💔مهره النعمان+١٨❤ ( مكتمله )

❤ الفصل ٢٨ ❤

انهارت مهره في بكاء مرير واخذ بدر يهدءها وعقله يعمل في عده اتجاهات
بدر : اهدي حبيبي عشان خاطري كل حاجه وليها حل باذن الله دلوقت نروح بيتنا ونفكر سوي
مهره : لالالالا مش عايزه اروح مش عايزه حد يشوفني كده بالله عليك يابدر
بدر : حبيبي احنا هنروح بيتنا الي عالبحر مش العطارين لحد ما تهدي خالص ولسه الساعه خمسه يعني قدمنا وقت كبير نقعد فيه مع بعض
هزت مهره راسها دليل عالموافقه فهي ليس لديها قدره علي النطق
وما هي الا نصف ساعه وكانا بداخل شقتهم المليءه بصور مهره
جلسا علي اقرب اريكه قابلتهم في بهو المنزل امام الحاءط الزجاجي المطل عالشرفه
اجلسها داخل احضانه مثل الطفل الصغير وازاح عنها حجابها و اخذ يهدهدها
ويقول : ينفع كده حبيبي فين ايمانك بربنا وبعدين هي ماقالتش انك مش هتخلفي هي قالت العلاج هياخد وقت مش اكتر
مهره ببكاء : لا قالت مش ضامنه النتيجه والله العظيم انا مش معترضه علي قضاء ربنا بس انا كان نفسي اخلف منك عيال كتير وبعدين انت ذنبك ايه تتحرم من الذريه بسببي
بدر : قبل ما تكملي في الهبل الي ناويه تقوليه انا مش عايز عيال لو ماكنوش منك انتي
ثم سكت قليلا وقال : انتي عارفه اني كنت بتجوز عرفي وبطلته من اكتر من خمس سنين عارفه ليه
نظرت له بمعني لما
بدر : عشان اخر واحده كانت معايه وسبتها زي الي قبلها غابت عني شهر بعد انفصالنا و جتلي تقولي انها حامل مني انا ساعتها اتجنيت استحاله ده يحصل انا كنت متفق معاها تاخد حبوب منع الحمل لاننا مش هنكمل وبرغم كده كنت اثناء العلاقه بلبس واقي ذياده امان يبقي ازاي ولما رفضت اصدق وقولتلها مش ابني وشوفي نمتي مع مين بعدي ردت عليا بمنتهي القوه وقالتلي نعمل تحليل DNA لما اولد عشان اثبتلك انه ابنك
اتجنيت وقتها وخوفت ايوه خوفت انا مش عايز ابني يبقي نتيجه غلط ابوه ومش عايز عيال غير من حببتي وبس وبرغم انك وقتها كنتي عيله عندك ١٢ سنه بس انتي الوحيده الي كنت شايل هم مواجهتك
مهره عندما سكت سالته : وبعدين خليتها تنزله
بدر : لا طبعا عمري ما اعملها بس ربنا وقف معايه وخلاني اكتشف الحقبقه من صاحبتها اصلها هي كمان كانت عنيها مني ولما داليا قالتلها علي كدبتها عليا جات تحزرني عشان مصدقهاش
مهره : يعني الي في بطنها مش ابنك
بدر : مكنتش حامل اصلا و كانت متخيله ان لما اعرف بحملها هتجوزها او عالاقل هرجع اقابلها تاني وهي بقي تفضل ورايه لحد ما تبقي حامل بجد
مهره : طب وانت عملت معاها ايه
