✨Arsi✨

💜*~khuarei ah hmangaihtu thinlung chu~*💜

Kan arsi engmawi tak kha....

Thinlung tam tak, suangtuahna hmun khat a min chenkhawm tir theitu

Kan duhthlan ni miahlo, mahse thleng ngei ngei tur nisi kha...

Arsi chu hmun 7 ah a inthen darh anga, athen kan hmu zui anga athen hmuh phakloh ah an kawng zawh in an pilbo anga... arsi lian tak eng tak ni thin kha a lo kehsawm tak avangin a hma angin a eng thei tawhlo anga.. a hma a a enna hnuaia hlim taka tualchai thin te pawh anmahni entu ni thin kehsawm ta enna derdep tak nei hnuaiah chuan tualchai loin inchhungah an la luh san anga... tuallai a hlimna authawm ri tung thin te kha a lo dai anga.. a lo reh thuap tawh ang...

Vanah arsi dang tam tak awm mahse an arsi kha a awm ve tawh dawn silo... lungdamlo chungin arsi dang chu an thlir thin anga,, duhkhawp lo takin thinlung hnim ruih in an thlir liam ve thin tak na anga.. an lunglenna a hnem zo dawn chuang silo... arsi tam te enna chu kan arsi enna nen kan teh in kan khaikhin fo anga mahse kan buk tling zo chuanglo hi sawisel ni hauh silo in kan in phun lunghnur thar leh thin ang...

Khawnge kan arsi kha?
Khawnge kan hmangaihte kha?
Khawnge kan lungngaihni a kan hlimna te
kha?
Khawnge kan hlim rual a hlim ve thin te kha?
Khawnge?.. khawnge?.. khawnge?..
Zawhna tawp theilo leh zo theilo.. mahse a
chhanna awm chuang silo ah a chang anga...

Zawng thin mah ila.. a kehsawmna peng 1 emaw peng 2 chu kan hmu mahna, mahse 2 emaw 3 chauh hmangin a hma anga eng leh tur khan a zawmkhawm theih kher angem?..

Khani kha chuan chutiang chuan an ti a..
Chumi ni ah chuan ani kha chuan hetiang hian a ti a...
Khami tum kha chuan ti hian an sawi asin...

Tiin thawnthu ang maiin a tak ram ami kha kan la sawi chhawng anga.. hmanlai an chang tawh thung ang... ni e.. hun a kal anga.. kum a vei anga.. mihring pawh kan danglam ve zel ang...

Theihnghilh an ni ang nge keimahni zawk hi theihnghilh kan ni zawk dawn... ?

Eng zawk zawk pawh chu kei chuan ka thlang ngailo ang... theihnghilhtu nih ka duhlo a.. theihnghilh nih ka duh heklo.. antan awm reng tum mah ila khuarei hian min then hrang anga... anni pawh keini pawh kawng peng 2 ah kan peng hrang tawh ang....

Chu ni alo thlen hunah chuan kawng hrang a kal kan nih avangin kan thlen chin leh kan tawpna pawh a in ang lo anga.. au vak vak mah ila an hre pha tawhlo anga.. nghak reng mah ila kan nghak chhuak ngai dawn silo...

Pawmthiam lo chungin pawm dan kan zir a tul tawh zawk anga
Lungdamlo chungin lungawi kan tum anga
Ngaih rem tawhlo chungin kan ngai fo anga
Sawt hleilo in kan sawi leh chul thin ang...

Khuanu he hun hmachhawn thei tur hian chakna min pe lul teh...

🥺🥺🥺🥺🥺🥺🥺
😭😭😭😭😭😭😭

Queen of Capo