هديه الحارث

هديه الحارث الكاتبه هجران.

هلو بنات  بنات اذا عجبتكم القصه هيه بعدهي الاحداث الحلوه مباديه بس دادرس ومالحك  راح انزل كل تلث ايام بارت وانشاء الله تعجبكم

ع سنه الله ورسوله
ابو حارث:  هديتك مقبوله يابو حسين النه كل الشرف 
وره نقاشات وسوالف وموافقتهم على حياتي ومصيري راح كلمن الهلا
جواد:  يابه وين رايحين ابقو
ابو حارث:  لا والله هم يلا نوصل
ونبلق وانسوي عرس الولدنه
براحتكم بويه كل الهلا بيكم

هاجر: صار الجنت مامتوقعته
هاي تاليتي اروح هديه والمن ماعرف حالي حال الفصليه الشخص ماعرفه لا والله
لو يذبحوني ماقبل
حسين: بويه شنو هاذ الي صار هاي بنتي الوحيده شنو تنطيها هديه وبدون علمها
جواد:  اسكت هاذ قراري القبلت وان ماقبلت بنتك انطيتها وخلص لو تريد تعترض ع كلامي
ماريد اسمع اي كلام القرار قراري ماشي
حسين:  ماشي يابه
هاجر: وره ماطلعو بقه جدي وابوي
شوي ونسمع صوت جدي عله
طلع ابوي وباوع علي
صاحني
رحت وراه كلبي نقزني
حسين: كعدي بويه اريد احجي وياج بموضوع
هاجر: يي بابا كول قلقتني صاير شي خطر
حسين: لا انشاء الله ماكو شي
بس بويه اليوم جدج  كدام العشيره 
انطاج الابن اخوه هديه
هاجر: شنو بابا اكيد تشاقه شنو ينطيني بكيفه يقرر مصيري وين اعيش ومنو ازوج هاذ شي اتعده الحدود واني مستحيل اقبل مثل ماسوه بعماتي وانطاهم شنو اني سلعه يهديها لو بيعها اويتحكم بيها
اعرف يابه مستحيل اتخليه يحدد مستقبلي
اعرفك متعوفني اروح المصير اني مامختارته
حسين: وياج للموت
بس مكدرت ارفض اذا رفضت راح انزل قيمه جدج كدام العشيره وراح اخلي علامه استفهام عليج يعني راح يكولون ليش رفض وليش وليش اكيد البنيه بيها شي  مو صح
مكدرت تحاوطت من كل الجهات
بعدين حارث ابن عمي خوش رجال  وراح يصونج

هاجر:  هاي انته ابويه هيج تحجي لا مستحيل انته تتخله عني هيج وتتفق وياهم ع خراب حياتي ومصيري المجهول
حسين: لا بويه انتي مرايحه الغريب رايحه البن عمي مراح تعبين راح يصونج
هاجر: بابا هاذ زواج مو لعبه تتخيل شنو راح يصير  راح ازوج شخص مشايفته بس من اني صغيره شخص ميعرفني زين شخص مو نفس تفكيري
حسين: حارث دارس وصل العداديه وترك حب يكمل مسيره ابوه وهوه يصير شيخ بعدين حارث واعي ومرزون وكد كلمته
هاذ القرار ماكدر ارفضه ولازم توافقين عليه اذا ماوافقتي راح تفتحين كلام عليج  اله بدايه ماله نهايه ومستحيل جدج يرجع بكلامه
هاجر: اول مره اشوف نفسي مهزومه
ومالي شخصيه وحياه خاصه ماكدر  اخذ ابسط القرار الي كله بيد واحد يدعى جدي
عفت ابويه ورحت الغرفتي  بجيت حد ماتعبت
ونمت من التفكير بمجرد افكر شنو راح يصير ماعرف
كعدت الصبح غسلت وبدلت ونزلت كالعاده
لكيتهم يتريكون بس بضافه الشخص والي هوه جدي
ماجاني نفس اكعد واكل
كلت البويه بابا منتضرتك بره
جواد:  وين
هاجر: للكليه
ماكو كليه بعد راح تتزوجين وتنسترين ميحتاج كليه بعد
هاجر:  شنو هلكلام هاذ مستقبلي مستحيل اعوفه كافي ادخلت بتقرير مصيري حته بهاي تريد تدخل مشبعت
حسين: ااانجبي ولجج سمعي كلام جدج وامشي صعدي الغرفتج طولان السانج
هاجر: بابا متشوف الي ديصير
حسين: كلت امشي الغرفتج يلااا
هاجر: ركعت كتبي ع مجمده ورحت ابجي
حسين: يا ادبزز يرادلج تربيه
جواد: عوفها ختولي
سجاد: تره الي حجته هاجر صحيح وملينه من هاي الحياه الي بيها بس قرارات جدي وتحديد مصيرنه  احنه مو حيوانات حته ماعدنه عقل وكلب ونفكر وناخذ قراراتنه ولا سلع يتحكم بينه تره ملينه المثلك هسه يصلي ويصوم مو كاعد تضلم بناس
 
