دمار شامل (روايات ليبية)

دمار شامل 3 🪦🔥

#دمار_شامل 3 🪦🔥.

﮼اللهم،صلى،وسلم،علي،سيدنا،محمد .
_____________________
في قصر حمدان كانت العيله كلها متجمعه والقصر مليان علي خاطر رجوع غيث وليث من تركيا ... كانت العيله فرحانه بيهم وسلمى قايمه خشمها للسقف طبعا علي خاطر ولادها دكاتره وقاريين برا و و و 😂 .

في المطبخ :-
خوله : (تحوس في المطبخ) مرووى خلي عينك علي الطناجر بالله و اول ما يطيب اللحم صفيه ... انا ماشيه للحمام مش مطوله
مروى : تمام حبيبتي (ولاهيه توزع في السلايط لحد ما حست بشخص تحمحم من وراها عدلت وشاحها والتفتت عليه)
ليث : (حط السفره علي الطاوله) عبي الكاس مياه حلوه
مروى : حاضر (وخدت الكاس بدت تعبي فيه)
كوثر : (علي اساس داخله بالغلط ... وكانت لابسه قفطان قصير فوق الركبه وعريان من جهة الصدر) ااهه ليث اسفه ما نحسابكش هنايا
ليث : (نزل عيونه)
كوثر : (مدت يدها) الحمدالله علي السلامه يا دكتور هههه
ليث : (بدون ما يسلم علاها) الله يسلمك
كوثر : مشاءلله كبرت يا ولد خالتي و وليت طرف
مروى : (مدتله السفره) تفضل
ليث : منوره (شافلها بتعمق وخدا السفره وطلع)
كوثر : (شافت لي مروى من فوق للوطه وفي داخلها : بجمالي هدا كله فاتني وما رفعش عينه عليا وحتى ما سلمش عليا ... والجربه هدي ضحكلها وشكرها !! بالله شن فيها زايد عليا ؟؟ اخخخ خلاص كوثر اهدى في النهايه هيا مُجرد خادمه واكيد شافق عليها لا اكتر هدا باش يضحكلها ... وطلعت !! )
مروى : (تنفست براحه لما كوثر طلعت من جمبها لانه حست بتوتر طول ما عيون كوثر عليها وكأنه في شي !! )

-شن قصة كوثر مع ليث ؟؟؟ ... وعليش تحاول تتقرب منه ؟ هل كانت في علاقه تربطهم ببعضهم غير انهم اقارب وبس ... او لا ❓.

___________________
هاشم : فاش تحكي انتَ ؟
بدر : زي ما قتلك يوم الي بلغو علي ريناد ... بلغو علاها علي انها مُشتبه فيها ويبو يقبضو علاها باش يحققو معاها ويوصلو للقاتل فقط لاكن مش مبلغين علي انها هيا القاتله
هاشم : وانت كيف عرفت ؟
بدر : اسرار دوله 😎
هاشم : تي تكلمم
بدر : صاحبي محمد الي مره زرد معانا تفكرته ؟
هاشم : اي خيرا ؟
بدر : هوا الي شاد القضيه وحكالي
هاشم : (هز براسه وحس نفسه تريح اشويه ! )
بدر : (طبطب علي كتفه) بر اتصل بيها وطمنها
هاشم : (هز راسه بسرعه وطلع باش يتصل بيها)

هاشم : رنودتي
ريناد : (تبكي بصوت عالي)
هاشم : ريناد ؟؟؟ خيرك شن في
ريناد : (بصوت عالي ) ..... 💔
____________________

