. ﺷﺪﺗﻠﻐﻴﻦ ﺍﻧﺘﻲ؟ !!
ﺩﺍﻟﻴﺎ .. ﻫﺎ .. ﻫـ .. ﺍﺍ .. ﺩﺍﺍﻛﻮﻝ ﺍﺷﻮﻥ ﺍﺳﺎﻋﺪﻙ ﺍﻧﻲ ﻛﻮﻟﺸﻲ ﻣﺎﺍﻋﺮﻑ ﺑﻬﺬﻱ ﺍﻻﺷﻴﺎﺀ !
ﺍﺳﻴﺪ .. ﺳﻮﻱ ﺍﻟﻲ ﺍﻛﻮﻟﻪ ﺍﻟﺞ ﻭﺑﺲ .
ﺩﺍﻟﻴﺎ .. ﻣﺎﺷﻲ .
ﺍﺳﻴﺪ .. ﻛﺎﻟﺘﻠﻲ ﻣﺎﺷﻲ ﻭﺑﻘﺖ ﻭﺍﻛﻔﻪ ﺑﻤﻜﺎﻧﻬﺎ .. ﻫﺎﻱ ﻟﻮ ﻏﺒﻴﻪ ﻟﻮ ﻏﺒﻴﻪ ﻭﺣﺪﻩ ﻣﻦ ﺍﺛﻨﻴﻦ .ﺑﺼﻮﺕ ﺟﺎﺩ .. ﻣﺘﺘﺤﺮﻛﻴﻦ ﺗﺠﻴﻦ ﻟﻬﻨﺎ .. ﺍﺷﻮﻥ ﺗﺴﺎﻋﺪﻳﻨﻲ ﻭﺍﻧﺘﻲ ﻭﺍﻛﻔﻪ ﻫﻨﺎﻙ؟ !!
ﺩﺍﻟﻴﺎ .. ﻫـ .. ﺍﺍ .. ﺍﻳﻲ .. ﺍﻱ ﺟﺎﻳﻪ .. ﺍﻭﻭﻭﻑ ﻋﻠﻰ ﻏﺒﺎﺋﻲ !
ﺍﺳﻴﺪ .. ﻟﻤﺎ ﺿﺮﺑﺖ ﻧﻔﺴﻲ ﻛﻨﺖ ﺍﺭﺟﻒ ﻭﺍﻋﺼﺎﺑﻲ ﻣﻨﻬﺎﺭﻩ ، ﻓـ ﺃﻳﺪﻱ ﻣﻜﺎﻧﺖ ﺛﺎﺑﺘﻪ ﻭﺍﻟﻀﺮﺑﻪ ﺍﺟﺘﻲ ﺻﻔﺢ ﻳﻌﻨﻲ ﻣﺨﺘﺮﻗﺖ ﺍﻳﺪﻱ ﺑﺲ ﺟﺮﺣﺘﻨﻲ ﺟﺮﺡ ﻛﻮﻟﺶ ﻗﻮﻱ ﺑﺤﻴﺚ ﻗﻄﻌﻪ ﻣﻦ ﺍﻳﺪﻱ ﺍﻧﺸﺎﻟﺖ .. ﻣﺴﺤﺖ ﺍﻟﺪﻡ ﻭﺧﺎﻳﺘﻠﻪ ﻣﺎﺩﻩ ﺗﻮﻗﻒ ﺍﻟﻨﺰﻑ ، ﻋﻘﻤﺘﻬﺎ .. ﻛﻠﺘﻠﻬﺎ ﺧﻴﻄﻲ ﺍﻧﺘﻲ ﻻﻥ ﺍﺩﻳﻪ ﺍﻟﺜﺎﻧﻴﻪ ﻣﺎﺍﺳﻴﻄﺮ ﺍﺧﻴﻂ ﺑﻴﻬﺎ ﺍﻟﺠﺮﺡ !
ﺍﻧﻄﻴﺘﻬﺎ ﺍﻻﺑﺮﻩ .. ﺍﺷﻮ ﻫﺎﻱ ﺻﻔﻨﺖ ﺑﻮﺟﻬﻲ !!
ﺩﺍﻟﻴﺎ .. ﺷﻨـ .. ﺷﻨـﻮ .. ﻭﻭ .. ﺷﻨﻮ .. ﺍﺧﻴﻂ .. ﺷﻘﺼﺪﻙ؟ !
ﺍﺳﻴﺪ .. ﻣﻮ ﺍﻧﺘﻲ ﺍﻟﻲ ﺗﺮﺩﻳﻦ ﺍﻋﺎﻟﺞ ﺍﻳﺪﻱ؟ !!
ﺍﺗﻔﻀﻠﻲ ﺳﺎﻋﺪﻳﻨﻲ ﺍﻧﻲ ﻣﺎﺍﻛﺪﺭ ﺍﺧﻴﻄﻬﺎ ﺑﻬﺎﻱ ﺍﻳﺪﻱ ﻣﺎﺍﺳﻴﻄﺮ ﻋﻠﻴﻬﺎ ، ﺩﺗﺸﻮﻓﻴﻦ ﺟﺴﻤﻲ ﺍﺷﻮﻥ ﻳﺮﺟﻒ ، ﻭﻣﺪﺍﺍﺭﻛﺰ ﺩﺍﻳﺦ
....
ﺩﺍﻟﻴﺎ .. ﺑﺲ !..
ﺍﺳﻴﺪ .. ﻣﺎﺷﻲ ﺍﺧﺬﻱ ﺍﻟﻌﻠﺒﻪ ﻭﺍﻃﻠﻌﻲ ﻋﻨﻲ .. ﻭﺩﻳﺮﻱ ﺑﺎﻟﺞ ﺗﻜﻮﻟﻴﻦ ﺍﻻﺣﺪ ﺍﺫﺍ ﻋﺮﻓﺖ ﺍﻣﻲ ﺑﺎﻟﻤﻮﺿﻮﻉ ﻭﺭﻭﺡ ﺍﺑﻮﻳﻪ ﺍﻧﻬﻴﺞ .
ﺩﺍﻟﻴﺎ .. ﻭﺍﻳﺪﻙ؟ !!
ﺍﺳﻴﺪ .. ﻃﺒﻬﺎ ﻣﺮﺽ ﻣﻌﻠﻴﺞ ﺍﻧﺘﻲ .
ﺩﺍﻟﻴﺎ .. ﺯﻳﻦ ﻟﻮﻳﺶ ﻣﺘﺮﻭﺡ ﻟﻠﻤﺴﺘﺸﻔﻰ ﺍﻟﻠﻪ ﻳﺨﻠﻴﻚ !
