انتي الوطن لا صار مالي فألارض وطن

انا الشاعر وعيونش قصيدي

الفجر بيت ابو مضحي
ابو مضحي يهاوش العيال يصحون
لقا بس مطلق الي نايم وغيثان سبقه للعزبه (العزبه هي المكان الي في الغنم والخيول والحلال وكذا )
مطلق صحى وفطر وطلع للعزبه لقا غيثان مجهز الفطور والقهوه وحليب البل و اول ما شافه ابتسم
قال تدري كنت جويع زين انك زينت لف له غيثان الي متعود انه يفطر بالعزبه مع عمه عالي وابوه وغسان ومطلق ويتقهوون ثم يروحون يخلصون شغلهم عن الحلال وقال وين ابي وعمي
مطلق :جايين جايين
في بيت ابو غند
صوت الباب الي يدق بقوه راح ابو غند وهو عارف صوت ذا الدق زين وهو جاهز
اول مافتح الباب استلمه ابو مضحي يهاوش انه ماصحى الا متأخر وشمس بتشرق وهم ماراحو يفطرون بالعزبه
ابو غند : عافيه يارجال امش امش انا جاهز
وطلعو
ام غند : غند وينش جعلش لساحق الشمس بتغرب وانتي تلبسين اخلصي لا نبطي على المره تنتضرنا للفطور
غند :يله يمي خلصت بعدين عادي ترا تسبقيني لهم بلحقش لما خلصت ولبست وتزينت
ام غند : فين عباتش جيبها
غند : يمههه تعرفيني ما البس يعني الحين تبين تلبسيني مشينا يله
ام غند : وجع ان ياخد روحش يالثوره الناس كلو وجهنا بالحكى (الكلام)
غند : والله ما البس مالي دخل بالناس انا
بعد ثواني من كلام غند ماشفنا الا غبرتها
بيت ابو مضحي
ام مضحي : غند يمي وش بلاش تجارين  ووين امش
غند : تكفين افزعي لي من امييي ياممممه نخيتش
ام مضحي : ووش انتي مهببه بعـ..
مامداها تكمل الا وهاذي ام غند
( غند اول ما سمعت صوت خطوات سريعه عرفت انها امها وجفلت عند رهف وقمراء بالغرفه )
ام غند : سلام يا ام مضحي
ام مضحي : عليش السلام زلي زلي
ام غند شحالش
ام مضحي : بخير وانتي
ام غند : الحمدالله ماشفتي المسطوله مرت منا مناك
ام مضحي : ههههههه انتي ميد غند قدهي في وجهي علي حرام ماتمسينها
ام غند : والله قد دريت مهيب جافلةً عندش الا وهي بتلاقي من توقف وراها
ام مضحي: الا وش هي جاعله (مسويه)يومش معصبه
ام غند : ما ودها تلبس العباة ولا تتغطى من العوال
ام مضحي : معليه عيال عمها اخوانها مهم بغريبين عليها و إذا على حكى هل الديره فمعليش منهم
قدهم بيتحدثون ولا هم بساكتين لو غدت ملكه وقمراء حتى هي ماتبغى تتغطى قد عندنا وعندش خير
ام غند : والله وصدقتي
طلعت غند من الغرفه
ام مضحي : تعالي يمي تعالي ونادي قمراء وجيبو القهوه معكم
غند : ابشري يمه
جت ومعها قمراء ومعهم القهوه
ام مضحي: اجلسو
قمراء : شبغيتي يمي
أم مضحي : نبيكم انا وعمتش في موضوع
غند : سمو وش تبونا فيه
ام مضحي : اسمعوني يابناتي انا ابغالكم الخير انتو مو كبرتو وبلغتو هنا انتو لازم تتغطون
عشان محد يجبركم احنا نبيكم تتغطون بنفسكم مانبي نجبركم وانتو عارفين عيال ذا زمن قلو رجاله لازم احفظكم منهم هم هلهم ما ربوهم انتو تربيتي تفرضون التربيه عليهم ليهم ماتربو انتو ماتصيرون نفسهم طيب يا امي انا وفاطمه ماحن بفاتحين ذا الموضوع كذا
ام غند : نبغاكم تقلبون الموضوع في راسكم وتركزون مع كلام ام مضحي معكم يومين
غند طيب نفكر ونشوف امشي ياقمراء
راحو غند وقمراء
اليل في العزبه
