الحب الخاطئ الجزء الاول

20

20
قبل ما ابداء البارت بعتذر جدا اني بجري الرواية لانها لازم تخلص قبل رمضان وخلاص كلها كام بارت والرواية ه تنتهي واتمني تكون نالت اعجابكم
انا اي رواية بعملها بتكون ليها عبره وموضوع انا مش بحب قصص الخيال اوي انا انسانه واقعية بحب اجيب مواقف ومشاهد من الواقع اللي احنا عايشين فيه ممكن تكون حزينة شوية شويتين لكن فيها عبره وفكره
اسفه جدا لو فيه اي اخطاء إملائية بس انا بكتب علي الورق وبعدين انقل علي الفون الموضوع صعب وعلشان الوقت واقدر اخلصها ممكن تكون في غلطه في حرف كلمه بعتذر عنها
❤❤❤❤❤❤❤❤❤❤❤❤❤❤
في صباح يوم جديد
مني كانت نايمة وصحيت لقيت نفسها في شقة ادهم واوضته وكمان في حضنه
مني بصت لنفسها وافتكرت ليله امبارح وقامت بسرعة علشان تلبس بسرعة اما ادهم فاق بسبب التحرك في الاوضة وصوت العياط الشديد
فتح عينه وشاف مني ومكنش عارف هي بتعمل ايه هنا
ادهم بدهشة.....  مني انتي بتعملي ايه هنا وبعدين بتعيطي كده ليه
وبعدين شاف نفسه وبصلها بصدمه وافتكر اللي حصل امبارح من شربه واتصله بيه واعترافه بحبه ليها وانه قرب منها و زني مع واحده متجوزه
مني ببكاء.....  ليه عملت كده
ادهم قام لبس بسرعة......  انا مكنتش في واعي وانتي المفروض كنتي واعية للي بيحصل انتي ممنعتيش ده
مني ببكاء......  ممنعتش علشان بحبك بس انت لو بتحبني بجد مكنتش عملت فيا كده وتخلني في نظري واحده خاينه
ادهم بسرعة وبدموع.....  اطلقي منه وهنتجوز انا بحبك بجد يا مني
مني بدموع.....  مش هيرضي يتطلقني انا عارفة
ادهم قرب منها....  جربي مفيهاش حاجه لو جربتي وبعدين احنا بنحب بعض وهنشوف اي طريقة نتجوز بيها
مني بدموع.....  انا لازم امشي
وسابته ومشت
ادهم قعد علي السرير وهو متغاظ من مني ومن صحابه ومن نفسه انه عمل حاجه زي كده وغلط مع واحده متجوزه اعمل ايه بس يارب سامحني
💔💔💔💔💔💔💔💔💔💔💔💔💔💔
عند تقي صحيت جهزت الفطار وفوقت جوزها وعيالها ومامتها كانت بتحط الفطار علي السفره
تقي بعد ما اخد شاور ولبس وصلي خرج
قاسم.....  صباح الخير يا ماما
ندي.....  صباح النور يا بني يلا تعالي افطر
قاسم....  حاضر وجلس علي السفرة وشوية خرجت تقي وحسام واسر وهما مضايقن ان مامتهم صحاتهم
قاسم بحب.....  مالك يا حلو منك ليه
حسام بغيظ......  يابابا اقول لماما انا مش عايز افطر عايز انا تصحيني بالعافية
واسر كمل كلامه......  ايوه احنا نايمين متأخر
قاسم بحب........  وايه اللي نايمكم متأخر بقي يا بشوات
اسر....  كنا بنلعب يا بابا
قاسم بتحذير......  تاني مره تناموا بدري علشان تصحوا بدري مفهوم
اسر وحسام بتذمر......  مفهوم
قاسم لتقي....  يلا علشان تفطري.
