[Unicode]
Wildest Dreams
"ဒေါ်ကြီး...အိမ်အကူ ရှာတာ တွေ့ပြီလား"
ကြွေသားဖြူဖြူလှေကားထစ်တွေကနေ တစ်ဆင့်ချင်းဆင်းလာရင်း သူ ထမင်းစားခန်းထဲရှိ
အိမ်တော်ထိိန်းအား လှမ်းမေးလိုက်သည်။"ဒေါ်ကြီး ကြိုးစားရှာနေပါတယ်...
သခင်လေး""အင်း...လူရှာတွေ့ရင် ကျွန်တော့ကိုပြောပါ ဒေါ်ကြီး...လောလောဆယ်တော့ ကျွန်တော် ခရီးထွက်စရာ ရှိတာမို့ တစ်ပတ် ဆယ်ရက် အိမ်မှာ ရှိမှာမဟုတ်ဘူး....အဲ့ဒီအတွင်း ရအောင်ရှာထားလိုက်ပေါ့..."
"ဟုတ်ကဲ့ပါ သခင်လေး..."
သူ ဒေါ်ကြီးအား ခေါင်းတစ်ချက်ငြိမ့်ပြကာ
ပြင်ဆင်ထားသည့် မနက်စာအား စတင် စားသောက်လိုက်သည်။ ပြီးသည်နှင့် သူ အိမ်တော်ရှေ့ ဆင်ဝင်အောက်ကနေ ခဏတာ ရပ်ကာ စောင့်နေလိုက်၏။"ကြာလိုက်တာ အီဝူရာ..."
သူ့အရှေ့သို့ နက်မှောင်တောက်ပြောင်သည့် ကားတစ်စီးရောက်လာသောအခါ သူ မျက်ခုံးတန်းတွေ တွန့်ချိုးလျက် ဆိုသည်။
"တောင်းပန်ပါတယ် ခေါင်းဆောင်..ဟိုကောင်တွေ ကားရေဆေးနေတာ တော်တော်နဲ့ မပြီးနေလို့ပါ..."
"ဂိုထောင်ကိုပဲမလား ခေါင်းဆောင်..."
ကားတံခါး ဖွင့်ပေးထားသည့် ကားအနောက်ခန်းထဲ သူ ဝင်ထိုင်သည်နှင့် ကားမောင်းသူနေရာက အီဝူက မေးလာသည်။
"အင်း..ဂိုထောင်ပဲ ပြီးရင်တော့ တရုတ်ကို
ခရီးဆက်တာပေါ့.."ထို့နောက်စံအိမ်မှ ကားသုံးစီးဟာ
အရှိန်နှင့်ထွက်ခွာသွားလေ၏။"အီဝူ...သီချင်းဖွင့်လိုက်စမ်း...ငါ ဒီနေ့ စိတ်ကြည်နေတယ်... သီချင်းက
It's been a long long time ""အမိန့်အတိုင်းပါ ခေါင်းဆောင်..."
အီဝူ့ စကားဆုံးသွားသည်နှင့် ကားထဲ ပျံလွင့်လာတဲ့ တေးသံတွေကြောင့် သူ တစ်ချက် ပြုံးကာ ရံဖန်ရံခါပင် နှုတ်ဖျားမှ သီချင်းအား လိုက်ညဥ်းနေမိ၏။