غيثان يبه خل امي وعمتي وخواتي يجون اجيبهم انا خلهم يتونسون هنا الجو زين
ابو مضحي : لا انت خلك ابيك انت وغسان يروح مطلق يجيبهم
مطلق : ابشر
راح مطلق وجابهم بس رهف عيت تجي
عند غيثان الي اول ما شاف غند فز قلبه وقال (اشهد ان القلب للعاشق دليل) بصوت واطي بحيث ما سمعه الا غسان الي يعرف قد ايش غيثان يحب اخته
ام غند وام مضحي : سلام عليكم
الكل:عليكم السلام
غيثان: هلا هلا بأمي وعمتي وانا اقول البر منوره
ام مضحي هلا بك
جلسو
غند كانت جالسه جنب ابوها وقمراء جنب غند وكانو جنبهم العيال كانو يلعبون مع بعض ويسوون تحديات بس الغريب ان غند ما تلعب معهم ولا هي في حسهم
راح غيثان اشر لقمراء تلحقه
لحقته قمراء وبعدو عن العزبه
غيثان: وش بلا غند هي تعبانه ؟ ولا مريضه ؟ ولا ايشششش فيه
قمراء : هدهد يا طيور الحب مافيها شي فيها نوم
غيثان : اها طيب امشي
ابو مضحي : قمراء يمه جيبي انتي وغند القدور من  السياره
غند : ابشر ياعم
راحو لمكان السياره الي كان بعيد شوي عن هلهم
قمراء : تخيلي تتوقعين ليش غيثان سحبني معه
غند : ليش
قمراء يسأل عنش انش مالعبتي ولا سولفتي معنا
غند بفرح : اما طيب تتوقعين ليش يسأل
قمراء : خبل انتي كل ذي التلميحات وقد قلت لش عشرين مرره انه يحبش
رجعو ومعهم القدور
جلست قمراء بحضن ابوها قالت يبه
ابو مضحي : لبيه
نط غيثان
غيثان : هي تقول لها لبيه وتخليها تجلس بحضنك وانا لااااا
ابو مضحي : قمراء غيرررر وانت غير
قمراء : لفت وهي تلف يدها تقهر بها غيثان
قمراء : يبه نبغى انا وغند نروح للخيول
ابو مضحي : ذلحين ليل والخيول ممسيه لما اصبحنا تجهزو انتي وغند ورهف وبخليكم تسرحون معي
قمراء : طيب
الصبح
صحت قمراء تصحي رهف عشان يسرحون مع ابيها
قمراء : قومي جعلش للمرقد الشمس بتغرب وانتي راقده
رهف : مانيب رايحه
قمراء : ليه
رهف : ماودي بالبر والخنيز وريحة الغنم
قمراء : والله ما المخنزه الا انتي
(مخنزه او خنيز يعني وصخ )
راحت قمراء لبيت عمها تنادي غند
غند يله يله جايه
قمراء : عجلي علينا
(عجلي يعني اسرعي )
غند : يله هيا
قمراء : ودش نروح على رجيلنا مانبغى بالسياره
غند : شرايش نخليهم يجيبون لنا الخيول ونروح فيها
قمراء : ماضنتي بيخلونا بس اطلبي ابيش وانا بطلب ابي
طلعت قمراء لبيها برا
قمراء : صباح الخير يبه
ابو مضحي: صباح النور
قمراء : يبه تكفى ابغى اروح العزبه بالخيل مب بسياره
ابو مضحي ناضر قمراء بحده وقال بصوت حاد : سلامات ليه تروحون بالخيل ما عاد الا هي
قمراء كانت رده فعلها سريعه وسوت نفسها تبكي
قمراء : ليه عشاني بنت ما اركبه في الحاره عشان لايتكلمون فيك (بصوت بكاء )
أبو مضحي تقطع قلبه عليها وحس انه قسى عليها وذي القسوه مهيب للبنت البنت ماتستاهل الا الطيب والولد بعد بس البنت قلبها رهيف عكس الولد الي غالبً مايكون قلبه قوي
ابو مضحي:خلاص يبنتي لا تبكين روحي قولي لغيثان يروح هو وغسان ويجيبون ٢ لش ولعند
نطت قمراء : صدققق
ابو مضحي: ايه
راحت قمراء تركض تصحي غيثان
قمراء: ولددد اصحى رح جبلي خيل بنروح عليه
غيثان : فارقيني هناك ابغى ارقد
قمراء : وإذا رقدتنت من بيجيبلي انا وغند خيل
غيثان نط قال ها غند!
