[اللهم صل وسلم على سيدنا محمد]
الكاتبه: ريما السياف
بسم الله الرحمن الرحيم...
نبداء...
صحئ من النوم وتوضئ وصلئ وطلع من غرفته وهو يبغئ يكلم زيد طق باب غرفته بس مافي صوت استغرب ونزل تحت يدوره عند العيال بس مالقاه
قاطع تفكيره ام زيد: يمه سعود شفيك؟
سعود: يمه وين زيد؟
ام زيد وهي تتوجه للمطبخ عشان الفطور: تلقاه عند اختك ريناد
سعود لحقها: يعني نام عندهم امس؟!!
ام زيد: ايه يعني فيك تقول تبادل بينه وبين راما
سعود: يعني راما امس نامت عندنا وكيف هو ينام عند اشخاص توه يعرفهم
ام زيد بملل: ايه خلاص عاد ياسعود تبغئ زيد روح له تلقاه مع اخوانه ماهم غرابا عنا
سعود: طيب حضرت الانسه ريناد ليه ماتجي عندنا مع راما؟!
ام زيد بحزن علئ ريناد: ياروحي عاد ياريناد تقول راما انها من لما توفئ ناصر وهي حالتها حاله واساساً ليه تجي وهي مو متعوده علينا
سعود: تمام ترا انا رايح
ام زيد: ويييين؟؟
سعود بضحكه: لاخواني هههه
ابتسمت ام زيد لما طلع وبدت تحضر الفطور وصحت كل اهل البيت...
ابو ليلئ: وين سعود وزيد يارشا(ام زيد)؟
ام زيد: راحو لجواد وريناد
ابو عبدالله: ماشاءالله رايحين لغيال قليلين ادب وحياء
ابو فيصل: اسمع انا محترمك الحين عشانك اخوي بس انك تتكلم عن بنات ولدي هاذي مااسمحلك بيها ابدن!!
ابو عبدالله: وهذول كمان عيال بنتي!!
ضحكت العمه ام فهد بااستهزاء: ايه بنتك ياللي طردتها من البيت بعز اليالي مايندرا وين نامت ذيك الليله
طلع ابو عبدالله بعصبيه من البيت...
ابو ليلئ: ماكان لازم تقولين هالكلام
العمه ام فهد: والله هو الي كان لازم مايطرد بنته بعز الليالي بسببه وبسبب بنته صار محمد يبغئ بس ان عياله يسامحونه رغم انه ماسواء شي بس كل ليله ماكان يرجع غير متاخر ويبكي ليالي وايام سال عنه حضرت جنابه اكره ان اخواني يسوون كل هاذا واسكت عنهم مستحيل انا مااسمح بهالشي
وقفت العمه لانها عرفت انها قالت اشياء محد داري عنها بس هي انقهرت علئ ريناد ولو ان اخوها ماسواء كذا كانت الحين سعيده بحياتها...
_________________________
عند ريناد...
كانت تصلي صلاة الفجر وخلصت توجهت للمطبخ وسمعت صوت الباب وتوجهت له: مييين؟
سعود: انا
ريناد بااستهزاء: لاوالله تصدق عرفتك... وبجديه... من انت؟!
سعود: اخوك سعود ياهبله
افتحت الباب ريناد وهو دخل...
سعود: وين زيودي واخوي الجديد؟
ريناد: بالغرفه الي فوق الي بالزاويه ولسه نايمين
سعود باابتسامة خبث: تمام راح اروح اصحيهم
ريناد الي مارتاحت لبتسامته: تمام روح
توجه هو فوق وهي توجهت للمطبخ...