ﺍﺳﻴﺪ .. ﻋﺎﻁ ﺑﻴﻬﺎ .. ﺍﻣﺸﻴﻴﻴﻴﻴﻴﻲ ﻭﻟﻲ ﻣﻦ ﺧﻠﻘﺘﻲ
ﺩﺍﻟﻴﺎ .. ﻣﺎﺷﻲ .. ﻣﺎﺷﻲ .. ﺣﺨﻴﻄﻬﺎ !
ﺍﺧﺬﺕ ﺍﻟﺨﻴﻂ ﻣﻨﻪ ﺑﺲ ﺍﺣﺲ ﻛﻞ ﺫﺭﻩ ﺑﺠﺴﻤﻲ ﺗﺮﺟﻒ .. ﺍﻟﺠﺮﺡ ﻛﺒﻴﺮ ﻭﺷﻜﻠﻪ ﻳﺨﻮﻑ .. ﺻﻔﻨﺖ ﺑﻌﻴﻮﻧﻪ ﻣﺎ ﺑﻴﻬﻢ ﻏﻴﺮ ﺍﻟﻈﻼﻡ ﻭﺷﻲ ﻏﺮﻳﺐ ﻣﻔﻬﻤﺘﻪ .. ﻣﺸﺎﻳﻔﺘﻪ ﻣﻦ ﻗﺒﻞ ﺍﺑﺪ .. ﻣﻌﻘﻮﻟﻪ ﻫﺬﻱ ﻧﻈﺮﺓ ﺍﻻﻟﻢ ﻣﻦ ﺍﻟﺠﺮﺡ ﺍﻟﻲ ﺑﺄﻳﺪﻩ؟ !!
ﻣﻌﻘﻮﻟﻪ ﻻﻥ ﺩﻳﺘﻮﺟﻊ ﻫﻴﺞ ﻋﻴﻮﻧﻪ ﻣﻠﻴﺎﻧﻪ ﺃﻟﻢ؟ !!
ﺷﻲ ﺑﻜﻠﺒﻲ ﻭﺟﻌﻨﻲ ﻣﻦ ﺷﻔﺖ ﻧﻈﺮﺍﺗﻪ ﺍﻟﻲ ﻛﻮﻟﻬﺎ ﺃﻟﻢ .. ﺍﺧﺬﺕ ﺍﻟﺨﻴﻂ ﻭﺑﺪﻳﺖ ﺍﺧﻴﻂ ﺍﻟﺠﺮﺡ ﺑﺲ ﺍﺩﻣﻮﻋﻲ ﻣﺎﺍﻋﺮﻑ ﻟﻮﻳﺶ ﻧﺰﻟﻮ !!
ﻛﻨﺖ ﻣﺪﻧﻜﻪ ﻭﺩﻣﻮﻋﻲ ﻭﻛﻌﻮ ﻋﻠﻰ ﺍﻳﺪﻩ !!
ﻣﺎﺍﺩﺭﻱ ﻟﻮﻳﺶ ﺑﺠﻴﺘﻲ .. ﻣﺎﺍﺍﺍﺍ ﺍﺩﺭﻱ ﺑﺲ ﮔﻠﺒﻲ ﻛﺎﻥ ﻣﻘﺒﻮﺽ .. ﻳﻤﻜﻦ ﻻﻥ ﺍﻟﺪﻡ ﺫﻛﺮﻧﻲ ﺑﺄﻟﻲ ﺧﺴﺮﺗﻬﻢ .. ﺍﻭ ﻳﻤﻜﻦ ﻧﻈﺮﺍﺗﻪ ﻫﻲ ﺍﻟﺴﺒﺐ ... ﻣﺎ ﺍﻋﺮﻑ .. ﻣﺎ ﺍﻋﺮﻑ !
ﻛﻤﻠﺖ ﺍﻟﺨﻴﺎﻁ ﻣﺎﻟﺖ ﺍﻳﺪﻩ .. ﺭﻓﻌﺖ ﺭﺍﺳﻲ ﻟﻜﻴﺘﻪ ﻧﺎﻳﻢ !!
ﮔﻠﺒﻲ ﻭﻛﻒ ﻛﻠﺖ ﻫﺬﺍ ﺍﻛﻴﺪ ﻣﺎﺕ !!
ﺍﻱ .. ﺍﻳﻴﻴﻴﻴﻲ .. ﻣﺎﺕ .. ﺑﺴﺮﻋﻪ ﺿﺮﺑﺘﻪ ﻋﻠﻰ ﺧﺪﻩ ﺿﺮﺑﺎﺕ ﺧﻔﻴﻔﻪ .. ﺑﺲ ﻣﺎﻛﻮﻭ ﻣﻴﺼﺤﻪ !!
ﺍﻛﻮ ﻳﻤﻪ ﻛﻼﺹ ﻣﻲ .. ﺍﺧﺬﺗﻪ ﻭﺫﺑﻴﺖ ﺍﻟﻤﻲ ﻋﻠﻰ ﻭﺟﻬﻪ ﺑﻘﻮﻩ .. ﺟﺎﻥ ﻳﺼﺤﻰ !!
ﺍﺳﻴﺪ .. ﺑﺪﺕ ﺗﺨﻴﻂ ﺑﺎﻟﺠﺮﺡ ﻭﺍﻟﻮﺟﻊ ﻣﻮﺗﻨﻲ .. ﺟﺮﺡ ﻣﻮ ﺑﺴﻴﻂ ﺍﺑﺪ .. ﻣﻦ ﺍﻟﻮﺟﻊ ﻓﻘﺪﺕ ﺍﻟﻮﻋﻲ .. ﻣﺎ ﺣﺴﻴﺖ ﻏﻴﺮ ﺑﺎﻟﻤﻲ ﻧﻜﻌﻨﻲ !!
ﻓﺘﺤﺖ ﻋﻴﻮﻧﻲ ﻟﻜﻴﺘﻪ ﻭﺍﻛﻔﻪ ﻛﺪﺍﻣﻲ ﻗﺮﻳﺒﻪ ﻋﻠﻴﻪ ﻛﻮﻟﺶ ﻭﺩﺗﺘﻀﺮﺏ ﺑﻮﺟﻬﻲ ، ﻭﺟﻬﺎ ﻛﺎﻥ ﻋﺒﺎﺭﻩ ﻋﻦ ﺧﻮﻑ ﻭﻳﻤﻜﻦ ﺷﻔﺖ ﺩﻣﻮﻉ؟ !!!