بدر : ابدا روحتلها عادي علي اساس اني مصدقها وعايز اخدها للدكتور يطمني عالبيبي ولو تمام هتجوزها و مردتش طبعا اجيب سيره صحبتها المهم حاولت تتحجج باي حاجه بس انا صممت وفعلا روحنا وهي مرعوبه بس كانت مجهزه كدبه تانيه لما الدكتور قال مفيش حمل قالت يبقي التحليل بتاعي اتبدل مع حد تاني اصل انا عملت التحليل في معمل صغير
طبعا مبينتش اي حاجه وسبتها وهي ما صدقت انها قدرت تفلت مني علي اساس اني صدقت كلامها الاهبل ده
بعدها اعتبرت الي حصل اشاره من ربنا اني ابعد عن الطريق ده لان انهارده كانت لعبه بكره لو استمريت ممكن تبقي حقيقه وقتها خدت عهد علي نفسي اني مش هلمس واحده تاني غير حببتي وتكون مراتي ولبسالي كمان الفستان الابيض قدام العالم كله ومن ساعتها قربت من ربنا مبقتش افوت فرض وبلعب رياضه كتير اخرج فيها طاقتي لحد ما ربنا اهداكي ليا
ضربته مهره في كتفه بغيظ وقالت : احسن عشان تبطل رمرمه
ضحك بدر بعد ان نجح في الهاءها و لو قليلا وقال : خلاص يا شبح مانا تبت والله و بعدين حد يكون معاه حته ملونه زيك كده ويبص لبره
مهره : ااااه اعملها عشان اقتلك اقسم بالله
دون اي كلام اخر قبلها قبله بطيءه و رقيقه يبث لها من خلالها الحب والعشق والكثيييير من الامان فصلها بعد فتره وقال : انتي روحي يا مهره من غيرك اموت
مهره وقد بدات تبكي مجددا : بعد الشر عنك يا حبيبي اوعي تقول كده تاني
بدر : طب من غير عياط قومي اغسلي وشك وادخلي ريحي جوه شويه وانا هطلب اكل واحصلك
مهره : لا مليش نفس انا هدخل اريح بس
بدر : ماشي ادخلي دلوقت ولما ييجي الاكل نبقي نتفاهم
نفذت ما قاله اما هو بعد ان طلب لهم طعام من مطعم مشهور اخذ يجري الكثير من المكالمات حتي دله شخص ما علي ضالته رن جرس المنزل وحينما فتح وجد عامل التوصيل التقط منه الطعام وحاسبه بزياده ثم اغلق الباب وهو يتوجه الي مهرته وهو يقول بمرح : يلا يا فرسه الاكل وصل قومي بسرعه بدل ما اركبك حالا والله
مهره التي كانت ممدده فوق الفراش وتنظر للسقف اعتدلت وهي تحاول الابتسام لتشعره ان ما يفعله معها ليخفف عنها قد اتي بثماره
اعتدلت في جلستها وهي تتصنع المرح وقالت : لا خلاص بقي مفيش فرسه بقيت خيل حكومه ملوش لازمه
نهرها بدر قاءلا : بت انتي بلاش كلامك الاهبل ده بدل ما اسفخك قلمين علي وشك يفوقوكي الدنيا ماتهدتش ولسه في ايدينا كتير نعمله و هاتتحل باذن الله
مهره وهي تبكي : طب اذاي يابدر
بدر وقد جلس بجوارها بعد ان ترك اكياس الطعام علي الطاوله الصغيره وقد انتفض قلبه لنبرتها الكسيره واقسم بداخله ان يمحي هذا الحزن منها مهما كلفه الامر فقال لها : حبيبي انا مقدرش اشوفك كده قلبي بيوجعني يا مهره يرضيكي توجعي قلبي عليكي
القت نفسها في احضانه وهي تقول : سلامه قلبك مالوجع يا قلب مهره ثم بكت واكملت بس انت لو فضلت معايه هاتتوجع لما معرفش اخل......
