ابتسامتها مع ضوء القمر تحييني..❤️

بارت 11

عبدالعزيز:الا اقول فهد و عبدالمجيد علامهم من يوم تزوجو ماشفناهم
غيث بنظره:وش تتوقع يتركون حريمهم ويجون يطالعون وجهك انا لو اتزوجت،عينه على نجد،بقعد اربعه وعشرين ساعه عندها
شهد:الله يقرفك يالنشبه صدقني اول اسبوع راح نلقاها جايبتك عند امك
ندى بضحك:صادقه حبيبة خالتها المراه تطفش من النشبه
عزيز ببتسامه:طيب يمكن مراه عن مراه تفرق
شهقت حنان:يويلييي خربتو ولدي
سعد:يالليل ياخاله تراه اخس من كذا ولا قدامك ولا شي
عزيز:ياكذاببب انا كذا
ريان بصوت عالي:اوههه
عبدالعزيز بضحك:اتفق معاهم
كلهم ينتظرون غيث يتكلم كان مسرح بالسقف
احمد بهمس:اص اص عزيز امسك رجله
جميله:لا تكفى
نط عليه احمد وعزيز مسك رجله وقاعد يدغدغه وكان غيث يكرهه الحركه هاذي
فز غيث من مكانه:احمددد تكفى لا ياعزيز ياكلببب
كلهم ضحك:ههههههههههههههههههههههههههههههههههههه
عزيز:الي ماخذ عقلك يتهنى به
غيث:ياجدهه ساعدينيي
احمد بضحك:محد راح يفكك مني لين تعلمني وش بلاك وضعك مشكوك
غيث بصراخ:وربي مافي شيي فكوني تكفون ياخاله شيلي عيالك
بعد عزيز واحمد بعد كلام امهم انهم يبعدون
غيث بتنهيد:لعنه ياكلاب انت وياه
جدتهم فاطمه:مجد يمه روح جيب كاسة مويه
راحت مجد للمطبخ و قعدت تدور الكاسات وفكت الجلال لكن لحسن الحظ دخل سعد
شهقت مجد:يمهه
استوقفتهم لحظات بعيون بعض لكن استوعب وصد خرج من المطبخ
حطت يدها على قلبها:يويلي بسم الله علامه قلبي بيطلع من مكانه
اخذت المويه وراحت للمجلس اعطت الكوب عبدالعزيز عشان يعطيه غيث وعيونها ندور سعد جلست جنب شهد وعيونها تدور
شهد باستغراب:بت مين تدورين
مجد بفهاوه:سعد
نجد بضحك وبصوت عالي:وش وشششش ههههههههههههههههه
غيث الي التفت من صوتها وضحك من ضحكتها
نوره:ضحكونا معاكم
نجد استوعبت انها جابت العيد بصوتها:ها لا قالت نكته وضحكت
شهد ومجد ونهى ماتو ضحك على نجد المتورطه
جدتهم:ضحكتو من سركم علامكم ارفعو اصواتكم خلونا نضحك
نجد بتصريف قامت:جده مو القهوه خلصت خليني اقوم اسوي
كانت القهوه جنب غيث و جدتها قربت ونزلت اخذت الدله وريحة عطرها طيحت راسه وطلعت
مجد:ايه صح نجد ماتعرف وين مكان القهوه خليني اقوم اطلعها لها
وطلعت
شهد بضحك تسليك:حتى الفناجيل ماتعرف فين مكانها لازم اقوم
جدتها:قومي قومي
عزيز الي مبتسم لكن لاحظ شي بس سكت عشان مايلاحظون
دخلو المطبخ يطالعون فبعض وماتو ضحك
مجد متفشله:الله ياخذ بليسكم ماحد يقولكم شي
شهد بضحك:مالي شغل انتي الي صدمتينا
نجد تقلد مجد بضحك:سعددد
كانو ميتين من الضحك
نجي عند لحظه خروج سعد من المطبخ:يساتر استر وش الي شافته عيوني توها معقوله ذي مجد
خرج الحوش عشان يتنفس شوي