حسين: ولك هاي عليمن طايح الحض
ضربه راشدي
وربي اربيكم من جديد ادبززيه تتمادون انعل والديكم
عاف الكل وراح يدخن جكاير
سناء:  هاذ كل الي صار وهوه ياكل مهامه خربان ولدي المهم يرضي نفسه ويمشي كلامه علينه 
هاجر باجر خطوبتي الي بدون رضاتي هههه
غصب عني الشخص ماعرفه
الله كريم  مايضيع حق مضلوم

علياء: يااا نايمه بعدها ولج كومييي اليوم خطبتج
هاجر: عوفيني شويه حته النوم هم بقرار الله وكبر

علياء: لجج كومي حيجي العريس وانتي بعدج نايمه اصخام الصخمج كومي ولج
هاجر:  كمت وامري الله
علياء: غسلي وخلصي حته نروح بسع
هاجر: تمام. 
سبحت وبدلت نزلت ورحنه
وصلنه بابا اني وعلياء وامي
جانو يسئلون شتحبين يالون يا كذا
مالي خلك علياء تجاوبهم
خلصت وامي اتصلت على بابا
واجه اخذنه كلش هنا ضجت
لئن مجنت اعرف مصيري وين رايح
سلمت امري بيد رب العالمين هوه اعلم

نروح الحارث بطلنه 😍

حارث: اعتقد عرفتو عمري واسمي من وتيني هاجورتي  اني شاب بملامح بسيطه ذات بشره سمراء حنطيه  ومقبوله وامتلك شخصيه عصبيه طولي 186
دارس سادس علمي وتركت ورثت المشيخه من ابوي بعمر ال 26
المهم نرجع

  بعد ما اتفقنه ع زواج
واجه وقت الخطوبه.
رحت حلقت وبدلت
لمياء:  كللللوشش يمه شايف كل الخير
برفاه والبنين
حارث: فدوه روحلج يمه بست ايدها
صكر: ها ابوو شباب الف مبروك انشاء الله  وره الخطوبه عرس وره العرس توم جهال  انته بس شدلنه حيلك
رافد: والك ياتوم كول سته اخونه قاسي ههههههه
صكر: اول مره دكول شي صحيح
ولك ابو روث الف مبروك
حارث: الصمو خليني كمل
صكر: هسه فوك ما نباركلك
اسمع لك رفيد شغلنه سجوده العشك
بربك خلي نركص الخونه العوده
حارث: شلون راح العب العكال على روسكم
رافد:  اي اي اهم شي سجوده وركص
عوفه الخوك جنه ماخذينه الفاتحه

شو امشو اطلعو بره يلا يلا
شمرتهم ب مشط
طلعو يتضاحكون
خلصت
وطلعنه بنص الشارع وكفو السيارت وضلو يترادحون ويركصون سدو الشارع
همه وسياراتهم
الحد ما نزلتلهم يلا صعدو
وصلنه سلمت على عمي وابن عمي
ودخلت البس المحبس الهاجر
مشايفها مره وحده وهيه عمرها 15

اول مادخلت منزل راسي فتت وصلت البنت كلبي هجران كلبي
اول مره اشوفها خرب يومك حارث على هل الجمال والجسم الصار الك وحدك 
ههههه تخبل جانت صغيره من شفتها اخر مره بعدها طفله
سبحانه مغير الحوال

هاجر:  كالو للبنات اتغطو العريس يريد يدخل
هيج كالو واني كلبي كام يدك حيل وكمت ارجع

دخل واحد طويل اسمراني شخصيته طاغيه
بلبسه العربي كلش حلو

لبسني الحلقه وباسني وكعد شويه
جان يكلي ولج ماجنتي هيج اخر مره شفتج طفله بعدج شبسع كبرتي
هاجر:  البنات بسرعه يكبرن
انته ممتغير شي بيك بس طالعتلك لحيه وشوارب وطولان وضخمان وسمران
حارث: هههههههه لا ابد ممتغير شي بيه هههههه
شويه حجينه نوعا ما حسيت بطمئنان انبث بداخلي

خلصت حفله الخطوبه
طلعو رحت دابدل نزعت بس البدله
وجان بابا يصيحلي بسرعه نزلت
حسين: بنيتي خطيبج يريد يحجي وياج
هاجر: شيريد
حسين: شمدريني يابنتي فوتي وشوفيه تره صار رجلج  يلا بنيتي ماوصيج
هاجر: تمام بابا

رحت فتحت باب الستغبال عكيفي شويه شويه جنت خايفه وكلبي يدك حيل
دفعت الباب حيل واول مشافني ابتسم
حارث: تعالي بويه احجي وياج
هاجر: مو حجينه قبل شويه  شتريد
حارث: يابه دكعدي شبيج خايفه شايفه ملك الموت كبالج
هاجر::  هاا ءء لا بس نسيت اكعد