لبوة على شفا الثار

بارت التاسع والثلاثون

لبوة على شفا الثأر

                                     بقلمي :leo Alfatlawi

Ins:le_m3r
بارت التاسع والثلاثون

رفعت راسي عيني اجت بعين غيث شفت بهيه نضره حيره اشرتله لا دنگ ماحجه ولاعترض

عرفت متفقين ومقررين

كمت طلعت صارت بوجهي اسماء ضحكت وعضت شفتها

رحت  بره احس كلبي يريد يطلع من مكانه
كعدت خليت ايدي على كلبي مستحيل غيث يسويها اي هو يحبني ويعرف راح نفترق اذا صار هالشي

حسيت ايد على متني انداريت لكيته واكف كمت كمشته من صدره كلتله لاتقبل

--اثنينهن بيهن بعدنه واني اختاريت

--غيث وعدتني

--واني عد وعدي

--يعني شنو

--الثار وگع عليه واني الراح اخذو

--راح يكتلوك

-- اعرف اخلص روحي

--ماراح تكدر غييث راح اتموت قبل لاتفكر  حتى اشلون اتخلص نفسك

--نفترگ بالموت اهون من فگدج بكسره

--خلي ننهزم اترك الثار

--المات اخوي والراح ينجتل اخوي الثاني اذا اتحركت

--واني

--انتي عايشه بروحي

--ليش هيج دتسوي بيه

--كلتلج حياتي غير رديتي ميهمني كلتلج ماراح تتحملين عيشتي رديتي كدها هاي ناي عيشتي ثارت ودم وشغل بالممنوع

-- جان مخليتني اتعلق بيك هيج ولااحبگ هالكد 

--ماخليت درب مادخلتو لخاطر اكرهج بيه بس ربي كاتب لكلوبنا تنجمع غصبا عنه

--هاي هيه قررت وحدك هيج تتركني وتموت بساطه لعد وين ماراح اتركج راح اكونلج سند غيث تعرف ماعندي غيرك

--واني عد جلمتي  ماتركج اذا ماخليلج سند  تنسندين عليه عمرج بطولو راح تعيشين احلى عيشه وتربين ابنه راح يكون عندج مستقبل وتحققين شكو حلم جنتي تحلمين بي

--مارايده كلشي رايدتك انت غيث لاتكسرني بموتك تدري بيه ماكدر اعيش بعدك

-- يولي ماراح اموت وحتى لو انقبرت عرفتج قويه ميهزج شي وراح تضلين هيج

--قويت بيك اذا تركتني اضيع

--ما اتضيعين جدتي راح تضل وياج واركان راح يكون مساندج اختج بحضنج مثل ماجنتي رايده  وبس تولدين شكو املاك راح تتحول بأسم ابنه

-- ماطول هيج رخيصه بنظرك وماهامك وجع كلبي وروح عاشق بس اتفكر تخطي خطوه من الباب قبل حتى لاتاخذ ثارك راح انهزم