ﺧﺼﻼﺕ ﻣﻦ ﺷﻌﺮﻫﺎ ﻧﺎﺯﻟﻪ ﻋﻠﻰ ﻭﺟﻬﺎ ﻛﻨﺎ ﺑﻌﺰ ﺍﻟﺸﺘﺎ ﺑﺲ ﻗﻄﺮﺍﺕ ﻋﺮﻙ ﻋﻠﻰ ﺟﺒﻴﻨﻬﺎ .. ﺍﻟﻲ ﻳﺸﻮﻓﻬﺎ ﻳﻜﻮﻝ ﻛﺎﻧﺖ ﺩﺗﺴﻮﻱ ﻋﻤﻠﻴﻪ ﺟﺮﺍﺣﻴﻪ ﻣﻮ ﺧﻴﺎﻁ ﻛﻢ ﻏﺮﺯﻩ !!
ﻣﻦ ﺷﻔﺘﻬﺎ ﺣﺴﻴﺖ ﮔﻠﺒﻲ ﺩﻳﺒﺘﺴﻢ ﻟﻮﺣﺪﻩ ﺷﻜﻠﻬﺎ ﺻﺪﻙ ﻳﻀﺤﻚ .. ﻛﻠﺘﻠﻜﻢ ﻫﺎﻱ ﺍﻟﻐﺒﻴﻪ ﻫﻲ ﺍﻟﻮﺣﻴﺪﻩ ﺍﻟﻲ ﺗﺨﻠﻴﻨﻲ ﺍﺑﺘﺴﻢ ﻣﻦ ﺩﺍﺧﻠﻲ ﺑﺪﻭﻥ ﺳﺒﺐ ﻭﻣﺎﺍﻋﺮﻑ ﻟﻴﺶ !!
ﻛﻠﺒﻲ ﺍﺑﺘﺴﻢ ﺑﺲ ﻣﻼﻣﺤﻲ ﺑﻘﻴﺘﻬﺎ ﺟﺎﻣﺪﻩ ..
ﺩﺍﻟﻴﺎ .. ﻳﺎ ﺭﺑﻴﻴﻴﻴﻲ ﺷﻜﺮﺍً ﺍﻟﻚ ﻉ ﺑﺎﻟﻲ ﻣﺘﺖ .. ﺍﻧﺖ ﺍﺷﻮﻥ ﺗﻨﺎﻡ .. ﺍﺷﻮﻥ ﺗﺨﻮﻓﻨﻲ ﻫﺸﻜﻞ .. ﻣﺨﺒﻞ ﺍﻧﺖ ﻣﺨﺒﻞ؟ !!
ﺍﺳﻴﺪ .. ﻣﻦ ﻛﺎﻟﺖ ﻣﺨﺒﻞ ﺧﺰﺭﺗﻬﺎ ﺑﻐﻀﺐ !..
ﺩﺍﻟﻴﺎ .. ﺍﺳﻔﻪ .. ﺍﺳﻔﻪ ﻣﻮ ﻗﺼﺪﻱ ﺑﺲ ﺧﻮﻓﺘﻨﻲ ﻉ ﺑﺎﻟﻲ ﺻﺎﺭﻟﻚ ﺷﻲ ، ﻛﻠﺖ ﻫﺴﻪ ﺍﺑﺘﻠﻲ ﺑﻴﻚ ﻉ ﺑﺎﻟﻬﻢ ﺍﻧﻲ ﺍﻟﻲ ﻗﺘﻠﺘﻚ !
ﺍﺳﻴﺪ .. ﻭﺍﻧﻲ ﻉ ﺑﺎﻟﻲ ﺧﺎﻓﺖ ﻋﻠﻴﻪ ، ﻃﻠﻌﺖ ﺧﺎﻳﻔﻪ ﻋﻠﻰ ﺭﻭﺣﻬﺎ !..
ﻛﻤﺖ ﻣﻦ ﻣﻜﺎﻧﻲ ﺍﺭﻳﺪ ﺍﺭﻭﺡ ﻟﻐﺮﻓﺘﻲ ﻻﺯﻡ ﺍﺗﻤﺪﺩ ، ﺑﺲ ﻣﺎﺍﻛﺪﺭ ﺍﺣﺲ ﻧﻔﺴﻲ ﺩﺍﻳﺦ .. ﻟﺰﻣﺖ ﺍﻟﻜﺮﺳﻲ ﻭ ﻭﻛﻔﺖ ﻣﺸﻴﺖ ﺧﻄﻮﺗﻴﻦ .. ﻭﺟﺎﻥ ﺍﻭﻛﻊ ﺑﺎﻟﻜﺎﻉ !!
ﺩﺍﻟﻴﺎ .. ﻣﻦ ﻭﻛﻊ ﺭﻛﻀﺖ ﻋﻠﻴﻪ ﺑﺴﺮﻋﻪ ﺭﺩﺕ ﺍﻟﺰﻣﻪ ﺑﺲ ﺧﻔﺖ ﻟﻴﻌﺼﺐ ﺍﻻﻓﻨﺪﻱ .. ﻭﻳﻦ ﺗﺮﻳﺪ ﺗﺮﻭﺡ ﺧﻠﻴﻚ ﻫﻨﺎ ﺍﺭﺗﺎﺡ ﻭﺑﻌﺪﻳﻦ ﻛﻮﻡ ، ﻭﺍﺫﺍ ﺭﺍﻳﺪ ﺷﻲ ﻛﻮﻟﻲ ﻭﺍﻧﻲ ﺍﺟﻴﺒﻪ ﺍﻟﻚ
....
ﺍﺳﻴﺪ .. ﺑﺼﻮﺕ ﺗﻌﺒﺎﻥ .. ﺍﺭﻳﺪ ﺍﻧﺎﻡ .
ﺩﺍﻟﻴﺎ .. ﻫـ .. ﺍ .. ﻣﺎﺷﻲ ﺣﺮﻭﺡ ﺍﺻﻴﺢ ﺍﻟﺤﺮﺱ ﻳﺠﻲ ﻳﺴﻨﺪﻙ ﻭﺗﺮﻭﺡ ﻟﻐﺮﻓﺘﻚ !
ﺍﺳﻴﺪ .. ﻋﻮﻓـ .. ﻱ .. ﺍﻟـ .. ﺣﺮ .. ﺱ .. ﻛﻠـ .. ﻛﻠـﺘﻞ .. ﺝ !ﺩﺍﻟﻴﺎ .. ﻣﺎﺷﻲ ﻟﻌﺪ ﺍﺭﺗﻜﻲ ﻋﻠﻴﻪ ﺍﻧﻲ ﺣﺎﺧﺬﻙ .