                 🔥 أبــــرار الــــدرســــي 🔥
                 🔥 أبــــرار الــــدرســــي 🔥

___________________
ريم : خيرك كوثر ساكته من بكري حسيتك متضايقه من شي كأنه ؟
كوثر : ☺️ ... لا بالعكس مافيش شي مضايقني بس نعسانه وراسي مصدع
ريم : تعالي نعطيك بنادول وارقدي في غرفتي فوق
كوثر : لا مافيش دا....
ريم : (جبدتها من يدها) تعالي اذا ما خديتيش البنادول راسك رح بزيد يوجعك اخره
كوثر : (استسلمت لانه عارفه ريم راسها مسكر ... خدت بنادول وعطتها ريم غرفتها ترقد فاها وخلتها بروحها )
سلمى : ريمم بنتي تعالي نبيك
ريم :(قربت عليها) نعم ماما ؟
سلمى : (بهمس) وين خديتي كوثر ؟
ريم : ااء فوق في غرفتي قالت تبي ترقد راسها مصدع
سلمى : (قلبت عيونها) اها به
___________________
خوله : (يحطو في العشاء) انا مش مرتاحتلها الفرخه كوثر
مروى : خيرها ؟
خوله : (بهزوه) ههه ... تحُوم علي ليث وغيث من زمان
مروى : (فتحت عيونها بصدمه) الاثنين مع بعض 😨؟
خوله : ايي ... انا نعرف الي تحُوم تلقاها علي واحد بس هدي علي اثنين ويمكن ثلاثه وتوقعي منها حتى عشره رخيصه يطلع منها كل شي
مروى : لا حول ولا قوة الا بالله ... ربي يهديها
خوله : مستحيل ... كوثر نعرفها من سنه ونص كما اعتقد وكل ما تجي هنايا نلاحظ عليها كيف تحاول تتقرب من ليث وغيث والمدام سلمى الي مدايره روحها تغار علي ولادها و و و عاجبها الشي الي ادير في كوثر وبزياده !!
مروى : 😨 ... حسبي الله ونعم الوكيل
خوله : (هزت كتافها وكملت شغلها)
___________________
ريناد : (بصوت عالي) انا حااااامل يا هاشم حااااااامل 💔
هاشم : شش شنوو ؟
ريناد : (انهارت بكي) اا اناا قتلت بو ولدي ا انا خليته يتيم الابب 💔 ياررررربي كيف صار هكي ككيف
هاشم : ريناد اهدى وبري تأكدي مرات الجهاز الي عندك يكون غالط ولا في شي غلط صدقيني مستحيل تكوني حامل
ريناد : لا انا متأكده حتى اعراض الحمل قاعدات واضحاتت بانوو عليا
هاشم : (تنهد بغل) لا حول ولا قوة الا بالله
ريناد : (مستمره تبكي)
هاشم : خخ خلاص ريناد هدا شي في يد ربي
ريناد : (مسحت دموعها وتكلمت بحقد) ....
هاشم : 😨😨
___________________
ليث : غيث هات الباور تلفوني طفا شحن
غيث : 🥲
ليث : تي هات خيرك واقف تشبحلي زي المسطول !!
غيث : خايف نقولك إني عطيته لي ريم نحصل طريحه ويضيع ستايلي وهيبتي قدامهم 🙂
ليث : لا حول ولا قوة الا بالله ... برا جيبه
غيث : (وقف بسرعه) طبعا طبعا ماشي بنجيبهولك بالله كم عندي ليث انا ؟؟
ليث : قصدك كم عندك خوله ؟
غيث : ما تفوت عليك فايته ولا اكله بايته ازفت (وطلع للحوش دخل من الباب الخلفي طق علي باب المطبخ مرتين بس مافيش حد فتح شاف من الروشن لقى المطبخ فاضي عرف انه قاعدين يحطو في العشاء استغل الفرصه وفتح باب المطبخ ودخل ومنها رقى لي دار ريم الي كانت كوثر دايره روحها راقده فيها ... فتح غيث الباب بسرعه متوقع انه الدار فاضيه بس انصدم بي منضر كوثر كيف كانت راقده بدون غطا ولا قفطانها القصير والعاري ومنظرها كيف راقده قعد دقايق يشوفلها وهوا منصدم )
غيث : (في داخله:استغفرالله العظيم ياربي شني هدا بالله ... وقرب خدا الباور ولما جى يبي يطلع حس بيد انحطت علي كتفه التفت ولقاها هيا)
كوثر : شن كنت ادير هنايا ؟
غيث : (بعد يدها بتقزز والتفت يبي يكمل طريقه بس صدماته لما سكرت باب الدار ) تي خيركك ازفت ؟ شن تبي مني ؟؟
كوثر : ...
_____________________
جميله(ام كوثر) : رريمم رييم ... وين كوثر كلميها تتعشى
خوله : (شافت للصاله ولاحظت انه كوثر مش موجوده بس الي مطمنها انه غيث ما دخلش للحوش لانه لو دخل ضروري يكلمها ويحكي معاها)
ريم : قالت راسي مصدع ومشت لغرفتي تبي ترقد اشويه
جميله : بري كلميها بالله
ريم : اءء حاضر ... مروىى بري كلمي كوثر قاعده في غرفتي راقده
مروى : تمام
خوله : خليك كملي باقي التوزيع وتو نمشي نوعيها انا (ومشت)
سلمى : 😏😏 .
_____________________
ريناد : (تكلمت بحقد) رحح نطيح البيبي مستحيل نجيب طفل ويتربى بدون اب واحتمال كبير يكون بدون ام
هاشم : ريناد متاكده من الي قاعده تقولي فيه 😨
ريناد : ايي متاكده الطفل بدون عيلته ولا شي
هاشم : بس انا وياك رح نتزوجو ورح نربوه مع بعض ومستحيل في يوم نخلوه يحس بالنقص او يحس انه انا مش بوه
ريناد : (ضحكت بهزوه) ههه وشن الي يضمنلي انك رح تقعد معايا باقي العمر وما اديرش معايا شي غلط وادمرلي حياتي زي ما دمرتها ليا زمان انت واختك الخامره
هاشم : (تنهد) انت عارفتيني اني تبت واني نادمه علي الشي الي درته فيك زمان والدليل اني خلصتك من اكبر كابوس في حياتك وخليتك تتحرري منه ورح ناخدك ونعيشك احلى عيشه وانسيك كل شي اخي مريتي بيه مع حمزه
ريناد : ههه عارفه انه كل الي ادير فيه معايا هدا كله وراه مصلحه يا هاشم
هاشم : معش تقولي هكي ريناد انت عارفتيني نحبك ولا ؟ خلاااااص انسى الماضي وفكري في حاضرك ومستقبلك معايا
ريناد : (تنهدت وماحبتش تناقشه) تمام
هاشم : خلاص توا بري امسحي دموعك وتريحي ورح نجيبلك دكتوره تفحص عليك ونزيدو نتاكدو يمكن في شي غلط
ريناد : انت اهبل ولا تستهبل ؟
هاشم : خيرك !
ريناد : ناسي انّ انا مطلوبه قانونياً ويمكن بعد ما تشوف وجهي تبلغ عليا
هاشم : خليها عليا و اوثقي فيا مستحيل نخلي حد يمس منك شعره ... قبل ما ندير شي يخصك نفكر وندير الف حساب للحاجه من خوفي عليك ريناد ❤️
ريناد : تمام دير الي تشوفه مناسب
هاشم : تمام ... ديري بالك من روحك ومعش تفكري في شي
ريناد : انشاءلله سلام (وسكرت!!)