شهد:تكفين علمينا وش صارررر
نجد:لحظه لحظه
جابت ترمس الشاهي حطت فناجيل:اجلسي اجلسي علمينا
مجد:الحين زانت لكم القعده
تخيلو...............................................صد وخرج
شهد بضحك:اخوي الخفيف
نجد بتفكير:تتوقعين ايش كان يفكر لما شافك
مجد:وانا ايش دراني
شهد بضحك:اخوي طايح على وجهه يلا يلا نودي لهم القهوه
اخذو القهوه ودخلو المجلس
فاطمه:حيي والله بناتي
نجد ببتسامه:الله يحييك يامي
فاطمه:يلا قومو ياعيال الجهه الثانيه ابغى البنات يجون حولي
غيث بضحك:والله ماقاوم عشان يقعدون اغار عليك ياجده
فاطمه بقهر:حوبه
قامو العيال الا غيث كان معاند
قعدو البنات جنب جدتهم
ندى:ها ايش قلتي يامي نسافر ولا نسمر
فاطمه:نسمرباديرتنا نبي نغير جو والسفره خلوها مره ثانيه
ريان بضحك:العب ياجده تبغين تغيرين جو اجل
سعد بغمزه:اموت انا على الي بيغيرون جو
فاطمه:انطم انت وياه لا اقوم لكم
غيث كاتم ضحكته:ياحرام
عزيز بحماس:يعني تم
جدتهم فاطمه:تم ياوليدي
البنات بحماس:يسسسس
جميله:لو داريه انو ذا حماسكم كان قلت من اول
حنان:خلاص اجل كلمو فهد وعبدالمجيد وجهزو اغراضكم بعد بكره مع بداية الاجازه نمشي على الديره
غيث:حلو يعني بغير جو معاكم قبل اسافر
حنان بحزن:ايه
عزيز شاته:وجع شوف كيف زعلت امي
فز غيث وارتمى بحضنها:يويلي نسيت انو خالتي ام دميعه
دفته حنان:الا وجع ماتعرف تواسي
احمد وهو صاد عشان يبغى البنات ياخذون راحتهم:لا يمه هاذا ذابحه الثقل والجفاف
عزيز بضحك:مهي بعيده عنك مسوي طالعه منها
جدتهم:يلا يلا ياعيال روح للمجلس الثاني
قامو العيال وطلعو للمجلس الخارجي
شهد جات عند امها وجنبه نجد تعزز لها:يمه يمه بطلبك طلب
جميله:ياربي من طلباتك الي ماتخلص
شهد:بروح انوم عند خالتي حنان تكفين يمهه🥺
حنان بفرح:هاذي الساعه المباركه تم معليك من امك انا اعطيك الموافقه بدالها
شهد التقت لامها:خلاص اقوم الم عفشي
جميله بضحك:قومي قومي
شهد ونجد بصرخه وحده:ياههههههه
جدتهم:وجع يامال الوجع قصرو حسكم
راحو لغرفة شهد عشان يلمون الملابس
نجد:خذي ملابس الديره معاك
شهد:لا يمكن ارسلها مع نهى مابغى اقبل عليكم انتو ماشاءالله كثير
نجد:وش وش تثقلين حبيبتي لو ماشالك المكان تشيلك عيوني
شهد ارتمت بحضنها:ياقلبي يانجد بس والله امي قالت لي عشان ارسلها مع سعد اسهل
دخلت مجد:ماشاءالله وش الحنان الي طايح عليكم فجاه
نجد:يلا الحقينااا تكفين ياخي انتي ليه كذا
مجد:احمم انا ماعرف انام فسرير غير سريري
شهد:وع تكفين اسكتي
مجد بضحك:عادي ياخي يومين ونتقابل وننام سوا
نجد بحماس:بنات وربي حماسسسس الا اقولكم جدي بيطلع
شهد بغمزه:معليك الموضوع عند جدتي
مجد غصت:وجع ياملعونه وش ذا الكلام
