لم أكن بغيّا

البارت الرابع

مساء العافية على اجمل عيون

منو مثلي الثلج امنه ابجف الصيف
و كله ايدير باله اتلوحه لحرورة
و منو مثلي اعله نيته شلون طير الهور
اجه بلهفه و حنين و ما حضه بهورة

:يمامة

تصويت تعليقاتكم الحلوة متابعه للحساب مشاهدة ممتعة

°°°°°°°°

راح ابوي وكف بنص الديوان وحجه بعلو حسه صافن ومنتضرة يحجي

الشيخ:ابو ستار خوية انه الشيخ سليمان جدام هاي الشيوخ والناس الخيرة اتشرف اطلب ايد كريمتك الجبيرة لأبني مالك ...ولو وافگت اجيك انه وهل وادم الطيبة لبيتك ونطلبها اعلى حسب الاصول وانه ماراح الاكي لأبني احسن من بنّيت صديج عمري ورفيجي
ها يبو ستار شگلت

أبوي يحجي لو اعيوني طلعن من مكانهم أحس راسي صار شثكلة ورجلي ما تحملني على الموقف الخلاني بي ابوي صرت مثل بالع الموس لاكادر ابلعة ولاكادر اطلعة صميت جف ايدي بقهر

ابو ستار:والنعم منك ومن ابنك ياشيخ ولا انه الكه لبتي احسن من مالك خلقة واخلاق والبت بتكم كبعها وخذها هساع لو ردت

الشيخ:ان شاء جم يوم وحنة عدكم أنه وهل اوجوه الخيرة نطلبها ونملجها بحيل الله

اجه ابوي وكف يمي وحجه بصوت عالي

:شرايك بالهدية بوية اضن ماكو احسن من هيج هاي انت تخرجت وبگى زواجك علي ختاريتلك احسن بنات السلف جوهرة ثمينة تصونها وتداريها برمش عينك

ضليت اباوعله ساكت مابدر مني رد فعل غير السكته لا يا اللهي شهل موقف الي نحطيت بي
ابوي مثل الي حس اني ضجت تركني راح يحجي ويه الزلم
خليت وعفت كلشي وطلعت من الديوان النفس صرت كوى اجرة
تركت وراي كلشي ولكيت رجليه تاخذني للشط وصلت هناك اجرر نفس كل قوتي وطك باصابعي روحي طالعة

نزعت هدومي وذبيت روحي بالماي اريد الماي يبرد النار الشعلت بروحي

شلووون شلوون ابوي هيج يسوي بيه شلوون من كل عقله يخليني بهيج موقف ضليت ماكدر احجي وافشله كدام الزلم صرت اغط راسي بالماي اضل جوة الماي لحد ما اختنك ياله اطلع

انه المحضر روحي افاتحة بموضوع خطوبتي من رنا تالي هيج يسوي بيه... هيج يحرجني كدام الشيوخ والزلم
لو كايلي قبل ما يحجي شلووون ما يسألني ماياخذ رأيي شنو مالي راي اني بكيفة يختارلي ..
ولله لوتنكلب الدنيا ما اوافق ما انحط بهيج موقف واسكت
يارب حااير لو رفضت ابوي يتفشل وانه ماكدر اكسر هيبته
ولااكدر اوفق انه احب رنا واحلم باليوم اليجمعني بيها تالي هيج يسوي بيه احس احلامي جاي تتبخر كدام عيني جنت احلم اتزوجها وأحجبها وحافظ عليها مثل روحي

هيه هاي هديتك بويه تربطني بوحدة حتى ماعرفها وين عايشين بيا زمن ضليت يمكن ساعه اني اتعارك وية الماي
طلعت من الماي لكيت ساجد كاعد عالجرف متانيني