أوجس القلب فزعا
الكاتبة غرور العراق
كلمه چانت
كلمه وحده تهدي وضعي وماكلتهَا ؟
كلمه جانت تنهي زعلي
وتنهي حزني
وكلت كلشي
وفقط هالكلمه عفتهَا
تريد تبعد ؟
رغم ماكايل اعوفك
انه بعيونك شفتهَا
يوم يومين شهࢪ شهرين تعدت السنة وهو ماكو
ولا أي خبࢪ
أيئست وتاكدت هو ما يرجع بعد اصلا هواي قدملي حتواني بيتة بوسط عائلتة حماني وساعدني
جان وياي بوقت عصيب ضايعه وحدي گثࢪ الله خيࢪة
الصوج بيه ࢪحت لبعيد
صحيت من شرودي على صوت السايق جان مألوف حجة بࢪود: وصلنة
رفعت رأسي وأجت عيني بعينه مگشر عن نيابة بشࢪ حجيت بدهشة: محمدددد
محمد: الابهر مالو
بلعت ريگي نشف وين سايق أني وين بالي ما منتبه صرخت بي بعصبية: أنجبببب ويييين جايبني
بأوع لفرع ورجع بأوعلي وضحك غمزلي وحجة: شتگولين؟
المنطقة غريبة تحسه ماال گاولية أني صح صار سنة هنا بس ماعࢪف كل مناطق الگوت
اعࢪف بس الهورة الان الكوزمتك الي أشتغل بي موجود بيه والمنطقة الي ساگنة بيه
لتفتت بنظرات خايفة طك أصبعه بشر: ها حبيبو وين صافن
سوزي: شلون شلون صعدت وين السايق.. انت شـ. شـ. جابك
محمد: أنتي وين عقلج الازم تفكࢪين بحبيب الگلب وماتدرين
سوزي: گل زق
مديت أيدي بخفوت على يدة الباب وهو يسولف وياي عيني على حرگاته وي طگة القفل
هو جحض عيونه خازرني أنداࢪ راد يلزمني بس أني أسرع ذبيت زروك من سيارة
نجبحت على وجهي وطگيتة رگضة بدون ما لتفتت وراي أسمع بس صوته يدوي: سوووووزان
ولا وگفت أࢪكض وأࢪگض وعيني على المنطقة كل زقاق وشارع
بيوت قديمة وبيه مفلشة باقية هياگل نگطع نفسي ولا وگفت
الهث وگلبي يرجف من الخوف لتفتت وراي ماكو وين ࢪاح
ضليت أباوع بگل الاتجاهات ماكو.. شفت حجية عده دگان دخلت عليه رفعت رأسها
نگثت التراب من ملابسي وحجيت الهث: خالة هاي المنطقة شسمها
-منطقة الـ**
: زين خالة شكد تبعد عن الهورة
-مو هواي أجيرلج تگسي بالفين منا ذبج بالهورة
هزيت راسي وتشگرتة شتريت بطل ماي وطلعت أمشي بشارع محفر وتࢪابي
طلعت مبايلي.. خل أدك على وأحد من أهلي همزين نهزمت يمه جا نجلطت دخيلك ياابو فاضل
YOU ARE READING
أوجس القلب فزعأ
ChickLitاسرار لاتعرف للنور طريق خبث و ونظرات تتبع الاخطاء طفلة هربت من رماد الوطن لاحضان الايمان حب نبع من خلف تلك الجدران مايقف بينهم هو اختلاف الافكار وتباين النضج و صفات الكمال لاينبت الحب من داخل التفرقة و النقص لا يكمل الانسان دون ام و عائلة ل...