قاطعها وهو يبعدها عنه ويقول : استني بس قبل ما تكملي الفيلم الهندي الي ناويه عليه وتسمعيني كلام هحاسبك عليه جامد لو قولتيه اسمعي الي هقولك عليه انا عملت كام تليفون لناس معرفي اسالهم عن دكاتره امراض نسا كويسين و كذه حد رشحلي دكتور يحي عثمان قالولي شاطر جدا في مجاله و من اشهر دكاتره النسا في مصر فانا حجزت عنده ثم نظر لساعته واكمل يعني قدامنا حوالي ساعه علي معاده يدوب ناكل لقمه وننزل علي طول هو جنبنا هنا في كامب شيزار ( منطقه راقيه في الاسكندريه ) مش بعيد يعني
كانت تنظر له بذهول وقالت : انت لحقت تعمل ده كله في النص ساعه الي دخلت وسبتك فيها وبعدين افرض طلع نفس التشخيص هنعمل ايه
بدر : اه لحقت وبعدين سيبيها علي الله يا فرستي احنا نروح بس للدكتور ده و حطي مليون خط تحت كلمه دكتور وقدري تضحيتي ان اخلي دكر هو الي يكشف عليكي ها المهم نشوف هيقولنا ايه وبعدها يحلها ربنا انشالله نسافر بره المهم اريحك انا مش فارق معايه اقسم بالله المهم انتي
و بالفعل اكلا سويا بعض الطعام وانطلقو وها هم بعد مرور ساعه من حديثهم يجلسون امام الطبيب الذي اخذ يتصفح الفحوصات بدقه ثم نظر لهم بابتسامه بشوشه وقال : ايه يا شباب مالكم مخضوضين ليه كده الموضوع بسيط ان شاء الله ويتحل بالعلاج
بدر : الدكتوره الي روحنلها قالت العلاج هياخد سنتين و ممكن يتكرر لو مجبش نتيجه
دكتور يحي : بص انا مش بحب ادخل في تشخيص زميل ليا بس عاما حاله الانسه مش صعبه هي هتاخد وقت مش اكتر واهم حاجه ان حاله الرحم كويسه جدا انتو لو كنتم متجوزين من فتره مثلا كنت هنصحكم بعمليه حقن مجهري بس ادام انتو لسه فرحكم الشهر الجاي يبقي اعتبره وقت العلاج كانه شهر عسل
بدر وقد لفت انتباهه حديث الطبيب فساله : يعني في حالتها ينفع معاها عمليه الحقن دي
دكتور يحي : تنفع جدا وباذن الله تنجح بنسبه كبيره كمان لان زي ما قولتلك الرحم كويس و دي اهم حاجه
بدر بتصميم : طب يا دكتور شوف الاجراءات اللازمه ايه واحنا هنجيلك بعد الفرح علي طول نعملها
ذهلت مهره وقالت : ايه الي بتقوله ده يا بدر
بدر : استني انتي بس و هنتكلم لما ننزل ثم نظر للطبيب واكمل ها يا دكتور رايك ايه
دكتور يحي : والله انا معنديش مانع بس ليه الاستعجال ممكن تستني شهرين تلاته تكون خلصت شهر العسل واستقريت
بدر : لا اتا كده هبقي مرتاح اكتر و هستغل شهر العسل في العلاج والعمليه
دكتور يحي : الي يريحك واخذ يسال مهره عن معاد دورتها الشهريه و بعض الاساله الاخري ثم قال : كده يبقي هتجولي قبل الفرح بيومين هنعمل كام تحليل و هكتبلك علي ادويه منشطه للتبويض وبعد الفرح باسبوعين بامر الله يبقي ميعاد العمليه
اتفق معه بدر علي جميع الاجراءات وشكره و غادر هو ومهرته وبمجرد ما صعدا السياره واغلقو الباب قالت مهره : ممكن افهم ايه الي انت عملته ده وليه الاستعجال ده كله مش انت برده قولت مش فارق معاك ولا كنت بتضحك عليا
