دلال قلبي ❤️(قصة بالدارجة المغربية)

الفصل الاول" لقاؤنا "

"وتبقا الحقيقة أن كل شخص ورائه حياة جعلت منه ماهو عليه "
عشنا حياتنا و حنا كنشوفو بلي عيب ميتولدش لعزري عيب الراجل يجيب غير لبنات الا فهاد القصر المراة لي ولدات كتولد دري نهار جاتهم البنت دارو جوج سبوعات كل شهر كيحتافلو باها بالفرحة ممشا لشركة شهر عشرات المربيات و الاستادات واقفين عليها ماماها و جداها و جدها و كلشي فرحان سماوها دلال باش تعيش فالدلال مع ولاد عمامها .
فأحد الفيلات او نقولو القصور الخدم كيجريو تقول كاين عرس و علاش لا وهما كيوجدو الفطور لعائلة العلوي الادريسي عائلة كبيرة من رجال الأعمال الاختصاص ديالهم العطور و البخور ناهيك عن العقارات و محطات البنزين لي كيملكو
حياة (رئيسة الخدم): لاش خلطتي العسل مع الزبدة راه الحاج غيتعصب
ايوب : سمحي لي اشاف أنا نبدلو
طبلة كبيرة عامرة بالعائلة كلشي كيفطر
الحاج سالم : فين حفيدتي مالها
زوبيدة : راه عيانة عطيتها لفطور فبيتها
ينيس: هاي هاي على بنت عمي عطاتها ليام
كلشي تكلم بصوت واحد حتى ماماه و باباه
"بصحتها"
ينيس : صافي مقلت شاي
اوا هاهي لالة البنات اجيو نوصفو بطلتنا من ناحيه الطول قصيرة شوية 1:60 شعرها نص فضهرها دايرة ليه قصة ديال التسعينات كيجي بحالا مقطع طبقة فوق طبقة مع الغرة الطويلة و اسود و كثييف عينيها كبار مشفرين و خضيرين بيضة فحال الحليب فمها منفوخ ضحيكتها لي كتبرز غمازتها لابسة فستان قصير حد الفخاض ازرق فاتح و كمايمو حد المرفق منفوخين جامعة شعرها ديل حصان مكياج هادي و طالون وردي تمات نازلة من الدروج
دلال : صباح نور
الجميع : صباح الخير
ينيس : الجنية دغيا كتسيفي ياك مريضة
دلال : هاد لبرهوش راك كتجبدني
خالد : اييه طلق منها و لا نوض
ينيس : مالي شادها
الجد : مالكم بحال القط و الفار
دلال : (بحزن ) بابا عمي ربيع واش نيت غتمشيو اسبانيا صافي
هشام : اه ابنتي 4 شهور و نرجعو دغيا غدوز الشركة راه غيجي مروان لي يتكلف بيها معاك و راه هو لي غيكون فمقامنا هو الكبير متعاطسيهش حتى نجيو
دلال: مروان ! شكون مروان
ربيع : ويلي ولدي ولد عمك
دلال : اه وراه 5سنين وهو برا أنا معاقلاش حتى على وجهو
ربيع : فاش كيهبط لمغرب نتي كتكوتي مسافرة الصيف كامل ولاكن هو عارفك حنا حملناه المسؤولية حقاش هو لي غيقدر و رزين
دلال رمات كلامها و هي خارجة معصبة : أنا مغيتحكم فيا حد
الجد سالم : هاد البنت محدها كتكبر  وهي مقصحة راسها عارفة راسها عزيزة
هشام : شوف الحاج و الحاجة و زوبيدة قدام كلشي مروان موصيه باش يرجع ابنتي عقلها و قلبها متدخلوش وخا معارت اش يدير أنا عطيتو الاذن .
الجد سالم : أنا اولدي منزيد غي الصلاة على النبي
لالة يامنة : اوا لواه يربي ويتكايس حفيدتي راه حساسة
ربيع : راه بعقلو الحاجة
فسويسرا جونيف
امام المطار واقفة بزاف ديال الصحافة كيتسناو هاد رجل الأعمال المغربي ينزل
نزل متقل طويل و جسم رياضي لابس شوميز نواغ و سروال كلاص نواغ شعرو لي ماشطو كلاص لجنب اسمر البشرة عينيه لي كيتغمضو فاش غي كيحرك ابتسامتو الساحرة نيف. لي متقولش مقاد بالعكس شوية مائل بحكم ممارستو البوكس لحية خفيفة بنية مواتية عويناتو العسليين دري رزين و تقيل و فنفس الوقت زهواني
سي سي مروان سمعنا غترجع للمغرب
مروان : انشاء الله و راه طائرتي دبا سمحو لي
كان غادي حتى توقف
صحافية : سي مروان مكتحسش ان هاد الكلام لي كيخرج كيشوه الكنية ديالكم
مروان : اشمن كلام؟
الصحافية : الصحافة الايطالية كاملة كتكلم على معلم الرقص الايطالي المشهور دو الاصول المغربية وعلاقة السرية مع لالة دلال العلوي و ايضا الجرائد المغربية كيتكلمو انها كتستعمل الكنية باش تسلك من مصائبها و..