شهد:يمه بسم الله عليك ماقلت شي انا
حنان:يانجد ياشهد
نجد:هلا يمه
طلعو من الغرفه
نجد:هلا يمه
حنان:يلا عزيز بيمشي وراه شغل الصباح
نجد :يالليل من ذا الشغل
شهد:هو لسا
نجد:صاير غثيث امشي امشي
لمو الاغراض ونزلو
جميله:ها ياشهد لميتيها
شهد ببتسامه:ايه يمه حطيتها على جنب بالغرفه متى مامشيتو خلي العيال ينزلونها للسياره
جميله:طيب
حنان:يلا يلا مع السلامه لا يعصب عزيز الحين
اتجهو للسياره وركبو
نجد:يمه وين احمد و ريان
عزيز:مشيو من اول
نجد:اها طيب
عزيز:خلاص ركبتو
حنان:لا اصبر دقيقه
عزيز لف:ايش ناسيه شي يمه
حنان بضحك:لا لا بس لسا شهد ماطلعت
عزيز باستغراب:شهد؟
نجد:ايه ايه شهد بتنام عندنا
عزيز ببتسامه :اوه طيب
حنان:علامك تتبوسم
نجد كاتمه ضحكتها غصب:شكلك تذكرت النكته
عزيز بتسليك:ايه ايه ههههههههه
طاحت عيونه على شهد الي طالع مع الباب تضحك مع خالتها ندى ومجد والي كان واقف جنبها بالضبط عبدالعزيز
وهنا نقول انه بدات نيران الغيره بقلبه
ندى:عبدالعزيز شيل الشنطه عن البنت
عبدالعزيز بقل حيله:يمه شهوده عنيده مهي راضيه تعطيني الشنطه
شهد دفته بضحك:اقول ابعد تكفى
وكانت داخله معاهم جو وماتدري عن العذاب الي صاير بعيون شخص
نزل عزيز من السياره وتوجه لشهد:هاتي الشنطه
شهد بنظرة خوف لعزيز لانها كانت تخاف منه:ها
عزيز بنبره عالي:اقولك هاتي الشنطه
عبدالعزيز لف بستفزاز:وانت علامك شادها كذا شوي شوي على البنت
عزيز لف عليه بغضب:اقول انطم انت لا التفت لك الحين
ندى:اعوذ بالله خير أن شاءالله انت وياه توكم كنتو تضحكون تعوذو من الشيطان احسن لكم
سحب عزيز الشنطه من يدها وراح لسياره وحطها وراء
دخلت شهد السياره
نجد بهمس:علامك تضحكين مع عبدالعزيز كذا
شهد بفجعه:انتو ايش فيكم علي بسم الله
نجد:ماتدرين انو عزيز مايحب ذي الحركات ولا يتقبلها خاصتن منك مايحب احد يتعرض لك كذا وانتي ادرى بالموضوع
شهد بقلق:قال شي
نجد بهمس: لا والله شوفت عينك ياشهد
طلع عزيز ومشي متوجهه للبيت وكانو يسولفون الا هو كانت عينه على المرايه ويقول بنفسه:
ايهه اغار وغيرتي تهد جبل
لعنبو كل من حط عينه عليكِ
شتت نظره عنها عشان ماتنتبه لكن هي كانت ملاحظه بس خايفه تحط عينها بعينه
عند جميله/
جميله:الو راكان
راكان:هلا يمه
جميله:وينك ياوليدي تراني شايله عليك
راكان بشهقة:يويلي يمه تشيلين على ركوني
جميله:ايه والله وينك الحين
راكان:مع اصحابي
جميله:ابيك تجي بكلمك بموضوع
راكان:ابشري يمه عسى خير
جميله:خير خير ان شاءالله
قفلت الخط
نهى:شفتييي يمه كفو عليك قلت لك ماراح يهون عليه
جميله بخوف:بس مابغى افجعه