حزن بدر من كلامها فهي لاول مره تفهمه بطرقه خاطءه ولكنه التمس لها العزر بسبب ما تعانيه وقال : اول مره تفهميني غلط يا فرستي بس مش هزعل منك وهفهمك انا عملت كده ليه اولا مهما الدكتور طمنك كنتي هتفضلي قلقانه وفرحتك هتبقي ناقصه ثانيا انا مش عايز مخلوق في الدنيا يعرف الموضوع ده لان متاكد ان اي حد فيهم هيبصلك بزعل عليكي انتي هتفسري نظرته ليكي شفقه مش زعل و ده هيوجعك وانا مش هقدر اشوفك موجوعه فاسلم حل اننا نستغل شهر العسل بتاعنا علي اننا هنسافر شرم او اي حته ونعمل العمليه والدكتور قال انك هتعمليها بعد الفرح باسبوعين والنتيجه هتظهر بعدها باسبوعين تانيين يعني ممكن نسافر اسبوع شرم ونرجع نقعد في شقتنا الي عالبحر لحد ما كل حاجه تخلص ونرجعلهم من شهر العسل واحنا ربنا كارمنا بحملك مش اول واحده تطلع حامل من اول شهر يعني فهمتي وجه نظري
نظرت له نظره تقطر عشقا وفخرا وامتنانا علي ما يفعله معها وقالت : انا مش عارفه اقولك ايه ولا اعمل معاك ايه عشان اقدر اوفيك ولو جزء من حقك عليا بس انت ذنبك ايه متفرحش بعروستك ولا شهر العسل
بدر : كل الي عايزك تعمليه انك تحبيني وبس وجودك جنبي في حد ذاته نعمه من ربنا و ذنبي يا حبيبي اني بحبك وهموت عليكي وبعدين انا اهم حاجه عندي في الجواز انك هتبقي بتاعتي و هتنامي في حضني حتي من غير ما يحصل بينا حاجه وجودك جنبي بالدنيا وبعدين متقلقيش عليا عندي طرق كتير اريح بيها نفسي واريحك ثم غمز لها بوقاحه
اطلقت ضحكه رنانه بعد ان اطمانت و تركت القادم لله وهي علي ثقه انه لم يخذلها ابدا وايضا هي تشعر براحه كبيره تجاه هذا الطبيب البشوش و تشعر ان الله سيجعله سبب ليمن عليها بالذريه الصالحه لتسعد قلب حبببها
وصلو الي منزل النعمان بعد ان هدات كثيرا وقبل ان تترجل من السياره قال لها : حبيبي مش هاكد عليكي مفيش حد يعرف بالي حصل خلي الي بينا يفضل بينا زي ما اتفقنا
مهره : حاضر يا قمري والله خلاص مش هقول لحد والي بينا هيفضل بينا ربنا ما يحرمني منك ويديمك نعمه في حياتي
بدر : طب يلا حبيبي اطلعي وانا هحصلك بالشنط
صعدت مهره الي شقه جدها و جلست تستريح مع النساء وقد لحقها بدر بحقاءب كثيره ووضعها امامها
نوال : ماشاء الله لحقته تشترو الحاجات دي كلها والله جدعين
مهره : اشترينا شويه هدوم و فرش السراير و البطاطين بس
بدر : انتي يابت فرجيهم علي الفرش بس بلاش قمصان النوم الحاجات دي بتتنظر
الكل هههههههههه
ريهام : ماحنا كده كده هنشوفهم واحنا بنفرش يابن الهبله
بدر : طب يا هبله قصدي ياما عندكو الشقه كلها اعملو فيها الي انتو عايزينو انما الهدوم محدش ييجي جنبها احنا هنرصها بمعرفتنا
الجده : وانت هتبقي فاضي لرص الدولاب يا معدول
بدر : لا انا هنطورهم في القوضه عشان يبقو قدامي و انقي براحتي ده لو خليتها تلبس حاجه اصلا
نوال : باااااااااس بس ياما ده صايع و عديم الربايه لو اتفتح في السفاله مش هيسكت والبنات قاعده
الكل هههههههههههه
فاطمه : هو العفش امتي يا بدر
بدر : الجمعه الي جايه ان شاء الله
الجده : طب هنلحق نشتري بقيت الحاجه والمنجد والقطن
مهره : منجد وقطن ايه يا تيتا الحاجات دي بطلت خلاص انا هشتري المراتب جاهزه
