لبيه ياعروق قلبي وسمي

4

عند رهف
الهنوف بابتسامه:هاييي بنات
جات هيام ونوف يسلمون عليهم
هيام :يمهه خلاص جو البنات يساعدونا يمديك ترتاحين
الهنوف :ايه يا خاله روحي ارتاحي وكمان ترا ماما وحاله بدريه اجتمعو
نوف:وخالتي ام جابر بتروح كلمتني امل
ام ياسر وقفت:اجل انا بروح لهم
وراحت تتجهز
الهنوف :اجل انتم وش تنتظر كل وحده تنظف مكان
نوف:خلينا نقسمه انا ورهف نروح الغرف وامل الصاله وانتو المجالس وبعدين كلنا نجتمع للمطبخ
كلهم:تم
نوف ورهف طلعو فوق
نوف:انتي تنظفي غرفة فيصل وانا غرفة رائد
رهف"انظف المطبخ احسن من انطف غرفته"تمام
نوف اشرت على غرفه فيصل وهي اتجهت لغرفه رائد

رهف اتجهت لغرفة فيصل وفتحت الباب انصدمت ماتوقعت كذا غرفت فيصل كانت مبهذله بس مب مره
رهف:الله يقلع عدوك يا فيصل
وقفلت الباب وجلست تشيل الملابس من الارض لاكن انصدمت يوم سمعت صوت شخص وراها
وش تسوينن؟؟؟
رهف خافت لاكن بسرعه قالت بهدوء:وايش تشوفيني اسوي ؟
فلاش باك
فيصل جاه اتصال ورجع البيت علشان بيطلع
فيصل "يليل الغباء الحين اكيد هي في البيت
جلس يفكر وقال اجل بدخل من الباب الخلفي وسوها وطلع غرفته لاكن محد لاحظه من اهله
نهايت الفلاش باك
فيصل:مين سمح لك تدخلي غرفتي بدون استأذن؟؟
رهف:هدي جيت علشان انظفها لان اختك طلبت مني
فيصل سكت
رهف لفت يوم شافت سكت وصدت بسرعه بخجل:وجعع ماتستحيي خير البس تيشيرت مين قال لك اني اختك ولا امك عادي تطلع عندي
فيصل جلس يضحك على وجهها كان لابس بنطلون بس
وكمل طريقه لدولاب وطلع تيشيرت ابيض والبنطلون كان اسود ولبس معطف طويل وتوجه لتسريحه وعطر وخرج

عند رعد
رعد كان ماسك القهوه وجالس ينتظر
عمر:هلا والله تاخرت عليك
رعد:هلا فيك لا لا عادي اجلس
وين اخوك؟
عمر:مشغول انت كيفك كيف اخبارك وكيف اخبار امك؟
رعد ضحك :بخير بس لاتمون علشان مايجيك كف
عمر ضحك:معلينا الحين كيف لقيت شغل ولا
رعد:لا والله لسى
عمر بتفكير:ليه ماتقبل عرض جدك؟
رعد ضرب الطاوله وبعصبيه:تستهبل انت ولا كيف؟
الحين تبيني اتوضف واسطه؟مهي حركاتي ذي
عمر تنهد:انت الا الان على عصبيتك وبعدين مب جابر كان بيتوسط لك
رعد انقهر وبعصبيه:انت ماتفهم اقول لك مهي حركاتي وتقول جابر يتوسط لك؟؟جابر جاء معي علشان يدور شغل مناسب لي وانا اشوف ينفع لي ولا!
عمر:يخوي خلاص هدي مايحتاج كل ذي العصبيه
رعد:انت لاتستفزني علشان ما اقلب عليك
عمر تنهد وهو كاره طبع رعد
رعد كان يمزح وكل شي لاكن ممكن ابسط الاشياء تعصبه يعني عصبي مع الكل لاكن في اوقات يجي يمزح
وكان الفتره الاخيره يمزح ويستهبل ومايعصب علشان يحاول يغير جو اهله
رعد قام:يلا قوم خلنا نمشي
عمر :تمام
وراحو يحاسبو
الباريستا:كاش ولا شبكه؟
رعد :شبكه
عمر:خليني انا بدفع انت لسا ما اشتغلت
رعد انقهر وعصب:انت ليهه ماتحترم نفسك علشان ما اصفقك
مد البطاقه للباريستا وملامح العصبيه على وجهه دفع وخرج
عمر لحقه وهو ماسك كوبه:رعد ترا مب ..
