الـشعر : لاحمد عاشور
...
عِندّمَا_تُخْتَطفْ_رُوحْ
#بقلمي_بصره_الربيعيه
#البارت_12..
...
حال ريسان...
اعذرني وداعتك مابيه شي يسوه
شتسوي ببشر ينشاف بـ الڪَوة
شتسوي ببشر من حِچوا عنه وغاب
محد ظل ورا بالليل يتچوة
مرات اليحب من ينلچم يرتاح
چا هيه الجروح الفاهيه شتسوه ؟
چا هيه العيون الماتفز باليل
وتبچي اعله النسوه عيون موحلوه
وانه مشتاگلك بس لازم اتناساك
عرفتلها وبعد ماروحلك فدوة
اووف يا ريسان!
شنو اتشوف اصعب بعد من الشفته..
اتذكر من رحت للنجف
"بس جسد والله يعلم روحي وين ضلت"
ماچان عندي مكان اروحله
من بتت الشوارع
ارجع بالخفية ورى البيوت مثل الحرامي
ادور شوفتها حتى اطمن عليها
حسبالها اعوفنها والله ما عفتها
بس غير حضي هذا !
أعرف خالي حاول يبعدني بقدر الإمكان
واعذره شما سوه وماسوه لو ما يحبني
اتذكر من اخذوني خوالي وشرط عليه خالي
اكمل مدرستي حتى ما اعتاز لأحد
ماقبلت وعاندت كام يذب عليه بالكلام
من باب وين تروح لو متت بأجر منو الك
عمك واتبرا منك مايريدك هذا يشحتك بالشارع
تبقى مسحول لا اكل لا شرب .. تجدي؟!
هزيتله راسي ، باسني على راسي
وكال اريد مصلحتك محد الك من بعدي
عاد شهادتك ارفع بيها نفسك وراسك
وخلي امك تفتخر بابنها..
لا تضيع تعبها.
اتعب ادرس أخذ شهادتك بيدك مثل السلاح
وارجع محد يكلك لاء
ارجع واثبتلهم انت منو'
امل إرادة اصرار تحدي عزيمة قوة
كلها تمردت بيه سعيت درست
كملت وما عفت جدتي كل عطلة اشوفنها
واشوف سُر من رأى بس حتى
لو من بعيد وتحلى بعيني!
صرت اخاف عليها حتى من عيوني
مو بس من عيون الناس
كل ما الچحها اكول بنفسي "فدوة لله"
الا من درست كلية واقسام داخلية
وبعطلة من عطلاتي چنت ناوي انزل للناصرية
رحت لخالي اسلم عليه
واتفاجأ بي يكلي اجيت بوكتك الك خطار يسألون عنك صارلهم هواي!
أنا استغربت منو بس لمحات الاستغراب زادت
وانا اشوف اخت عمة تضامن واخوها
بانتظاري ويا الترحيب العليهم
حسيت أنا ابنههم الفاكدينه من سنين
اختها طارت بيه سولفت وياي وكعدت
كالت:
من قبل لا تنق...تتوفا المرحومة اختي...
(صعبة عليها تكول مقتولة) بلعت غصتها وكملت..
وهي توصينا ريسان ريسان عليكم بريسان
شلون ولد وحباب يتسخر كله ويايه ما يتركني
هسة مو هاي أهلها ما يروح الهم من يجون كد ما مكابلني وكاعد وتعلق بيه أكثر من صارت عندي
سُر من رأى صار يفتر وراي مثل الطير وفرحان بيها
وياي ويصفكلي شلون كنت ماعندي طفل وصار عندي فرحانلي أكثر من نفسي
وكد ما اشوف فرحته وتعلقه بيها اوصي عليها
اكله من تكبر اداريها، عينك عليها، تحميها
يهزلي براسه بسرعة وضحكة دون تردد ..
أنت تقرأ
عِندمَـا تُخْتطـفُ رُوحُ
Romanceجزام الأمور من اوسطها وارد ف روحي أضاعت وتحاول وتعاود في حياةٌ تقابل قدرها جائز العتب على قاتلها العائد الماكر الخادع العامد الذي في كل وقته للقتال جاهز ذو المصير الناعم الاسود القاتم عندما يختطف روح من أحشاء حاملتها ويجعل انينها الصامت في نوح ...
