"သည်းငယ်"
ခုတင်ပေါ်မှာကွေးကွေးလေးအိပ်နေသည့်ခန္ဓာငယ်လေးကအသက်ရှူသံကြောင့်နိမ့်ချည်မြင့်ချည်ဖြစ်နေသည့်ရင်အစုံကလွဲလှုပ်ရှားမှုအလျဉ်းမရှိ။
မဂ္ဂ briefcaseကိုစားပွဲပေါ်အသာတင်လိုက်သည်။ အပေါ်ကုတ်နှင့်နက်ခ်တိုင်ကိုချွတ်လိုက်ပြီးရှပ်အင်္ကျီကြယ်သီးကိုနှစ်လုံးလောက်ထိဖြုတ်လိုက်မိသည်။ လက်ကောက်ဝတ်မှာဝတ်ဆင်ထားသည့်တန်ဖိုးကြီးနာရီကိုပါတစ်ခါတည်းချွတ်လိုက်ပြီးအင်္ကျီလက်ကိုခေါက်တင်လိုက်တော့မွေးညှင်းစိမ်းနှင့်အကြောစိမ်းတွေထင်းနေသည့်လက်ဖျံကအစဆွဲဆောင်မှုအပြည့်ဖြစ်သည်။
ကွန်ဒိုမှာလို့ပို့ထားသည့်သည်းငယ့်မက်ဆေ့ခ်ျကိုတွေ့တာကြောင့်ကုမ္ပဏီကအပြန်ကွန်ဒိုကိုတန်းလာခဲ့တာဖြစ်သည်။
ညနေစောင်းနေပြီမို့နေမကောင်းဖြစ်မှာစိုးရိမ်မိပေမဲ့နှစ်နှစ်ခြိုက်ခြိုက်အိပ်နေတာမို့မနိုးချင်။ နဖူးလေးထက်ငုံ့နမ်းကာစောင်ကိုရင်ဘတ်ထိဆွဲခြုံပေးလိုက်သည်။ အဲကွန်းကိုညှိပေးလိုက်ပြီးတံခါးကိုသာသာပိတ်ကာအပြင်ပြန်ထွက်ခဲ့လိုက်တော့သည်။
ဆိုဖာပေါ်ဖြစ်သလိုတင်ထားခဲ့သည့်အသားတချို့နှင့်အသီးအရွက်တွေကိုယူကာမီးဖိုခန်းထဲဝင်လိုက်သည်။ ဆန်ကိုအိတ်ထဲမှချင့်ထည့်ပြီးထမင်းပေါင်းထားလိုက်သည်။ အမဲသားကိုရေသေချာဆေးနေရင်းကအရွက်တွေကိုရေစိမ်ထားဖို့လည်းမမေ့။
ပင်ပန်းနေမည့်သည်းငယ်ကြောင့်ညစာကိုတော့ကောင်းကောင်းလေးချက်ကျွေးချင်မိတာမို့supermarketကိုဝင်ကာလိုအပ်တာတွေဝယ်လာခဲ့တာဖြစ်သည်။
သည်းငယ်အနားမှာသူ့မျက်လုံးတွေ၊ နားတွေအများကြီးရှိသည်။ မဂ္ဂတစ်ချက်ငဲ့ကြည့်ရုံဖြင့်အကုန်လုံးကိုမချွင်းမချန်သိနိုင်သည်။ အားလုံးကိုတစ်ယောက်တည်းဖြေရှင်းချင်နေသည့်သည်းငယ်ကလွတ်ထားပေးရလောက်အောင်ထိမသန်မာသေး။
အမဲနှပ်ထဲကိုမဆလာအနည်းငယ်နဲ့ရှောက်ရွက်ကိုထည့်လိုက်သည်။ gas stoveကိုပိတ်လိုက်ပြီးပန်းကန်ထဲခပ်ထည့်ကာစားပွဲပေါ်တင်ထားပြီးမှအုပ်ဆောင်းနဲ့အုပ်ထားလိုက်သည်။
DU LIEST GERADE
မောင့် (Completed)
Romantikကိုယ်က မင်းလက်ကလေး ကိုင်ခွင့်ရတဲ့အခါ ကမ္ဘာတစ်ခြမ်းကို ကိုယ်ကပိုင်ပြီး မင်းက ကိုယ့်လက်ကို မဖြုတ်ချရင်တော့ ကမ္ဘာကြီးတစ်ခုလုံးကို မင်းကပိုင်လိမ့်မယ်။ •မောင်ဆောင်းခ