قمراء : اي ابي قال تروح انت وغسان تجيبونها
غيثان : طيب
راحو وجابو الخيول وركبت قمراء وغسان راح يبدل لبسه ما بقى عند الباب غير غند وقمراء وغثيان
كانو ينتضرون غسان
جاء غسان وركب مع غند وغيثان مع قمراء وكانو يمشون بالخيل لما قربو يطلعون من الحاره فجأة حيده (صخره) جت في ضهر قمراء صرخت قمراء لغيثان يوقف وقف لفت لقت جوري
جوري عدوة قمراء وغند واربع وعشرين ساعه يتضاربون
نزلت قمراء وهي معصبه ولحقتها غند وكانو رايحين يبون يتهاوشون مع الجوري
غسان تنرفز من حركة جوري في قمراء وبذات ان قمراء كانت تشكي من ضهرها دايم
نزل غسان وغيثان يبون يفرقون بينهم لأن المشكله اشتدت وجوري قامت تصب دميان (يعني دم )
بعكس غند وقمراء الي ماطاحت منهم شعره رجعو يكملون طريقهم وهم يتكلمون لأن كانو يمشون وهم مع بعض كان غسان وهو يتكلم عيونه تطيح بعيون قمراء وينسى سالفه وعلى ذا الموال لين وصلو
قال غيثان شرايكم نتسابق اثنين اثنين قال غسان قدام انا وقمراء
قمراء : اخس تتحداني انا قمراء بنت عبدالرحمن
غسان : نشوف
ركبو وقامو يتسابقون وثلاث جولات وكلها قمراء الي تفوز
قمراء بغرور: حبيبي انا قمراء عبدالرحمن محد يتحداني
غسان كب (ترك) كلشي وركز بكلمة حبيبي وسكت وهو مبتسم
جاء دور غيثان وغند  وفازت غند
كان غيثان يحاول انه يخسر عشان غند تفوز
جلسو على الفرشه ينتضرون هلهم يجون
قمراء بنغازات لغيثان سمعنا قصيدة من عندك
غيثان انحرج : طيب وش تبين
قالت اي شي غزلي كذا
غيثان بهمس  الله ياخذش
قمراء : هههييي ترا اسمع
غيثان : طيب طيب ماراح اقول
قمرا: شعنده خلف بن هذال بالطقاق
قعدو يسولفون لين ما جاو اهلهم
وجلسو ام مضحي: بنات الحقوني الخيمه ابغاكم تساعدوني
البنات: طيب
دخلو جلست ام مضحي قالت اجلسو جلسو البنات
أم مضحي: وش صار على الموضوع
قمراء : الصراحه مافكرنا
ام مضحي معكم ساعه انا بطلع بقولهم انكم تشتغلون وانتو فكرو
قمراء : غند احس انو عادي لو نتطى برضو محنا صغار
غند : انا عن نفسي مو مقتنعة
قمراء : انا بصراحه اقتنعت وبتغطى جد
غند : خوي مايخلي خويه بتغطى معش
طلعو
في العزبه
ابو مضحي: ابو غسان
ابو غسان : لبيه
ابو مضحي لباك
الا مادريت بيجينا اليوم ابو سعد
غند وقمراء ناضرو بعض بصدمه وفرح فنفس الوقت
عائلة ابو سعد
ابو سعد سياف (يصير ابو مناهل زوجة مضحي ) عمره ٦٢
سعد ١٧ ما يحب البنات ولا يقبلهم يحب البر وطلعاته
نايف تؤام سعد بس يختلف عنه بكل شي هاذا يحب تراب البنات شخص داشر بمعنى الكلمه
الين: عمرها ٢ تحب اخوها سعد مرره ومتعلقه فيه
العنود : يتيمة ساكنه عند ابو سعد بحكم انه عمها اخو ابوها عمرها ٢٣ يويل الي يغلط عليها شخصيتها قويه