ﺍﺳﻴﺪ .. ﻭﺧــ .. ﻭﺧﺮﻳﻴﻲ .. ﻋﻨـ .. ﻧـﻲ ... ﺑﻜﻞ ﻗﻮﺗﻲ ﻛﻤﺖ ﺑﺲ ﺍﺣﺲ ﺍﻟﻜﺎﻋﺪ ﺩﺗﺪﻭﺭ ﺑﻴﻪ .. ﺍﺳﺘﻨﺪﺕ ﻉ ﺍﻟﺤﺎﻳﻂ ﻃﻠﻌﺖ ﻣﻦ ﺍﻟﻤﻜﺘﺐ .. ﺍﻟﺪﻧﻴﺎ ﺩﺗﻤﻄﺮ ﻗﻮﻱ ﺑﺮﻩ .. ﺍﺗﻨﻜﻌﺖ ﺍﻛﺜﺮ ﻣﺎ ﺍﻧﻲ ﻣﺘﻨﻜﻊ .. ﺑﻘﻴﺖ ﻣﺴﻴﻄﺮ ﻋﻠﻰ ﻧﻔﺴﻲ ﺑﻜﻞ ﻗﻮﺗﻲ .. ﻭﺻﻠﺖ ﻟﻠﺪﺭﺝ .. ﺻﻌﺪﺕ ﺩﺭﺟﺎﻳﺘﻴﻦ ... ﻭﺑﻌﺪ ﻣﺎﺍﻛﺪﺭ ﻛﻞ ﻗﻮﻯ ﻣﺎ ﺑﻘﺖ ﻋﻨﺪﻱ !!
ﺩﺍﻟﻴﺎ .. ﺍﺷﻜﺪ ﻋﻨﻴﺪ ﻭﺭﺍﺳﻪ ﻳﺎﺑﺲ ﻟﺨﺎﻃﺮ ﺍﻟﺮﺏ .. ﻫﻮ ﺍﻧﺖ ﻭﻳﻨﻚ ﻭﻳﻦ ﺍﻟﻌﻨﺎﺩ ﻫﺴﻪ؟ !
ﻋﻮﺩ ﺍﺭﻳﺪ ﺍﺳﺎﻋﺪﻩ ﺍﻟﻐﺒﻲ .. ﺩﺭﻭﺡ ﻃﺎﺡ ﺣﻆ ﺍﻟﻲ ﺗﺴﺎﻋﺪﻙ ﻣﻌﻠﻴﻪ ﺑﻴﻚ ﺑﻌﺪ .. ﺑﻘﻰ ﻳﻤﺸﻲ ﻟﺤﺪ ﺍﻟﺪﺭﺝ ﻭ ﻭﻛﻒ ﺍﺭﺗﻜﻰ ﻉ ﺍﻟﻤﺤﺠﺮ ﻣﺎﻟﺖ ﺍﻟﺪﺭﺝ ﺑﺲ ﺍﺑﺎﻭﻉ ﺟﺴﻤﻪ ﻛﻮﻟﻪ ﻳﺮﺟﻒ .. !
ﻣﺘﺤﻤﻠﺖ ﺍﺷﻮﻓﻪ ﺑﻬﺬﺍ ﺍﻟﻤﻨﻈﺮ ﺑﻌﺪ .. ﺧﻄﻴﻪ ﺷﻜﻠﻪ ﻳﻜﺴﺮ ﺍﻟﺨﺎﻃﺮ .. ﻣﺸﻴﺖ ﻭﻛﻔﺖ ﺑﺼﻔﻪ ﺭﻓﻌﺖ ﺍﻳﺪﻩ ﺧﻠﻴﺘﻬﺎ ﻋﻠﻰ ﻛﺘﻔﻲ .. ﻣﺤﺠﻪ ﺷﻲ ﺑﻘﻰ ﻫﺎﺩﺉ ﺑﺲ ﺟﺴﻤﻪ ﻛﺎﻥ ﺣﺎﺭ ﻧﺎﺭ !!
ﺑﺎﻭﻉ ﺑﻮﺟﻬﻲ ﺑﻨﻈﺮﺓ ﺍﺳﺘﺴﻼﻡ .. ﺳﻨﺪﺗﻪ ﻭﺻﻌﺪﻧﺎ ﺍﺛﻨﻴﻨﺎ ﺧﻄﻮﻩ ﺧﻄﻮﻩ .. ﻧﻔﺴﻪ ﻛﺎﻥ ﺳﺮﻳﻊ ﻭﺣﺎﺭ .. ﺍﺿﺨﻢ ﻣﻨﻲ ﻭﺍﻃﻮﻝ ﻣﻨﻲ ﺻﺮﺕ ﺑﺼﻔﻪ ﺍﺗﻜﻮﻝ ﻧﻤﻠﻪ !
ﺍﻟﻜﻮﻩ ﺻﻌﺪﻧﺎ ﺍﻟﺪﺭﺝ ﻻﻥ ﻛﺎﻥ ﺛﻜﻴﻞ ﻭﺍﻧﻲ ﺑﺎﻟﻤﻮﺕ ﻣﺘﻤﺎﺳﻜﻪ .. ﻭﺻﻠﻨﺎ ﻟﻐﺮﻓﺘﻪ ﻓﺘﺤﺖ ﺍﻟﺒﺎﺏ ﻭﺩﺧﻠﻨﺎ .. ﻳﻢ ﺍﻟﺴﺮﻳﺮ ﺩﺍﺍﺭﻳﺪ ﺍﺧﻠﻲ ﻳﻠﺰﻣﻪ ﺣﺘﻰ ﻳﻨﺎﻡ .. ﺟﺎﻥ ﻳﺬﺏ ﻛﻞ ﺟﺴﻤﻪ ﻋﻠﻴﻪ ﺍﻧﻲ ﻣﻜﺪﺭﺕ ﺍﺩﻓﻌﻪ ﻭﻛﻌﺖ ﻭﻫﻮ ﺻﺎﺭ ﻓﻮﻛﺎﻳﻪ !!!!!!!!!!
ﺷﻜﻠﻪ ﻓﻘﺪ ﺍﻟﻮﻋﻲ ﺍﻻﻓﻨﺪﻱ !!
ﺍﻧﻲ ﺟﻮﺍ ﻭ ﻭﺟﻬﻪ ﺻﺎﺭ ﻋﻠﻰ ﺭﻛﺒﺘﻲ .. ﺍﻧﻔﺎﺳﻪ ﺍﻟﺤﺎﺭﻩ ﺧﻠﺖ ﺟﺴﻤﻲ ﻛﻮﻟﻪ ﻳﺮﺟﻒ ﻭﺻﺎﺭ ﻧﺎﺭ .. ﻳﺎ ﺭﺏ ﺍﺭﺟﻮﻭﻭﻭﻙ ﺳﺎﻋﺪﻧﻲ .. ﻣﺎﺍﻛﺪﺭ ﺍﺑﻌﺪﻩ ﻋﻨﻲ ﺛﮕﻴﻞ ﻭﻧﺎﻳﻢ !!