دخل سعود وهو يشوفهم باحلامهم السعيده توجهه لهم وجلس عند راس سعود وقرب لااذنه: من ربك؟ مادينك؟ مانبيك؟
فز زيد وهو يصرخ: ربي الله ديني الاسلام نبيي محمد
طبعاً جواد قام من النوم وهو منهبل وش الصوت العالي هاذا وسعود ماهو قادر يوقف ضحك ناضره زيد: الله ياخذك شسويت فيني ياكلب
سعود: هههههههه يمهه هههههههه مو قادر ههههههههه شكلك هههههههههههههه
ناضره جواد وهو ميت نوم: ياسخفك ياسعود حقيقي سخيف
سعود: ههههههههه انت ماشفته هههههههههههه
رجع زيد لفراشه وانسدح ومايمدي يغمضون عينهم هو وجواد الا الميه الي جايه علئ وجيهم من ريناد...
ريناد: قوموو الحين يجهز الفطور
جواد: رنوده تكفين خلينا ننام بس خمس دقايق
ريناد تخصرت: والله بالله عليك من الي ياكل فطور معي قومو اذا ماقمتو اليله تنامون بالشارع
وقف جواد بخرشه: خلاص خلاص بس الا النوم باالشارع....
راح للحمام بس شاف زيد ماقام وركض له وهو يسحبه عشان يغسل وجهه...
طلعت ريناد ~اهههخ لو كنت موجود ياناصر والله اني احاول اتعود بس مااقدر والله مااقدر~ قاطعها سعود
: وين رايحه بالتفكير؟
ريناد: لا مافي شي المهم الحين اروح اجهز الفطور انت اجلس بالصاله
هز راسه سعود بالموافقه وشافها وهي تنزل وقال بنفسه ~كانت امي معها حق لما حزنت عليك الله يعينك~ كانت ريناد تحت عينها سواد ووجها ذبلان وهاذا الي خلاه يحزن عليها مرره
نزل معهم سعود وكانو يتحلطمون...
جواد: قسم اني احس بنوم مو طبيعي
زيد: اي والله كله من سعود ذا
سعود: اقول ياولد انت وهو بعد اسبوع المدارس وجدي وعمي قررو بكرا نروح للمزرعه وانت ياجواد يقول عمي لازم تكونون معنا...
قاطعتهم ريناد الي مقهوره منهم: اقووول تعالو احسن
لكم اووووف
تقدمو منها وجلسو وبدو ياكلون...
زيد: رنوده حبيبتي صبي لي شاهي
جواد: اووف ليه ماتبغئ حليب؟
زيد: ليه فيه حليب
جواد: اييه ياولد فيه
زيد التفت لريناد: اجل يا.....
وقف كلام وهو يشوف وجه ريناد الي معصبه منهم
سعود وهو حابس الضحكه: انا الي راح اصب لك
زيد: اهه تمام تمام صب لي ياخوي
كان بياخذ الكاسه بس اسحبتها ريناد منه: انا الي راح اصب مو لازم انت
حطت لكل الكاسات حليب ووزعتها...
جواد: بس انا ابغئ شاهي
ريناد بعصبيه: والله مالي خدامه عندكم اسال كل واحد وش يبغئ
وهي تروح بعصبيه...
ناضرهم سعود وهو حابس ضحكته لسه...
التفت له جواد: اضحك الحين تنفجر علينا
هنا سعود فطس ضحك: ههههههههههه ياويلي وجيهكم ههههههههههههه تضحك ههههههههههه
_________________________
شركة الراسي♕...
كان يفكر بس قطع تفكيره طق الباب...
ابو زيد: تفضل
دخل الشخص ووقف ابو زيد وهو يرحب به...
ابو زيد: هلا والله بتامر تفضل اجلس
جلس تامر: هلا فيك ياابو زيد انا بصراحه جايك بموضوع خير
ابو زيد بااستغراب: ان شاءالله خير وش صاير
تامر: بصراحه ياابو زيد انا جاي عشان اخطب بنتك الكبيره لي وانا بصراحه لما شفتها بعزيمتك قلت ابغئ اخذ هالبنت ويعني منها اخذها ومنها استر عليها بسبب الرجال يالي شافوها ذاك اليوم
وقف ابو زيد وهو يتوجهه للباب فتح الباب واشر له للخارج: اسمع لاانت ولا امثالك يتكلمون علئ بنتي وانت الحين تنقلع من هنا لاني مااتشرف ان شخص مثلك يدخل مكتبي وانا احترمتك عشان ابوك بس الحين لا ...وبصراخ... براااا
وقف تامر وطلع وهو منزعج منه...
