-------الفصل الرابع عشر-------
وصلو خرجو من طونوبيل او تمو داخلين او هي عجبها جو تماك بانوليها بزاف محلات فيهم حوايج اللي كيعجبوها ولكن مقدراش تمشي ليهم شافت فيه بعيون بريئة او نطقت بتردد:
وردة:"دبا حنا جينا هنا على ود دكشي ديال العرس".
شافت فيه بوجها البريئ او كملات هضرتها:
وردة:" علاش مندخلوش نشوفو شي حوايج ليا ".
وردة كان عزيز عليها الحوايج او ماكياج كما اي درية كتبغي تشري على ذوقها او ديما هي او ماماها كيمشيو سويقة حداهم وخ مشي بحال مول ولكن كانو فيها حوايج زوين او رخاص شاف فيها او عينيه مع المحلات :
سيف:"معندناش وقت غدا العرس او خص كلشي يكون واجد حتى تسالي حريرة للعرس او جي نتي او فاطمة او خدي اللي بغيتي ".
بغات تبكي او جمعات البكية ديالها بحال شي درية صغيرورة مبغاوش يشريوليها شي لعبة عاجبها سيف من ديما مكانش عندو مع شوبينغ او المولات مكانش عندو الخاطر مهم كملو طريقهم حتى وصلو لواحد اطاج فيه غير حوايج العرس تكاشط طيافر ميادي كلشي دخلو كيشوفو محل بمحل او هي مهمهاش اللي كيهمها هما حوايج بنات اللي فعمرها اللي مبغاش يخليها تشوفهم التحت دخلو للمحل اللول او تبعاتهم فاطمة او دارت حجة بغتمشي تشوف تكاشط غير باش تبعد منو لانو قربها ليه كان كيخنقها دخلات الداخل وسط تكاشط او كتحاول تفكر بما انها جات لهنا مول كبير يعني تقدر تهرب
طلات بنصف عين لقاتو مشغول مع مول المحل قالت فراسها هدي هي الفرصة يلا تمات خارجة او هو يوقفها صوتو الرجولي مخلط بشوية عصبية:
سيف : "فين غادية ".
سيف وخ كان مشغول ولكن مكيخدمش حواس ديالو كاملين فحاجة وحدة كيفرقهم يعني ميمكنش شيواحد يديرها بيه شافت فيه او هي تحذر عينيها للارض اوبدات تلعب بصابعها او نطقت بصوت فيه تردد:
وردة :"والو كنت غادا غير طواليت ".
شاف فيها بنظرات لا تبشر بالخير تم غادي لناحيتها بخطوات ثقيلة او فيكساها مع الحيط بيديه بزوج او حذر راسو لعندها او نطق:
سيف :"هد القوالب ديال الدراري صغار مديريهمش معايا راكي وليتي مزوجة كبري ".
وردة ردات عليه بصوت باين فيه الخوف :
وردة: "والله م ....."
مغيسكتها غير تصرفيقة من عندو اللي خلاتها تشد حنكها او تطلق عنان لدموعها او هز بالسبابة ديالو ناحيتها كتحذير ليها :
سيف :"اعدى حاجة عندي هي الحلوف على كذوب مرة خرى تعاوديها غتشوفي حاجة خرى مفهوم."
مجوباتوش او هو يشد ليها الفك ديالها بزوج صباع الابهام او السبابة او نطق:
سيف :"واش مفاهمين ".
هزات راسها لناحيتو او عينيها فيهم دموع او نطقات بصوت مقطع :
وردة:" مفاهمين ".
طلق منها او مشا ناحيت فاطمة او همس ليها :
سيف:" سيري شوفيها ".
مشات عندها فاطمة لقاتها جالسة في الأرض او جامعا عندها رجليها او كتبكي قربات منها فاطمة او دوزت على رأسها او هي تقول:
فاطمة :"بنتي متبكيش عفاك مديريش عليه راه هو فاش كيتعصب كيولي هكا نوضي ابنتي خلينا نساليو هدشي خلاص باش تمشي ترتاحي او تهناي منو واحد شوية او كملاتها بضحكة باش تلطف الجو ".
ناضت وردة او مسحات دموعها او تمو غادين عندو هو بقا كيدوي مع مول محل او اتفق معاه خلصو او خداو دكشي الللي واجد او تمو غادين هبطو من داك طاج او تمو غادين واحد ريسطو تماك كانت أول مرة تمشي لشي بلاصة زوينة او كلاص بحال هديك جلسو فطابلة او طلبو ماكلة او بداو ياكلو او صمت يعم الماىدة هو مكيدويش او هي مبغاتش تحاشيها ليه غيصوني ليه تلفون او غينوض من طبلة باش يجاوب :
سيف:"امدرا شدرتي".
سمير :"راه قلبت على ديك نمرة او لقيت بلي راه ديال واحد مرا شارفا هنا نصيفط ليك عنوان ديالها".
سيف:"وخ زرب شكرا اصحبي".
سمير :"هانيا اعشيري مبينتناش".
رجع عندهم او قاليها :
سيف :نوضي غنمشيو ".
طلعو للطونوبيل او وصلهم للدار بينما هو خلاهم او كمل طريقو للعنوان اللي قاليه.
يتبع........
YOU ARE READING
الشباب الضائع
Teen Fictionالثقة (Confidence) هي الحالة التي يكون فيها الانسان متأكداً من كفائة أو دقة أمر ما يتعلق به أو بشخص أو بشئ آخر، وفي حالة الأشخاص، من الممكن أن تكون تلك الثقة نوع من التأكد من ولاء هذا الشخص تجاه أشخاص آخرين أو قضايا معينة.أحيانا الثقة في شخص تؤدي...