قاطعه رعد بعصبيه:عمر اسكت عني علشان ما افصل عليك لان والله مارح يصير طيب
عمر:خلاص اهدى تبيني اوصلك؟
رعد:لا بروح مع صاحبي
عمر طالع فيه وتنهد وهو عارف انه رح يعانده :اجل مع السلامه
رعد :مع السلامه وراح استاجر تكسي
"انا لو رايح مع جابر احسن لي من ذا الغثاء كله"
عند البنات بعد ماخلصو تنضيف وسوالف كل وحده راحت بيتها
رهف ماتكلمت مع الهنوف عن الي صار ومشيو طبيعي للبيت الهنوف ماهتمت وتوقعت من التعب
رعد كان موجود ويدخن يوم شافهم فيه رما الدخان ودعس عليه
رعد بحده:السلام وين كنتي انتي وهي وليه تاخرتو
رهف بملل وتعب:في بيت عمي ابو ياسر ووخر عني لان والله مره تعبانة
رعد بحده:وليه كل هذا التاخير
محد حب يناقشه ودخلو البيت
رعد رجع ولع ويوم شاف سعود سوا نفس الحركه
رعد بحده:اشرفو العروسات وين كنتو
فارس بعدم فهم:مافهمت
رعد بحده واستهزاء:كيف الزفه عجبتكم؟وصرخ ماتنطق وين كنتو وتاخرت لذا الوقت
فارس بحده:شفيك تصرخ زي المجنون
رعد بحده :تاركين الحريم بس ب البيت وبعدين اخواتك كانو في بيت لوحدهم
سعود:مافهمت وش الخطاء وكانت عن بنات عمي ابو ياسر؟
رعد بحده:اكيد مارح تفهم انت ليه تارك البنات لوحدهم ولو دخل عليهم احد؟ولا صار لوحده شي عادي عندكم لذي الدرجه!!
سعود كان بس يبي يخلص منه ومن صراخه:خلاص خلاص غلطانين ابعد الان عني
رعد:اكيد غلطان وراح وهو كله عصبيه
سعود كان منقهر منه بس احترم نفسه لان فارس فيه
ومايبي يكبر السالفه ودخل البيت
شاف رهف نايمه ودخل على
الهنوف وشافها صاحيه
الهنوف بابتسامه:يا هلا منور حبيبي
سعود جلس عندها وحط راسه على رجوله
الهنوف :وش فيك؟
سعود قال لها كل شي وهو مقهور وقال انه كان بيتضارب معه بس سكت علشان فارس
الهنوف تنهدت:شوف يمكن تعبانه اصلا واضح وجهه متضايق وفيه شي ف وش رايك تمشيها له وبعدين وش تتهاوش معه تراه اخوك الكبير ولازم تحترمه وانا اقول لك وبكلمه ولو عادها رح اتهاوش معه بعدين انت لسا ماتعودت عليه ؟وبعدين من خوفه علينا
سعود بضيق:متعود متعود بس انقهرت
الهنوف:خلاص عاد خلنا نقوم نتابع فلمنا
سعود:قدام
وقامو جهزو الاغراض وفكو المسلسل وجابو لحاف
وجلسو ومامرت عشر دقايق الا والهنوف نايمه
سعود بضحكه:وتقولي نتابع فلم اخر مره اتابع معها
وقام اخذ الابتوب وحطه على الطاوله وحط عليها الحاف وراح نام
عند رعد
كان متضايق انه صارخ على سعود ومتضايق من كلام عمر ومتضايق ان سعود حط البنات لوحدهم في بيت وراح ومتضايق من كل شي ونام بعد تعب
الصباح
الكل تجمع للفطور في بيت الجد وكانو يجهزو  الفطور وكل شي
الجد باستغراب:وين رهف وهنوفه؟
رعد بهدوء:نايمين
ام ياسر :لايكون امس تعبو عاد ماسكين البنات كرفو كرف سنين
ام رعد:وش تعبو خليهم يكرفو احسن من ذي القعده الي مامن امها فايده وحلا روحي صحي خواتك
رعد بهدوء:حلا امشي بجي معك
وطلعو ومامرت عشر دقايق الا يسمعو صراخهم
ونزل رعد وحلا وهم يضحكو
ام جابر بخوف:بسم الله عليهم وش فيهم
بدريه بخوف:روح ياولدي شف خواتك
ام رعد كانت تتقهوى ولاهي مهتمه لان عارفه وش فيهم
رعد بضحكه:مافيهم شي مافيهم الحي..