نهى تنهدت:هاذا الحل الوحيد واذا جاء قولي له كل الكلام الي بقلبك احشريه يمه لا تخلينه يقول حرف واحد غير ابشري و حاضر و سمي
جميله:ان شاءالله يلا انتي روحي نامي بس لا تنسين ودي لسعد مويه اخاف يحتاجها
نهى:ابشري يمه
،بخصوص سعد عنده حاله تجيه وهو نايم يصحى مكتوم و معرق ومرعوب ويشرب مويه كثير عشان تخفف حالته هاذي،
عند راكان الي كان يسولف مع ناصر و لارين نايمه بحضنه
ناصر:مين الي يدق عليك بهاذا الوقت
راكان بابتسامة:الغاليه
ناصر يتامل:الله يخليها لك يارب يلا اجل هات لارين و روح كم لك هنا
راكان:ابشر ابشر
حط لارين و راح وباله مشغول مو من موضوع امه لا لا من الي اخذت قلبه
ايه ايه الي ببالكم ✨اشواق✨
رجع البيت ولقي امه نايمه واستغرب انو شهد مو في دخل غرفتها وكانت مو في
راح لغيث ولقيه نايم كالعاده بذا الوقت
دق عليها وحط السبيكر/
راكان:الو
شهد بتوتر:هلا راكان
راكان بفضول:فينك بذا الوقت منتي في
شهد بتوتر واستغراب لانها وصت امها تكلمه:رجعت مع خاله حنان
راكان:خير ايش عندك
شهد بقلة حيله:راكان اشبك انت قلت لك عند خاله حنان ليه تقعد تحقق كذا
راكان بعصبيه:الصباح ترجعين سامعه ولا لا هاذا الي باقي تقعدين ببيت كله عيال ليه ان شاءالله
دخل غيث وبصوت عالي:ومين انت عشان تتحكم فيها تروح ولا ماتروح دام امي وابوي راضيين انت مالك كلمه عليها سامعه ولا لا
شهد خافت الموضوع يكبر:خلاص راكان راح ارجع الصباح
غيث باستفزاز من شخصية شهد الضعيفه:اقول اسمعي انتي ماراح ترجعين واراح تقعدين زي ماتبغين وانت يارخمه مو تجي من برا وتحط حرتك باهلك ماراح اسمح لك عاد والله كيفك بتفهم منت فاهم هاذا شي راجع لك اهم شي كلامي مسموع
راكان فز من مكانه بعصبيه مسك غيث من رقبته:اقول ماودك تندفن هنا اعدل لسانك معي احسن لك ولا والله ياغيث لا اطلع العافيه من عيونك
ابتسم غيث:تدري ذا الي باقي مين يدفني انت اقول احترم نفسك وشل يدك
مسوي مرجله المرجله هاذي طلعها على اصحابك
راكان بعصبيه وبصوت عالي:ايشش
دخل سلطان من سمع صوتهم الي وصلت للجيران:ولد نزل يدك ايش الاصوات هاذي انا ياسلطان تطلع من بيتي ذي الاصوات والله حلوه
بعد راكان عن غيث و نزل راسه وكان وده انه قتله ولا يكون بالموقف هاذا
غيث انفجر:والله يابوي ربي ولدك الرخمه هاذا
راكان بنظرات حاده:اقول اعدل لسانك لا تخليني اطلع الرخامه عليك
سلطان بعصبيه:غيثثث
غيث:سم يبه
سلطان:وش صار تكلم انهق
غيث بنظره لراكان:يبه ولدك داق على شهد وقعد يهاوشه عشانها رايحه تنوم عند خالتي حنان وقعد يقولها هاذا الي ناقص تروحين بيت كله عيال كانه يصتنقص بتربيتكم ولازم انها ترجع البيت الصباح
ارتخت ملامح سلطان من كلام غيث واستغرب من راكان الي يحب شهد:مين انت عشان تامرها هاا!
