وقبل مايموت بيمومين تقريبا كنا بغرفتنا انا و اختي الكبيره وسمعنا امي تصارخ وقمنا مفجوعين كان ابوي نزل السكر عنده وهو ماعنده سكر اصلا وجبنا له تمر وعصير وسوينا كوكيز انا و اختي ورحنا لبوي ياكل معنا ماكان يبي ونحف وصار لونه ابييض واليوم الثاني كان صايم وجا العصر وفطر ماقدر يتحمل كان مكتوم وماكان يقول لنا وماكان يحب المستشفيات كنا حنا الي نغصبه يروح وكان ممنوع التجول عشان كرونا وراح المستشفى مع اخوي وامي راحت ترتب البيت كانت حاسه وهو قبل مايروح ودعنا وجت الساعه 4 وجا خالي وراح المجلس ونادى امي وقال لي روحي جيبي لي مويه ورحت اجيب له وارجع الا امي تبكي استغربتت ورجعت العب مع اختي بلوت وجو اهل امي كلهم كانو واقفين برا وجا جدي عطانا مويه مقروء فيها عشان مايجينا شي قال اشربو وكنت مستغربه و شربنا وجلس جنبنا وقال صح انتو قويات ومن ذا الكلام اختي الكبيره بكت وقالت وين ابويي وش صار له صاررله شي شي وكلهم سكتو وانا هنا انفجرت ماقدرت واخواني انفجرو كلنا وجدي وجدتي كلنا كلنا البيت صياح وهم جالسين في المجلس كان يهديم انا لا شعوريا تذكرت ثوب ابوي المعلق ورحت اخذه ورحت سرير وجلست اشمه وابكي وحطيته تحت السرير عشان امي م تشوفه وجداني جلسو معنا وجا السحور وكلنا مالنا نفس محد اكل وجا اول عزاء وانا واخواني منهارين كلنا والبيت كله صياح وبكاء وثاني عزاء نفس الشي والثالث نفس الشي والحين مر على وفاته ثلاث سنين وامي م قصرت معنا بشي تحاول بقدرماتقدر تسعدنا احس للحين اني بحلم احس اني بغيبوبه ومااكذب عليكم صح مر على وفاته ثلاث سنين بس كل يوم اناظر بالباب اقول يمكن يدخل باي لحضه💔💔 جالسه اقولكم القصه وانا منهاره دعواتكم له):