مروان : سيري المغرب وسوليها
مشى و هو كيمتل البرود معصب عينيه حمرين عارفها ديرها و تفوتها و خا هي معارفاهش لاكن هو متبع اخبارها و علاش وكل مرة معيطين ليه بلي دارة مشكل و لاكن مواعد راسو بلي فاش غيرجع غيمحيها
بعد مرور 15 ساعة 1 ليلا فالقصر
مروان : جدي شفت هاد دلال منوياش تجي بنات ليل لي باقين برى
يامنة : راه غي لخدمة
زوبيدة : بنتي وانا عارفاها زادت فيه تعطلات
نعمة : صافي دبا تجي
مروان : ماما باركة
ينيس لي كتب ميساج لبنت عمو هو وخالد وقالو ليها تجي دغيا
فالطريق
دلال : مرديتش لبال
الشرطي : عطيني لوريقات عافاك
جبدات لاكارط ناسيونال(لالة دلالة العلوي الادريسي)
الشرطي:سمحي لي لالة دلال ولاكن كنتمنى المرة جاية تردي البال راه القانون قانون
دلال (بابتسامة صفرا): اوك شكرا
هو لي كان قدام الفيلا فالزنقة كيتكلم فالهاتف
مروان : سناء نتي عارفة بلي عاد عمرت ليك لاكارط
سناء : حبيبة غتحاسب معايا
مروان : تا حاجة مكتيرة عليك غدا تلقايهم
قطع الخط اتر كلاكصون
دلال : بشار راك واقف قنص طريق
مروان : مشفت...
دلال: حيد راه فيلتنا هادي بغيت ندخل
مروان( بحكم انه زهواني ودواق ميكدبش جاتو على دوقو عجباتو سها واحد خمس ثواني وتكلم ) : واقيلا معرفتينيش
دلال ( مع راسها اش هاد زين جديد فالسيكتور ) : نتا لي معرفتينيش أنا راه دلال العلوي الادريسي و دبا حيد
مروان بتاسم باستهزاء : ممحتاجكش تقولي ليا كنيتي دخلي للداخل و نتفاهمو
دخل و خلاها دخل طوموبيل
دخلات الصالة ملقات حتى شي حد بحكم امر باش كلشي يدخل لبيتو ينعس
فين العائلة
مروان ؛ كنضنن بلي غي بنات ليل و سكايرية لي باقين فايقين
دلال( باستهزاء ): شفتي اوا خاص نعسو خلاص هههه بلاشك نتا مروان ولد عمي ياك
مروان : أنا الواصي عليك حتى يرجع باباك و بابا و ديري مبغيتي دبا غتمشي بقاوانين عائلة محترمة الآلة دلال
دلال : من نيتك سير حكم شيحد اخر أنا راه مولفة الحرية
مروان : دبا نشوفو
دلال طلعات لبيتها غتموت
دق دق
دلال: دخل
كنزة(مرأة خالد): دلال يكما غوت عليك
دلال: مفهمتش باقي حتى مسخن بلاصتو
كنزة : عافاك غي صبري صبري
دلال: غي خليه هو لي يصبر معلينا قولي ليا كيدايرة كريشة
كنزة شافت فكريشتها البارزة : هاهوا باين شابه باه فيه تبرزيط
دلال: عافاك سميه إلان
كنزة :😂مالو حريرة غي داك لعام سميتي خوك الياس مقنعتيش غنسميه علي
دلال : حتى علي زوينة ماما تاهي حتى كبرت وصلت 23عام عاد ولدات داك لخنفوس هههههه
كنزة : و الله حتى كيونسني فراسك مشيطين ههههه موهيم نخليك تنعسي دبا
دلال : بيزو بب
كانت الساعة 3 صباحا ناضت للكوزينة باش تشرب عطشات ضلام
دارت لپيل بلاما تفيق حتى حد
دلال : 😳 شكون اااااااااااااااااااي شفاااار
حط يديه كيسكتها
مروان : ششششششششش
.......
يتبع
الاراء
هاد الفصل غير باش نتعرفو على الشخصيات الاحدات باقين جايين