راكان:والله يبه انا اخوها الكبير ولي حق
سلطان بعصبيه:تعقبب دامني حي محد يقربها لا انت ولا غيرك تسمع والحين قدام تكلمها وتعتذر لها
راكان:يبه وش ذا الكلام
سلطان:الي سمعته خلصني ادق عليها الحين وتعتذر ولا انت اخوه جدها الي يكون مالك كلمه عليها دام راسي يشم الهواء
راكان بستسلام:ابشر
خرج غيث واتجه لغرفته ولقي مكالمه من شهد/
غيث:الو شهد
نجد:الو
غيث باستغراب:هاذا مو جوال شهد
نجد بضحك:الا بس قالت لي انتي ردي خايفه من ردة فعلك
غيث انفجر ضحك:حطي حطي سبيكر
نجد:حطيت
غيث:حبيبتي شهد
شهد ودموعها اربعه اربعه:هلا
غيث بضحك:يويلي تصيحيننن
نجد:اوه فاتك
غيث بتذمر:خساره والله فاتني الضحك
شهد:انطمووو عني غيث تكفى كيف راكان
شهق غيث:انتي بعد الي سواه لسا تسالين عنه
شهد ببكى:وش اسوي اخوي سندي وم ارضى عليه زعله زعلي وحزنه حزني تكفى ياغيث لا يكون سويت له شي
ابتسم غيث من كلام شهد وهو عارف انو هي مره تحبهم:لا ابشرك ابوي جاه
شهد بشهقه:ايشششششش ابوي ياحسرتيييي وش سوا له
غيث:حسافه والله هاذا واحد ينخاف عليه الوكاد الي صار...........................................وخرجت وهذاني اكلمك
شهد:طيب يلا انقلع اكيد هو يدق علي الحين
غيث فز:افاااااا ياشهد افا
نجد بضحك:جحدتك جحده بنت كلب
غيث متفاجئ من كلام نجد معاه:شايفه كيف
اخذت الجوال شهد:يلا يلا بنوم وانت كمان نام
غيث:ابشر بدق على عايض بعدين انام
شهد:تمام
قفل الخط ودق على عايض ومارد رسله انا بجيك الصباح عندي موضوع
وقفل جواله ونام
اما عند الي غارق بتفكير وخايف بنفس الوقت
:انا ايش سويت اتوقع زعلت لا لا ماتزعل ان شاءالله بس حركتي كانت مستفزه ابله ياخذ بليسي ابو العرق ياشيخ ماطلع الا عليها
الساعه ٨ الصباح/
جميله:ياغيث قوم منت تقول انك مواعد رجال قوم
غيث:يمه شوي بس شوي
جميله:حرام عليك لك ساعه ونص كل ماجيتك قلت شوي
غيث:طيب الساعه كم
جميله:الساعه ٨:٤٠
فز غيث:وشوووو يمه باقي ساعه ونص وتخلص الزياره
جميله تنهدت:والله قول لنفسك
اخذ المنشفه ودخل ياخذ شور:يمه تكفين طلعي لي ثوبي الاسود
جميله بضحك:انت متى تغير الثياب يامي
غيث ببتسامه:احبها وش اسوي محبوبتي علقتني فيها
جميله وهي سامعته:ايش ماسمعت زين
غيث بتصريف:اقول احبها عشان صاحبي مره يحبها فخلاص تعودت معاه
جميله كاتمه الضحكه:ايه احسب سمعت غلط انا بروح اجهز لك الفطور واجيب لك البخور
غيث:طيب يمه
نزلت جميله عشان اجهز الفطور لغيث عشان لا يتاخر
جميله:نهى نهى
نهى:هلا يمه
جميله:خذي المبخره وطلعيها لغيث فوق
نهى باستغراب:خير ان شاءالله ايش عنده
جميله:بيروح لرجال تعبان
نهى بعدم اهتمام:طيب طيب
