📜قِـصّــة حُــبّ📜
🪄القَــيصَـــر: رِيتَــاجُـه🪄
🖇البارت الثامن🖇استمتعوا💕
📞أمير: القيصر، واقع واحد المشكل و كنظن خاصك ترجع فأقرب فرصة عندك
📞سيف: واش انا حطيتك تما ديكور؟ دير خدمتك حتى نرجع و انا غا نتفاهم مع ولاد القحاب
📞أمير: المشكل متعلق بالسلعة ديال الذيب
📞سيف: خدمتك نتا عارفها مزيان و الذيب لا سخن عليه كرو و دار شي قلوة ديكساع انا غنجي
📞أمير: واخا صافي انا نعلمك باش ما كاين
قطع سااخط و لاح تيلي على الفوتوي، كان جالس غير بوحدو حتى جا الحاج جد مروىٰ جلس حداه و كيهضر معاه بالهدى حيت عرفو معصب غير من عروقو لي طراساو فعنقه
الحاج: ايوا السي سيف الدين، نتا مزال مكتفكر دير لينا شي عراسية بحال خوك
سيف: حتى يدوز بعدا هاد العرس عاد فكر فيا انا الحاج الله يهديك
الحاج: ايوا اولدي غير الى مبغيتش تبارك الله البنات موجودات خاص غير العريس
سيف: يكون خير الحاج، نهار نبغي نتزوج نتا الاول نقولها ليه
استأذن منه فاش جا أمين جلس حدا الحاج و ناض خارج من الرياض، معصب و سااخط و غير كيصوط بغا غير فاش يفش هاد العصب لي فيه، و هي تبان ليه جالسة فالجردة قدام لابسين، رجليها معريين و شعرها مطلوق كيديه البرد و يجيبو، كانت كتبان له بحال شي أميرة من دزني، بشرتها البيضاء زادت لفتات انتباهو مع الكاندورا الحمرا لي لابسة، سلبات عقله و خلاتو كي الهبيل غير كيفكر فيها
حس براسو تهدن شويا و بقا مقابلها اش كتدير، مرة تهز رجليها تضربهم فالما حتى يطوش و مرة تبدا تتمايل و تغني بصوت خافت بحال كتدندن و لكن سرعاان ما جمع غوباشتو و حس بالاعصاب كيركبوه ثاني فاش بان ليه واحد من الخداما واقف بعيد و كيشوف فيها، بحال كي كان هو كيدير😐، محمللشش راسو و حس بالنار شاعلا فيه و هي غير مكتزيد تبين رجليها كلما دخلاتهم فالما
مشا جيهتها معصب و عروقو مطراسيين فعنقو، بحال الوحش و بدون شعور هز يديه و لواها على شعرها جارها بجهد حتى غوتات و حسات بالزغبة كتجر من جذرها
سيف: مال جد بوك الكلب جالسة هنا كتعري فسيقانك و نتي عارفة الرجال كاينين؟؟
ريتاج: ااي اويلي واش تسطيتي و لا تسوطا ليك شي عرق فدمااغك، طلق مني الحمار طلقق
سيف سااخط: وا نوضي تكعدي و نتي جالسة هنا كي القحبة معريا و مخليا لي يسوا و لي ميسواش يتفرج فيك
ريتاج: واا طلق مني و لا و الله حتى نجمع عليك الجوقاا طللق راه بربي تتندم نوريك القحبة اشناهيا الزمرر..
سيف زير عليها: ششش سدي حلقك و نزلي صوتك راه غنهرس لمك سنانك
ريتاج: ويك ويييك اعباد الله واا عتقوو الروح باغي يتعدى عليا
سيف كي سمعها كتغوت و هو يدفعها بجهد جيهة لابسين طاحت فيه فزكات كاملها و بقا واقف كيشوف فيها مخنزر
سيف بهمس: برهوشة
تحرك من بلاصتو و عطاها بالظهر و مشا فحالو خلاها واقفة وسط لابسين فاازكة و الماسكارا ساحت من عينيها و هي تبدا كتركل و تضرب الما بيديها معصببة
ريتاج: و الله لا بقات فيك الحماار غير تسنا و شوف
خرجات من لابسين حوايجها لاصقين عليها و شعرها لصق على ظهرها غطاه كامل، وجهها حمرر و عينيها مجلخين بالماسكارا، كتمشا غادا للبيت و كلها كتغلي، تضرب برجليها الارض خطوة و خطوة فجيه ما حسات حتى دخلات لبيتها و ضربات الباب بجهد حتى تزعزع كولشي و مشات دغيا حيدات عليها الكاندورا و رماتها و دخلات للدوش قبل ما تمرض
اما سيف بعد داكشي لي دار هز لوطو و خرج غادي يقضي شغلو، طريقه كامل غير ساهي، حاط صبعه على شفايفه و كيفكر فنهار حس بدوك لفريزات تحطو على فمو، واخا غادي و كيفكر فيها فنفس الوقت مغوبش و الافكار كتعصف فدماغه بحال شي عاصفة، علاش هي؟ بحالها بحال باقي البنات علاش كيحس هكا و كيظل يفكر فيها، ما حاملش انه بدا كيميل ليها كثر و كثر و الفكرة غير مكتزيد تجعرو..
ماحس حتى لقا راسو قدام لبار، خارج من لوطو كي الثور و داخل مخلي كولشي متبعو بعينيه، البنات للداخل شافوه بداو يتحلونو كي لفعات و دراري شي بقا كيشوف و شي عارف مزيان شكون هو و بعدو من طريقه
جلس فالطبلة و فساعتها جا السيرفور خدا الاوردر دياله، جلس مفرق رجليه و مسند عليهم بيديه، صدايف القميجة محلولين و شعره مخربق شويا، البنت لي شافته كطيير و تبغي دير المستحيل باش تقرب منه أولَا غير تثير الانتباه دياله و لكن هو بحال شي جبل مكيشوف فين غير سااهي..
عاوتاني أفكاره محصورة بصورتها، داك الصويت ديالها و هي كتدندن و صويتها و هي كتضحك، اه بصح هو شاف الانواع و الاشكال ديال البنات نعس مع العرارم و شاف بنات اجمل و لكن هي، بووحدها..
سيف الدين، القيصر لي من نهار خرج من المغرب قلبو جمد، مبقاش كيضحك، مبقاش كيفكر فحتى وحدا، ها هو دبا غيحماق و يشدها غير بين يديه..
.
.
.
سمحولي البنات تعطلت عليكم و لكن غير الظروف و صافي، شكرا بزاف على التفاعل الزوين بحالكم 🤍.
![](https://img.wattpad.com/cover/334269927-288-k676782.jpg)
YOU ARE READING
⚜️ الـقَيــصَـر ⚜️
Romanceقِصّة جدِيدَة بِقلَم تَاج👑 هاد القصة فيها بزاف الاشكال ديال الحب الحب بين العائلة، الصداقة و الشريك ديال الحياة.. الدراما 🥀 بزاف ديال التفرشيخ 👊 الحب💗 غتعرفوا محتوى القصة بمجرد ما تقراوها و بالنسبة ليا راها مختالفة على باقي القصص التي تروج نفس ا...