جمرة الملا علي

البارت29

_شضايعلك وتلتفت
شماخوذ من كلبك
جنك ولا جربت من تخسر بحربك
من ترجع بلا حلم
لا صوت
لا ذكرى
ما تلكه منك اثر
بس جرحك وعطرة
___________________
..
هذا بارت طويل لعيونكم تعويض
اتمنى يعجبكم ...

علي:
سالفه امي ضلت معلكه بدماغي
ماكدر انساها كلشي ولا الخيانه
صح حلفت انو شي من زمان وتغيرت
بس تبقه بنضري خاينه ابوي
بس اريد اعرف منو يريد يهجم بيتي
منو دز المقطع الي
اثناء ما جاي افكر وصلني مسج
المسج: هاا لك عاار كلشي ماسويت لأمك
تبقه عاار ع ابوك امك طاكته بسحر ولاصمته ع حلكه وهي جانت تسرح وتمرح ويا عمك
هه ابلع عود نقيب مدري ضابط بالاستخبارات
اووو لالا اسف سر هذا سر .

صرت عصبييي منو هذاااا ااااخ
دكيت عليه ماكو مغلق
بسرعه ركضت ع صاحبي
هم ضل يدور بس مدري شلون يدزلي بأرقام
وهميه
منووو يا الله منو
صار كل وكتي مخلي بس حته اعرف منو هذا
حسين وميت منو عنده تصوير هيج شغلات
لا ويعرف اني بل مخبارات
منين هذا منووو
اااخ يوميه طالعتلي سالفه مليييت
معقوله حسين عايش ؟؟!
بس ذيج الكبوور المن لعد هه شفكر اني
اكيد من اعدائي ذوله كوومه
يوميه جايني تهديد لازم واحد منهم
ضجت حيل واختنكت كلت خلطلع شوي
افتر بغداد بلكي ارتاح
بغداد احبهااا احسها مثل الدوة لجروحي
.....

كاعد ع جسر الجادريه وروحي بطرف خشمي
مشتاااااگ حيل
جمرتي وين عفتيني يم الناس وحدي
لج انتي عفتيني ورحتي

راح احترك بناري  جمرة برأيج اني غلطان والله عاقبني بيج واخذج يمه
شنو اني ماستاهل الفرح يعني
انتي فرحتي لج علي صفر بدونج
ااخ ااخ يلفاقد عزاز ماضكت طعم الفرح وراج
اختنك واحترك وانطفي ومحد يدري بيه
بس انتي تهتمين بيه وتدرين شنو اليضوجني
وشنو اليفرحني
خلافج صرت كاافر جمرتي
باوعي شلون اشرب واغني بطرق
باوعي تشوفين من الناس تضل تكول خطيه
برأيج استاهل اني هيج
انتي مو يم الله كوليله خلينطيني فرح
يسمعلج انتي طفله بريئه واخذج
لج موتشوفين دمووعي ماتحرك ولو شوي من مشاعرج
ماتحسين بيه لو جاي تعاقبيني