اخذت المبخره وطلعتها له
نهى:صباح الخير
غيث الي كان ينشف شعره وابتسم لما شاف نهى:صباح النور بشوفتك
نهى ببتسامه:ايش الكشخه هاذي والثوب الاسود مايحلى الا عليك
غيث بتكبر:احم احم
نهى بضحك:لا تشوف نفسك علينا انتبه
غيث:الا فين ابوي
نهى:خرج يقول معزوم على الفطور عند جيراننا
غيث:اها طيب الا اقولك ليه مارحتي مع شهد
نهى مسكت المبخره وقعدت تبخره:تعرف اني ماهتم للجمعات الي كذا وهم قالو فجاه يعني لو من اول كان رحت بس فجاه وتعبانه ومافيني حيل فمستحيل اروح
غيث:سلامتك فيك شي اوديك المستشفى
نهى بضحك:يلبى المهتم لا والله مافيني الا العافيه بس اعرف بعد العزيمه مافيك حيل وكذا هاذا هو
غيث:تمام اجل اسمعي بروح لصحابي تعبان وارجع اخذك ونطلع نتقهوى ايش رايك
نهى بحماس:قدامممم
غيث باسها مع راسه وكانت هاذي احد عاداته:يلا مع السلامه
نهى:مع السلامه ياقلبي الله معاك
خرج غيث للمستشفى
عند الجناح العلوي/
حصه بهدت حيل:شوف لو ماقمت بنزل واسحب عليك قوم يافهد تكفى
فهد سحبها:عيدي عيدي
حصه عرفت تجيبه من نقطة ضعفه:تكفى فهد
فهد:لبيه ياعروق قلبي سمي قايم لعيونك
حصه حضنته وهي تضعف من كلامه:تدري لو يرجع فيني الزمان ماخذ الا انت
فهد بضحك:يوه كنتي شايفه نفسك علي خطبتك مرتين كل هاذا تغلي
تبغين الصراحه
احبك واعشقك قوّه ياللي عرفت
السعاده ،يوم حبيتك....
الشوق في كل لحظه شب لك ضوّه
وشلون لو عاد يالمحبوب ضميتـك
حصه بندم:لا تقول كذا احس بتانيب الضمير اني كنت اتغلى عليك بحبي
فهد شد عليها:ياجعل محد يتغلى عندي غيرك اول ماشفتك حسيت اني طايح على وجهي من جمالك رجعت البيت ماني بعقلي ابد امي تجين تقول علامك ياولد منت بصاحي اقولها يمه لو تبيني اصحى خذيها لي
حصه فزت:بالله وقتها كان شكلي معدل
فهد بضحك:اقولك رجعت البيت ماني بصاحي تقولين لي كان معدل
اعتدل بجلسته:من وقتها وانا ماشوفك غيرك وامي تقولي حسافة الثقل الي كنت فيه كنت ثقيل طينه لين شفتك صرت اخف الريشه
قامت حصه ويدها على وجهه:خلاص خلاص اسكتت
فز فهد وسحبها مع يدها وحضنها من وراء:اذا هاذي ردة فعلك بقولك كل شوي
حصه:ترا تاخرنا يافهد على عمتي
فهد بزعل:ياربي ماشبعت
حصه بضحك:بتشبع بتشبع
لفها فهد وصار وجهه بوجهه ببتسامه :وش قصدك
حصه بتوتر:اقصد انو انا معاك العمر كله بتشبع مني اشبك انت فهمت غلط
فهد قرب منها لدرجه مهي قادره تتحرك:انا الي فهمت غلط ولا انتي الي ماتعرفين تشرحين وخليتيني افكر كذا
حصه بارتباك:فهد
فهد بغمزه:اشوفك بعدين
دخل ياخذ شور عشان ينزل يتقهوون امه دخلت حصه غرفة عزوز عشان تصحيه وتلبسه
حصه:يلا عزوزي ماما يلا قوم جده تستناك
عزوز:غيث؟
حصه بضحك:يجي يجي الحين انت قوم البس