___________________________
عند البنات...
لينا: ياويطي ياخي خل تنقلع ليه تجي
ام رائد: لينا عيب عليك هاذي بنت خالتك
لينا: يممه هاذي تكون بنت خالت ابوي مو بنت خالتي
طلعت ام رائد وهي عارفه ان بنتها معها حق لانها اذا جت هي وامها المشاكل تجي معهم...
راما: ليكون ليالي الي تتكلمين عنها؟!!
جوري: اييه عد صدق اذا هي جت معنا للمزرعه والله تجيب المشاكل
نوره: اقول خلاص بنات راما هي توافق انها تجي ريناد
راما: ان شاءالله توافق مع اني احسها ماراح توافق
جوري بحزن: لييه والله اني حبيتك صراحه
راما: وانا كمان حبيتك بس انتي تعرفين ريناد لسه ناصر
ليلئ: خلاص يبنات ان شاءالله توافق
الكل من قلب: انشاءالله
___________________________
بيت اول مره نجيه...
ميار بدلع: ماميتووو
ام خالد: وجعيه توجع هالوجه قولي يمه مو... وهي تقلدها... ماميتووو
ميار: يعني وش تبغيني بنت كذا انا ابغئ اكون انثئ
قاطعهم خالد هو وابوه داخلين...
خالد: ابغئ اكون انثئ قال والله انتي الي كرهتيني بالزواج
ابو خالد: وليه كرهتك باالزواج وش سوت
خالد: اقول يبه ماكرهت امي من كثر مابنتك تتدلع
ابو خالد: خلوود اسكت امك تاج علئ راسي وراسك فاهم
وقرب منها وهو يحاوطها بيدينه: هاذي حلوتنا
صفرو ميار وخالد بحماس: اوووه يعصافير الحب ههههه
ام خالد وهي تدعي العصبيه وهي من داخلها ميته حياء: اسكت انت وياها وانتي انقلعي لجوالك هاذا وانت مو عندك شغل انقلع احسن لم يالله انقلع قلت ادب
راح خالد لغرفته وهو يضحك وميار راحت لغرفتها وهي تسب حالها لانها ماطلبت منها الي تبغاه
غرفة خالد...
جاه اتصال وكان الي يتصل ... رفيق قلبي الغبي♡... ولي هو زيد رفع جواله بضحك: اووه شوفو من يتصل
زيد: ياخي اقلب هاذا وجهي وانا اتصل عليك
خالد: امزح امزح معك ياولد
زيد: تمام
خالد: الحين انت وش تبغئ اخلص قل
زيد: اهاه نسيت اسمع يقول عمي تعال انت واهلك للمزرعه
خالد: طيب راح نجي
زيد: تمام ننتضركم مع السلامه
خالد: بدت السحبه المهم لي ربي انا
زيد: ياغبي انا اكلمك وانا عند اختي
خالد: وانا اقول وش فيك المهم مع السلامه
زيد: مع السلامه
قفل منه وهو يقوم عشان يقول لها بدري نزل وشاف امه وابوه وميار جالسين تقدم منهم: السلام عليكم
الكل: وعليكم السلام
التفت لخته: جهزي اغراضك بكرا عمي عازمنا للمزرعه
ميار وهي تقمز: وااااااو صدق والله وحشوني البنات
ابو خالد: اهجدي يبنت متئ اعزمونا ياخالد؟!
خالد: توه علمني زيد
ام خالد: زين ييمه يالله ياميار روحي جهزي اغراضك
ميار وهي تروح فوق: تمام ماميتووو
ام خالد بصراخ: ماميتو بعينك
ضحك خالد وهو يجلس وتقهوو وهم يسولفون وهم سعيدين يحسون انهم احسن عيله بالدنيا...
تعريف...