تقي......  انا سبقتكم انا صحيت الساعة سبعة كنت جعانه كلت
قاسم.....  بجد ولا بتسكتني
تقي .....  مش مصدقني يا قاسم اخص عليك حتي اسال ماما
ندي.....  فعلا هي فطرت الصبح قدامي وانا اللي عمللها الفطار بنفسي متقلقش
قاسم.....  اعمل ايه في بنتك اللي مدوخاني وراها الدكتورة منبه علينا انها تتغذاء كويس علشان صحتها هي والبيبي
ندي.....  متقلقش هي في عنيه هخلي بالي منها
قاسم....  ربنا يخليكي لينا يا ست الكل وميحرمناش منك أبداً يارب
ندي....  ولا يحرمني منكم ابدا يا بني واشوفكم متهنين مع بعض قادر يا كريم
قاسم. باس ايديها وقال.....  يارب يا امي.
❤❤❤❤❤❤❤❤❤❤❤❤❤❤
عند ممدوح و سامية كانوا بيتكلموا
ممدوح....  بعد اما تقي تولد انا هجيبها تعيش هنا انا اصلا كنت عايزها تجي من دلوقتي لكن هي قالت هتطمن علي تقي وابنها وبعدين هتجي تعيش هنا معايا
سامية بحب......  تنور يا حبيبي تنور انا اصلا بحب ماما ندي حنينه وبتعملني زي بنتها هي تجي تنور وانا اخدمها برموش عيني
ممدوح اخدها فحضنه....  بنت اصول يا قلبي ❤ لما اخترتك اخترتك صح ربنا يخليك ليا وميحرمنيش منك ابدا
سامية بحب......  ولا منك ومن ولادنا يا قلبي ❤
❤❤❤❤❤❤❤❤❤❤❤❤❤❤
في البيت عند حسن وفاطمه
كانت فاطمه بتخدمه
حسن وهو فمه معوج بسبب الجلطة.....  فاطمة يا فاطمة
فاطمه جت بسرعة.....  ابوه يا حج
حسن بدموع.....  كنت عايز اتكلم معاكي شوية
فاطمه......  براحتك يا حج اللي عايزة انا خدمتك
حسن بدموع.....  كل اللي حصل لينا من بعد خالد لموت فارس لعجزي كان بسببنا
فاطمه بستغراب.....   واحنا ذنبنا ايه بس يا حج.
حسن.....  ذنب مني اللي بيعنها برخيص علشان خاطر متحبس وبسبب معملتنا الوحشة معها وكلامنا القاسي ربنا بيخلص حقها مننا واحد واحد
وحرمنا من الولاد التالته خالد معرفش ليه طريق وقاسم سابنا وسافر وفارس مات بسببنا بسبب التربية الغلط اللي احنا علمنهاله ياريته كان اتغير زي قاسم مكنش حصله اللي حصل
فاطمه بدموع......  بنتك جات في الدفن ابنك ودعت علينا كلنا وقالت عمرها ما هتسامح حد ابدا يا حج
حسن بدموع......  ليه حق متسمحش حد ليها حق بس انا عايز اشوفها ولو لمره واحدة بس انا حاسس اني هموت قريب يا فاطمة
فاطمة بدموع......  لا متقولش كده ياحج بعد الشر عليك عايز تسبني لوحدي انت كمان مش كفايه ولادك. كلهم
حسن هاتي التليفون بتاعي يا فاطمة
فاطمه راحت جابت التليفون بتاعه وقالت.....  اهو يا حج التلفون
حسن.....  اتصلي علي مصطفي يا فاطمة وهاتي اما اكلمه وافتحي مكبر الصوت
فاطمة....  حاضر يا حج وفعلا رنت علي مصطفي ولما رد فتحت مكبر الصوت وقربته منه
مصطفي.....  ازيك يا حسن
حسن بدموع.....  الحمدلله بخير
مصطفي.....  عايز فلوس ابعتلك
حسن بدموع......  لا يا مصطفي عايز اشوف مني الله يخليك
مصطفي.....  بقولك ايه مني مش عايزة تشوف وش اي حد فيكم وانا هلبي رغبتها
حسن بدموع......  الله يخليك مره واحده وبعدين هي مش عايزة تشوفنا علشان جوزنها ليك