ﺣﺴﻴﺖ ﻧﻔﺴﻲ ﺩﺍﺍﺣﺘﺮﻙ ﻭﺍﺧﺘﻨﻚ ﺑﻨﻔﺲ ﺍﻟﻮﻗﺖ .. ﺣﺎﻭﻟﺖ ﺍﻫﺪﺉ ﺍﺷﻮﻳﻪ ﻭﺍﺳﺘﺠﻤﻊ ﻗﻮﺗﻲ ﺣﺘﻰ ﺍﺩﻓﻌﻪ ﻋﻨﻲ .. ﺍﻟﻐﺮﻓﻪ ﻫﺪﻭﺀ .. ﻭﺑﺲ ﺻﻮﺕ ﺍﻧﻔﺎﺳﻪ ﺍﻟﻲ ﺩﺗﺤﺮﻛﻨﻲ .. ﺣﺴﻴﺖ ﺑﺸﻲ ﻏﺮﻳﺐ ﻓﻮﻙ ﮔﻠﺒﻲ ! ؟؟؟؟
ﺷﻲ ﺳﺮﻳﻊ ﻭﻗﻮﻱ .. ﺷﻨﻮ ﻫﺬﺍ .... ﻣﻌﻘﻮﻟﻪ .. ﻻ ﻻ .. ﻫﺬﺍ ﮔﻠﺒﻪ ﺩﻳﻨﺒﺾ ﺑﻘﻮﻩ .. ﺑﻮﻗﺘﻬﺎ ﺣﺴﻴﺖ ﺑﺄﺣﺴﺎﺱ ﻣﺎﺍﻛﺪﺭ ﺍﻭﺻﻔﻪ .. ﻫﺪﻭﺀ ، ﺩﻓﻮ ، ﺍﺣﺴﺎﺱ ﺣﻠﻮ ﺣﻠﻮ ﺑﻜﻞ ﻣﻌﻨﻰ ﺍﻟﻜﻠﻤﻪ ﻣﻴﻨﻮﺻﻒ ﻟﺪﺭﺟﻪ ﺣﺴﻴﺖ ﺭﻋﺸﻪ ﺑﻜﻞ ﺟﺴﻤﻲ ﻣﺜﻞ ﻣﻴﻜﻮﻟﻮﻥ ﺟﺴﻤﻲ ﻛﺰﺑﺮ !!
ﺑﺲ ..... ﺍﻟﻜﻼﻡ ﺍﻟﻲ ﺳﻤﻌﺘﻪ ﻣﻨﻪ ﺧﻼ ﻛﻮﻟﺸﻲ ﻳﺨﺘﻔﻲ ﺑﻠﺤﻈﻪ .. ﺑﺼﻮﺕ ﺿﻌﻴﻒ ﻫﻤﺲ ﻛﺎﻝ ..
_ ﺧﺎﻳﻨﺎﺕ .. ﻛﻠﻬﻢ ﺧﺎﻳﻨﺎﺕ .. !!
ﺩﻓﻌﺘﻪ ﻋﻨﻲ ﺑﻘﻮﻩ ﻭﻛﻤﺖ ﺑﺴﺮﻋﻪ .. ﺍﺑﺎﻭﻉ ﻟﺠﺴﻤﻪ ﻳﺮﺟﻒ ﺑﺲ ﺣﻴﻞ ﺑﺸﻜﻞ ﻣﻮ ﻃﺒﻴﻌﻲ !!
ﻳﺎ ﺭﺑﻲ ﻫﺴﻪ ﺍﻧﻲ ﺷﺴﻮﻱ؟ !!
ﻻ ﺍﻛﺪﺭ ﺍﻋﻮﻓﻪ ﻫﺸﻜﻞ ﻭﻻ ﺍﻛﺪﺭ ﺍﻛﻮﻝ ﻟﻠﺤﺮﺱ ﻳﻤﻮﺗﻨﻲ ﻏﻴﺮ !!
ﺭﺣﺖ ﻓﺘﺤﺖ ﺍﻟﺪﻳﻼﺏ ﻣﺎﻟﺘﻪ ﻃﻠﻌﺘﻠﻪ ﺗﺮﺍﻙ .. ﺑﺎﻭﻋﺖ ﻋﻠﻴﻪ ﺑﻌﺪﻩ ﺑﻤﻼﺑﺲ ﺍﻟﺪﻭﺍﻡ ﻭﻣﺒﻠﻼﺕ ﺣﺘﻰ ﺍﻟﺤﺬﺍﺀ ﺑﻌﺪﻩ ﺑﺮﺟﻠﻪ !!
ﺧﻠﻴﺖ ﺍﻟﺘﺮﺍﻙ ﻭﻛﻌﺪﺕ ﻧﺰﻋﺘﻪ ﺍﻟﺤﺬﺍﺀ ﻭﺍﻟﺠﻮﺍﺭﻳﺐ .. ﺑﻌﺪﻳﻦ ﺑﻘﻴﺖ ﺻﺎﻓﻨﻪ ﻋﻠﻴﻪ .. ﺍﺷﻮﻭﻭﻥ .. ﺍﺷﻮﻥ ﺍﻧﺰﻋﻪ ﻣﻼﺑﺴﻪ؟ !!
ﻭﺍﺷﻮﻭﻥ ﺍﺑﻘﻲ ﺑﻴﻬﻢ ﻣﺒﻠﻼﺕ ﻭﺍﻟﺠﻮ ﺑﺎﺭﺩ ﻭﻫﻮ ﻳﺮﺟﻒ؟ !
ﺑﻌﺪ ﺗﻔﻜﻴﺮ ﻭﺗﺮﺩﺩ ﻛﺒﻴﻴﻴﻴﻴﻴﺮ ﻗﺮﺭﺕ ﺍﺳﻮﻱ ﺍﻟﻲ ﺑﺎﻟﻲ ﻭﺍﻟﻲ ﻳﺼﻴﺮ ﻳﺼﻴﺮ !!
ﻓﺘﺤﺖ ﺍﻟﺪﻛﻢ ‏( ﺍﺯﺭﺍﺭ ‏) ﻣﺎﻟﺖ ﻗﻤﻴﺼﻪ ﺑﺲ ﺍﺩﻳﻪ ﺗﺮﺟﻒ ﻭ ﻭﺟﻬﻲ ﺻﺎﺭ ﻧﺎﺭ .. ﻓﺘﺤﺘﻪ ﻭﺟﺎﻥ ﺍﺷﻮﻑ ﻋﻀﻼﺗﻪ ﻣﻦ ﻭﺭﺍ ﺍﻟﻔﺎﻧﻴﻠﻪ ﺍﻟﺪﺍﺧﻠﻴﻪ !!!!!