قام واخذته ولبسته ونزل لجدته دخلت الغرفه وشكرت الباب عشان تاخذ راحتها بلبس والميكب دق الجوال وهي تلبس:ياربي هاذا مايدق الا الحين
لبست فستان بسيط وقعدت احط ميكب رجع دق جوالها
ردت
نهى:مابغيتي ياحبيبتي
حصه بضحك:جالسه احط ميكب
نهى:تحطين ميكب ولا مع فهد
حصه بارتباك:احط ميكب ياقليلة الادب اصلا فهد عند عمتي تحت
نهى باستغراب:ايش انا عند امي فهد مو في
حصه:ايشش كيف مو عندك دقيقه دقيقه بشوفه
سكرت الجوال وقامت لكن ردتها يد شخص:معقوله ماحسيتي فيني من اول
حصه فزت بفجعه:يمههه فهددد ايش المبزره حقتي هاذي
فهد بضحك:ماسويت شي
حصه:لا ياشيخ لك ساعه هنا وماتكلمت
فهد:ايش اسوي قاعد اتامل
حصه قعدت تكمل المكيب:انزل تحت يستنونك
فهد حس انها زعلت:زعلتي يابعدهم
حصه بثقل:لا روح عني
فهد قرب منها وارتكى على كتفها وشم ريحة عطرها الي برقبتها:اخخ عشقي
ارتعشت حصه من حركته المعتاده:فهد قلت لك وخر عني
فهد:ابشري بس بلبس ثوبي
قام عشان يلبس ثوبه الي كان لونه كحلي مع ملامحه الحاده كانت نقطة ضعف حصه هاذا الي جذبها لفهد
قرب من عندها بخريني اخذت المبخره وحطت العوده وقربت منه تبخره
وكان حاط يده على خصرها:اقولك عاد بطلي ثقل خفي على قلبي شوي
حصه:وانا قادره اثقل قدامك خلاص يلا خليني اخلص نفس
سحبها اتجاهه:انتي خلصتي بس انا ماخلصت
حصه:فهد اهجد مو وقتك
فهد بتذمر:طي طيب خلاص اسف بس بقولك شي
حصه وهي تطالع عيونه:عيوني قول
قرب منها وباسه:معليش ماتحمل تعرفيني يلا الحين اقدر اخرج مرتاح
حصه الي صنمت مكانها وكيف انو الحيله هاذي تمشي عليها كل مره:فهدددد
فهد طل مع الباب:سمي يابعدهم
حصه:انا اوريكككك
فهد:احم احم بس بقولك من بعدها حسيت بكتفى بدا صباحي وفطوري الحمدلله
حصه حطت يدها على وجهه:اخخخ
نزل فهد يضحك من ردة فعله وشاف ابوه وامه قاعدين يلعبون عزوز
فهد:ياحظك ياعزوز بحب امي وابوي
جميله:هلا والله صباح الخير
فهد:صباح النور يمه سلام يبه
سلم وجلس ماهي الا دقايق نزلت حصه وشافت عزوز بحضن فهد وجده وجدته يلعبونه رجعت جابت الكاميرا وصورتهم،كانت حصه تحب تصور اللحظات اللطيفه،
حصه:صباح الخير
الكل:صباح النور
نهى:تعالي تعالي بقولك شي
فهد:اجي انا
نهى بنظره:لا انطق مع ورعك احسن لك
حصه ضربت نهى بخفه:ماسمح ترا
فهد بتعزيز:يس مابغيتي تدافعين عني
الكل ضحك
عند غيث/
دخل المستشفى واستقبله دكتور عايض
غيث ببتسامه:السلام عليكم
الدكتور:وعليكم السلام هلا هلا مابغيت تنور
غيث:النور نورك وانا صادق
الدكتور:تسلم تسلم
غيث:ها كيف حالته
الدكتور:لا ابشرك طيب الحمدلله احتمال اليوم يطلع كمان
غيث:منجد
الدكتور:ايه ايه روح شوفه
