حُر

Part"26"

#حُر
بــقلمي : مرمر علي

•━─────━❪𓆩𓆪❫━─────━•

#شهد
. كعدت الصبح شبعانه نوم شفت ساعة بــ 10 
درت وجهي ؏ حُر نايم ؏ بطنه وغاط بنومته تقرب منه بست خده وخرت عنه نزلت من الجرباية لميت ملابس حُر طلعت محفظته وتلفوناتنه خليتهن ؏ الميز اخذتهم

. طلعت بره خليتهن بــ الغسالة وشغلتها رجعت لصالة شفت جنطتة بــ الكاع كعدت ؏ القنفة وصعدتها يمي فتحتها طلعت ملابسه الوصخه شفت اكو فلوس يعني مستلم الراتب أخذت ملابسه الوصخه خليتهن بسله ورجعت شلت المسدس مالته جان حيل ثگيل شلت الجنطه واخذتهن للغرفة ضميته بــ الخزنه وطلعت باقي الغراض وعزلتهن

. غسلت ملابسه وشريتهن اخذت بدلته وكويتها وعلگتها بــشطار شفت ساعه بــ 11 فتحت الكنتور وطلعت ثوب قصير رصاصي دلع نزعت ملابسي ولبسته خليت حمره فوشي ورشيت عطر وطلعت

. اخذت تلفوني من الميز ورحت للمطبخ طلعت اغنيه فيروز {بكتب اسمك ياحبيبي} خليته ؏ الكاونتر وبلشت احضر بــريوك طلعت زيتون ومگدوس ومربه خليتهن ؏ الميز ورجعت طلعت جبن سائل وجبن مكعبات اخذت طماطه وخيار وخليتهن بــسنك ينغسلون رتبت الطاولة وخليت كلشي بماعون رجعت طلعت تخته وبلشت اقطع بــ الخيار

. مندمجه ويه الأغنيه ماحسيت إله ايدين ؏ خصري فزيت درت وجهي شوي وشفته حُر بعد شعري وخله وجهه برگبتي ويبوس بيه خليت ايدي ؏ ايده لي محاوطة خصري
- شهد :- صباح الخير حبيبي
- حُر :- صباح النور يأبه
- شهد :- شو كعدت
- حُر :- شفتج ماكو كمت
- شهد :- شلون شفتني ماكو وانتَ نايم
- حُر :- غير كعدت وكمت ادور عليج صار شكد من اباوع عليج بس انتي مانتبهتي
- شهد :- اممم

. رجعت اقطع بــ الخيار وارتبهن عدل حسيت ايده راحت لخلفيتي صار يعصر بيها
- شهد :- لا خليني اشتغل
- حُر :- اشتغلي منو لازمج
- شهد :- أنتَ

. غلس عني ومجاوبني رجع يسوي لي يريده عفته لان لو احجي لليل مراح يفيد بقه يتحرش بيه وين ماروح يروح ورايه خدرت الچاي ورحت لثلاجة طلعت بيض وكفت اخلط بي
- حُر :- مرتي النادرة
- شهد :- ها حبيبي
- حُر :- انطيني اني اسويها

. اخذ الطاسه مني وسوه البيضة حضنت خصره وبقيت اباوع عليه طفه نار وباوعلي دنك عليه وصرنه وجهه بوجهه
- حُر :- احب نضراتج
- شهد :- واني هم
- حُر :- وانتي شنو
- شهد :- احبك
- حُر :- احبج أكثر

. بأس خشمي وخر اخذت الچاي وصبيته خليت الكوب كدامه وكعدنه نأكل
- شهد :- صُدك حبيبي
- حُر :- شنو
- شهد :- ليش كعدت
- حُر :- ما مرتاح بــنومتي
- شهد :- ليش شبيك
- حُر :- اريد سويلي مساج بلكت ارتاح
- شهد :- تدلل حبيبي بس نخلص اسويلك
- حُر :- بعد روحي
- شهد :- أنتَ روحي
- حُر :- اوف خلينه نأكل