အဂ္ဂ သူ့ရှေ့တွင်မြင်နေရသော သွေးအိုင်ထဲရှိ လွန်းခန္ဓာကိုယ်လေးအား အမြန်ပြေးပွေ့သည်။မိဘများကိုဆုံးရှုံးပြီးပြီဖြစ်၍ လွန်းအား နောက်တစ်ခါထပ်ပြီးမဆုံးရှုံးချင်ပါ။လွန်းအပြုံးလေးအား မြင်ချင်သည်။လွန်းအသံလေးအားကြားချင်သည်။နောက်ဆုံး လွန်းမရှိလျှင် သူပါအသက်ရှင်နိုင်တော့မည်မဟုတ်။
သူမြင်နေရသည်က ပကတိငြိမ်သက်နေသော လွန်း၏ခန္ဓာကိုယ်လေးသည် သွေးအိုင်ထဲတွင်လဲလျောင်းနေ၏။ထိုမြင်ကွင်းသည် သူ့ရင်ဘတ်တစ်ခုလုံးအား စုတ်ပြတ်သတ်သွားစေသည်အထိ၊အိမ်မက်ဆိုးတစ်ခုသာလျှင်ဖြစ်စေချင်သည်အထိ သူ့အားကြောက်လန့်စေသည်။
အနီးအနားမှလူများကဆေးရုံကားချက်ချင်းခေါ်ပေးကြသည်။ဆေးရုံကားရောက်လာသည့်အခါ လွန်း၏ကိုယ်လေးကိုပွေ့ပြီး ကားပေါ်အမြန်တင်ရသည်။ထို့နောက် သုတထံဖုန်းဆက်ရ၏။
“သုတ! လွန်း...ငါ့ရဲ့လွန်း”
“........”
“လွန်းကအခု သေမလား၊ရှင်မလားတောင်မသိတဲ့အခြေအနေမှာ၊ခေတ်ဟန်ကိုဆေးရုံကိုလွှတ်လိုက်၊မင်းနဲ့မဟာက ငါပို့တဲ့ကားနံပါတ်ရဲ့ပိုင်ရှင်ကိုရအောင်ရှာပြီး ငါ့ဆီခေါ်လာခဲ့၊ကြားလား...”
“.......”
အဂ္ဂအား လူတစ်ယောက်က ဆေးရုံသို့မသွားမီ လွန်းအားတိုက်သွားသော ကား၏နံပါတ်အား ဓာတ်ပုံရိုက်ထားကြောင်းပြောပြီး၊ထိုကားနံပါတ်အားပေးခဲ့ခြင်းဖြစ်သည်။ဦးကျော်စွာတို့နှစ်ယောက်မှလွဲ၍ ဒီကိစ္စကိုကြံစည်မည့်သူမရှိပေ။သူတို့ကိုယ်တိုင်မဟုတ်ရင်တောင် အငှားလူနှင့် လုပ်ကြံခိုင်းခြင်းဖြစ်လိမ့်မည်။အဂ္ဂ အံကိုတင်းတင်းကြိတ်လိုက်သည်။
လွန်းသာရှိတော့သော သူ့ဘ၀တွင် လွန်းကိုပါထပ်ဆုံးရှုံးရပါမည်ဆိုလျှင်.....။မဟုတ်သောအတွေးများမတွေးမိစေရန် ခေါင်းကိုခပ်ကြမ်းကြမ်းခါပစ်ရ၏။အဂ္ဂသည် လွန်း၏လက်ကလေးအားဆုပ်ကိုင်လိုက်ရင်း မျက်ရည်များကြားမှ လွန်းမကြားနိုင်မှန်းသိလျက်နှင့်စကားများစွာပြောနေမိသည်။
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...