مها : لا تيتا عايزه منجد عشان تغنيلو يا منجد عالي المرتبه عروستنا حلوه مؤدبه ههههههههه
لوجي : طب الحمد لله انها هتشتري جاهز قال مؤدبه قال ليه الكدب طيب
الكل ههههههههههههه
مر اسبوعا بسرعه البرق قد اهلكت فيه مهره والفتيات والنساء من الخروج كل يوم لشراء باقي احتياحات عش الزوحيه
وها قد جاء اليوم لوصول الاثاث الحديث الذي انتقاه بدر و مهره بعنايه فاءقه و قد اعجب الجميع بزوقهم الراقي
في صبيحه يوم الجمعه نجد رجال النعمان يجلسون في الشارع امام المنزل وقد ارتصت كثيرا من الكراسي الخشبيه لجلوس المهنءين عليها و ارتدي الشباب ملابس قطنيه خفيفه لتساعدهم في الحركه عند حمل الاثاث الي الاعلي و اجتمع معهم ايضا كثيرا من اصدقاءهم و شباب الحي للمساعده
وها قد.حضرت عربات كبيره محمله بالاثاث الفاخر ووقفت مصتفه بطول الشارع وقد امتلات شرفات المنازل بالنساء اللاتي وقفن يشاهدن ما يسمي ( عفش العروسه ) وقد اعجبن كثيرا به واخذن يطلقن الزغاريط فرحا لهم
وقف الشباب امام العربات  يتراقصون علي انغام الدي جي الذي كان يصدح بالاغاني الشعبيه ويطلقون الصواريخ واذداد التهليل حينما صعد بدر فوق احد اسقف تلك العربات الكبيره و رقص عليها و ملامحه تقطر فرحا وقف اخوته وجده وباقي رجال العاءله يصفقون له بحماس مع باقي الشباب وحينما انتهت الرقصه و نزل الي الارض صدحت اغنيه احمد سعد بحبك يا صاحبي  صاح اخوته عاليا وسحبوه معهم فاصبحو مكونين داءره مكونه من بدر سليم احمد وليد مصطفي تراقصو عليها و هم يشاورون علي بعضهم البعض مع كلمات الاغنيه كما لو ان كل واحد منهم يوجهها للاخر و حينما وصلت الاغنيه الي مقطع ( بتحس بيه من غير ماقول ولا حرف دايما في ضهري في كل لحظه ضعف ) ادارو انفسهم في نفس اللحظه واصبحت ظهورهم مقابله لبعضها وهو يصيحون مع الاغنيه وقد علا الهتاف والتصفيق بحماس واخذت الجده والنساء يلقون عليهم كميات من الملح لاعتقادهم انه يمنع الحسد
انتهت الرقصه المبهجه باحتضانهم لبعض هم الخمسه في وقت واحد فهم فعلا رمز للاخوه استمر الوضع فتره حتي امرهم الجد بالبدء في حمل الاثاث والصعود به الي الاعلي استاذن بدر اولا قبل دلوف الشباب وصعد الي الاعلي لينبه النساء والفتيات بالبقاء داخل شقه الجد واغلاق الباب لحين انتهاء الشباب من نقل الاثاث الي الطابق الثاني حيث تقبع شقه بدر  نفذو ما امرهم به سريعا فهم كانو منتشرين جزء كان في شرفه الجد وجزء اخر كان في الشرفه الخاصه بشقه بدر
نزل سريعا و بدء في مساعده اخوته واصدقاءه بحمل الاثاث بالتعاون مع بعضهم البعض
تحت مزاح الشباب احيانا و تزمرهم من ثقل ما يحملوه حينا اخر
حتي هتف ديجو مازحا : بعد هدت الحيل دي كلها في اكل ولا مفيش
احمد : همك علي بطنك دايما انت هنطفحك ياخويا متخفش
الكل ههههههههه
وبعد وقت ليس بقليل في شقه النعمان انتفضت النساء هلعا واطلقو صرخات فزعه اثر سماع دوي قوي تزامن مع صوت هروله الشباب و صياحهم
ماذا حدث يا تري
سنري

انتظروووووني

بقلمي  /  فريده