ﻻ ﻳﺎ ﺍﻟﻬﻲ ﺍﺭﺟﻮﻭﻭﻙ ﺍﺑﺪ ﻣﻮ ﻭﻗﺘﻬﺎ ﻫﺴﻪ .. ﻣﻦ ﺻﺪﻭﻙ ﺻﺨﻨﺖ ﻛﻞ ﺫﺭﻩ ﺑﺠﺴﻤﻲ ﺻﺎﺭﺕ ﻧﺎﺭ ﻣﻦ ﺍﻟﻤﻨﻈﺮ !!
ﺑﻌﺪﺕ ﻋﻨﻪ ﺍﻟﻘﻤﻴﺺ ﻭﺍﻟﻔﺎﻧﻴﻠﻪ ﻫﻢ ﻧﺰﻋﺘﻬﻴﺎ .. ﻣﺎ ﺍﺣﺠﻴﻠﻜﻢ ﺍﺷﻜﺪ ﻋﺎﻧﻴﺖ ﻣﻦ ﺍﻟﻤﻨﻄﺮ ﺍﻟﻲ ﺷﻔﺘﻪ !..
ﻟﺒﺴﺘﻪ ﺍﻟﺘﺮﺍﻙ .. ﻭﺳﺤﺒﺖ ﺍﻟﺒﻨﻄﺮﻭﻥ ﻣﻦ ﻋﻨﺪﻩ ﺑﺴﺮﻋﻪ ﻛﺎﻥ ﻻﺑﺲ ﺷﻮﺭﺕ ﻃﻮﻳﻞ ﺟﻮﺍ ‏( ﺍﻟﺤﻤﺪﻟﻠﻪ ‏)
ﻭﻟﺒﺴﺘﻪ ﺍﻟﺒﻴﺠﺎﻣﻪ ﻣﺎﻟﺖ ﺍﻟﺘﺮﺍﻙ .. ﺣﺎﻭﻟﺖ ﺑﻜﻞ ﺍﻟﻄﺮﻕ ﻣﺎ ﺍﻟﻤﺲ ﺟﺴﻤﻪ .. ﺑﺲ ﺗﻌﺮﻓﻮﻥ ﺍﻟﻲ ﻳﻠﺒﺲ ﻭﺍﺣﺪ ﻧﺎﻳﻢ ﺷﻨﻮ ﻳﺼﻴﺮ ﺑﻲ؟ !
ﺑﻌﺪ ﻣﻌﺎﻧﺎﺓ ﻭﺧﺠﻞ ﺣﺮﻙ ﻛﻞ ﺫﺭﻩ ﺑﻴﻪ ﻟﺒﺲ
ﺍﻟﺘﺮﺍﻙ .. ﻃﻠﻌﺖ ﻣﻼﺑﺴﻪ ﺍﻟﻤﺒﻠﻠﻪ ﻟﻠﺤﻤﺎﻡ ﻭﺭﺟﻌﺖ ﻟﺰﻣﺘﻪ ﺣﺮﺍﺭﺗﻪ ﻧﺎﺭ؟ !!
ﺑﺴﺮﻋﻪ ﺭﺣﺖ ﺟﺒﺖ ﻣﻲ ﺑﺎﺭﺩ ﻭﻣﻨﺸﻘﻪ .. ﺑﻠﻠﺘﻬﺎ ﻭﺧﻠﻴﺘﻬﺎ ﻋﻠﻰ ﻛﺼﺘﻪ !!
ﺑﻘﻴﺖ ﺍﺳﻮﻳﻠﻪ ﻛﻤﺎﺩﺍﺕ ﻭﻫﻮ ﻳﺮﺣﻒ ﻣﺜﻞ ﺍﻟﺴﻌﻔﻪ !...
ﺍﺷﻮﻳﻪ ﺍﺷﻮﻳﻪ ﺑﺪﺍ ﻳﻘﻞ ﺍﻻﺭﺗﺠﺎﻑ .. ﺑﺲ ﺣﺮﺍﺭﺗﻪ ﺑﻌﺪﻫﺎ ﻣﻌﻠﻜﻪ !!
ﻛﺎﻥ ﻧﺎﻳﻢ ﺑﻜﻞ ﻫﺪﻭﺀ ﻭﻣﻼﻣﺤﻪ ﻣﺮﺗﺨﻴﻪ .. ﺍﻭﻝ ﻣﺮﻩ ﺍﺷﻮﻓﻪ ﻫﻴﺞ ﻫﺎﺩﺀ ﻭﺍﻟﺴﻼﻡ ﻣﺮﺳﻮﻡ ﻋﻠﻰ ﻭﺟﻬﻪ .. !
ﺳﺮﺣﺖ ﺑﻲ ﺭﺣﺖ ﻟﻐﻴﺮ ﻋﺎﻟﻢ .. ﺍﺣﺲ ﮔﻠﺒﻲ ﻣﻐﻤﻮﺭ ﺑﺎﻟﻬﺪﻭﺀ ﻭﺍﻧﻲ ﺩﺍﺍﺗﺄﻣﻞ ﺗﻔﺎﺻﻴﻞ ﻭﺟﻬﻪ ﻭﻣﻼﻣﺤﻪ ﺍﻟﻬﺎﺩﺋﻪ ..
ﺭﻓﻌﺖ ﺍﻳﺪﻱ ﺍﺭﻳﺪ ﺍﻟﻤﺲ ﻭﺟﻬﻪ ... ﺟﺎﻥ ﻳﺤﺠﻲ !!
ﺍﺳﻴﺪ .. ﺑﺼﻮﺕ ﻣﺠﻬﺪ ﻭﺿﻌﻴﻒ .. ﺍﻧﺘﻲ ﻧﻔﺴﻬﺎ .
ﺩﺍﻟﻴﺎ .. ﻓﺰﺯﻧﻲ ﺣﺴﻴﺖ ﻛﻠﺒﻲ ﻃﻔﺮ ﻣﻦ ﻣﻜﺎﻧﻪ ﻣﻦ ﺍﻟﺮﻋﺒﻪ .. ﻫﺬﺍ ﻣﻮ ﻧﺎﻳﻢ ﺷﻜﻌﺪﻩ؟ !!
ﻣﻌﻘﻮﻟﻪ ﻛﺎﻥ ﺩﻳﺮﺍﻗﺒﻨﻲ؟ !!
ﺑﻘﻴﺖ ﺳﺎﻛﺘﻪ ﻣﺎﺍﻋﺮﻑ ﺷﺤﺠﻲ ﻭﺣﺮﺍﺭﻩ ﺳﺮﺕ ﺑﺠﺴﻤﻲ ﻣﻦ ﺍﻟﺨﺠﻞ ﻭﺍﻟﻔﺸﻠﻪ ..