ابو خالد: همه شغله وعيلته طيب وحنون بس بعض الاحيان تجيه حالات غضب وهو صديق ابو ليلئ من زمان
ام خالد: طيبه وحنونه بس تبين العكس وتحب عيالها بشكل مو طبيعي
خالد: عمره(٢٥) حنون مع الي يعرفهم بس الي مايعرفهم يكون بارد وهادي وعصبي
ميار: عمرها(١٩) طيوبه ومهبوله بشكل مو طبيعي وتحب البنات
_________________________
بيت جواد...
كان جالس مع ريناد وزيد وسعود وحمد الي سعود اتصل عليه وخلاه يجي...
ريناد وهي تصب شاي: ياخي شجوكم؟
زيد: جونا غير عنكم يابنات
ريناد: انت قول وش جو البنات؟!
زيد: لما تجتمعن تتكلمن عن البنات الي لابسه كذا والي لابسه مثلكن وتتكلمن بالمكياج وانتن كل وحده تكره الثانيه
ريناد بضحكه: وكيف عرفت؟
فز جواد: يعني تكرهين رغد؟؟!!؟
ريناد بنذاله: وليه جت ببالك رغد يمكن مااقصد رغد
حمد وهو يناضره: اخسس والله وصرت تحب ياجوادوه
رجع جواد ينسدح بفشله: لا مااحب ولا شي
ناضرو بعض وضحكو...
______________________________
بيت الراسي♕...
ابو ليلئ: يعني يبغون يتغدون عندها؟!
ام زيد: ايه ياعم
ابو عبدالله: وليه عاجبينهم قليلات الادب والاخلاق
ابو زيد بحده: والله عاد بناتي ماهن لاقليلات ادب ولاقليلات اخلاق وانا ياعم احترمتك كثير بس انت واضخ انك ماتستحق الاحترام
وقف ابو عبدالله بحده: وش هالكلام هاه انا مااستحق احد يحترمني انا عمك وغصبن عنك تحترمني
وقف ابو ليلئ وبهدواء: بس انت وياه انتو الحين تقللون من احترام اي شخص جالس هنا فاهم انت وياه وانتهينا وانت ياابو عبدالله البنات لاانت تعرف اخلاقهن ولا ادبهن بس انت شفت هالاشياء ببنتك وقلت خلاص بناتها مثلها احب اذكرك ان بنتك تربايتك انت...
قاطعه البنات الي يودعن راما لانها راح ترجع للبيت وهي غصبت جوري الا تجي معها عشان تتعرف علئ ريناد...
لينا: بالله عليك زورينا
راما: ان شاءالله حبيبتي يالله مع السلامه
البنات: مع السلامه
وقفها صوت ابو زيد: وين رايحه ياراما انتي وجوري؟
التفتت راما باابتسامه: والله يبه نبي نروح للبيت عند ريناد وجواد وكمان اخواني هناك وقالو اني لازم اجي عشان نسولف شوي واذا ودك تروح امش
ارتاح قلب ابو زيد لما قالت يبه حس بشعور اول مره يحسه: طيب مع مين تروحون؟
راما: مع سواقنا
ابو زيد: مايحتاج سواق الحين انا اوديكن... والتفت علئ ام زيد... تروحين؟
ام زيد باابتسامه حنونه: امش يالله
راحت ام زيد عشان تتجهز وطلع ابو زيد وانتضر حتئ جت ام زيد وانطلقو...
_______________________________
ستووووب...
وش تتوقعون يصير بالبارت الجاي🤔
وكيف لقاء ريناد ومحمد وكيف راح يكون
كل هاذا نعرفه البارت الجاي...
وبااااااي👋
DU LIEST GERADE
✨ابنتي✨ (مكتمله)
ChickLitمنال تزوجت ولد عمها بس بسبب المشاكل كثرت تطلقت منه وهي بينها وبينه عيال... لاتحكمون علئ القصه كذا ادخلو وشوفوها... حسابي بتطبيق تيك توك... pirndxbn4rm@
