گولوله صارت بعد والگلـب حب عيونه ،
گولوله هوهَ الشمس والدنيا ضلمه بدونك .
يـهنـيال الجمال الشـالته عيونك سـلام اللّـه عليهـن لايحسـدونك .
****************************
مَر تقريبا اسبوعين على زواجي من فرقان واهله الله شاهد ممقصرين وياي بـ شي كُلش حبيتهم وبسرعه ياخذون مياانه يعني ما يتقيدون ابد وبعد الزواج بـ يومين توجهنه لـ كربلاء اني وفرقان وخالتي ام فرقان .
الصبح الساعه بـ 10:00 گعدت افرك بـ عيوني اباوع على فرقان بسابع نومه ، عدلت شعري وگمت حضرتلي ملابس ودخلت اسبح .
كملت بدلت وطلعت حطيت مكياج خفييف وسرحت شعري بـ طلب من فرقان يگول احس خروف ونايم يمي قهرني لـ هذا السبب سرحته .
كملت ورحت گعدت يم فرقان اضربه ضربات خفيفة
حور .. فوفه فوفوو فووفف
فرقان .. ممممم
حور .. گووم الساعه بـ10:30
رفع راسه وخرر المخده وحطاهه فوگ راسه ونام ، سحبت المخده وهوه مچلب بيهه ميقبل اوخرهه
حور .. يااا ولك عوفهه واگعدد
سحبتهه حييل وهوه گعد يجرر بيهه من ايدي واني اجر بيهه ، عيونه مطفيات كُللللش گوه مفتحهن
حور .. گووم كسوولي گوم
رفع راسه فاتح نص عين فرقان .. تره هسه اشوفچ الكسولي شيسوي .
حور .. اهوووو شوو دگوم چنك جااهل
سحب المخده مالتي ورجع حطاهه فوگ راسه وگال
فرقان .. مممم وخري الله عليچ خليني نايم
حور .. استغفرالله دگوم اريد انضف الغرفه واريد انزل جووه يللله
تأفأف وگام شمر المخده عليه وصاح .. متخلون الواحد ناايم وين اروح وين اهججج
حور ..هاي شبيك يا عيني دگوم اسبح وعدل نفسك بين ما احضرلك ملابس وانضف الغرفة يله يا عيني .
بهتت عيونه وحچه بـ صوت هامس
فرقان .. صار يا عيني
ضربته بـ المخده وعطت .. ااههووو دگوووم
ضحك وگام يفرك بـ شعره ، اخذ المنشفه وراح للحمام واني گمت حضرتله ملابسه حطيتهن على صفحه وبلشت انضف الغرفة ، لحد ما خلصت شغلت بخور وقرآن سورة البقره بـ صوت هادء .
طلع من الحمام يشتم بـ الغرفة ، گام يهوي على خشمه ويگول
فرقان .. راحة نفسيه ياخي راحه نفسيه .
حور .. نعيماً حبيبي
فرقان ..الله ينعم عليج يروحي .
حور .. هذني ملابسك بدل حتى ننزل