مصطفي بضيق....  بقولك ايه يا حسن قولتلك مش هتشوفها وكفاية بقي لغاية كده انت سامع انا عايز اعيش الكام يوم اللي فضلني بهدوء وسلام معها مش عايزها حزينه بسببكم يلا مع السلامه وقفل الخط
اما حسن الدموع نزلت من عنيه وهو بيقول....  الو الو ورن تاني لكن مردش عليه
فاطمة بكت.....  وقالت معلش ياحج هبقي اروح اترجه يدينا العنوان ونشوفها حتي لو من بعيد لبعيد اهدئ انت بس الله يخليك صحتك مش مساعدة علي الكلام ده
حسن سكت وهي خرجت بره
حسن بدموع.....  فوقت متأخر اوي يا بنتي سامحني
سامحني يارب سامحني
💔💔💔💔💔💔💔💔💔💔💔💔💔💔
في بيت اول مره نروحه كان بيت المحامي رافت
حضر لولاده الفطار وكان علي السفرة وبيجهزهم للمدرسة
رافت.... فرح يلا شوفي ريتاج جهزت ولا لاء الباص علي وصول اخلصوا
فرح.....  حاضر يا بابا
اما احمد صاحب الاربع سنوات كان يجلس ويلعب بل الموبيل بتاع ابوه واتصل بل الغلط علي رقم عشوائي
وكانت واحده.  . الو
احمد بيضحك بطفوله... الو
الست ضحكت علي ضحكته وقالت....  انت مين بقي يا عسل
احمد بطفوله وضحك. ....  احمد انتي مين
رافت انتبه ان ابنه بيتكلم في الموبيل بتاعه اخده منه بسرعة وقاله....  بتكلم مين يا مصيبة وبص علي الاسم واتكلم
رافت بأعتذار......  اسف جدا يا استأذه انا رافت وده ابني كان بيلعب بالفون اسف علي الازعاج
العميلة.....  مفيش مشكله ابدا ومفيش ازعاج ابنك عسل جدا ربنا يخليهلك.
رافت ابتسم.....  شكرا لذوقك وبعتذر مره تانية
العميلة....  العفو مع السلامه
وقفلوا الاتنين
عند رافت شاله وقاله......  مش انا قولتلك متتصلش بحد والعب كل يوم تتصل بحد واقعد اعتذر من الناس مش كفاية يعني
و فضل يبوسه من وجهه وهو بيضحك اوي ويقول.... خلاث ولله مث هعمل كده تاني خلاث بقي بطل
رافت وقف سيل القبل ده وقاله.....  ولو حصلت تاني هعمل فيك ايه
احمد حط ايده بتفكير علي وجه وقال.....  بوثني تاني
رافت حضنه وقاله.....  حبيبي يا حوده نفسي بس تبطل شقوة شوية اخواتك هاديين الا انت تعباني يلا علشان تجي معايا المكتب ومتعملش مشاكل فاهم
يلا يلا يا بنات كل ده بتعملوا ايه
البنات خرجوا والباص وصل وركبهم وراح علي عربيته وركب هو وابنه
رافت بياخد ابنه معه المكتب يفضل قاعد معه علي ما يرجع من الشغل واخواته من المدرسة لان محدش بيقعد بيهم لان رافت جاب اتنين داده ولكن الاطفال اشتكوا منهم ومن معاملتهم ففضل ان هو ياخد احمد معه وجرب يتجوز علشان مراته تربي اولاده لكن مفيش حد مناسب ليه
ودلوقتي بيفكر يتجوز علشان واحده تربي اولاده.
ولا يفضل كده ويربيهم هو وياخد باله منهم
❤❤❤❤❤❤❤❤❤❤❤❤❤❤
عند مني. كانت قاعدة بتبكي جدا وبتضرب نفسها ميت قلم وقلم علي اللي حصل امبارح
والباب الاوضة اتفتح فجاة واتفاجات بمصطفي واقف
مصطفي وينظر لها بشدة
مني ارتعبت جدا وخافت ليكون عرف اللي حصل
هنا. انتهت حلقتنا
هل مصطفي عرف حاجه
ايه رايكم رافت يتجوز ولا يربي ولاده هو بنفسه
وهل مني هتطلب الطلاق ولا لاء ومصطفي هيوافق ولا لاء
هل ادهم لو اطلقت هيتجوزها ولا لاء