سلاسل الموت

السـلسلـة السـادس عَـشر

#سلاسل الموت

للكاتبـة 𝄵 Renad

لا لتنسـون التصويـت + التعلـيق بين الفقرات
+ متابعـة للحساب 𖣳

الـ بـارت السابـق ما چـان بـي تفاعـل
والواهـس صفـر اتمنـى تتفاعلـون بهـذا البـارت ورُغـم لازم السبـت ينـزل
بس حبيـت اسويلـكُم Surprise ♥

بـارت قفلتـة لطيفـة لأن باچـر ما اگـدر انـزل
فَـ نـزلـت اليـوم ♥🍒

صلـو على مُـحمد وآلِ مُـحمد 🤍
؁٭؁٭؁٭؁٭؁٭؁٭؁

- ويـن شوكت !!!

- روسيــل بروح اهلـچ تعالي المُستشفى
****** بسرعـة نقلـناهم هسـة

- جايـة جايـة

رحت ركض ماعـرف دربـي اجيت انضـرب بالحايط
بسرعـة بدلـت وهوَ يريـد يفتـهم شكو

- شبيچچ غيرر نفتـهممم

- كرار اتصـل جدي ومرت عمو مسويـن حادث ونقولـهم المُـستشفى ******

- امشي بسيارتـي

ماحچيت شي بسرعـة طلـعت چانـو گاعديـن جَـوة
ما باوعتلَـهم ركضت طلعت بسرعـة والحجيـة تريد تعـرف شكـو اول ما فتـح السيـارة صعدت كلشي
بيـة يرجـف ..

- اشربي ماي شوفي وجهـچ اصفـر !

- وﷲ اذا صارلـهم شي اموت

- اشششش كافي لا تحچين هيـچ اسم ﷲ اشربـي ماي جسمـچ يرجـف

اخذت البُـطل اشرب ونصـة وگـع ايـدي ترجف بهستيريـة بسرعـة البنـات اتصلـن بيـة

مَيس :- روسيــل رايحـة للمُـستشفى؟

روسيــل :- اي اي

رؤى :- جاييـن

سدنـة وحتـة ما فكـرت منـين عرفـن كلشي
ولا مرت عمي وجدي چنـت ضايجـة منـهم
بس حلفـت اول ميطلعـون سالميـن انسـة
كلشي صار

ولـكن حَـدث ما لا فـي الحُـسبان .. 💔

اول ما وصلنـة هوَ راح للأستعلامات بس عرفـت
رقـم الغرفـة ركضت اريد اوصل احس رجليـة صارن خيـوط روحي بـادت هنـاك وسمـعت صوت صيـاح

وگفـت بسرعـة دگات گلبـي يسمعهـه الأطـرش
جمـدت بمكـاني وآنـا اشوف كرار ومُـصطفى
والبنـات واهلـهن كُـلهم يبـچون ومصطفى
راح يركض للدكتـور يصيـح مُـعاذ لزمنـي من ايـدي اول ما وصلنـة
اجن البنات حضنني يبـچن وآنـا صافنـة ما اريد اسمـع اي شي بهـاي اللحضـة

روسيــل :- اشششش اسكتـن لا تحچـن شي

دفعتـهن ورحت اركض للغرفـة فتحتهـه شفـت
مرت عمي جاي يغطـوهه رحتلـهم اركض