الريم : عمرها ٢٢ تحب العنود  مرره والعنود اقرب لها من هلها
سمر : عمرها ١٩ تكره العنود مرره وحقوده وتكره كل بنات عمها 
ريآن : عمرها ١٤ تحب غند وقمراء مررره وهم اصدقاء طفوله
ريانه : تؤام ريان عمرها ١٤ غند وقمراء صديقاتها المقربات بس المسافه تفرق بينهم شخصيته قويه وحبوبه بنفس الوقت
ام سعد : متوفي وهي تولد الين اخر بناتها
ةنرجع للعزبه   
قمراء : يعني بيجون البنات
غند : منزمان عنهم
اليوم الثاني الصبح
بيت ابو مضحي
مجلس النساء
ام مضحي :ياهلا ياهلا يامرحبا تو مانور البيت زلي زلي (ادخلي )
ام خالد (جارتهم ) : هلا فيش البيت منور بهله
مجلس الرجال
ابو مضحي ووراه عياله : اررررحبو ارحبو
ابو سعد:البقاء البقاء
وقامو يضيفونهم بالقهوه والحلا والتمر وتجرهم السوالف لزمان
الليل
ام غند : غند جعل اسباعش وراش كما تعجلين (تسرعين ) علينا الناس ينتضرونا
غند يله يله يمه خلصت بس باقي روج
ام غند اخلصي
غند : خلاص خلصت هيا
للعلم كان فيه عشاء صغير بين العائله
فاكانو النساء والرجال بنفس المجلس بحكم انهم مايتغطون من بعض
ام غند : سلام عليكم
الكل عليكم السلام
دخلت غند ورا امها
وهي عيونها مانزلت بس تناضر غيثان من طرف عين عشان محد يلاحظ
كان قلب غيثان يرفرف
غيثان
( انا وقلبي لش كتبنا دوواوين
على امل تقرين ياملهمتنا
وعلى امل تجين وتقولين
انا معك لو الحسايد فرقتنا )
وكالعاده سمعه ابو مضحي
ابو مضحي : وجع ياجعلك السلال
غيثان جفت عروق دمه يحسب ابوه عرف
ابو مضحي : ماصبيت القهوه ليلحين
غيثان وهو يرخي نفسه بعد ما حسب انه بيموت
غيثان بتلعثم : اابش رر اال حين اصب ققهوه
ابو مضحي : يله عجل
خلص العشاء
الصبح
ابو مضحي يدق باب بيت ابو سعد
ريانه : هلا هلا بعمي
ابو مضحي: هلا بش يابنتي وين ابيش
ريانه : بناديه لك
ابو سعد هلا والله اقلط
ابو مضحي: لا لا ابغى اعلمك تلحقنا انت وهلك للعزبه
ابو سعد ابشر ابشر نجهز ونلحقكم
لحقوهم وراحو البر
في البر
تجمعو البنات والعيال سوا بفرشه
واهلهم بفرشه ثانيه
كانو جالسين دائره
سعد ونايف وغيثان غسان وجنب غسان غند وريآن وقمراء ثم ريانه
اما البنات الثانيات فكانو مع اهلهم في الفرشه الثانيه
غند : غيثان تقول قمراء انك شاعر صح
غيثان بنفسه انا شاعر لش انتي وبس وفي الاخير جالسه تسألين قطع حبل افكاره صوت غند :الو وين رحت
غيثان: اي اي شاعر
غند طيب ليه ماتعطينا شعر
سعد : اي تكفى من زمان عن شعرك
غيثان:

ان كانه السلطان! احنا سلاطين
ومن زل عنا با النظر ما نشوفه
تكرم خطانا عن دروب المقفين
ويكرم قصيد الشوق واعذب حروفه

سعد: صح لسانك