السيره النبويه

١٥ : الجزء الخامس عشر

1️⃣5️⃣
#السيره_النبويه ١٥
بص انت هتمشي من هنا ،، وانت هتخرج من هنا ،،
وانت تراقب المكان من هنا ،،
ونخرج من هنا ،،
ونتقابل هنا ،،

اتفقنا ،،
اتفقنا إن شاء الله 🤝

بعد ما المسلمين رجعوا مكة لما سمعوا إن مكة أسلمت ،، وعرفوا إن الخبر اللي سمعوا به دة كان إشاعة ،،

وكان من ضمن اللي رجعوا تاني مكة " عثمان بن عفان ،، وزوجته رقية بنت النبي ﷺ ..

الكفار اشتدوا في العذاب على المسلمين ،، وحاصروهم عشان يمنعوهم من إنهم يهاجروا برة مكة ،، لما النبي ﷺ أمر بالهجرة للمرة الثانية للحبشة ،،

فبدأ المسلمين يحطوا خطة عشان يخرجوا بيها من مكة ،،
واختاروا قائد ليهم ،،

كان القائد بتاعهم دة : هو جعفر بن أبي طالب ،،
اللي هو ابن عم النبي ﷺ

بعد ما رسموا خطة ،، قرروا انهم يتوكلوا علي الله ،،

وفعلا قدروا يخرجوا من مكة من غير ما حد من الكفار يمسكهم 💪

كام شخص هاجر للحبشة في الهجرة التانية !؟

= هاجر ثلاثة وثمانون رجل ،، وتسعة عشرة امرأة ،،
غير الأطفال طبعاً ..

من ضمن اللي هاجروا إلى الحبشة :

= أم حبيبة رملة بنت أبي سفيان ،،
= أبو حذيفة بن عتبة بن ربيعة ،،
= فِراس بن النضر بن الحارث ،،
= هشام بن العاص بن وائل ،،

وآباءهم من كبار قريش 👆 اللي أصلا بيعذبوا المسلمين ،،

يعني هما لم يؤمنوا ،،
لكن ربنا عزوجل أخرج من أصلابهم اللي يؤمن بالله وبرسوله ﷺ

تاني يوم ،،
الكفار صحيوا لقوا أبناءهم هاجروا إلى الحبشة ،، وكمان هاجر معاهم عدد كبير جداً من مكة !!

أهل مكة يسكتوا !؟
لأ طبعاً !

اتفقوا إنهم يتفاوضوا مع النجاشي ملك الحبشة عشان يرجع المسلمين تاني لمكة ..
لكن لازم التفاوض يكون بطريقة ذكية ،،
لأن ملك الحبشة ملك عادل مش بيظلم حد ،،

فاختاروا أذكي اتنين واحد يقدروا يروحوا للنجاشي ،، وهو عمرو بن العاص بن وائل أخو هشام بن العاص إللي أسلم وهاجر للحبشة ..
واختاروا معاه كمان ،، عبد الله بن ربيعة أخو عباس بن ربيعة اللي هاجر للحبشة ،،

وقرروا ياخدوا هدايا وتكون غالية جداً عشان يقدروا يتفاوضوا مع النجاشي ..

فأخذ عمرو بن العاص وعبد الله بن ربيعة الهدايا وراحوا الحبشة ،،

أول ما وصلوا قالوا الأول نعطي هدايا لكبار رجال الحكم من النصارى إللي بيقعدوا مع النجاشي ،،
وكان اسمهم " البَطَارِقة "

طب ليه اعطوهم هدايا !؟
= عشان يضمنوا إن الناس دي هتكون في صفهم ضد النجاشي ..
أو علي الأقل ميجوش عليهم ويكونوا على الحياد ،،