ﺍﺳﻴﺪ .. ﺍﻱ .. ﺍﻛﻴﺪ .. ﻧﻔﺴﻬﺎ ﻣﺎﻛﻮ ﻓﺮﻕ .. ﻛﻠﺠﻦ ﻧﻔﺲ ﺍﻟﺸﻲ .
ﺩﺍﻟﻴﺎ .. ﺍﻧﺘﺒﻬﺖ ﻟﻜﻼﻣﻪ ﻫﺬﺍ ﺩﻳﻬﺬﻱ؟ !!
ﺍﻱ ﺩﻳﺤﺠﻲ ﻭﺣﺪﻩ ﺍﻛﻴﺪ ﺍﻟﺤﺮﺍﺭﻩ ﺍﺛﺮﺕ ﻋﻠﻴﻪ .. ﺑﺲ ﺷﻨﻮ ﻗﺼﺪﻩ ﺑﻬﺬﺍ ﺍﻟﻜﻼﻡ؟ !
_ ﺍﺷﺸﺸﺶ ﻟﺘﺤﺠﻲ ﺍﺭﺗﺎﺡ ﺍﻧﺖ ﻣﺼﺨﻦ ﻣﻮ ﺑﻮﻋﻴﻚ .
ﺍﺳﻴﺪ .. ﻫﻬﻬﻪ .. ﺍﻱ ﻣﻮ ﺑﻮﻋﻴﻲ .. ﻻﻥ ﺩﺍﺍﺷﻮﻓﻬﺎ .. ﻫﺎﻱ ﻭﺍﻛﻔﻪ ﻛﺪﺍﻣﻲ ..
ﺩﺍﻟﻴﺎ .. ﻣﻨﻮ ﻫﻲ؟ !
ﺍﺳﻴﺪ .. ﺍﻟﺨﺎﻳﻨﻪ .. ﺍﻟﻲ ﺧﺪﻋﺘﻨﻲ .. ﺍﻟﻲ ﺣﺮﻛﺘﻨﻲ .
ﺩﺍﻟﻴﺎ .. ﺑﻘﻴﺖ ﺳﺎﻛﺘﻪ ﻣﺤﺠﻴﺖ .
ﺍﺳﻴﺪ .. ﺗﺪﺭﻳﻦ ﺍﻧﺘﻲ ﺍﻭﻝ ﺣﺐ ﺑﺤﻴﺎﺗﻲ .. ﺍﻱ .. ﺍﻭﻝ ﺣﺐ .. ﻣﻦ ﺣﺒﻴﺘﺞ ﺍﻗﻄﻌﺖ ﻋﻬﺪ ﻋﻠﻰ ﻧﻔﺴﻲ ﻣﺎ ﺍﺷﻮﻑ ﻭﺣﺪﻩ ﻏﻴﺮﺝ ﺍﻧﺘﻲ ﻭﺑﺲ .. ﺣﺘﻰ ﺑﻨﺎﺕ ﺍﻗﺎﺭﺑﻲ ﻣﺎ ﺍﺳﻠﻢ ﻋﻠﻴﻬﻦ ﻛﻤﺖ ..
ﻛﻨﺖ ﺍﻓﻜﺮ ﺑﺸﻌﺮﻭﺝ ﻟﻴﻨﺠﺮﺡ .. ﻛﻨﺖ ﺍﺩﺭﺱ ﻭﺍﺷﺘﻐﻞ ﺑﻨﻔﺲ ﺍﻟﻮﻗﺖ ﺣﺘﻰ ﺍﺟﻴﺒﻠﺞ ﻛﻞ ﺍﻟﻲ ﺗﺮﺩﻱ .. ﺣﺘﻰ ﺍﺳﻮﻳﻠﺞ ﻋﺮﺱ ﻣﺎ ﺻﺎﻳﺮ ﺍﻟﻜﻞ ﺗﺤﻠﻒ ﺑﻲ .. ﺍﻣﻲ ﺟﺎﻧﺖ ﺗﺤﺠﻲ ﻋﻠﻴﻪ ﺗﻜﻮﻝ ﺭﺍﺡ ﺗﻤﻮﺕ ﻣﻦ ﺍﻟﺸﻐﻞ ﺍﻧﻄﻲ ﻟﻨﻔﺴﻚ ﺭﺍﺣﻪ .. ﻛﻨﺖ ﺍﺗﻌﺎﺭﻙ ﻭﻳﺎﻫﺎ ﻋﻠﻤﻮﺩﺝ .. ﻋﻠﻤﻮﺩ ﻣﺎ ﺍﺧﻠﻴﺞ ﻧﺎﻗﺼﻪ ﺷﻲ .. ﻛﻞ ﻣﻨﺎﺳﺒﻪ ﻭﻗﺒﻞ ﻛﻞ ﺍﻟﻨﺎﺱ ﻫﺪﻳﺘﺞ ﺗﻮﺻﻠﺞ .
ﻣﺎ ﺍﻧﺎﻡ ﺍﻻ ﻋﻠﻰ ﺻﻮﺗﺞ .. ﻭﺍﻭﻝ ﻣﺎ ﺍﺻﺤﻰ ﺍﻧﺘﻲ ﺍﻭﻝ ﺷﺨﺺ ﺍﻓﻜﺮ ﺑﻲ ﻭﺍﻭﻝ ﻭﺣﺪﻩ ﺍﺣﺎﺟﻴﺞ !
ﻟﻴﺶ ﻫﻴﺞ .. ﺷﺴﻮﻳﺘﻠﺞ ﺑﺲ ﺍﺭﻳﺪ ﺍﻋﺮﻑ ﻟﻴﺶ .. ﻟﻴﺶ ﺧﻨﺘﻴﻨﻲ .. ﻟﻴﺶ ﺣﺮﮔﺘﻲ ﺭﻭﺣﻲ؟ !
ﻟﺞ ﺗﺪﺭﻳﻦ ﺷﻨﻮ ﺳﻮﻳﺖ ﻋﻠﻰ ﻣﻮﺩﺝ .. ﺍﺗﺨﻠﻴﺖ ﻋﻦ ﻛﻠﺸﻲ ﺣﺘﻰ ﺍﻫﻠﻲ ﻛﻨﺖ ﻣﺴﺘﻌﺪ ﺍﻋﻮﻓﻬﻢ ﺣﺘﻰ ﺍﺭﺿﻴﺞ
ﺩﺍﻟﻴﺎ .. ﻛﺎﻥ ﻳﻬﺬﻱ ﺑﺪﻭﻥ ﻭﻋﻲ .. ﺑﺲ ﺍﻟﺤﺮﮔﻪ ﺍﻟﻲ ﺑﻜﻼﻣﻪ ﺣﺴﻴﺘﻬﺎ ﺗﻄﻠﻊ ﻣﻦ ﻛﻞ ﮔﻠﺒﻪ .. ﻋﻴﻮﻧﻲ ﺩﻣﻌﺖ ﻣﻦ ﻛﻼﻣﻪ .. ﺑﺲ ﻣﻨﻮ ﻫﺬﻱ ﺍﻟﻲ ﺩﻳﻘﺼﺪﻫﺎ؟ !