غيث توجهه للغرفه وشاف عايض يفكر دقه مع كتفه
عايض فز:بسم الله انت متى جيت
غيث بضحك:افا هاذا بدا ماتستقبلني تقول كذا
عايض:ماقصد بس انت فجعتني
غيث بضحك:معليك معليك ها مين الحلو الي بيخرج اليوم مابغيت والله لو انها انفاس كان خرجت
عايض بنظره:بتبلع لسانك ولا ادفنك
غيث:يمه لا خلاص ابلعه ارحم الا بويش تفكر
عايض تنهد:ابد مافكر بشي
غيث:عايض كاني ماعرفك تكلم اخلص
عايض:امي من اول تدق علي متى تجي متى تجي
غيث بضحك:منجدك انت انا اطلعك الحين
عايض بدهشه:منجد؟
غيث:ايه ايه
عند بيت عبدالله/
دق المنبه
نجد بنعاس:شهد قومي طفيه ازعاج
شهد رفعت راسها بتطفيه شافت الساعه وشهقت:نجد الساعه ٩ قوميييي
نجد بتذمر:خلاص ناجلها بكره
شهد:قومي قومي احنا وعدناهم
نجد:خلاص خلاص قايمه انزلي قبلي ابوي والعيال مهم في
شهد:كويس يلا بنزل اشوف خالتي قدامك دقيقتين
دخلت اخذت لها شور وخرجت ولبست عشان تنزل
شهد طلعة الحديقه الخلفيه:خالتي؟
لكن استوقفها جسم شخص
شهد:اوتش
عزيز:تعورتي؟
شهد:لا بس دعست على رجل
طاحت عيونهم فبعض وكان الصمت الحل الوحيد لصدمتهم كان مغرم بعيونهم بشعرها البني كان مهووس بتفاصيلها لكن صد
عزيز:اسف شهد مانتبهت لك نسيت انك بلبيت وانا كنت خارج بلحق ابوي
شهد بصدمه:لا لا حصل خير مابغيت تصد
عزيز بتنهيده:كيف تبغيني اصد وانتي قدامي ماتحمل شوفتك ابد
شهد حضنته من وراء وبصراخ:عزيز!!!
لف عزيز على شهد الي كانت عند رجلها قطوه وهو يعرف انو عندها فوبيا منها
شهد بصراخ:عزيز عزيز شيلهاااا
توجه لها عزيز وطردها ببتسامه :انتي بخير ياعيون عزيز
شهد وقلبها بيطلع من مكانه:ايه
عزيز بضحك:للحين عندك فوبيا
شهد دفته عنها:كله بسببك كنت تطردني فيه
عزيز انكتم من الضحك:يعني مرات اطردك ومرات اساعدك زي الحين
شهد:انقلع عني
طلعت الدور الي فوق عشان البنات وصلو
نجد:يلا يلا قاعدين يستنونا
شهد:انا جاهزه خلصي انتي
نجد وهي تجري:يلا خلصت
نزلو عشان يخرجون
حنان:انتبهو على نفسكم سامعين
نجد:ابشري يماما
شهد ببتسامه:تبغين شي ياخالتي
نجد:ياربي يالاحترام الي نزل فجاه
شهد دقتها:انا محترمه من يوم انطمي
ضحك عزيز على اشكالهم
حنان:لا يمه سلامتك
خرجو وكان عزيز واقف على الباب
طلعت نجد وبعدها شهد
عزيز بهمس:انتبهي لنفسك ولا تختلطين
ضحكت شهد:من عيوني
ركبو السياره مع البنات ومشو
رهف بضحك:هاذا عزيز
نجد:ايه
رهف:ماتغير ابدا
شهد حست بنار بداخلها:ايه اكيد ماراح يتغير
رهف انصدمت من اسلوبها الي تغير فجاه
نجد فطست من الضحك
طيف:اقول وين بتتقهوون
ملاك:انا قلت لكم راي
الهنوف:يالليل من زينه عاد تبي نروح ستاربكس
شهد ضحك:جويي
نجد:ايه خلينا نروح له