وفاليوم الثاني قامت الدماني الصبح وحبت تفاجئهم وتسويلهم ريوق وبصدفه لقت حمدان بالمطبخ يدور بثلاجه شي ياكله
حمدان : اوه اوه الدماني هنيي ليكون بعد انتي يوعانه
الدماني بكل ثقه : لا ولله حبيت اسويلكم ريوق وتجربون اكلي
حمدان : يتي بوقتج يلا تعالي ( سحبها من يدها ) سويلي اكل يوعانننن
الدماني : يالدفش وخر ايدك عني وبعدين انا م بسوي حق بطنك بس يلا قوم اطلع برع عشان اسوي ع راحتي بدون ازعاج يلاا اشوووففف
حمدان : اعوذ بالله منج وراح شل له بسكوت ودقها بجتفها بقوو وطلع يركض
الدماني بصراخ : وجععع توجععع عظاامك قووول آمييين
وع صراخها دخلت الخدامه: شوفي مدام ليش نتي يسوي صراخ
الدماني : عنلاتها من رمسها افتك من وسموه تطلع لي هذا ، اقولج انجلعي برع لا اهفج بطراق وبنفس الوقت سمعها ذياب ودخل
ذياب : لحظه لحظه بتهفين منو بطراق ؟ ( الخدامه خافت وطلعت برع )
الدماني نزلت راسها من غير رد تقرب منها ذياب بكل عصبيه ومسك جتفها بقو : يوومم انا اكلمج تردين عليه تسمعييين ؟ دزها وراح
الدماني تجمعت في عيونها الدموع ودخل عليها حمدان مسكها من يديها : لا تزلين دموعج ياخي ولله م اقدر اتحمل اشوفهم
الدماني بصياح : م جفته شوو سواا فيني هاا م جفته ؟ انا يسوي فيني جيي ؟
حمدان تقرب منها اكثر : خلاص يالدماني يلا مسحي دموع وسوي لنا ريوق يوعانه ترا
الدماني ضحكت عليه ودزته : انت م تشوف عمرك وايد مزودنها مره تمسك ايدي ومره ادزني ع جتفي م تستحي ع ويهك لا انت ولا ذيابوه الخايس
حمدان بصراخ : ذيااببب .. ذياااببب سمعتت الدم... م كمل كلامه والا الدماني حطت يدها ع حلجه وتم حمدان يضحك عليها وشلت ايدها
الدماني : ولله حيوان حيوان يعع اكرهكم ولله بخبر عمي عليكم
حمدان : تعالي تعالي خلي عنج هذا مب توج تقولين لي م تستحي ع ويهك تمسك ايدي الحين منو متقرب مني هالكثر ها ؟
الدماني حست ع روحها وتفشلت وطلعت حمدان برع المطبخ وسكرت الباب عشان لا يدخل عليها حد وقعدت تسوي الريوق لانها واييد تأخرت