.
بديت ادندن بيني وبين نفسي
""
بديت اشتاك
الك واسأل
منو يصبر كلب مشتاك
دخيل الله البعد طول
بعد ما بيه حيل فراك
ولك مليت
الك حنيت
دخيلك فدوه بس ارجع
صحتلك صوت
بعادك موت
اصيحك ليش ما تسمع
.
""
رجعت للشقه مالتي اني وزيد نام بيها
مشتريها اني ويا
رحت نمت وضليت نايم تقريبا ل5 المغرب
عبالك جثه مابيه اطلع من البيت
خابرت زيد عمود يغطي مكاني
ضليت لليل بالبيت ماطلعت
كضيتها نوم واكل
دك تلفوني زيد.
كال اكو بيت مشبوهه
لكينه واحد من ذوله اصحاب المخدرات
كمز عليه
بس بي بنات 2 ولد صغير
اعتقد ايتام لازم تجي تشوف بعينك
حققت وياها بس تغلط وعصبيه
بس اخوها مريض تخربط  اخذته للمستشفى
مريض يعني  جاي يحتضر
اي لحضه يموت كال الدكتور بس ماكلت لأخته
بس يا علي لو تشوف البنيه شلون حلوةةة
مو هاي العصبيه لااا اختهاا تشك شك
ههههه جني وكعت ومحد سمه عليه ماجاي تطلع من راسي
علي:هو انتي ياهو الشفتها وكلت وكعت
قابل جديده
زيد:ولك لااا علي من صدك هلمرة غيير
علي:طبك مرض شعليه بيك
نلتقي واريد اشوف التقرير
يلا فيمالا
اجتي جمرة ع بالي
اووف ياعزيزتي اووف
جمرة شكد يمج بجيت وماكعدتي
شنو زعلانه مني
عيونج اختارت البعد عني
ردت اكضي العمر وياج
مو بأوله وينكسر ضهري
...
طلعت من البيت متوجه للشارع
اريد اشوف شكو ماكو ضجت بس بالبيت
افتريت وحدي هواي
اخر شي كعدت بالحديقه
واستقريت لل3 الصبح يلا صحيت من صفنتي
وتفكيري
رجعت للشقه
لكيت زيد نايم
كعدت بغرفتي وبقيت ادخن
واتصفن وادندن
وهيج كضيت الليل
صارت ب7 كعدت زيد وطلعنه
اشتغلت شوي وافتريت
اجه زيد كال
زيد:نروح نحقق ويا البنيه
بلكي نحصل شي
وبيني وبينك اريد اشوف الكمر ابو تجاعيد
علي:تجاعيد؟! بأستغراب
شنو حبيت وحده عجوز
زيد:ههههههه لا ولك شنو عجوز بس شعرها ع كولتهن كيرلا مدري كيريل
هيج مجعد
علي:دمشي لك يلا اسبقني للسيارة
زيد: بس امانه الله البنيه الجبيرة عصبيه وتخوف
لك تدري بس تصيح عليه
ماكدرتلها عود اني سويت نفسي كدامها ماخاف
وهم اصيح وياها
بس خطيه اخوها قهرني
اخذتهم للمستشفى
كتلها باجر تعالي للمركز نحقق وياها
بلكي متجي بخجل
علي:زيد وحق محمد اذا متمشي عدل
احبسك اسبوع
زيد :هسه شبيك يول
عوفنه من البنيه يلا تعال عدنه شغل
علي:بقينه نشتغل اليوم كله
وشوي وطبت بنيه سبحان الخالق 
حسيت روحي اعرفهاا
مو غريبه عني
وياها رجال جبير
بقيت صافن عليها عيونهااا ايييييي عيونهااا
معقوله هي نفسها الي جانت تبيع بتقاطعات
بس هنا تختلف شعرهااا
لبسها كلشي يختلف
جوز تشبهه
عفوآ شسمج انتي
جمرة:جمرة
علي:معقوله هي نفس الاسم
انتي جنتي عايشه بمنطقه ......
قبل سنه او سنتين
جمرة:بخوف وتوتر اي؟ ليش
علي: لا هيج بس شبهت عليج
جمرة :تمام
علي: هي والله هي معقوله الله يريدها بطريقي
مرتين شفتها شكد دورت عليها تالي هي تجيني برجليها
ءءء يلا تكدرين تروحين خلصنا
ومرة ثانيه قفلي الباب
حته لا يصير تشبيهه عليج
جمرة:تمام
علي: راحت هي والله هي نفسها ام عيون
شنو معقوله للقدر رأي اخر
معقوله الله يريدها تجي لطريقي
زين معقوله نفس الاسم ياربي شنوو يعني مانساها لجمرة حته تريد كل ماشوفها اتذكر جمرتي
احسها مو غريبه احس روحي صار سنين اعرفها
ليش هيج شكلها مو غريب عليه
مع العلم اول مرة اشوفها
يعني لان نفس اسم جمرتي هيج دخلت عقلي.
راحت جمرة وبديت اشتغل بس بالي يمها
رحت للبيت ب12 بليل لكيت زيد يمه اصحابه
كعدت وياهم شوي ونمت
كعدت ثاني يوم الصبح
نشيط لأن نمت زين بدون تفكير
لكيت زيد نايم بعده ساعه جانت بـ 8
لكك زيد يلااا ماضل وكت
زيد شبيك يمعود يلا
زيددددددد بصياح
زيد:هممم هسه حبيبي هسه اكوم ابوس راسج
علي:هههههههههه ابو الوصخ تبوس راسهاا
كوووم لك زيد وانطيته دفرة ع بطنه
زيد:اااااخ شكد عنيفه يخرب بيتك
ءءء هذا انت عليووو والله جنت احلم حلم حلوو
ليش تخرب عليه
واكول هاي شكد قويه هيج تدفرني
علي: زيد طالع اني كدامك خمس دقايق تسبح وتجي مفهوم
زيد:دقيقتين وراك اني روح انتضرني بسيارة
علي: طلعت برا وكاعد بسيارة
جان اكو مطعم قريب يم الشقه
يعني كل ناس تروح عليه لأن بس هو مشهور بالمنطقه
خلروح اكل  شوي لما يجي هو احنه متأخرين بكل الاحوال
طبيت اكلت وبقيت كاعد نص ساعه وزيد ماكو
شسالفه كال دقيقتين
رحتله للبيت
والكا بعد نايم
لكككككك زييييد ابقه هنا ابقه حيوان
ضوجني عفته ورحت
وصلت للمركز لكيت ابو مصطفى هناك
سألته شعندك هنا
كال يريدون ياخذون افادتي
عمود ابني قهرني صراحه يحجي والعبرة خانكته
حقه ابنه تعب عليه ويطلع يبيع مخدرات
بس لهسه ماكو دليل
احنه متأكدين هو بس ماكو دليل مالزمنا بجرم المشهود
بقه كاعد ضليت احوص اريد اسأله ع جمرة
مدري ليش سألته
واني ماعرف ليش هيج سويت
حجي شخبار بنتك ؟
تعمدت اكوله بنتك حته ليكول عليه
ملطلط
.. والله ياأبني هي مو بنتي مستأجرة بيتي
بس بحسبه بنتي
هي اليوم راحت تودي اخوها
للدكتور مريض الله يشافيي
علي:  بحزن وأسى اهاا  الله يشافيي
بعد ماطلع الحجي ابو مصطفى
صحت لزيد ورحنه ع دكتور
سألنه عليه ورحنه ماردت اعوفهم لوحدهم
هم ايتام وهم بس بنات
الغيرة ماسمحتلي

