تحت قبضة الأجدع

البارت الرابع

"تحت قبضة الأجدع"

بقلمي انا الكاتبة::- بلبل

حلواتي لا تنسون التصويت +التعليق بين الفقرات+متابعة للحساب ..💙

الانستكرام::-ze8.h
الواتباد::-zai9_hr

______________________

هَاي انه
العَليل التَايه المَايندل المَتعوب
ٱلباگتني الشَمس والمَستحى والبَوب
العِشت دور الچَتل والفَگد والمَطلوب
وللحَيل مَامِش حَيل
فَرزنت الحِزن من أخَر الدنيا وخَذاني الريل
تعَبيت وگضة صَوتي بنحَيب الليل
لا رَديت عتبة بابنه وأضحَك
ولا جَدامي خَذتهه دروب
يَدولاب الوكت هالضَيم ما مَرغوب .

________________________

نـــور::-

الدكتور:-نور بابا انتِ تعرفين من البداية وضع ابـوچ وكُتلچ
قبل لا نسوي العملية شرحتلكم حالتة وهسة خلصة الـ ٢٤ ساعـة وامجد

::-اشبي بابا؟؟

حسن:-احچي دكتور صايـر؟

الدكتور:-البقية بحياتكم سوينة كُلشي بيدينه وحتى دكاترة من برا العراق درست مرضى
ومن صبح احنا نحاول بأي طريقة يرجعلة وعيا قبل الـ ٢٤

اتمنى تبرونة الذمة وحاس بشعورچ بابا مـو سهلة عليچ بس شكول غير الله يصبرچ ....اترخص

كُلنا جمدنة ولا واحد حجة
دكتور يحجي وأحنا بس نسمع ڪُل حرف يطلع منه
راح واني نتهيت خلاص احلامي مستقبلي كُلشي رسمتة خططتة انتهى وراح وي اهلي

ياريت صدمتهم وحده ولا هيج علعلو كلبـي يومية واحد صادمني

كعدت بالكاع واني جامد بس نفسي يصعد وينزل أحس حتى
الهواء التنفسة صار مرض على كلبي

عيوني اجمدت كلبي احسة سچاچين وتشكك بي متت نتهيت خلاص بعد

حسن وخالد واحد يضرب بوجهي وثاني يكوم بيا يريدوني اتحرك برد جسمي كُلة اطراف أدية اجمدت

اريد ارفع ايدي ماكدر صارت روحي ثكيلة على روحي بديت أفقد شوي شوي لحد مغمضت واني مصدومة

.................

اســراء::-

رجعنة من دفن بيبي وأمي تلطم وصيح ملخت روحها تملخ ، كسرت كلبي أول مـره أشوفها هيچ منتهية
صرت ابچي على بچيها وصياحها ومعاتبها على بيبي