ماكمل كلامه الا ينرمي عليه جالون مويه
الهنوف من القهر كانت تبكي
رعد  كان مبلل كامل والكل كان منصدم  نزلت الهنوف وهي تبكي وورها رهف الي من القهر  شوي وتبكي
رعد وهو ينفض ملابسه وبقهر :انتيي وش فييي عقلك
رهف بصراخ:شوفف يارعدد صحيني بذيك الطريقه مرههه ثانيه ووربييي اني اخلي غرفتك تتروش
رعد شاف الهنوف وماقدر يكتم ضحكته:انتيي وش في امك تبكين ولا اخذتي عادت اختك المجنوونه
كان يقصد رهف لان لو انقهرت مره تبكي
رهف ماهتمت لكلامه
الهنوف بقهر:رعدد وربييي انك كلب
رعد بضحكه تقدم بيحضن الهنوف
الهنوف صرخت عليه :ابعددد
وتوجه يحضن رهف الي مابعدت
رعد بضحكه:والله اني احبك
رهف :حبتك حيه بسبع اراس
رعد بضحكه :رهف
رهف بملل:نعم
رعد وهو انكتم من كثر الضحك:تدري انك طول عمرك بقره
رهف :خيررر مين البقره وايش سويت؟
الهنوف قالت وهي تضحك:هيا خذلك البقره ذي انتي مافهمتي وش قصده بذا الحضن ؟
رهف بالبدايه ماستوعبت بس يوم بعد رعد فهمت وصرخت وهي تشوف كل ملابسها مبلله:رعددد ياحيوان انا احسبككك فجاء صرت طيبب يااا حيوان مالتتت عليك وعلى حضنك الخايس انااا الحين وش اسوي وطلعت فوق وهي مقهوره وصارت تدمع من القهر
فارس كان ميت ضحك وقال وهو ماسك بطنه:والله انك حيوان شف خليتها تبكي
سعود بضحكه:معليك هي كذا دايم لو انقهرت دمعة يعني دموع القهر
ام رعد بتنهيده  :انا لله وانا اليه راجعون
جابر كان مصدوم ان ذولي كيف عايشين مع بعض وكيف كذا عائله كامله من الام لاصغر الاطفال مافي احد صاحي
فيصل كان يقول الحين انا احسب بس هي الهبله بس طلعو كلهم
ام جابر بضحكه:وانا احسب رعد  والهنوف عاقلين
ام رعد وهي فاقده الامل:ابشرك انا على نهاية عمري ولا جبت واحد عاقل
الهنوف بضحكه:بسم الله عليك وشو على نهايت عمري
امل بضحكه:ماخذين الحياه فله
جات رهف بعد مابدلت:ترا والله مارح يفيدكم شي اخذو الدنيا برحابت صدر يعني ميثال شوفوني انا
الجد بضحكه:خذو النصيحه من افواه الحمقى
سعود:بالاوله اتفق لاكن الثانيه لا
رعد بضحكه:يعني الحين لو كبيت عليك مويه بتاخذينها برحابه صدر؟
رهف:يعني على حسب يمكن اكسر راسك الي كبها ولا اكسر راس الي ينصحكم
ام رعد :اقول اخلصو علي وحطو  الاكل بيبرد