ﺍﺳﻴﺪ .. ﺑﺸﻨﻮ ﻗﺼﺮﺕ ﻭﻳﺎﺝ .. ﺑﺸﻨﻮ ﺍﺫﻳﺘﺞ .. ﺣﺘﻰ ﺗﺴﻮﻳﻦ ﺑﻴﻪ ﻫﻴﺞ .. ﻭ ﻭﻳﺎ ﻣﻨﻮ؟ !!
ﺻﺪﻳﻘﻲ .. ﺻﺪﻳﻖ ﻃﻔﻮﻟﺘﻲ !!
ﺧﻠﻴﺘﻴﻨﻲ ﺍﺧﺴﺮ ﻣﺮﺗﻴﻦ .. ﺍﺣﺘﺮﻙ ﻣﺮﺗﻴﻦ .. ﺍﻣﻮﺕ ﻣﺮﺗﻴﻦ .. ﻗﺘﻠﺘﻲ ﮔﻠﺒﻲ ﻣﺮﺗﻴﻦ !
ﺑﺮﻭﺣﻲ ﻭﺻﺪﻳﻘﻲ !!
ﺑﺼﻮﺕ ﻣﺒﺤﻮﺡ ﻭﻋﺒﺮﻩ ﻣﺨﻨﻮﻛﻪ .. ﺁﺁﺁﺁﺁﺁﺥ .. ﻟﺞ ﻟﻴﺶ ﻋﻠﻴﺎﺀ ﻟﻴﺶ .. ﻭﺍﻟﻠﻪ ﺣﺒﻴﺘﺞ .. ﻭﺍﻟﻠﻪ ﻣﺨﻨﺘﺞ ﺍﺑﺪ .. ﻭﺍﻟﻠﻪ ﮔﻠﺒﻲ ﺩﻳﺤﺘﺮﻙ .. ﺩﺍﺍﻣﻮﺕ ﺑﺴﺒﺒﺞ .. ﻟﻴﺶ ﺑﺲ ﺍﺭﻳﺪ ﺍﻋﺮﻑ ﻟﻴﺶ .. ﻟﻴﺶ .. ﻟﻴﺶ !!
ﺩﻣﺮﺗـ .. ﻳﻨﻲ .. ﺩﻣـ .. ﺭ .. ﺗـﻴـ .. ﻧﻲ !!
ﺩﺍﻟﻴﺎ .. ﻛﺎﻥ ﻳﺤﺠﻲ ﺑﻘﻬﺮ ﻭ ﺣﺮﻛﻪ ﺭﻏﻢ ﺻﻮﺗﻪ ﺍﻟﻀﻌﻴﻒ .. ﺑﺲ ﻣﻦ ﺫﻛﺮ ﺍﺳﻤﻬﺎ ﺷﻔﺘﻪ ﺩﻣﻌﻪ ﻧﺰﻟﺖ ﻣﻦ ﻋﻴﻨﻪ !!
ﻣﻌﻘﻮﻟﻪ ﺍﺳﻴﺪ ﻳﺒﺠﻲ ............ ﻣﻌﻘﻮﻟﻪ ﻟﻬﺪﺭﺟﻪ ﻳﺤﺒﻬﺎ ؟ !!
ﻫﻮ ﻳﺤﺠﻲ ﻭﺍﻧﻲ ﺩﻣﻮﻋﻲ ﺗﺠﺮﻱ ﻟﺤﺎﻟﻬﺎ .. ﻣﺎﺍﻋﺮﻑ ﺷﻨﻮ ﺍﺳﻮﻱ .. ﺍﺭﻳﺪ ﺍﺳﻜﺘﻪ .. ﺍﺭﻳﺪ ﺍﻛﻮﻟﻪ ﺍﻧﻲ ﻫﻨﺎ .. ﺍﺭﻳﺪ ﺍﻫﺪﺋﻪ .. ﺑﺲ ﻣﺎﺍﻋﺮﻑ ﺍﺷﻮﻥ .. ﺑﺲ ﺍﺩﻣﻮﻋﻲ ﺗﺼﺐ ﻋﻠﻰ ﺍﻟﺤﺎﻟﻪ ﺍﻟﻲ ﻫﻮ ﺑﻴﻬﺎ .. .. ﺑﻘﻴﺖ ﻳﻤﻪ ﻃﻮﻝ ﺍﻟﻠﻴﻞ ﻫﻮ ﻳﻬﺬﻱ ﻭﺍﻧﻲ ﺍﺳﻮﻳﻠﻪ ﻛﻤﺎﺩﺍﺕ ﻟﺤﺪ ﻣﺎ ﺗﻌﺒﺖ ، ﺫﺑﻴﺖ ﺭﻭﺣﻲ ﻳﻤﻪ ﻉ ﺍﻟﺴﺮﻳﺮ ﻭﻧﻤﺖ .. ﻣﺎ ﺣﺴﻴﺖ ﻏﻴﺮ ﺻﻮﺕ ﺍﻟﺤﺠﻴﻪ ﺍﻟﻤﻔﺠﻮﻉ ﺩﺗﺼﻴﺢ ﻋﻠﻴﻪ !!..
ﻛﻌﺪﺕ ﻣﺮﻋﻮﺑﻪ .. ﺍﻧﺘﺒﻬﺖ ﻋﻠﻰ ﻧﻔﺴﻲ ﻧﺎﻳﻤﻪ ﺑﺤﻈﻨﻪ ﻭﺍﻟﺤﺠﻴﻪ ﻭﺍﻛﻔﻪ ﻛﺪﺍﻣﻲ ﻫﻲ ﻭﻧﻈﺮﺍﺕ ﺍﻟﻐﻀﺐ ﻭﺍﻟﺼﺪﻣﻪ ﺑﻌﻴﻮﻧﻬﺎ ....... !!
ﻟﻠﺤﻜﺎﻳﻪ ﺑﻘﻴﻪ ️❤
ﺭﺃﻳﻜﻢ ﺑﺎﻻﺣﺪﺍﺙ ﻭﺗﻮﻗﻌﺎﺗﻜﻢ
يتبع