My first poetry book. It's all about achieving dreams, facing life's challenges, how bitter it is to fail and to lose self-confidence. But most of all, how to redeem yourself.
Tumaliwas ka sa mga nakagisnan na Kumaliwa ka kung nasa kanan sila Huwag kang makinig sa mga idinidikta Huwag mong hayaang ikahon ka rin nila
Hindi masama kung ikaw ay naiiba Kumilos ka habang sila'y nagpaplano pa Walang tamang oras kung hindi ngayon na Bumangon ka habang nakapikit pa ang iba
Sila ang madla habang ikaw ang kumakanta Ang nagbibigay kaysa tumatanggap ng barya Ikaw ang sagot sa mga bagay na ipinagtataka Sila'y mananatiling pamahiin habang ikaw ang siyensya
Hindi mo kailangang sundin ang nakagisnan na May kakayahan kang baguhin ang nakasulat sa istorya Wasakin mo ang kadenang nakatali sa kamay at paa Huwag mong hayaang balutin ang puso mo ng kaba
Hindi lahat ng tao sa paligid ay iyong mapapasaya Pero ang iniisip nila ay hindi mo na problema Huwag mong hayaang itali ka lang na parang isa tuta Maging ang hayop ay naghahagad din na makawala
Hindi ka lamang isang bulaklak na nakapatong sa mesa Ikaw ay may mga tinik din na maaari mong gamiting sandata Huwag mong limitahan ang bagay na magagawa mo pa Tahimik na kumilos at hayaan mong sampalin sila ng resulta
-iampeterpen
Oops! This image does not follow our content guidelines. To continue publishing, please remove it or upload a different image.