( الغيرة لو الحب اعترف عليوو حبيتهاا )

لكيناها كاعده يمه طبيت كعدت يمها
وبديت اسأل واستفسر وهي مثل المصدومه بجيتي وشسوي هنا
بس ماحجيت وياها ابد
ماريد اكبر راسها هسه بس احجي وياها وتدري
اني معجب او هيج مو معجب مجرد دخلت بعقلي  تنجلب
اشكال شفت من النسوان ماريد
تتكبر عليه
صراحه حيل ضجت ع اخوها
تكلفت اني بعلاجه وماردت اخليها تضوج وتحس نفسها اني مستصغرها
كتلها نتساعد اني وياج بالعندج ونعالجه
كالت خوش
راحت للبيت اخذت اخوها بس تمشي ومبين
بوجهه الخذلان والخوف
والتوتر بس تهون ماعوفهم لوحدهم
الله يساعدها بس هي وبركبتها 2 وفوكاها اخوها مريض
رجعنه للمركز لليل تقريبا ب7 رحنه لأبو مصطفى لأن جتنه اخباريه انو ابنه ماكو بالمنطقه
واحنه كناله لا يطلع
رحنه بين سلام والكلام مانسمع غير صياح وساعدونيي
رحت اركض واجه ويانه ابو مصطفى وطلعو هم من المنطقه ناس
طبيت وجان اشوف اخت جمرة تصيح
اخوي مات اخوي مات
ااخ طفل والله طفل
رحت اركض وساعدناها وطلعنا
رحت بي للمستشفى اني وزيد واجه ويانا ابو مصطفى هم بعتبار هو مثل ابو
كملنه الاجراءات
رجعنه للبيت ونور تبجي الصخر حالها فد نوب
بس جمرة ماكو الله يساعد كلبج شراح يحملج
هي بس لأن مريض شصار بحالها
نوب تجي تلكا مدد وراح يندفن
ماحس غير جتي تركض
وشافته مدد بالكاع انجنت تخبلت لزمت نور صارت تضرب بيها لأن تبجي
متقبل تبجي مامتقبله اخوها ميت
بجت كل الواكفين صار تحجي وتصيح
اخر شي ضلت صافنه بالفراغ
ومتنطق شي كلت تخبلت اخذت وضع المشاهد اني ماحبيت اطب بينهم بس كلبي جان يتكطع
عليها هواي ناس حاولو وياها بس هي سكتت خلص
اخذتهم للنجف اني زيد واكو هم ناس ويانه
دفنا وبقينه لصبح ورجعنه
غفت يم كبر اخوها ماقبلت احد يوخرها من يمه
حقهاا سألت نور كتلها وين اهلكم كالت ميتين
زين من شوكت ميتين الله يرحمهم
نور: هااا ءءء اني عمري 7 سنوات من امي ماتت
بس ابوي قبل سنتين
علي:زين وين جنتو كاعدين قبل لتجون لهنا
نور:احمم بمنطقه....
علي:خوش اذن اخوج ماشاف امه اذا تكولين من عمرج 7
نور: مو شسمه من جابته هي كبل ماتت
وجمرة ربته متشوف شلون حزنت عليه اكثر وحده تعتبرة ابنها
علي: احمم ءء الله يعينها
رجعتهم ثاني يوم لبيت ورحت
للشغل والتهيت بهالايام كلها ماشفتها بعد
اني هم ماردت شي يجمعني بيها ماريد اتأمل ولا اريد ارجع احب مرة ثانيه ياهو الاحبه
يعوفني ماريد اخسرها مرة ثانيه
هم جمرةةة ربي ليش خليتها بطريقي كل مافكر بيها تجي بالي جمرتي
صرت بين فترة وفترة من بعيد اطمأن عليهم
ادزلهم مسواك مرات شغلات يحتاجوها بس ماكول مني يعني ادزهن بيد ناس
ومشت السنه عاديه بعد مالتقيت بيهم ماردت احسسها بضعف لأن شكد اشوفها تصيح ع ناس لأن يتصدقون عليهم
حبيت انطيها مجال وهي تعتمد ع نفسها
وبذلك مشت الحياة تقريبآ 6 اشهر
عاديه اقل من العاديه روتين وشغل دك
بقوني بالمركز مانقلت بعد

....

يتبع.....